notts county

I kërkoi t’i kthente nderin pas 116 vitesh, Juve i përgjigjet anglezëve

Sport Ekspres — Sat, 27 Jul 2019 14:07:40 +0000

Klubi i League Two, Nots Kaunti është në vështirësi të thella financiare dhe është zhytur në borxhe, duke mos pasur mundësi as të sigurojë bazën materiale. Në vitin 1903, ata i dhuruan bluza bardhezi Juves, që deri atëherë luante me këmisha rozë me kravatë. Torinezët kërkuan ndihmë te anglezët.

Nots Kaunti e pranoi kërkesën dhe nisi uniformat nga Notingemi në Torino. Këtë borxh që “Zonja” ka ndaj tyre, ata kërkojnë që t’ia kthejnë tani. Direkt pas kësaj kërkese ka ardhur përgjigja e drejtuesve bardhezinj.
Mediet italiane raportojnë se Anjeli ka firmosur një mandat, ku i kërkon “Adidas” të kompletojë me bazë materiale klubin anglez. Veshjet janë nisur drejt Notingemit, por Nots Kauntit i është dashur ta anulojë këtë marrëveshje.

Kjo ka ndodhur për shkak të një gjobe të mundshme që mund të merrnin nga sponsori i tyre, “Puma”. Kjo e fundit e ka rinisur furnizimin me uniforma të reja, pasi klubi doli ditën e djeshme nga kolapsi. Një biznesmen danez është pronari i rii Nots Kaunti.

“E mbani mend historinë?”, klubi anglez i drejtohet Juves për ndihmë

Sport Ekspres — Sat, 27 Jul 2019 08:03:03 +0000

Nga viti 1897 deri në vitin 1903 Juventusi vishej me këmisha ngjyrë rozë me një kravatë të zezë si të ishin duke punuar kamarierë. Këto uniforma ishin një problem. Nuk ishin material i mirë dhe kur laheshin i dilte boja e hynin në ujë. Gjithashtu ishte shumë e vështirë të luaje lirshëm. Një nga anëtarët e klubit, Savage kishte një mik në klubin anglez të Nots Kaunti.
Ai i kërkoi atyre të siguronin disa uniforma cilësore dhe elastike për djemtë e ekipit të tij sepse nuk kishin mundësi financiare për t’i blerë vetë. Klubi nga Notingemi e pranon kërkesën. I paketon bluzat e i nis drejt Torinos. Fanellat ishin me ngjyrat bardhezi dhe që atëherë Juve luan me ato ngjyra.
Sot 116 vite më pas, Nots Kaunti është në vështirësi të thella financiare. Ka një broxh prej mbi 200 mijë paundësh tek autoritetet angleze dhe nuk ka para as për të siguruar bazën materiale. Drejtuesit e klubit të League Two kanë nisur një kërkesë drejt Juventusit:

“Meqenëse Notsi i dha Juventusit bluza bardhezi në vitin 1903, me shumë mundësi do të na ndihmojnë. Besoj nuk e kanë harruar historinë. Ka pasur një lidhje të shumë të ngushtë mes dy klubeve. Me krizën që jemi, lojtarët po luajnë akoma me bluzat e vjetra. Do të ishte një gjest fantastik nëse Juventusi do na kthente nderin 116 vite më pas. Do ua dinim shumë për nder nëse lojtarët do pajiseshin me uniforma të reja sezonin e ardhshëm”, u shpreh Liliam Grenud, drejtues i klubit.

Grenud pret që klubin ta marrë një biznesmen danez për të paguar më pas borxhin. Megjithatë, me këtë deklaratë pritet të prekin “telat” e drejtuesve të Juves. Nuk mund ta përjashtojmë edhe idenë e pagesës së borxhit, duke parë fuqinë që ka një klub si “Zonja”. Aq para i merr Ronaldo për tre ditë.

DENIS LALA

Postoi foto intime në rrjetet sociale, federata gjobit pronarin e klubit anglez

Sport Ekspres — Mon, 28 Jan 2019 09:31:16 +0000

Një ngjarje mjaft e çuditshme por merr hapësira të konsiderueshme në faqet e gazetave sportive në Angli. Pronari i klubit të Nots Kauntit, Alan Hardi, është vënë në qendër të kritikave, pasi postoi në llogarinë e tij në “Twitter” një foto të organeve gjenitale.

Edhe pse biznesmeni tentoi ta fshinte pas pak minutash foton, dëmi ishte bërë dhe lajmi kishte marrë dhënë. Federata angleze ka hapur një hetim për këtë çështje dhe pritet që Hardi të gjobitet.

Ndoshta nuk është rastësi që në të njëjtën ditë, Hardi, vuri në shitje klubin. Pra në vetëm 24 orë tifozët e Nots Kauntit kanë marrë lajme nga më të çuditshmet për pronarin e ekipit që ata mbështesin.