VIDEO | Historike, një 19-vjeçar shkatërron rekordin e legjendës Phelps

Sport Ekspres — Wed, 24 Jul 2019 13:57:37 +0000

Notari hungarez Kristof Milak ka befasuar të gjithë duke thyer rekordin botëror në garën e 200 metrave stil flutur. 19-vjeçari regjistroi një kohë prej 1:50.73, duke thyer rekordi e mbajtur prej më shumë se 10 vitesh nga legjenda amerikane Michael Phelps me 0.78 sekonda, diferencë kohore kjo jashtëzakonisht e madhe për këtë lloj disipline sportive.

Hungarian Kristof Milak, 19 years old, shatters Michael Phelps' 200m butterfly world record by .78 of a second at swimming worlds. pic.twitter.com/z8mG4Pjv3B

— Nick Zaccardi (@nzaccardi) July 24, 2019

Arritja e hungarezit bëhet akoma më pabesueshme po të merret parasysh fakti se rekordi i Phelps u vendos me kostumet “super suit”, produkte këto që prej disa vitesh konsiderohen ilegale nga trupat qeverisës së sportit të notit.

Paraqitjet më të mirë të të gjitha kohërave në 200 metra stil flutur

Kristof Milak (HUN), 1:50.73 – 2019

Michael Phelps (USA), 1:51.51 – 2009

Michael Phelps (USA), 1:52.03 – 2008

Michael Phelps (USA), 1:52.09 – 2007

Michael Phelps (USA), 1:52.20 – 2008

Flet legjenda e notit, Felps: Ja si i shpenzova 1 milionë dollarët që fitova në Pekin…

Sport Ekspres — Tue, 21 Aug 2018 17:43:52 +0000

Para 10 vitesh, Majkëll Felps mahniste botën e sportit duke fituar 8 medalje të arta në Lojërat Olimpikë të Pekinit. Legjenda e notit numëron 28 medalje Olimpike nga të cilat 23 ari. Me anë të një postimi në rrjetet sociale, 33-vjeçari tregon se si shpenzoi 1 milionë dollarët që fitoi si bonus për medaljet e fituara.

“10 vite më parë, pasi fitova 8 medalje ari në Pekin, mora një bonus prej 1 milionë dollarësh. E kisha të qartë se çdo bëja me këto para dhe krijova fondacionin Majkëll Felps. Fondacioni merret me mësimin e rëndësisë së sigurisë nga uji dhe mënyrën e jetesës së shëndetshme dhe aktive. Që kur kuptova rëndësinë e shëndetit tim mendor, kemi punuar shumë për implementimin e një komponenti në vetëdijen e shëndetit mendor. Jam shumë krenar për arritjet e fondacionit tim, por kemi akoma shumë punë për të bërë”, shkruan notari amerikan në “Insta”.

Në janar të këtij viti, Felps pranoi se kishte kaluar momente depresioni dhe kishte menduar vetëvrasjen. Në një prononcim për “CNN”, kampioni i notit pohonte problemet e tij psikologjike dhe njeriun që nuk e la kurrë vetëm.

“Dy ose tri javë më parë, kam kaluar një moment të vështirë depresioni, por kjo është diçka që do të vazhdojë të ndodhë në jetën time. Gruaja më ka mbështetur gjithmonë, ajo është gjithçka për mua dhe personi që mban me këmbë në tokë”, përfundon kampioni olimpik, i cili në vitin 2016 u tërhoq përfundimisht nga garat e notit.

10 years ago after winning 8 golds in Beijing I received a million dollar bonus. There was one thing and one thing only that I wanted to do with that bonus. I started the @mpfoundation ! At the Michael Phelps foundation we are working to teach the importance water safety and how to live healthy and active lifestyles. And since becoming aware of the importance of my own mental health we have worked hard to add a mental health awareness component. I’m incredibly proud of how far my foundation has come, but there’s still more work to be done!!!

A post shared by Michael Phelps (@m_phelps00) on Aug 20, 2018 at 9:14am PDT