Lajmi është bërë i ditur nga klubi prizrenas me anë të një postimi në rrjetet sociale. Nikaj ka fituar statusin e një eksperti përsa i përket ngjitjes së ekipeve nga Liga e Parë në IPKO Superliga. Në dy sezonet ku ai ka punuar në Ligën e Parë, skuadra e tij (Flamurtari Prishtinë 2017, Vushtrria 2019) ka siguruar promocionin në elitën e futbollit të Kosovës

Bujar Balliu

Samuel Nikaj ka besim se sezonin e ardhshëm Kastrioti që ai po ndërton do të jetë një nga ekipet më solide në grupin e Veriut, por mbi të gjitha pretendenti kryesor për të synuar rikthimin në Superiore. Trajneri Nikaj e bazon realizimin e objektivit, në kushtet e mira të krijuara nga presidenca, e sidomos afrimet në merkato, e cila po bazohet kryesisht tek kualitete dhe futbollistë që kanë eksperiencë të gjatë në Superiore por edhe në Kategorinë e Parë. “Po punojmë fort për të krijuar një ekip ku karakteristik të ketë luftën e fortë sportive. Do ndërtojmë një skuadër ofensive dhe do bëjmë një futboll atraktiv në mënyrë që sa më shpejt të bëjmë për vete edhe tifozerinë krutane që është shumë e rëndësishme për arritjen e objektivit, pasi është lojtari i 12-të. Në ekip, po punohet fort që të afrohen lojtarë që kanë stimuj për karrierën në vazhdim dhe jo lojtarë që vijnë sa për të marrë rrogën. Kjo metodë nuk është në praktikën time të punës, dua lojtarë që të vrapojnë sa më shumë në stërvitje dhe ndeshjet zyrtare për të garantuar sukses”, – u shpreh fillimisht trajneri Samuel Nikaj, i cili pak ditë më parë zyrtarizoi kalimin e tij në krye të ekipit krutan.

SYNIMET – “Ekipi do të filloj përgatitjet ditën e hënë me lojtarët që kanë rinovuar nga sezoni i vjetshëm, plus edhe me Kukën, Mziun dhe Cacën dhe që kanë arritur akordin verbal me drejtuesit. Gjithashtu do të synohen edhe 3 ose 4 lojtarë të nivelit të lartë me të cilët ka pasur edhe kontakte, siç janë: Alis Boci, Alfred Zefi, Arsen Hajdari, e ndonjë tjetër plus. Do të punohet në afrimin e 4 ose 5 lojtarëve të rinj me kontrata 3 vjeçare që t’i promovojmë, dhe në të ardhmen të mbushim arkat e klubit me shitjen e ndonjërit prej tyre. Strategjia e klubit është e qartë, dalja në Superiore dhe qëndrimi për një kohë të gjatë në Elitë, pasi emri dhe tradita nuk i mungon Kastriotit”, – ka përfunduar prononcimin e tij trajneri i Kastriotit, shkodrani Samuel Nikaj.

Edhe Borshi në Krujë

Goditja e radhës për Kastriotin quhet Ergi Borshi. Mesfushori 21-vjeçar nga Shkodra asnjëherë nuk ka pasur hapësira të mëdha në Shkodër, duke u detyruar të luajë herë te Veleçiku e herë te Tërbuni, ndërsa sezonin e fundit luajti te Teuta.

Në Durrës luajti vetëm 557 minuta në Superiore, shifër që nuk e ka kënaqur mesfushorin, i cili tashmë ka pranuar ofertën e Kastriotit. Në Krujë gjen Nikajn, një tjetër shkodran, i cili i njeh mirë talentet e Shkodrës dhe po mundohen të afrojë disa prej tyre.

Bujar Balliu

Kastrioti duket se e ka marrë me seriozitet këtë merkato vere dhe pragun e sezonit të ri futbollistik. Më në fund, në Krujë vendosin për trajnerin e ri i cili do të jetë Samuel Nikaj. Shkodrani i cili ngjiti në Superiore skuadrën e njohur kosovare të Flamurtarit të Prishtinës, ka vendosur që ta braktisi këtë skuadër, pasi i është afruar një tjetër projekt madhor në Krujë, që është rikthimi i Kastriotit në Superiore. Projekt që krutanët besojnë që Nikaj do të di ta realizojë me sukses, duke qenë se tashmë ka edhe eksperiencë, pasi ka trajnuar në Kategorinë e Parë, por edhe në Superiore. Gazeta kontaktoi dje me teknikun e sapozgjedhur, ku i mori një intervistë të shkurtër në lidhje këtë zgjedhje të tij në krye të pankinës krutane dhe trajneri shkodran tregon arsyet se pse vendosi të marrë drejtimin e Kastriotit.

– Nikaj, çfarë ju bindi që vendosët të merrnit drejtimin e Kastriotit?

Emri, por edhe projekti që drejtuesit e Kastriotit kanë për këtë sezon më bindi që ta pranoj këtë ofertë. Më duket projekt ambicioz, dhe ndihem i vlerësuar që mu besua mua ky projekt.

– Sa e njihni ju skuadrën aktuale të Kastriotit, dhe ku keni vendosur të ndërhyni fillimisht duke qenë se jemi në kulmin e merkatos tashmë?

Kontingjentin e njoh, si skuadër ka kapacitete, por ka nevojë edhe për stimuj të rinj. Në çdo repart do të ketë afrime, por do jenë të studiuara mirë.

– Keni ndonjë lojtar që do të donit ta kishit pjesë të skuadrës duke qenë se njihni mirë futbollin shqiptar?

Nuk kam emra të caktuar, por, ne do tentojmë të marrim ata lojtarë që do të na plotësonim nevojat që skuadra do të ketë në vazhdim. Megjithatë, dy lojtarë nga Kosova do të doja t’i kisha pjesë të grupit, por mbetet për t’u parë.

– Si e shikoni rivalitetin me skuadrat e tjera të grupit, pasi i vetmi që po lëviz deri më tani është vetëm Kastrioti?

Nuk do jetë e lehtë, do ketë skuadra që do organizohen siç janë ekipe si: Besëlidhja, Erzeni apo Korabi e Tërbuni, këto skuadra shoh si rivale. Por, nuk duhet harrohet Vllaznia B, pasi edhe pse nuk mund të ngjitet në elitë, do të jetë një kockë e fortë për çdo kundërshtar. Megjithatë,  ne besojmë që do ta arrijmë atë së duam, ngjitjen ne elitë.

Trajneri shkodran ka arritur marrëveshjen me Kastriotin e Krujës, që tashmë ka gjetur trajnerin e ri dhe gjithashtu ka nisur prej ditësh punën për rindërtimin e skuadrës.

Veç disa lojtarëve cilësorë të “piketuar” për t’u afruar, drejtuesit kanë konfirmuar edhe lojtarët që të mbeten pjesë e Kastriotit nga sezoni i shkuar. Fillimisht ishte vendosur për gjashtë prej titullarëve të vjetshëm, konkretisht për Lilën, Hoxhën, Dokun, Çutrën, Gjokejën dhe Kabirun, ndërkohë që kjo listë është zgjeruar edhe më shumë, pasi edhe portieri Erkan Spahija do të mbesë pjesë e Kastriotit, sikurse edhe dy të rinjtë Sokol Neziri dhe Denis Xhaferri.

Gjithashtu, “OK” është dhënë edhe për sulmuesin pukjan Taulant Marku, çka bën që numri i lojtarëve që do të qëndrojnë të shkojë në dhjetë. Kjo do të jetë baza e skuadrës krutane për sezonin e shkuar, ndërkohë që shumë shpejt do të nisin edhe zyrtarizimet. Bisedimet kanë nisur me disa futbollistë cilësorë, por ende nuk ka asnjë konkretizim, pasi disa prej lojtarëve të kërkuar janë nën kontrata me ekipe të tjera.