Nikolo Barela

Barela firmos kontratë të re, Interi ka vetëm një “shteg”

Sport Ekspres — Fri, 05 Jul 2019 17:22:30 +0000

Ardhja e Nikolo Barelas në Milano sa vjen e bëhet më e vështirë. Lojtari ka shprehur dëshirën të transferohet te Interi, nëse drejtuesit zikaltër duhet të kënaqin dëshirat e klubit të tij të lindjes. Kaljari nga ana e tyre i dinë vlerat e paçmueshme të lojtarit që kanë në pronësi dhe kanë për qëllim të fitojnë sa më shumë prej tij.
Presidenti i Kaljarit, Tomaso Xhuliani po bën gati një kontratë të re me Barelan. Në këtë marrëveshje, mesfushori do të ketë një rrogë të dyfishuar dhe ç’është më e rëndësishmja, klauzola e largimit të 22-vjeçarit do të jetë 50 milionë euro.

Kjo ide bëhet perfekte duke i shtuar faktin se lojtari është dakort me propozimin e presidentit të klubit që e rriti. Interi nuk ka shkuar më shumë se 40 milionë, të ndara me 36 milionë në dorë dhe 4tv tjera si bonuse. Kaljari nuk negocion me një propozim nën 50 milionë. Çështja Barela vështirësihet çdo ditë e më shumë për Marotën.

Nikolo Barela

Interi nuk do asnjë yll të madh, ja strategjia dhe prioriteti i tyre

Sport Ekspres — Fri, 07 Jun 2019 17:54:55 +0000

Lojtarë të rinj, me shumë cilësi, që premtojnë për të tashmen dhe të ardhmen. Kjo është strategjia e zgjedhur nga Interi për të ringritur emrin e madh të kësaj skuadre. Milanezët kanë hequr dorë nga kërkimi i yjeve të afirmuar, por me një moshë të madhe si Luka Modriç apo Rakitiç dhe është përqëndruar te lojtarët e rinj.

Nikolo Barela është objrktivi parësor në kampin zikaltër për këtë merkato. Interesi i tyre ka qenë i vazhdueshëm që nga merkato e dimrit, por pa arritur të gjejnë një akord me Kaljarin. Sipas “Calciomercato”, Bepe Marota dhe Pier Auzilio do të hidhen në sulm me të gjitha energjitë e tyre për të sjellë në “San Siro” 22-vjeçarin.

Nikolo Barela

Lojtari nga ana e tij ka lënë të kuptohet se është i hapur për një transferim në Milano. Ende nuk ka një ofertë konkrete nga zikaltrit, pasi deri tani ata kanë tentuar një zgjidhje tjetër. Kanë ideuar një shkëmbim mes një apo dy talentesh të akademisë, plus një shumë e vogël parash me Barelën. Megjithatë, Kaljari e ka hedhur poshtë këtë opsion. Ata dëshirojnë sa më shumë para në këmbim të diamantit të tyre.

Barela: Nuk luaj për Ferrari, ja ku ngjaj me Naingolan

Sport Ekspres — Sat, 20 Oct 2018 11:24:06 +0000

Nikolo Barela, pjesë e Kaljarit, ka rënë në sytë e shumë klubeve të mëdha. Mesfushori me shumë mundësi në verë do të transferohet në ndonjë klub tjetër dhe tregon se nuk trembet prej faktit që tifozët mund ta konsiderojnë tradhtar në momentin që do të larohet.

“Nuk kam frikë nga kjo, pasi nëse unë do të duhet ta lë Kaljarin, nuk do të ndodhë për para. Do iki vetëm për ambicie”, shprehet Barela, i cili më tej tregon se nuk ndien presion prej faktit që njerëzit presin shumë nga ai.

“Të ndihesh pjesë e një populli nuk është barrë, por krenari. Më shumë se të tjerët unë gëzohem kur fitojmë dhe vuaj kur humbim. Unë e di që njerëzit duan gjithnjë e më shumë prej meje, por edhe duhet ta dinë që edhe kur luaj keq kam dhënë gjithçka”, ka shtuar mesfushori në “SportWeek”, shtojcë e “Gazetta dello Sport”.

Barela është vetëm 21 vjeç dhe thekson se kalimi në një klub më të madh nuk do ta ndryshojë atë si njeri: “Jam i sigurt që do të mbetem i njëjtë edhe nëse shkoj të luaj diku tjetër. Mua nuk më intereson Ferrari apo shtëpitë luksoze. Heq fiksimet e mia, por nuk luaj futboll për të blerë makina të bukura. Kur të fitoj mjaftueshëm për të blerë Ferrarin, ndoshta do ta blej atë. Por unë nuk jetoj për këtë”.

NGJASHMËRIA ME NAINGOLAN – “Ekziston një interpretim i njëjtë i lojës, pasi asnjëri nga ne nuk lëshon pe në fushë. Është edhe mënyra se si rrëshqasim për ta marrë topin, por ai është më i fortë fizikisht”.

UNË INTERIST? – “Jo, nuk bëj tifo për Interin. Gjithmonë kam mbështetur Kaljarin, por në shtëpinë time të gjithë janë interistë dhe kur isha fëmijë lumturohesha kur ata fitonin”.