Nikola Stijepovic

U largua nga Kastrioti, mbrojtësi përfundon në Gjeorgji

Sport Ekspres — Tue, 08 Jan 2019 18:04:59 +0000

Kastrioti dhe mbrojtësi Malazez, Nikola Stijepoviç, ndërprenë dy ditë më parë me konsensus marrëveshjen dhe 25-vjeçari doli në treg si lojtar i lirë. Ditën e sotme, mëngjarashi është prezantuar si lojtari më i ri i skuadrës së Torpedo Kutaisit, ekipi gjeorgjian që eliminoi Kukësin në verë në fazën kualifikuese të “Europa League”.

Stijepoviç iu bashkua Kastriotit gjatë merkatos së verës nga ekipi kampion i kampionatit Malazez, Sutjestka. Futbollisti 25-vjeçar ishte një ndër lojtarët kyç të skuadrës krutane, duke u aktivizuar në 17 takime, 16 prej të cilave si pjesë e formacionit titullar.

Kastrioti njeh veç largime, zyrtarizohet lëvizja e radhës

Sport Ekspres — Sun, 06 Jan 2019 10:29:03 +0000

Kastrioti ka njoftuar largimin e një tjetër titullari dhe ai është mbrojtësi i krahut të majtë, Nikolas Stijepoviç. I marrë nga Sutjeska, kampione vjet në Mal të Zi, mbrojtësi luajti rregullisht me krutanët dhe dha kontributin e tij për t’i shpëtuar fundit të renditjes.

Me përfundimin e pjesës së parë të sezonit ai ka kërkuar largimin dhe së fundmi ka marrë edhe lejekalimin. Bisedimet me drejtuesit e klubit për të ndërprerë kontratën kanë shkuar si duhet dhe palët kanë shtrënguar duart në fund.

Tanimë ka ardhur edhe njoftimi zyrtar për largimin e Stijepoviç: “KS Kastrioti njofton ndërprerjen e bashkëpunimit me mbrojtësin malazez Nikola Stijepoviç. Kontrata me mbrojtësin është ndërprerë me konsensus dhe klubi e falënderon lojtarin për kontributin e dhënë për fanellën tonë, dhe njëkohësisht i uron suksese Nikolës në karrierën e tij futbollistike”.

https://www.facebook.com/KSKastrioti/photos/a.1086691581447058/1989118014537739/?type=3&theater

Ikën edhe një titullar, Kastrioti gjen më në fund trajner

Sport Ekspres — Sat, 05 Jan 2019 09:35:31 +0000

Kastrioti ka zgjedhur trajnerin e ri pas largimit të durrsakut Stavri Nica. Do të jetë gjirokastriti Bledar Devolli, ai i cili do të drejtojë krutanët në pjesën e dytë të këtij sezoni futbollistik. Për Devollin kjo do të jetë eksperienca e dytë në elitë, pasie nisi kampionatin në krye të Kamzës.

Në të shkuarën ai ka drejtuar edhe Bylisin e Luftëtarin, ndërsa në muajin dhjetor dha dorëheqjen nga skuadra e Tomorit. Sot ai do të drejtojë seancën e parë stërvitore të Kastriotit. Synimi është mbijetesa në Kategorinë Superiore dhe kjo nuk do të jetë e lehtë.

LARGIMI I RADHËS – Deri më tani nga Kastrioti janë larguar plot 11 futbollistë dhe klubi krutan ka dalë me njoftim zyrtar. I radhës që e mbyll aventurën e tij në Superiore është mbrojtësi malazez Nikola Stijepoviç.

Mbrojtësi, i cili vjet doli kampion në Mal të Zi me Sutjeskën, ishte titullar me Kastriotin dhe tashmë duhet të gjejë tjetër ekip, pasi ka ndërprerë me marrëveshje kontratën.

Kastrioti, dy emra për krahun e majtë të mbrojtjes

Sport Ekspres — Mon, 09 Jul 2018 07:15:05 +0000

Kastrioti po kërkon me ngulm të përforcojë krahun e majtë të mbrojtjes dhe prej kohësh është shpallur si objektiv për këtë pozicion David Domgjoni, mbrojtësi prizrenas, i cili ka qenë pjesë e Tiranës dhe vjet u aktivizua në Kosovë me Lirinë e drejtuar prej Bledi Shkëmbi.

Më nisjen e përgatitjeve u prit që Domgjoni të vihej nën urdhrat e Elvis Plorit, por nuk ka ndodhur diçka e tillë. Krutanët kanë kërkuar zgjidhje të tjera dhe në miqësoren me Kukësin ishte i pranishëm malazezi Nikola Stijepoviç, kampion në Mal të Zi me Sutjeskën.

Stafi teknik e vëzhgoi nga afër dhe me shumë mundësi pritet të nënshkruajë gjatë kësaj jave. Futbollisti 24-vjeçar është aktivizuar në 14 takime me malazezët dhe tani kërkon të nisë një eksperiencë të re në Superiore. Por jo vetëm Stijepoviç kërkon t’i mbushë mendjen Elvis Plorit, pasi edhe Klajdi Broshka, i cili u largua nga Apolonia këtë verë, do të shihet me kujdes këto ditë dhe më pas do të vendoset për të.