Trajneri Bledi Shkëmbi ka ndryshuar skemë nga takimi i parë, duke i besuar lojës me dy sulmues. Progni dhe Todorovski janë daljet nga formacioni, ndërsa vendin e tyre e tyre janë plotësuar nga sulmuesi malazez Nikaç dhe mesfushori Avdyli.

Teuta: Hidi, Beqja, Hoxha, Arapi, Kuro, Sidibe, Aleksi, Kallaku, Avdyli, Nikaç, Bushiç

Teuta –  Ventspils
“Niko Dovana” 17:00

Për të ndjekur ekipin e tyre në ndeshjen e raundit të parë kualifikues të Europa League, tifozët durrsak kanë mundësi zgjedhje midis biletave 300 lekëshe për tribunat A dhe B dhe biletave 200 lekëshe për tribunat A1 dhe B1.

Shitja e biletave do të fillojë në orën 9:00 të së enjtes, ndërsa orari i ndeshjes është ora  17:00.

https://www.instagram.com/p/Bz-q_aCgrQG/?igshid=1g7lofc99yac8

Ndeshja ishte shumë e luftuar, por Tirana ishte më e qartë. Në minutën e 42’, Kobina jep një pasim perfekt për Oduamadi, i cili mposht në duel shpejtësie Frashërin dhe shënon golin e parë.  Në pjesën e dytë, Hasani dyfishon shifrat. Është sërish Kobina protagonist, pasi tregohet altruist dhe shërben te Hasani, i cili nuk e ka të vështirë të shënojë.

Teuta mundohet të reagojë pas pësimit të dy golave dhe arrin të shënojë me anë të Kamara, por vetëm 60 sekonda më vonë, Karabeci shënon një supergol dhe vendos fatet e takimit.

Teuta falënderon kalendarin tashmë, pasi do të marrë tri pikë në tavolinë kundër Kamzës, ndërsa Tirana do të synojë të ruajë ecurinë pozitive në “Selman Stermasi” përballë Kukësit.

KATEGORIA SUPERIORE – JAVA 29
E diel, më 14 prill 2019, ora 18:45

TEUTA-TIRANA   1-3
Kamara 73′ / Oduamadi 42′, Hasani 65′, Karabeci 74′

Teuta: Çeleski, Frashëri (Beqja 58′), Bicaj, Osmani, Hakaj, Sidibe, Gashi, Kallaku, Traore, Progni (Vajushi 46′), Latif. Trajner: Bledi Shkëmbi

Tirana: Abibi, Doka, Imami (Muca 89′), Goxha, Hoxhallari, Karabeci, Mauexhe, Hasani, Oduamadi, Kobina, Muçi (Sentamu 70′). Trajner: Ardian Mema

Gjyqtarë: Eldorian Hamiti, Ridigert Çokaj, Rejdi Avdo, Ermal Barushi, Ardian Beqiri, Olsid Ferhati

Kartonë të verdhë: Progni 31’

EPISODET – 

90’ – Mbyllet takimi në “Niko Dovana”. Tirana merr një fitore mëse të merituar 1-3 përballë Teutës.

74’ – Gooool. Çfarë kundërpërgjigje nga Tirana. Vetëm 60 sekonda pas golit të Kamara, kapiteni Karabeci shënon një gol shumë të bukur, duke çuar shifrat në 1-3.

73’ – Goool. Zgjohet Teuta, që shkurton diferencat. Një goditje nga këndi e ekzekutuar nga Vajushi gjen këmbët e Kamara, që shënon me roveshatë. 1-2 sfida në “Niko Dovana”.

65’- GOOOOOOOOL – Hoxhallari kroson në zonë për Kobina, ky i fundit shërben për Hasanin dhe shkodrani nuk gabon pak metra pranë portës. Festë e bardhebluve. Kobina jep asistin e dytë për sot

58’ – Teuta nuk po funksionon, vjen dhe ndryshimi i dytë. Frashëri largohet nga fusha e lojës, aktivizohet Beqja. Ende në avantazh Tirana

46’ – Pas një pjesë të parë të dominuar nga Tirana, Shkëmbi e nis të dytën me ndryshime në formacion. Progni i bën vend Vajushit.

42’ GOOOOOL – Eldorian Hamiti lejon avantazhin për Tiranën dhe Oduamadi merr një pasim të saktë dhe përparon drejt zonës. Përballë Çeleskit, nigeriani tregohet i saktë. Tirana në epërsi.

25’ – Tirana më kërkuese, por mungon pasimi final. Paraqitje e mirë deri më tani e sulmuesit të ri, Muçi, i cili në dy raste u shfaq rrezikshëm në zonën e Teutës

9′ – Edon Hasani provon me një goditje dënimi, jashtë gjuajtja e shkodranit. Sinjali i parë nga Tirana

1′ – Nis takimi ne “Niko Dovana”

E paqartë në fakt ajo që ndodhi, por u desh të ndërhynte policia që të qetësohet e gjithë situata. Një episod që nuk shkon në një ndeshje futbolli, por që fatmirësisht gjërat nuk u përshkallëzuan.

Teuta është kthyer në një skuadër “të mallkuar” për krutanët këtë sezon. Ekipi i  Bledi Shkëmbit ka marrë pikët maksimale në tri takimet e zhvilluara ndaj Kastriotit. Me këtë fitore durrsakët shkojnë në kuotën e 43 pikëve, dy pikë larg Kukësit të vendit të dytë dhe pesë pikë larg ndjekësve të Flamurtarit.

KATEGORIA SUPERIORE – JAVA 26
E shtunë, më 30 mars 2019, ora 17:00

Stadiumi “Niko Dovana”, Durrës

TEUTA 1 –  0 KASTRIOTI
Shënues: Shehu (aut) 23′

Teuta: Hidi, Frashëri, Bicaj, Arapi, Beqja, Bicaj, Sidibe (Gashi 50′), Avdyli (Kallaku 77′), Progni (Vajushi 55′), Vecaj, Bushiç. Trajner: Bledi Shkëmbi

Kastrioti: Çekrezi, Husein, Bojom, Shehi (Selmani 79′), Ndreca, Ymeraj, Shehu, H. Marku (Pepa 55′), Bardhi (Okebugu 69′), Kalaja, Roxher. Trajner: Bledar Devolli

Gjyqtarë: Eldorian Hamiti, Dojando Myrtari, Redian Dobruna, Laver Alla

Kartonë të verdhë: Progni 28′, Kallaku 84′ / Ndreca 14′, Roxher 40′ Bojom 47′

EPISODET –

84′ – Kallaku rrëzohet në zonën e rreptësisë, por për gjyqtarin Hamiti kemi të bëjmë me një simulim.

75 ‘ – Vecaj harkon një top për Bushiç, Shehi ndërhyn duke spastruar rrezikun, por dëmton krahun gjatë rënies. Elbasanasi shoqërohet për në spital me ambulancë.

65′ – Kastrioti mban kontrollin e topit, por krutanët nuk po arrijnë të shqetësojnë portën e mbrojtur nga Isli Hidi.

47’ – Ndërhyrje e fortë e Bojom ndaj Sidibes. Lojtari i Teutës e ka të pamundur të vazhdojë dhe dërgohet menjëherë në spital me anë të ambulancës.

• Mbyllet Pjesa e Parë

42 – Arapi ka një shans të shkëlqyer për të shënuar pak metra larg portës së kundërshtarit, por goditja me kokë e durrsakut nuk është e saktë.

31 – Protesta nga Kastrioti. Kalaja rrëzohet brenda zonës së rreptësisë pas një kontakti me Sidibe, por nuk ka penallti.

23′ – Gol!  Të pafat te Kastrioti. Shehu dërgon topin në rrjetën e tij pas një goditje nga këndi të skuadrës durrsake.

14′ – Përplasje e fortë midis Ndrecës dhe Avdylit. Mbrojtësi i Kastriotit ndëshkohet me të verdhë.

Ditën e diel, Kastrioti do të luajë kundër Laçit, me kurbinasit që mposhtën kryesuesit e Partizanit dhe janë në një moment shumë të mirë. Një sfidë delikate kjo për të dyja skuadrat dhe fakti që ndeshja do të luhet në fushë asnjanëse, nuk sheh favorit asnjë nga ekipet.

Me Devollin në krye të pankinës, Kastrioti ka marrë katër fitore në pesë ndeshje, por përballë Laçit pritet ta kenë të vështirë, pasi kurbinasit kanë treguar se mund të mposhtin këdo këtë sezon.

Sipas asaj që raportohet në “Supersport”, edhe në Durrës do ndërhyjnë në fushën e stadiumit “Niko Dovana”. Sot është mbjellë bari dhe Teuta takimin kundër Tiranës nuk do ta luajë në shtëpi. Ajo është programua për në fillim të muajit nëntor.

Drejtuesit e klubit durrsak e kanë ndërmarrë këtë hap duke parë edhe faktin që deri në mes të muajit tjetër do të luajnë tre ndeshje në transfertë. Kështu, më pas, fusha e stadiumit “Niko Dovana” do të ofrojë kushte më të mira për Teutën dhe ekipet mysafire në Shkodër.

Ndryshon situata kur ka ndeshje me tension të lartë, kur forcat e rendit pozicionohen edhe në tunelet e stadiumit. E gjitha për të shuar ndonjë incident. Por, tanimë tifozët janë të kontrolluar dhe së fundmi edhe në stadiumin “Niko Dovana” janë montuar kamerat e sigurisë.

BBS SECURITY ka instaluar në stadiumin e Teutës kamerat, teksa në dhomën e sigurisë së stadiumit oficerët e Policisë mund të kontrollojnë gjithçka ndodh. Një ndihmë e madhe për të parandaluar incidentet, por edhe për të identifikuar ata që janë problematikë.

I gjithë perimetri i stadiumit është i mbuluar me kamera, ndërkohë që sigurohen pamjet në çdo hyrje, në ambientet e brendshme të stadiumit, në tribunën kryesore dhe në dy “xhepat” e saj, por edhe në tribunat pas porte dhe përkarshi. E gjitha kjo shihet qartë edhe në videon e mëposhtme që ju sjell “SportEskpres.com”.