Nikolas Pepe

E padëgjuar! Nikolas Pepe ka akord paraprak me katër klube

Sport Ekspres — Fri, 26 Jul 2019 20:29:51 +0000

Nikolas Pepe është një nga diamantet e mbetura në merkato, që akoma nuk e ka vulosur të ardhmen e tij. Duke parë se talentet e mëdhenj po sistemohen, klubet e mëdha po mësyjnë për të siguruar shërbimet e yllit nga Bregu i Fildishtë.

Mediet italiane raportojnë se lojtari ka gjetur akordin me katër klube. Arsenal, Liverpul, Napoli dhe Inter kanë rënë dakort në parim. Një rast i çuditshëm ky, duke parë që është i pavendosur dhe me shumë mundësi do të krijojë një betejë të madhe.

Nëse Pepe ka rënë dakort me të gjithë klubet që e kërkojnë, atëherë lojtarin e merr ai që ofron më shumë për afrikanin. Një rast mjaft i vështirë, që i jep një dorë të madhe Liles të përfitojë një shumë faraonike nga shitja e tij. Ankandi nis me 80 milionë euro.

Transferimi i Hames dështoi, goditja e madhe e Napolit vjen nga Franca

Sport Ekspres — Thu, 25 Jul 2019 15:10:48 +0000

Sulmuesi i skuadrës së Lilës, Nikolas Pepe, është kthyer në një ndër lojtarët më të kërkuar në Europë në harkun e një sezoni. Mëngjarashi mbylli një sezon fantastik, ku regjistroi 23 gola dhe 11 asiste që ndihmuan Lilën në renditjen në vendin e dytë të kampionatit francez.

Paraqitjet e mira të 24-vjeçarit sollën vëmendjen e klubeve si Bajerni i Mynihut dhe Mançester Junajtid, por kandidati favorit për të marrë shërbimet e lojtarit nga Bregu i Fidlishtë është Napoli.

Mediet italiane raportojnë se agjenti i lojtarit ndodhet në qytetin italian, ku po finalizon marrëveshjen me presidentin Aurelio De Laurentis. Te Napoli krahu i djathtë i sulmit mbahet prej vitesh nga spanjolli Joze Kajehon, por pas shtatë sezonesh në Itali paraqitjet e 32-vjeçarit kanë pësuar një rënie të natyrshme.

Drejtuesit e Lilës nuk ngopen lehtë, refuzojnë 80 milionë euro

Sport Ekspres — Wed, 24 Jul 2019 10:16:48 +0000

Presidenti i Lilës Gerard Lopez ka refuzuar një ofertë të çmendur për kartonin e sulmuesit anësor Nikolas Pepe. Anglezët e Mançester Junajtid ofruan një çek prej 80 milionë eurosh për shërbimet e 24-vjeçarit, por edhe kjo shumë marramendëse nuk ka mjaftuar.

Mediet franceze raportojnë se Lopez pretendon të përfitojë një shumë akoma më të lartë nga shitja e lojtarit nga Bregu i Filidishtë. Pepe ishte një ndër lojtarët më të mirë në Francë gjatë vitit të kaluar, ku mbylli sezonin me 23 gola dhe 11 asiste.

Për shërbimet e Pepe ishte i interesuar dhe Bajerni i Mynihut, por kërkesat e larta të klubit francez bënë që kampionët e Gjermanisë të dilnin nga gara. Fati i mëngjarashit do të mësohet në ditët në vijim.

https://www.youtube.com/watch?v=TRPAI-rsqcc

Lajm i keq për Interin, ylli i Ligue 1 “injoron” zikaltrit

Sport Ekspres — Sat, 29 Jun 2019 19:18:48 +0000

Nikolas Pepe është një “xhevahirët” që akoma nuk ka dalë nga “miniera”. Për talentin afrikan interesohen një sërë skuadrash. Megjithatë, sipas raportimeve të “L’Equip” ai ka vetëm një dëshirë në mendje. 24-vjeçari i Lile ka objektiv të transferohet te PSG. Ai është ambientuar në Francë dhe nuk i pëlqen të shkojë në një shtet tjetër, ku do duhet t’ja niste nga fillimi.
Sulmuesi është në pritje të ofertës pariziene për të bërë kapërcimin e madh të karrierës. Me këtë lajm, ka dëshpërim në palët e skuadrës së Interit. Zikaltrit ka muaj që janë vënë pas shërbimeve të Pepe. Marota e ka në krye të listës talentin nga Bregu i Fildishtë.

Mund të ketë ende një fije shprese nëse PSG nuk bën asnjë lëvizje për të blerë yllin e Liles. Ardhja e Leonardos ka ndryshuar strategjinë e merkatos dhe nuk është akoma e qartë nëse do hidhet në sulm për të siguruar shërbimet e Nikolas. Shitja e Nejmar pritet të jetë çelësi i ardhjes së Pepe në “Parc de Princes”.

Bajerni e ndan mendjen, nis sulmin final për zëvendësuesin e Roben

Sport Ekspres — Mon, 06 May 2019 13:39:09 +0000

Arjen Roben e kishte zyrtarizuar më parë largimin në fund të sezonit nga Bajerni i Mynihut. Rrugën e tij do e ndjekë edhe Frenk Riberi, me Bajernin që do të humbasë një dyshe të mrekullueshme që ka dhënë gjithçka në Bavari.

Për fat të keq koha nuk toleron askënd dhe të dy anësorët ofensive sot janë nga 35 vjeç holandezi dhe një vit më i madh francezi.

Drejtuesit e gjigantit gjerman kërkojnë zëvendësimin e tyre dhe njërin e kanë gjetur. I preferuari është Nikolas Pepe, i cili luan në qendër të sulmit, ndërsa bën mirë edhe rolin e sulmuesit të krahut të djathtë. Bajerni e ndjek prej kohësh 24-vjeçarin (i mbush me 29 maj) dhe ka gati ofertën e parefuzueshme për Lilën.

Nikolas Pepe

70 milionë euro janë në pjatë për klubin francez, që u rikthye pas disa vitesh mungesë në Champions. Sulmuesi nga Bregu i Fildishtë ka shënuar 20 gola dhe numëron 11 asiste deri tani, duke qenë një nga zbulimet më të bukura të sezonit në Francë.

Liverpuli shqetëson Interin, duel për afrikanin

Sport Ekspres — Tue, 23 Apr 2019 21:05:42 +0000

Nikolas Pepe është shndërruar në një nga lojtarët më të përfolur të merkatos. Me 19 golat e shënuar dhe 11 asistet e dhuruar me Lilen në këtë sezon, ai ka rënë në radarin e disa gjigantëve europian. Bajerni i Mynihut ishte shume pranë deri para pak kohësh, por tani nuk ka më zhvillime rreth tij në “Allianz Arena”.

Çelsi po shfaq më shumë interes për momentin në drejtim të tij. Pas londinezëve qëndron Interi. Italianët e kanë futur edhe lojtarin nga Bregu i Fildishtë në listën e tyre të objektivave. Gjithsesi, 23-vjeçari duket një ëndërr për ekipin e Spaletit sepse në garë është futur edhe Liverpuli.

Të kuqtë kanë treguar se nuk e kanë problem të paguajnë shuma të majme për lojtarë me vlerat e Nikolas Pepe. Ylli i Lile do të ishte një ndërhyrje shumë cilësore në merkato për Klop. Shifra e ankandit për të fillon nga 60 milionë eurot.

VIDEO | Ylli i ri i Lilës, goli i fundit është një perlë

Sport Ekspres — Fri, 01 Feb 2019 22:06:22 +0000

Nikolas Pepe është një emër që disa prej mund ta kenë dëgjuar gjatë javëvë të fundit. Sulmuesi anësor i skuadrës së Lilës po zhvillon një sezon fantastik me 16 gola të shënuar dhe tetë asiste në 23 takime.

Të tilla paraqitje natyrshëm që sjellin interes nga klube elitare, që duan ta bëjnë të tyrin fenomenin 23-vjeçar të kampionatit francez. Gjithsesi është e sigurt se gjatë muajve të verës, në zyrat e klubit ngta veriu i Francës do të ketë shumë vizita për lojtarin në fjalë.

https://twitter.com/GFFN/status/1091445045360762880

Së fundmi mëngjarashi shënoi një gol spektakolar në fitoren 4 – 0 ndaj Nicës së Patrik Vieras. Topin e merr në këmbë nga vija e mesit në fushë, vrapon me një shpejtësi skëterrë dhe më pas përdor “armën” e tij më të fortë, këmbën e majtë dhe gjen rrugën e rrjetës. Disa e krahasojnë me Tierri Henrinë për nga stili i lojës, sigurisht gola të tillë në kujtojnë ato të francezit, vetëm se më këmbën e kundërt.

Ylli i ri i kampionatit francez, drejtori bën të ditur çmimin e Nikolas Pepes

Sport Ekspres — Sun, 23 Dec 2018 19:59:53 +0000

Nikolas Pepe është lojtari që po spikat më së shumti në këtë sezon të kampionatit francez. Sulmuesi i krahut të djathtë ka shënuar 12 gola deri më tani, çka ka sjellë dhe interesimin e shumë klubeve elitare, ndër to Bajerni i Mynihut dhe Arsenali.

Në një intervistë për “Telefoot”, drejtori sportiv i skuadrës së Lilës, tha se Pepe mund të largohet për vetëm 80 milionë euro nga klubi në veri të Francës. Lojtari i lindur në Francës, por me origjinë nga Bregu i Fildishtë u ble nga Lila në verën e 2017-ës për 10 milionë euro.

Viti kalendarik 2018 ka qenë më i suksesshmi për 22-vjeçarin, pasi ka regjistruar 21 gola dhe tetë asistime. Në kampionatin francez vetëm dy lojtarë kanë bërë më mirë se ai në këtë aspekt holandezi Memfis (16 gola, 15 asistime) dhe francezi Tovin (25 gola, 7 asistime).

Buts + passes décisives en Ligue 1 sur l'année 2018 :

32 ?? Thauvin (25 buts + 7 passes d.)

31 ?? Memphis (16+15)

29 ?? Pepe (21+8)

28 ?? Neymar (19+9)

24 ?? Cavani (19+5)

23 ?? Payet (8+15)

22 ?? Mbappé (18+4)

21 ?? Sala (17+4)

20 ?? Di Maria (12+8)

19 ?? Traore (15+4)

— Actu Foot (@ActuFoot_) December 23, 2018

Arsenal bën gati milionat, ofertë konkrete për zbulimin e Ligës 1

Sport Ekspres — Wed, 19 Dec 2018 10:27:16 +0000

Arsenalit i ka ecur gjithmonë me tregun francez të lojtarëve dhe “topçinjtë” kërkojnë të bëjnë të njëjtën gjë. Klubi anglez ka hedhur sytë nga Liga 1 dhe “Daily Mirror” zbulon objektivin kryesor të Unai Emeri për repartin ofensiv.

Ai është Nikolas Pepe, sulmuesi nga Bregu i Fildishtë i Lilës. 23-vjeçari është një nga zbulimet më të bukura të këtij sezoni në Francë, ndërsa ka shënuar 12 gola në kampionat deri më tani. Afrikani kryeson renditjen e golashënuesve, bashkë me Kilian Mbape dhe argjentinasin Sala të Nantës.

Arsenali ka gati 50 milionë euro për të bindur Lilën, që ka zhvilluar një kampionat fantastik dhe renditet e dyta në kampionat për momentin. Pepe ka dhe oferta të tjera nga Anglia, por Arsenali ndodhet në avantazh dhe dëshiron ta mbyllë sa më shpejt blerjen e zbulimit të këtij sezoni.