nigeri

VIDEO | Çmenduri, magjia e Mahrez çon në finale Algjerinë

Sport Ekspres — Sun, 14 Jul 2019 20:57:17 +0000

E pabesueshme ajo që ka ndodhur mes Algjerisë dhe Nigerisë në gjysmëfinalen e dytë të Kupës së Afrikës. Algjeria ia doli të triumfojë në sekondat e fundit të takimit, falë një supergoli të Riad Mahrez në minutën e 90+4’.

Fillimisht, në minutën e 40-të, Algjeria do të gjente avantazhin falë një autogoli të mbrojtësit nigerian, Ekong. Edhe pse në disavantazh në pjesën e parë, Nigeria barazoi gjithçka në të dytën. Sulmuesi Ighalo shënon falë një penalltie në minutën e 72-të dhe dukej se ndeshja do të shkonte në shtesa, por një “perlë” e Mahrez nga goditja e dënimit i jep fitoren 2-1 Algjerisë dhe i çon ata në finale, ku do të ndeshen përballë Senegalit të Sadio Mane.

Kupa e Afrikës, gjysmëfinale

Algjeri – Nigeri 2-1
Ekong (ag) 40’, Mahrez 90+4’ / Ighalo (p) 72’

“Thriller” afrikan, Nigeria eliminon kampionët e Afrikës

Sport Ekspres — Sat, 06 Jul 2019 18:10:56 +0000

Faza e 1/16-ve të Kupës së Kombeve të Afrikës vuri përballë Nigerinë dhe Kamerunin. Të dy ekipet ishin ndër favoritët për ta fituar turneun. Ndeshja rezultoi spektakolare me të dyja skuadrat që përmbysën rezultatin gjatë 90 minutëshin. Në fund festa u takoi nigerianëve, ndërsa lotët kamerunasve .

Nigeria doli i para në avantazh me anë të Odion Igalo, i cili zhbllokoi shifrat në minutën 19-të. Skuadra e Klarenc Sedorf nuk dorëzohet duke përmbysur rezultatin me dy gola të shpejtë në fund të pjesës së parë. Në të dytën Nigeria ishte dukshëm ekipi më i mirë. Igalo shënon sërish, ndërsa Aleks Iuobi kompleton përmbysjen duke çuar shifrat në 3 – 2, rezultat që do të mbetej i pandryshuar deri në fund të ndeshjes.

Në çerekfinale Nigeria do të përballet me fituesin e ndeshjes midis Egjiptit dhe Afrikës së Jugut.

Nigeri 3-2 Kamerun
Shënues: Ighalo 19′, 63′, Iuobi 66′ / Bahoken 41′, N’Jie 44′

Nigeria në ankth, sulmuesi pëson infarkt

Sport Ekspres — Fri, 21 Jun 2019 19:15:09 +0000

Kupa e Kombeve s’mund të fillonte më keq për Nigerinë. Ditën e sotme sulmuesi Samuel Kalu ka pësuar një infarkt gjatë seancës stërvitore. Lojtari i Bordosë është shoqëruar në spital ku po merr ndihmë të specializuar miqësore.

Kombëtarja nigeriane ndodhet në Aleksandri në kuadër të Kupës së Kombeve, që këtë vit zhvillohet në Egjipt. Për momentin federata nigeriane nuk ka dalë një komunikatë në lidhje për rastin në fjalë.

21-vjeçari Kalu aktivizohet si sulmues krahu. Talenti nigerian u transferua te Bordoja një vit më parë, pasi francezët paguan 9 milionë euro për të blerë kartonin e tij nga belgët e Gent.