norkoping

Dy muaj jashtë, Binaku shijon minutat e para pas dëmtimit

Sport Ekspres — Fri, 19 Jul 2019 12:21:16 +0000

Egzon Binaku nuk e ka nisur siç duhet aventurën e tij te skuadra e Norkoping. Në javët e para mbrojtësit shqiptar iu desh të rifitonte nivelet e duhura të fitnesit, ndërsa sapo kishte filluar të fuste këmbët në formacion, një dëmtim muskulor në fund të majit e ka mbajtur për më shumë se dy muaj jashtë fushave të blerta.

Megjithatë, duke se momenti i keq ka kaluar për mëngjarashin. Në dy përballjet e vlefshme për raundin e parë të kualifikueseve të “Europa League” ndaj irlandezëve të Seint Patriks, Binaku është aktivizuar si rezervë duke zëvendësuar finlandezin Skrab në krahun e majtë të mbrojtjes.

Skrab, i cili është mbrojtësi titullar në krahun e majtë, ka tërhequr interesin e klubeve jashtë Suedisë dhe një transferimin i tij në muajin gusht është mëse i mundshëm. Largimi i finlandezit do ishte një shtysë për mbrojtësin e kombëtares sonë, i cili në këtë skenar do ta ketë akoma dhe më të lehtë për të siguruar një vend titullari.

Lajme të mira nga Suedia, mbrojtësi shqiptar lë pas dëmtimin

Sport Ekspres — Tue, 02 Jul 2019 15:11:23 +0000

Muajt e parë të Norkoping kanë rezultuar shumë problematike për Egzon Binakun. Mbrojtësi i kombëtares shqiptare ka pësuar dëmtime të njëpasnjëshme, çka kanë bërë që të aktivizohet vetëm tri herë më nënkampionët e Suedisë.

Pas 6 javësh në proces riaftësimi, Binaku është rikthyer të luajë më fanellën e Norkoping. Mëngjarashi luajti për 60 minuta në fitoren 3 – 0 të ekipit rezervë ndaj Eskilstunës.

Në javët në vazhdim pritet që mbrojtësi të fillojë integrimin në ekipin e parë, ku ende nuk ka mundur të zërë një vend fiks në formacionin titullar.

Debutimi po vonon, Binaku shuan heshtjen dhe tregon problemin

Sport Ekspres — Wed, 01 May 2019 18:20:16 +0000

Egzon Binaku u transferua një muaj më parë te skuadra e Norkoping. Minutat për shqiptarin te Malmo ishin të pakta dhe kalimi në një ekip të një stature më të vogël u gjykua si vendimi i duhur nga vetë lojtari dhe klubi.

Mirëpo 23-vjeçari ende nuk ka debutuar me ekipin e ri pas tri ndeshjes në stol. Në një intervistë për mediet suedeze, mbrojtësi i krahut të majtë ka shkak për këtë ka qenë forma e dobët dhe se për momentin është aktivizuar në dy ndeshje të ekipti rezervë.

“Po mundohem të rikthehem në formën e duhur fizike si dhe të njoh më mirë sistemin e lojës. Kam vetëm një muaj që kam ardhur këtu. Trajneri dhe stafi nuk duan të më vënë në stres. Kur të jem gati do të vijë momenti im. Tani ndihem mirë.”, përfundoi Binaku.