Syle: E meritoj vendin e titullarit, te Bajerni një gabim të dërgon në stol

Sport Ekspres — Mon, 21 Jan 2019 12:36:27 +0000

Niklas Syle ka fituar “betejën” me Zherom Boateng dhe tani është një titullar i padiskutueshëm i mbrojtjes së Bajernit. Në një intervistë për medien gjermane “Sport1”, 23-vjeçari flet hapur dhe thotë se kjo vjen si rezultat i paraqitjeve të mira që i janë dhënë.

“Kam pasur mundësinë që të luaj shumë ndeshje. Jam shumë i lumtur me çfarë kam bërë. Mendoj se kam fituar besimin e të gjithëve dhe gëzoj mbështetjen e të gjithëve në klub”.

KONKURRENCA – “Te Bajerni duhet të luash mirë në çdo ndeshje. Të gjithë lojtarët janë të dubluar. Nëse luan një ose dy ndeshje të dobëta, je menjëherë jashtë formacionit”, tha mbrojtësi gjerman.

E kontaktoi federata turke, Syle tregon historinë interesante

Sport Ekspres — Sun, 18 Nov 2018 16:14:40 +0000

Vitin e kaluar u zbulua se federata turke kishte kontaktuar mbrojtësin e Bajernin të Mynihut, Niklas Syle. Arsyeja ishte mbiemri i tij, i cili ngjasonte me një mbiemër mjaft popullor në Turqi. Gjatë ditës së djeshme lojtari foli për herë të parë për këtë histori mjaft interesante në një intervistë për “Die Welt”.

“Në ato vite sapo kisha filluar të merrja pak famë, pas isha rregullisht pjesë e grumbullimeve të moshave të Gjermanisë. Në një prej grumbullimeve më afrohet një zyrtar i federatës turke. Fillimisht po flisnim në gjermanisht, kur ndërroi gjuhën dhe filloi të fliste turqisht. Menjëherë i thashë se s’po e kuptoja dhe se nuk kam origjinë turke”, tha Syle.

Origjina e vërtetë e Syles është hungareze, pasi gjyshi i tij ka emigruar vite më parë në Gjermani. Mbrojtësi i Bajernit ka debutuar në vitin 2016 me kombëtaren gjermane dhe është aktivizuar në 16 takime deri më tani.