Ibrahimoviç, Mbape, Nejmar, Kavani, Di Maria, Draksler, Lavezi, Pastore, Tiago Silva, David Luiz e shumë të tjerë kanë kushtuar miliona euro, por bordi drejtues i PSG-së nuk është shqetësuar shumë, por kanë synuar vetëm dominimin në futboll. Në Francë, ia kanë dalë, në Europë ende jo.

Edhe pse buxheti që PSG ka në dispozicion është shumë i majmë, drejtuesit e klubit vazhdojnë të punojnë me sponsor të shumtë, një nga ta është dhe Nike. Klubi francez kishte një kontratë me kompaninë e njohur deri në vitin 2021, ku përfitonte 25 milionë euro në sezon. Kjo kontratë, është rinovuar edhe me 10 vite (2031), kontratë nga e cila PSG do të përfitojë plot 80 milionë euro në sezon, në total (875 milionë euro).

Plot 80 milionë euro në vit do të përfitojë PSG nga prodhuesi gjigant amerikan. Deri në vitin 2022 është aktive kontrata e vjetër me 25 milionë euro fitime në vit, ndërsa më pas fitimet do të shumëfishohen.

Ky akord ka të bëjë edhe me ekipin e femrave dhe atë të hendbollit, ndërsa PSG e cilësoi si marrëveshja më e madhe e sponsorizimit në historinë e klubit.

Bisedimet u udhëhoqën nga presidenti Naser Al-Khelaifi dhe një akord i tillë e fut PSG-në në 5 klubet me kontratat më të mëdha të nënshkruara me sponsorët sportive.

Lojtari i lindur në Kamerun, por që aktivizohet me përfaqësuesen U16 të Gjermanisë (ka shënuar 3 gola në katër ndeshje), është pjesë e ekipit U17 të Dortmundit që prej sezonit të kaluar.

Shifrat e tij janë impresionuese. Moukoko ka shënuar 40 gola në sezonin e kaluar, duke shpallur kampion verdhezinjtë e vegjël, ndërsa sivjet ndodhet në kuotën e 36 golave të shënuar në vetëm 21 ndeshje!

Vetëm në shtatë ndeshjet e fundit ka shënuar 12 gola, ndërsa golashënuesi i dytë në renditje është Emrehan Gedikli me 19 gola. Sulmuesi me origjinë turke i Leverkuzenit është 18 muaj më i madh se “bisha” e Dortmundit.

Jusoufa ka lindur me 20 nëtor të vitit 2004, premton shumë dhe pritet të kalojë sezonin e ardhshëm me ekipin e të rinjve të Dortmundit. Për të interesohet prej kohësh PSG, Barcelona dhe… Nike.

Ai nuk mund të firmosë një kontratë profesioniste para moshës 16-vjeçare, kompania e famshme amerikane i ka ofruar një kontratë milionere. Nike beson shumë te 14-vjeçari dhe e ka zgjedhur atë si imazhin e markës së saj.

Marrëveshja e ofruar zgjat deri në vitin 2029 dhe Moukoko do të përfitojë në total plot 10 milionë euro. Në kontratë ka dhe disa bonuse, si ajo e debutimit në skuadrën e parë dhe në kombëtare. Dortmundi fërkon duart për talentin e madh që zotëron, ndërsa sulmuesi pritet të bëhet shumë shpejt më i pasuri i moshës së tij.

Asaj kohe, sponsor kryesor ishte kompania sportive “Kappa”, një logo në fanellë që kujton vitet e lavdishme. Duke filluar nga sezoni i ardhshëm, kjo kompani do të jetë sërish sponsor kryesor i skuadrës franceze. Kontrata me kompaninë “Nike” skadon në fund të sezonit dhe “Kappa” do të jetë sponsori i ri, por nuk dihet ende sa do të përfitojë në sezon Monako nga kjo marrëveshje e re.

Një ndër markat më të mëdha të sportit të basketbollit është “Jordans” një nën-degë e kompanisë gjigante “Nike”, që është krijuar në bashkëpunim me legjendën e basketbollit Majkëll Xhordan. Së fundmi kjo firmë ka marrë vendimin e çuditshëm për t’u futur në industrinë e futbollit.

PSG-ja është ekipi i parë që do të bashkëpunojë me markën “Jordan”. Ditën e sotme yjet e klubit parisien kanë prezantuar veshjet me logon e “Jordans”, që ndodhen në tashmë në të gjitha produktet e skuadrës, madhe dhe te këpucët, diçka e çuditshme, pasi logoja e “Jordans” paraqet një siluetë të basketbollistit amerikan duke zhytur një top në kosh.