Ka qenë vetë trajneri bavarezëve Niko Kovaç, ai që ka mohuar kategorikisht interesin e Bajernit për 30-vjeçarin: “Jo ai nuk bën pjesë planet e mija. Megjithëse mendoj se është një lojtar cilësorë, tregu ka tjerë futbollistë me kualitete të ngjashme”, tha Kovaç.

Një tjetër temë që kroati diskutoi ishte e ardhmja e Renato Sançez: “Mua më pëlqen si lojtar, është një mesfushor polivalent me karakteristika të ndryshme. Dua ta mbaj dhe për sezoni tjetër i kam shpjeguar arsyet që mori pak minuta vitin e kaluar. Jam i sigurt se kjo do të ndryshojë vitin e ardhshëm”.

Our squad for the #AudiFCBTour! ??? #ICC2019

?? https://t.co/ARA1WsN0qK pic.twitter.com/qF1rEYXMOb

— ?? FC Bayern US ?? (@FCBayernUS) July 9, 2019

Vitin e kaluar Niko Kovaç e përzgjodhi të riun me origjinë shqiptare në listën e të grumbulluarve për këtë fazë përgatitore, duke i dhënë mundësinë të marrë minuta në disa ndeshje miqësore ndaj ekipeve si PSG, Juventus dhe Mançester Siti. Tani karriera e 20-vjeçarit ndodhet tashmë në një udhëkryq, pasi është e qartë që hapësirat te Bajerni për të janë inekzistente.

Shumë ndër ish-kolegët e tij te skuadra rezervë dhe ajo U19 e Bajernit janë huazuar te ekipe modeste te Bundesligës së parë ose të dytë, ndoshta të njëjtin fat do të ketë dhe i riu shqiptar. Një opsion tjetër është i aktivizimit te skuadra rezervë. Ekipi B i Bajernit siguroi ngjitjen në Bundesligën e tretë, kategori kjo që është tërësisht profesioniste në ndryshim nga Regionalliga. Shabani luajti rol kyç në këtë sukses duke qenë titullar në 26 ndeshje.

“Ambiciet për këtë sezon janë shumë të mëdha. Duam të mbrojmë sërish trofeun e kampionatit dhe Kupën dhe të bëjmë më mirë në Champions”.

BOATENG – “Për sa kohë ai ka një kontratë me Bajernin do të trajtohet si të gjithë të tjerët. Nëse e kam në stërvitje do të përdor nëse e meriton, natyrisht”.

MERKATO – “Po shikojmë në treg, duhet të tregohemi të duruar. Drejtuesit këtë gjë po bëjnë. Kemi humbur dy lojtarë të rëndësishëm si Roben e Riberi dhe duam ti zëvendësojmë”.

JU INTERESON SANE ? “Po, natyrisht. Një lojtari si ai mund ta në ndihmojë shumë”.

TAKTIKA DHE SISTEMI – “Nuk mund të shpik një lloj tjetët futbolli. Në vitin e fundit të Luis van Gal ai filloi të përdorte një sistem, që vazhdon të jetë  baza e Bajernit prej shumë vitesh”.

CHAMPIONS – “Bajerni e ka fituar pesë herë Champions-in, ndërsa vetëm dy herë nga viti 1976 e deri më tani. Nuk është aspak e lehtë. Duam të bëjmë më mirë, por s’mund të dalim garant”.

“Nuk është më një garë midis klubesh. Ne si FC Bajern tani po konkurrojmë me shtete dhe miliarderë. Klubet e Bundesligës do ta kenë gjithmonë e më të vështirë. Lojtarët më të mirë luajnë në Angli dhe Spanjë”.

Numri 1 i klubit foli hapur mbi vështirësitë që ka një kompeticion si Champions League, por pranon se trajneri Niko Kovaç ka për detyrë të mos e përsërisë atë që ndodhi vitin e kaluar ku Bajerni u eliminua në raundin e 1/16-ve nga Liverpuli.

“Ky klub synon Champions-in, por në 119 vite histori kemi fituar vetëm një herë tripletën e trofeve. Ky fakt shpesh harrohet. Gjithsesi ishte një eksperiencë e paharrueshme ai suksesi i viti 2013. Kam idenë se viti pas viti po bëhet akoma më e vështirë. Gjithsesi, Champions-i do mbetet gjithmonë një objektiv që do vendosë për sezonin tonë”.

“Gjatë viteve të fundit kemi shkuar në finale 3 herë, ku njëherë e fituam trofeun e Champions-it, ndërsa thuajse çdo vit jemi në gjysmëfinale. Kovaç e ka për detyrë ta vazhdojë këtë ecuri në Bajernit me këtë skuadër që ka pësuar jo pak ndryshime”.

“Mendoj që trajner duhet të përshtatet me filozofinë e klubit ku punon dhe jo e kundërta. Çdo trajner ka preferencat e tij, por mbi të gjitha duhet të ketë një sistem të Bajernit dhe një sistem të Barcelonës. Sistemi që ne kemi përdorur për vite me radhë na ka garantuar në momente të caktuara futboll spektakolar”.

Trajneri kroat ka një kontingjent prej vetëm 17 lojtarësh për momentin, që mund të zbresë në 15 me largimet e mbrojtësit dhe mesfushorit portugez. “Kam nevojë për 19 futbollistë”, është shprehur Kovaç për “Kicker”.

Një sinjal i qartë për drejtuesit e klubit, të cilët kanë premtuar një verë të nxehtë në merkato, por për momentin është përforcuar vetëm mbrojtja me francezët Pavard dhe Hernandez.

Nga ky sukses i dyfishtë ka përfituar edhe Niko Kovaç. E ardhmja e trajnerit kroat në stolin e Bajernit ka qenë në dyshim, pavarësisht se ka meritat e veta në këto triumfe. Megjithatë, ka qenë vetë Karl Hainc Rumenige, ai i cili ka folur në lidhje me trajnerin.

“Niko do të vazhdojë të jetë trajneri ynë. Kjo gjë nuk ka qenë kurrë temë diskutimi. Nuk kemi dyshuar kurrë për të. Në fund vlejnë trofetë e fituar dhe Kovaç ka luajtur një rol thelbësor në këto suksese”, përfundon drejtori administrativ i gjigantit gjerman.

Arjen Roben ka piketuar “viktimën” dhe e ka zënë të papërgatitur. Holandezi nisi një sprint sikur ndeshja po luhej akoma. Birra në gotën e madhe përfundoi mbi kokën e Niko Kovaç, me trajnerin e bërë qull që u befasua totalisht.

Momente feste dhe emocionuese për Bajernin, që arriti të fitonte rivalitetin me Borusian e Dortmundit. Holandezi zhvilloi ndeshjen e fundit në karrierë me ekipin bavarez, aventurë të cilën e mbylli me gol dhe titull kampion.

 

View this post on Instagram

 

?? ??

A post shared by Football Soccer Futbol (@bestoffootball) on May 18, 2019 at 9:52am PDT

Kryesia bavareze e shohin atë si të duhurin për të marrë drejtimin e Bajernit. Me Kovaç lojtarët kanë treguar se nuk ndihen mirë dhe e kanë pasqyruar shqetësimin e tyre tek drejtuesit. Trajneri kroat pritet të shkarkohet në fund të sezonit edhe nëse arrin të fitojë dopietën.

Sipas raportimeve të fundit nga Spanja, drejtori sportiv Hasan Salihamidzic ka zhvilluar një takim me Julen Lopetegu mbi një bashkëpunim të mundshëm. Spanjolli që në javët e para të sezonit është i papunë, pasi u shkarkua nga Reali i Madridit për rezultate të dobëta.

Bajerni i Mynihut është drejt fitimit të kampionatit gjerman dhe do të diskutojë finalen e kupës me Lajpcigun. Trofe këto që bavarezët e kanë bërë zakon t’i marrin çdo vit. Në Champions ata u eliminuan që në fazën e 1\8 nga Liverpuli, duke mos arritur të lënë gjurmë në këtë kompeticion. Në kampionat i është dashur të luftojë dhëmb për dhëmb me Borusian e Dortmundit, ndryshe nga vitet e kaluara, kur e fitonte titullin që në prill.

Në daljen për shtyp që i paraprin takimit të së shtunës ndaj Verder Bremenit, trajneri kroat foli mbi gjendjen e skuadrës. Nuk mungoi dhe një koment mbi ecurinë e Ajaksit në Champions League.

VERDER BREMEN – “Kundërshtari është në një formë shumë të mirë. Statistikat që kanë janë të admirueshme. Do të përballemi dhe në kupë, por për momentin mendojmë vetëm për kampionatin”.

JUVENTUS-AJAX – “Ishte një ndeshje ku u luajtur futboll i hapur. Ajaksi kishte freski dhe dinamizëm. Më pëlqen ai lloj futbolli. Taktikat dhe zemra janë dy gjëra të ndryshme. Ajaksi ka luajtur me më shumë zemër se çdo ekip tjetër. Fatkeqësisht lojtarët e tyre do të largohen në drejtim të klubeve më të mëdha”.

NYBEL – I pyetur nga gazetarët në lidhje me lajmet që po qarkullojnë mbi interesimin e Bajernit për portierin e Shalkes, Aleksandër Nybel, Kovaç u përgjigj: “Për këtë gjë pyesni Brazon (drejtori Salihamixhiç). Mund të them se e kam parë disa ndeshje dhe është një lojtar cilësor”.

DËMTIMET  – “Ulrajsh do të jetë sërish  në portë, kam besim te plotë tek ai. Po bën një punë të shkëlqyer duke zëvëndësuar Nojerin. Humels po shfaq ende probleme, por në fund do të vendosë stafi mjekësor”.

Pas tyre përdorën edhe duart. Grushtet vërshuan drejt njëri-tjetrit, Boateng dhe Shyle nxituan për t’i ndarë, ndërsa sherri mori fund me ndërhyrjen e gjithë skuadrës. Sipas gjermanes “Bild”, nxitësi i sherrit ishte sulmuesi polak, i cili e akuzoi Komanin si egoist në lojë.

Robert Kovaç ka folur për ngjarjen e ndodhur. Trajneri i Bajernit ka zgjidhur gjithçka dhe tenton të qetësojë situatën. Palët janë marrë vesh, kanë kërkuar ndjesë dhe çështja është mbyllur.

“Po, dje ka patur një sherr midis dy sulmuesve. Më pas u ulëm të tre bashkë dhe biseduam qetësisht. Ata kërkuan ndjesë për sjelljen e tyre dhe situata u zgjidh. Kjo çështje është mbyllur”, thekson trajneri kroat i ekipit bavarez.

Planet e merkatos, gara për titullin, kriza e rezultateve në fillim të sezonit dhe talenti Kai Haverc, ka qenë disa nga temat që tekniku kroat preku gjatë kësaj interviste.

MERKATO DHE E ARDHMJA – “Akoma nuk kemi bërë një revolucion në skuadër. Gjatë verës do të bëjmë investime të mëdha. Këtë sezon shpenzuam vetëm 10 milionë dollarë për kartonin e Dejvis.  Presidenti Hënes ka thënë se në fundi të sezonit do t’i japim lamtumirën e duhur disa lojtarëve që kanë shkruar histori, prandaj unë pata kërkesa të mëdha ndaj klubit”.

KAMPIONATI – “Uli Hënes tha se ai do të ishte në rregull edhe nëse nuk e fitojmë kampionatin, pra nuk do të jetë fundi i botës, nëse nuk e fitojmë dot titullin. Jemi atletë dhe nuk dorëzohemi. Ishim 9 pikë mbrapa, askush nuk e besonte se mund të rikthehemi”.

PROBLEMET – “Çdo trajneri i Bajernit kërkon dhe duhet të jetë kampion, or nuk është gjithmonë e lehtë. Real Madrid është eliminuar nga Champions-i pasi e kanë fituar tri vite radhazi. PSG gjithashtu, pavarësisht fuqisë financiare. Çdo klub kalon momente të vështira”.

HAVERC – “Është një talent absolut, që herët a vonë do të largohet nga Leverkuzeni. Do bëhet një yll i madh, s’kam asnjë dyshim për këtë”, tha Kovaç.

Një ndër to është legjenda e Bajernit të Mynihut dhe Gjermanisë, Franc Bekenbauer, i i cili ka kritikuar kroatin në një intervistë për “Sky Sports”.

Sipas ish-mbrojtësit, Kovaç ende nuk e ka treguar se është i aftë të bëjë diferencën të Bajerni i Mynihut dhe në fund sugjeron që drejtuesit të mendojnë për plan të ri në fund të sezonit.

“Ka një ndryshim shumë të madh midis të qenit trajneri i Bajernit dhe skuadrave të tjera të Bundesligës. Nuk e di a do t’ia dalë Kovaç dhe nëse ai është njeriu i duhur për të çuar Bajernin përpara. Kur sezoni drejtuesve duhet të mendojnë për një plan të ri, kjo nuk do të ishte diçka e keqe”, tha Bekenbauer.

“Fillimisht më duhet të përgëzoj Jyrgen Klopin. Patëm kundër një kundërshtar shumë të fortë. Përgjithësisht Liverpuli ishte skuadra më e mirë në të dyja ndeshjet. Ata u treguan të saktë dhe sulmuan më shumë se ne. Nuk ishim në ditën tonë më të mirë. Treguam se deri ku është limiti jonë”.

“Ai doli nga porta, pasi nuk ishe i sigurt nëse Rafinja do të arrinte t’ia merrte topin Manes. Në fund nuk ishte një ide e mirë, pasi pësuam gol. Gjithsesi s’kam ndërmend ta kritikoj Manuelin, ai thjesht donte të ndihmonte”, përfundoi Kovaç.

Sipas polakut, Bajerni u transformua në një ekip mbrojtës dhe frikacak ndaj Liverpulit, duke dalë nga natyra e vet.

“Mendoj se luajtëm futboll tepër mbrojtës. Nuk u munduam të shkonim përpara, të krijonim lojë sulmuese, në të dy ndeshjet. Nuk rrezikuam shumë, menduam të mos pësonim gol. Nuk e di pse, shpesh e shihnim veten 2 sulmues kundër 4 mbrojtësve, ishte e vështirë. Van Dijk? I jashtëzakonshëm, ishte shumë e vështirë kundër tij. I vetëm kundër tij ishte e vështirë, kundër 2-3 prej tyre e pamundur.

Lëv dhe 3 lojtarët që la jashtë Gjermanisë? Ka qenë një javë e rënduar, por fundjavën e shkuar luajtëm mirë në Bundesligë. Sot nuk bëmë të njëjtën gjë, menduam së tepërmi për t’u mbrojtur, nuk guxuam. Bëmë shumë pak, ndaj jemi jashtë“.

.@lewy_official: – I think we were too defensive.

? @JanAageFjortoft pic.twitter.com/0WABXEwz4A

— Viasport Fotball (@ViasportFotball) March 13, 2019

Kroati flet për sfidën dhe gjendjen e skuadrës: “Është një sfidë e rëndësishme, me një presion të veçantë. Gjithsesi nuk është negativ. Është një ndeshje që të gjithë mezi e presin të luhet. Rezultati 0-0 i jep një avantazh të lehtë Liverpulit. Ne duhet të luajmë për të fituar. Koman do të jetë nesër, ashtu sikurse edhe Alaba”.

“Riberi? Në ndeshje si kjo kemi nevojë për lojtarë si ai. Duhet të gjejmë ekuilibrin e duhur, të përpiqemi të jemi agresivë, por nga ana tjetër të bëjmë kujdes nga tre sulmuesit e Liverpulit. Duam që të kalojmë në raundin tjetër, por nuk mund ta garantoj diçka. Kam besim, se nesër me ndihmën e tifozëve mund ta arrijmë objektivin tonë dhe të kualifikohemi. Liverpuli do të sulmojë dhe ne duhet të jemi solidë në mbrojtje. Gjithashtu duhet të sulmojmë më shumë se në ndeshjen e shkuar”, ka përfunduar Kovaç.

MANUEL NOJER – Portieri i Bajernit, në lidhje me sfidën kundër Liverpulit tha: “Presion do të ketë, por jo vetëm për ne. Nesër do të jetë si një finale, mes dy skuadrave të forta. Duam të kalojmë në çerekfinale, por nuk do të jetë e lehtë. Stadiumi do të jetë flakë nesër dhe duam të kthehemi të fitojmë në shtëpi kundër një ekipi të madh. Në ndeshjen e parë në Liverpul ishim mirë në mbulimin e hapësirave, por tanimë duhet të bëjmë kujdes dhe të kërkojmë të fitojmë duelet”.

I pyetur për Salah dhe Klop, Nojer tha: “Nuk ka rëndësi nëse ai ka shënuar vetëm një gol në tetë ndeshje e fundit. Klop është një i çmendur, në aspektin pozitiv të fjalës. Gjithmonë dëshiron më të mirën për skuadrën dhe lojtarët. Kudo ku ka drejtuar kanë qenë në krah të tij”.

Homologu i tij, Niko Kovaç pranoi se Bajerni i tij mori një rezultat shumë të mirë në një fushë të vështirë, si dhe foli për vonesat e lojës që bënë lojtarët bavarez, duke thënë se ky është futbolli:

“Vonesat e lojës? E dini zakonin. Kështu bën çdo skuadër që ndihet e avantazhuar dhe nuk jemi ne të parët. Ky është futbolli. Jam i sigurt që edhe Liverpuli do të kishte vepruar në të njëjtën mënyrë. Ne mendojmë vetëm për kualifikimin dhe kemi kaluar gjysmën më të vështirë. Tani, i presim në Gjermani”,- u shpreh Kovaç.

Kapiteni i skuadrës Manuel Nojer, mungoi në takimin ndaj “aspirinave” dhe s’do mend që mosprania e “gardianit” ndikoi shumë në lojën  e bavarezëve. Të nesërmen e ndeshjes, shtyp gjerman u mbush me lajme se Nojer mund të humbte sërish sezonin pas një dëmtimi në një gisht të dorës, por gjithçka kishte qenë e pavërtetë.

Portieri 32-vjeçar kreu me volum maksimal stërvitjen e ditës së sotme dhe është vënë në listën e të grumbulluarve për takimin e Kupës së Gjermanisë ndaj Hertës së Berlinit. Me shumë gjasa Nojer do të kursehet për këtë ndeshje, pasi prioritet është kampionati dhe sigurisht Championsi, ku mesjavën e ardhshme bavarezët do të vihen përballë një kundërshtari të frikshëm si Liverpuli i  Jyrgen Klop.

NDESHJA – “Rezultati nuk përkon me lojën e bërë në fushë. Ishte një ndeshje me shumë raste. Mund të ishte mbyllur në barazim. Patëm shumë raste për shënim. Ata gjuajtën katër herë në portën tonë dhe shënuan tre gola. E dinim që Leverkuzen do të hidhen në sulm në pjesën e dytë. S’duhet të humbnim kompaktësinë”.

GJYKIMI – “U dha një pozicion jashtë loje për Levandovskin që mund të jepej vetëm me dron, do të kishim qenë 2 – 0. Leverkuzeni nuk ekzistonte fare në  pjesën e parë.  Ndërkohë, goli i tretë i Leverkuzenit ishte shumë i ngjashëm, shpatulla e Brand ishte pozicion jashtë loje, por u quajt i rregullt. Ai episod ishte vendimtar për fatin e takimit. Vendimet e arbitrave ishin kundër nesh”.

“E vetmja gjë pozitive e kësaj dite është se Dortmundi nuk fitoi. Tani do të na duhet të shfytëzojmë këto mundësi që do kemi në ndeshjet e mbetura. Ishte vetëm një ndeshje, kemi dhe shumë të tjera. S’duhet të humbim besimin”, përfundoi Kovaç.

“Mund të them se ai është një lojtar shumë cilësor. Por ne kemi tre qendërmbrojtës. Ku qëndron logjika nëse i shtojmë skuadrës një të katërt ose të pestë”, tha tekniku kroat, teksa u përgjigj pyetjeve të gazetarëve për një transferim të Pavard në merkaton e janarit.

Mbrojtja ka qenë një ndër repartet më të dobëta të Bajernit në këtë fillim sezoni.  Bavarezët kanë pësuar 18 gola në 14 ndeshje të Bundesligës, duke qenë kështu mbrojtja e gjashtë më e mirë e Bundesligës.

Bavarezët renditen në vendin e dytë me 27 pikë, nëntë më pak se Dortmundi kryesues. Trajneri kroat i gjigantëve gjermanë ka folur pas ndeshjes, duke prekur dhe çështjen e titullit. Dortmundi po “fluturon” dhe distanca është e konsiderueshme, pavarësisht se kampionati është i gjatë.

Të gjithë po presin me padurim ndaljen e verdhezinjve, ndërsa Kovaç kërkon të ruajë qetësinë. Kundërshtarët do të gabojnë një ditë dhe Bajerni duhet të jetë gati të përfitojë.

“Për momentin, Dortmundi nuk ka bërë asnjë gabim. Nuk ka rëndësi se cilin ekip pyesni: Laipcigun, ne, Gladbahun, apo çdo ekip që renditet lart në tabelë. Të gjithë duan që ata të bëjnë gabime, por deri më tani nuk e kanë bërë një gjë të tillë, ky është fakt. Ne duhet të bëjmë detyrat tona, sepse nuk ka sens të merremi me Dortmundin, nëse nuk marrim pikët tona. Të vazhdojmë përpara, të ruajmë përqendrimin deri në fund dhe të shohim se çfarë do të ndodhë. Nëse ata gabojnë, ne do të jemi gati për të përfituar”, përfundon trajneri i Bajernit.

Në daljen për shtyp para takimit ndaj Frajburgut, trajneri kroat foli për gjendjen e skuadrës dhe  i mbylli përfundimisht derën ndërhyrjeve në merkaton e janarit.

PËRMIRËSIMET – “Në aspektin e komunikimit kemi bërë progres të madh, skuadra po i kupton idetë e mia dhe loja e tregon qartë këtë. Gjatë ndeshjeve të fundit kemi luajtur mirë në fazat mbrojtëse dhe sulmuese. Mendoj se njeriu mëson gjëra të reja deri në momentet e fundit të jetës. Në këto pesë muaj kam marrë një eksperiencë shumë të vlefshme.

MERKATO – “Tani për tani, nuk do të bëjmë asgjë. Në verë do të përpiqemi të sjellim në skuadër disa emra të rinj”, përfundoi Kovaç.

Është e natyrshme që në këtë situatë, drejtuesit e klubit të mendojnë për një plan B, në rast se kroati nuk arrin të rikthejë ekipin në rrugën e duhur. Shpëtimtari i vjetshëm, Jup Hajnkes, nuk është më një opsion. Megjithatë trajnerët e lirë janë me shumicë dhe sipas “SPORTBILD”,  emri më i përfolur për të pasuar Kovaç është Arsen Venger.

Një tjetër fakt që mbështet “kandidaturën” e francezit është prania e agjentit të tij në tribunën “VIP” të “Allianz Arena”, gjatë takimit të së martës midis Bajernit dhe Benfikës. Në fundjavë bavarezët kanë një transfertë shumë të vështirë përballë Verder Bremen, skuadër kjo që këtë sezon ka kaluar pritshmëritë e shumicës. Një humbje ose barazim në këtë 90-minutësh do ishte “fatale” për karrierën e Kovaç si trajneri i kampionëve të Gjermanisë.

Siç citon “Bild”, ndeshja e sotme kundër Benfikës në Champions është shansi i fundit për trajnerin kroat. Nëse fitorja nuk vjen, ai nuk do të ketë mundësinë për të drejtuar më Bajernin e Mynihut.

Trajneri është koshient për situatën, ndërsa ka patur ankesa për lojtarët e tij. Ai dëshiron të bëjë maksimumin deri në ditën e tij të fundit, ndërsa nuk nguroi të kritikonte lojtarët e tij dhe publikisht. “Kemi pësuar gola për shkak të gabimeve individuale, që nuk mund t’i shmangë asnjë trajner në botë. Mund ta imagjinoni se si ndihem brenda vetes. Po frenohemi gjithmonë nga gabime individuale”, foli Kovaç.

Situatë pozitive nuk po përjetojnë as drejtuesit e klubit. Treshja drejtuese: Hënes, Rumenige dhe Salihamixhiç zhvilluan një konferencë për shtyp me datë 14 tetor, duke kritikuar shumë persona: opinionistë, gazetarë dhe ish-lojtarë të Bajernit. “Viktima” e parë ishte Pol Brajtner, një emër i madh i Bajernit dhe Gjermanisë dhe shok e mik i ngushtë i presidentit Hënes. Brajtner shprehu disa kënaqësi për konferencën për shtyp të treshes drejtuese, diçka që nuk u pëlqye në klub.

“Më lajmëruan për të më thënë që Uli Hënes nuk dëshiron që, në atë ardhmen, të më shohë më në tribunën e nderit. U përgjigja se nuk do të kisha ardhur gjithsesi: nuk do të kisha dashur ta shihja Bajernin në këtë gjendje. I ktheva mbrapsht klubit dy biletat falas, që më takojnë si një lojtar historik i Bajernit: nuk dua të mendojnë se dëshiroj bileta falas. Nëse do të doja të kthehesha në stadium, do e blija biletën nga xhepi”, thekson Pol Brajtner.

TITULLI – “Objektivi jonë mbetet titulli. Kemi luajtur vetëm 1/3 e sezonit. Por, jam gjithashtu me këmbë në tokë dhe e di se kemi ngelur mbrapa në renditje. Duhet të fitojmë të gjitha ndeshjet deri në krishtlindje e të shpresojmë që kundërshtarët tanë të bëjnë hapa fals”.

KAHN PRESIDENT? – “Kjo nuk është punë për mua. Jam i bindur se Uli Hënes dhe Karl-Hainc Rumenige janë duke bërë një punë të mirë. Por, unë s’duhet të merrem për këtë temë. Oliveri (Kahn) sigurisht që i përket familjes së Bajernit”.

ALFONSO DEJVIS – “Ai është një diamant i papërpunuar. Nuk ishte e lehtë të merrnim atë pas shumë klube të tjera ishin të interesuara për të. Duhet t’i japim atij kohën e nevojshme për t’u përshtatur me nivelin e lojtarëve këtu, por nuk kam dyshime se do të ketë minuta dhe për të në etapën e dytë të kampionatit”.

Sipas asaj që raportojnë mediat në Spanjë, drejtuesit e Bajernit duket se kanë bërë një ofertë në drejtim të Zinedin Zidan. Ish-trajneri i Realit, për momentin është pa ekip dhe mund të rikthehet në krye të një klubi më shpejt nga çfarë e kishte parashikuar, pasi një ofertë nga Bajerni do tundonte këdo.

Tekniku francez thuhet se ka marrëdhënie të mira me drejtuesit e Bajernit të Mynihut dhe mund të gjendet një marrëveshje midis palëve. Ndoshta bavarezët mund ta kenë gjetur “ilaçin” e zgjidhjes së problemeve të tyre.

NDESHJA – “Ishte një ndeshje fantastike. Të dyja skuadrat luajtën hapur. Ia arritëm të merrnim përsëri avantazhin pas ata na barazuan, por ata na ndëshkuan me dy kundërsulme, kjo s’duhet të na ndodhi asnjëherë. Jam i kënaqur nga loja e skuadrës. Kjo ishte ndeshja më e mirë që prej takimit ndaj Shalkes. Shpresoj të vazhdojmë kështu dhe rezultatet do të vijnë”.

­BORUSIA – “Borusia ka lojtarë të shpejtë që lëvizin shumë nga krahët. Nëse nuk vrapon siç duhet ata janë të ndëshkojnë me topat vertikal. Duhet të ishim treguar më kompakt. Prandaj humbëm sot. Ndoshta mund të kishim marrë një barazim, që do të ishte një rezultat i drejtë. Pjesën e parë kërkuam të luanim nga krahët dhe bërë shumë mirë me Riberinë, ndërsa në të dytën nuk e bëmë këtë gjë dhe Dortmundi mori kontrollin e lojës”, përfundoi Kovaç.

Në daljen për shtyp që i paraprin takimit të nesërm, tekniku i Bajernit Niko Kovaç foli për kundështarin, që e cilësoi si superior ndaj ekipit të tij: “Dortmundi është skuadra favorite për këtë takim. Ne duhet të bëjmë tonën dhe të përpiqemi të shkurtojmë diferencën. Kemi një skuadër të mirë, por nuk e kemi treguar fuqinë tonë të plotë me performancat e ditëve të fundit. Duhet të fitojmë me doemos, shtatë pikë diferencë janë shumë, 1 pikë janë shumë pak”, tha trajneri i Bajernit.

Në skuadrën që udhëtoi drejt Dortmundit mungoi Arjen Roben, i cili ishte në mëdyshje për shkak të shqetësime që holandezi ka pasur në gju. Në mungesë të 34-vjeçarit, Kovaç do t’i besoj sërish të riut Serg Gnabri.

Mesfushori 19-vjeçar është aktivizuar deri më tani me ekipin B të Bajernit, që militon në divizionin e katërt të futbollit gjerman. Në 10 ndeshje, Shabani ka gjetur pesë herë rrugën e rrjetës duke e treguar qartë se është një lojtar që meriton të luajë në nivele shumë më të larta.

Në fund të sezonit të kaluar Shabani firmosi një kontratë të re me kampionët e Gjermanisë që e mbaron në qershor të 2020-ës, ndërkohë që shumë klube të Bundesligës.2 kanë shfaqur interes për huazimin e lojtarit.  Aktualisht Shabani përfaqëson moshat e Gjermanisë në arenën ndërkombëtare, por interesi i Kosovës dhe Shqipërisë për lojtarin mbetet i madh.

Sipas asaj që raporton BILD, lojtarët pas çdo seance stërvitore duhet të bëjnë edhe 20 minuta biçikletë. Pas ndeshjeve duhet të ushtrohen 30 minuta në “dyrrotak”. Futbollistët nuk e pëlqejnë aspak këtë “shtrydhje” pas stërvitjes së zakonshme.

Kovaç është i mendimit se pedalimi në biçikletë rigjeneron energjitë e lojtarëve, por kush ua mbush mendjen futbollistëve. Ka nga ata që mendojnë se po përgatiten për “Tour de France”. Me gjithë këto që po ndodhin te Bajerni, Kovaç nuk do ta ketë të gjatë në stolin e bavarezëve.

Për këtë ecuri përveçse lojtarëve, faji i faturohet edhe trajnerit kroat Niko Kovaç. Pikërisht tekniku i bavarezëve foli pas përfundimit të ndeshjes, teksa u shfaq shumë i zhgënjyer. Kroati deklaroi se Bajern duhet ta kalojë sa më shpejt këtë moment të vështirë, në të cilin ndodhet.

“Unë fola me lojtarët dhe i thashë disa gjëra kryesore. Bëjmë shumë gabime individuale, por gjithsesi në futboll ka momente të mira dhe të këqija. Futbolli ka uljet dhe ngritjet e tij. Ne do të përpiqemi ta lëmë pas këtë moment të keq. Sot Gladbahu shënoi tre gola, në tre raste që iu paraqitën. Duhet të reagojmë”, përfundoi i zhgënjyer tekniku i Bajernit.

Lojtarët kanë filluar të mërziten me trajnerin e tyre dhe kolumbiani Rodrigez ka shpërthyer ndaj Niko Kovaç siç citon gjermanja “Bild”. “Këtu nuk jemi në Frankfurt” i është drejtuar kolumbiani trajnerit Kovaç, i lodhur nga lëniet jashtë loje dhe rrotacioni i shpeshtë i trajnerit, duke i kujtuar ish-ekipin e tij.

Atmosfera në dhomat e zhveshjes nuk është e mirë dhe ka dhe të tjerë lojtarë, të cilët nuk e durojnë dot faktin që Kovaç dhe stafi i tij komunikojnë në gjuhën kroate gjatë stërvitjeve të ekipit, duke treguar mungesë respekti për lojtarët, të cilët nuk kuptojnë asgjë nga bisedat mes trajnerit dhe bashkëpunëtorëve të tij.

Niko Kovaç nuk qëndroi i heshtur në konferencën për shtyp pas ndeshjes, ku i bëri thirrje ekipeve të Bundesligës që të respektonin rregullat e “Fair Play”-it kur kanë kundër kampionët e Gjermanisë.

“Kushdo që më njeh mua e di mirë se unë e konsiderohej futbollin një sport ku lejohet kontakte dhe ekipet që unë kam pasur janë mjaft luftarake, por çdo gjë e ka një limit, pasi në lojë vihet shëndeti i lojtarëve. Gjyqtarët duhet të bëjnë më shumë për të parandaluar nxehjen e lojës. Ka raste ku ndërhyrje në kockë nuk ndëshkohen as me të verdhë dhe më pas futbollistët nuk i kontrollojnë dot nervat. Po na dëmtohen lojtarët gjatë të gjithë lojës, Bajerni nuk është i vetmi ekip që po vuan në këtë aspekt. Lojtarët e mi luajnë pastër, shpresoj qe dhe ekipet e tjera të ndjekin shembullin tonë

“Boateng është një qendërmbrojtës i klasit botëror. Ai është në formë, ka kaluar problemet me dëmtimet dhe jam i bindur që ai do të ndihmojë Bajernin, por dhe kombëtaren gjermane. E njëjta gjë vlen dhe për Humels dhe Syle.

Nuk di një klub tjetër në Europë që ka tre qendërmbrojtës të këtij niveli në ekip dhe kjo është e rëndësishme, sepse do të jemi në gjendje të bëjmë rrotacion. Zherom është një profesionist absolut dhe do të japë maksimumin për klubin.

Bernat? Huan ndodhet në Paris dhe me shumë mundësi do të nënshkruajë kontratën e re me klubin francez me të cilët kemi rënë dakord për shitjen e lojtarit. Kemi 19-lojtarë në ekip, një prej tyre është i dëmtuar (Koman) dhe nëse do të jetë e nevojshme do të përdorim lojtarë nga ekipi U23”, përfundon për “AFP”, Niko Kovaç, i cili po shijon sezonin e parë si trajner i Bajernit të Mynihut.

“Nëse mungon shpejtësia, zotërimi i topit nuk ka shumë rëndësi në ditët e sotme. Nëse lojtarët lëvizin shumë në fushë me kombinime të pafundme, zotërimi i topit është i rrezikshëm, pasi krijohen hapësia në fushë. Nëse humbet topin rrezikon të zihesh keq në kundërsulm”, – shprehet fillimisht Kovaç.

Ai vazhdon më tej duke mbështetur teorinë e tij. “Ju thoni se i forti ha të dobëtin, në fakt për mua i shpejti ha të ngadaltin. Trendi po shkon drejt lojtarëve që mund të kombinojnë shpejtësinë me aftësitë teknike. Këta lojtarë mund të bëjnë diferencën, pasi arrijnë të krijojnë diçka në hapësira të ngushta. Kalimi i lojës nga mbrojtja në sulm është shumë e varuar nga ritmi”, – u shpreh ai.