Nikola Milenkoviç

Junajtid e Siti përplasin “brirët” në merkato, “xixa” për talentin 50 milionësh

Sport Ekspres — Sat, 05 Jan 2019 13:33:37 +0000

Mançester Junajtid dhe Mançester Siti njihen për rivalitetin e tyre të ashpër, sidomos në 10 vitet e fundit me ngritjen e “Citizens”. Ky rivalitet, shpesh i ka kaluar dhe kufijtë e fushës, teksa shpesh dy ekipet kanë përplasur “brirët” dhe në merkato. Një rast i tillë, po ndodh së fundmi, teksa dy klubet e Mançesterit, janë vënë pas mbrojtësit Nikola Milenkoviç.

Talenti i Fiorentinës, kërkohet me ngulm, sidomos nga Junajtid, të cilët e kërkonin që në kohën kur në krye ishte Zhose Murinjo. Gjithsesi, siç raportohet nga mediat italiane, në garë fuqishëm është futur dhe Siti, ku Guardiola e sheh si lojtarin e duhur, pasi serbi luan dhe në krahët e mbrojtjes përveçse në qendër.
Fiorentina kërkon të paktën 50 milionë euro për mbrojtësin, të cilin e transferoi nga Partizani i Beogradit për vetëm 5 milionë euro. Pritet me interes se si do të shkojë gara për 21-vjeçarin, teksa ekipi nga “Old Traford” e sheh si më emergjente përforcimin e prapavijës dhe mund të bëjë një sulm për Milenkoviç ditët në vijim.

Gjigantët gjermanë në garë për Milenkoviç, Fiorentina e qartë

Sport Ekspres — Fri, 26 Oct 2018 10:56:07 +0000

Nikola Milenkoviç është një nga lojtarët më të kërkuar. Mançester Junajtid e do, ndërkohë që edhe Juventusi po e ndjek me interes serbin e Fiorentinës. Vetëm 21 vjeç, por futbollisti i klubit vjollcë po spikat me paraqitjet e tij.

Tashmë për të ka nisur të interesohet edhe Bajerni i Mynihut, që ka ndërmarrë një hap konkret. Gjermanët kanë kërkuar informacion nga Fiorentina dhe për kartonin e Milenkoviç kërkohet shuma e 50 milionë eurove.

Italianët, duke parë çmimet që klube të tjera kërkojnë për lojtarët e tyre, kërkojnë të përfitojnë sa më shumë nga transferimi i mbrojtësit. Verën e shkuar paguan rreth 5 milionë euro për Milenkoviç te Partizani i Beogradit, klub që zotëron ende 20% të kartonit.

Plani i Juventusit, dy mbrojtës për t’u “blinduar”

Sport Ekspres — Tue, 16 Oct 2018 08:03:09 +0000

Juventusi kërkon të përforcohet në mbrojtje dhe po sheh elementë të rinj që të ofrojnë garanci për të ardhmen. Tashmë ka edhe emra konkretë lojtarësh që bardhezinjtë i duan. Në Itali sigurisht kampionët janë zgjedhje e parë për shumë futbollistë.

Gjithsesi për më të mirët duhet paguar, sikurse duhet bërë për Nikola Milenkoviç të Fiorentinës dhe Joakim Andersen të Sampdorias. Të dy të rinjtë po paraqiten mirë dhe kanë gjithë kohën e nevojshme përpara për t’u rritur dhe për t’u bërë kampionë.

Matijas de Ligt është lojtari tjetër që kërkohet, por për lojtarin e Ajaksit minimalisht duhen paguar 55 milionë euro. Ndryshon puna me serbin Milinkoviç. Nga Fiorentina mund të merret për 35 milionë euro dhe 20-vjeçari është një element që luan në disa pozicione të mbrojtjes.

Klubi vjollcë e ka blerë atë te Partizani i Beogradit për shumën e 5 milionë eurove dhe do derdhë te klubi serb edhe 10% të shumës së transferimit të radhës. Gjithsesi për Milenkoviç duhet thënë se konkurrenca është e madhe.

Sa i takon Andersen, i blerë për më pak se 2 milionë euro, Juventusi do të paguante edhe më pak. Danezi 22-vjeçar ka edhe tre vite kontratë me Sampdorian.

Murinjo e do me çdo kusht, as 60 milionë € nuk mjaftojnë

Sport Ekspres — Sat, 13 Oct 2018 09:56:55 +0000

Zhoze Murinjo kërkon përforcime për skuadrën e tij. Gjatë verës ai pati ankesa ndaj drejtuesve për ndërhyrjet e bëra dhe tanimë kërkon një lojtar për qendrën e mbrojtjes. Për këtë ai ndërmori një udhëtim drejt Malit të Zi.

Ai ndoqi takimin Mal i Zi-Serbi dhe në fokus ishte mbrojtësi Nikola Milenkoviç. Portugezi e pëlqen mbrojtësin e Fiorentinës dhe në Angli janë gati të ofrojnë 60 milionë euro për lojtarin serb. Por “Vjollcët” nuk heqin dorë prej tij.

Junajtid e do në janar, ndërsa Fiorentina nga ana tjetër e di që vlera e 20-vjeçarit deri në verë do të rritet. Gjithashtu duan që në fund të sezonit të sigurojnë pjesëmarrjen në kupat e Europës dhe për këtë lojtarët më të mirë duhet ta mbyllin sezonin në Firence.

E kërkojnë klube të mëdha, Milenkoviç “frenon”: Dua të rritem, Fiorentina ekipi ideal

Sport Ekspres — Sat, 29 Sep 2018 11:19:26 +0000

Nikola Milenkoviç është një nga futbollistët më të mirë të Fiorentinës së Piolit. Qendërmbrojtësi 20-vjeçar po luan ndeshje tw mira dhe është një nga objektivat e shumë klubeve europiane.

Fiorentina refuzoi 40 milionë euro nga Atletiko Madrid në verë, ndërsa 20-vjeçari po monitorohet dhe nga klubet e Juventus, Inter dhe Mançester Siti.

‘Më vjen mirë për interesimin e këtyre klubeve, por jam i qetë. Jam një djalë me këmbë në tokë, besoj në profesionalizëm dhe mendoj vetëm të mësoj dhe përmirësohem çdo ditë.”

“Jam i lumtur që vesh bluzën e Fiorentinës, këtu është një ambient ideal për t’u rritur për çdo lojtar dhe jam i lumtur nga zgjedhja e bërë. Rinovimi? Do të flasim”, përfundon për “Tuttosport”, mbrojtësi 1.95 metra i gjatë, të cilit i skadon në vitin 2022 kontrata me Fiorentinën.