Norwich

Zyrtare | Sulmuesi i Gladbah largohet, zbarkon në Premier League

Sport Ekspres — Tue, 25 Jun 2019 17:54:41 +0000

Josip Dërmiç nuk do të vazhdojë të jetë pjesë e Borusia Monçengladbah. Zvicerani ka mbyllur kështu pas tre vitesh bashkëpunimin me klubin gjerman. Ai do e vazhdojë karrierën e tij në Premier Ligë me të sapongjiturit në elitën e futbollit ishullor, Noruiç.

Ekperienca e tij me Borusian ka qenë tepër e vështirë për shkak të dëmtimeve. Në tre vite ai numëron vetëm 54 paraqitje dhe shtatë gola. Në deklaratën e lamtumirës 26-vjeçari shprehet: ”Edhe pse nuk kam luajtur shumë këtu, kam ndjerë një ambjent të ngrohtë. Largohem me shumë kujtime të mira. Një sfidë e re më pret në Premier Ligë”.

Divizioni i dytë më i bukur në botë: Noruiçi kampion, Lampard kundër Bielsas në play-off

Sport Ekspres — Sun, 05 May 2019 14:03:47 +0000

Është mbyllur sot sezoni i rregullt në Championship në Angli, kategoria e dytë në e bukur, më e fortë dhe më e pasur në planet.

Verdiktet ishin dhënë thuajse të gjitha që javën e shkuar: Noruiçi dhe Shefild Junajtid shkojnë direkt në Premier Ligë, ndërkohë që Noruiçi është shpallur kampion, pas fitores 2-1 sot në fushën e Aston Vilës.

? #ncfc pic.twitter.com/di192RBOfw

— Norwich City FC (@NorwichCityFC) May 5, 2019

Ndërkaq, lajmi i ditës ka qenë kualifikimi për në play-off i Derbi Kauntit, që drejtohet nga Frenki Lampard. Me pak vuajtje, Derbi mundi 3-1 Uest Bromin dhe fitoi duelin në distancë me Midëllsbrou, që mbetet jashtë gare për një vend në Premier Ligë.

Pas pak ditësh do të luhen gjysmëfinalet dhe janë sfida të mrekullueshme: Lidsi i Marcelo Bielsës do të sfidojë Derbin, ndërsa Uest Bromi do të ndeshet me Aston Vilën. Fituesit do të ndeshen në Wembley për një vend në Premier Ligë.

Historikisht në play-off ka pasur shumë surpriza dhe favoritët rrallë kanë triumfuar. Lidsi në këtë moment duket i rrënuar fizikisht, Derbi ka shumë entuaziazëm, Aston Vila ka ekipin dhe mesfushën më të mirë, Uest Bromi ka goxha eksperiencë në ekip.

Standings provided by Sofascore LiveScore

Në Angli tregohen kreativë, boja rozë “arma” më e fundit

Sport Ekspres — Mon, 20 Aug 2018 17:26:44 +0000

Klubi i Noruiç Sitit ka gjetur një mënyrë kreative për t’i dhënë vetes një avantazh sado të vogël ndaj ekipeve kundërshtare. Drejtuesit e klubit anglez kanë vendosur të lyejnë dhomat e ekipit mysafir me ngjyrë rozë, pasi kjo mund të ndikojë për keq në gjendjen psikologjike të lojtarëve, duke i ulur atyre motivimin.

Drejtori sportiv i Noruiçit, Stjuart Ueber, u tha fansave se klubi u konsultua me psikologë me eksperience për marrjen e këtij vendimi, që është komfort rregullave të vendosura nga federata.

Taktika e lyerjes së dhomave të veshjes me ngjyrën rozë i ka fillesat në futbollin amerikan, ku është kthyer në modë, pasi janë të shumta ekipet që i provokojnë skuadrat mike më këtë taktikë. Megjithatë shumë vetë janë skeptikë mbi efektin që ngjyra në fjalë ka te mendjet e lojtarëve.