Roma ofron lojtarë për të ulur çmimin. Pastore, Defrel dhe Xhengiz Ynder janë emrat e ofruar, por Milani ka një dëshirë. Maldini ka kërkuar përfshirjen e Nikolo Zaniolos në operacionin e Susos.

Propozim që nuk i pëlqen aspak Romës, që nuk dëshiron të heqë dorë nga talenti 20-vjeçar. Patrik Shik është një tjetër emër që mund t’i interesojë klubit të “djallit”. Xhampaolo e pëlqen shumë sulmuesin çek, i cili mund të zbarkojë në Milanelo, sidomos pas largimeve të mundshme të Kutrones dhe Andres Silvës.

Drejtori sportiv i Romës, Petraki e nxjerr djaloshin nga merkato. Ai shprehet se nuk e ka nxjerrë në treg Zaniolon, dhe si rrejdhojë nuk do të shitet. Kështu, klubet gjigante të Evropës duhet të presin për 22-vjeçarin.

“Është thënë se unë e kam nxjerrë Zaniolon në treg. Është e gabuar. Unë nuk e kam nxjerrë atë asnjëherë në shitje. Merkato është plot me kurthe, por Zaniolo nuk është merkato. Kam folur me të dhe kam vazhdimisht komunikim me çdo lojtar, jam i dretpërdrejtë me të gjithë”, u shpreh Petraki.

Mbrojtësi belg kështë i preferuari i trajnerit Fonseka për të zëvendësuar grekun Manolas, i cili u largua drejt Napolit. Franko Baldini do të takohet me homologët e Spurs ditën e hënë për të diskutuar akordin me klubin anglez, që ka gati një ofertë 6-vjeçare dhe një rrogë super për Zaniolon.

Nga ana tjetër është edhe Juventus, dëshira e madhe e lojtarit. Fabio Paratiçi i ka premtuar se do ta transferojë në Torino. Mesfushori nuk dëshiron të nxitohet dhe po pret drejtorin sportiv të “Zonjës”.

Bardhezinjtë kanë gati një ofertë 5-vjeçare për lojtarin dhe po tentojnë që të përfshijnë Gonzalo Higuain në operacion e madh. Vetë Zaniolo dëshiron që të luajë me Kristiano Ronaldon te Juventusi dhe po pret që kampionët e Italisë të arrijnë marrëveshjen me Romën.

Roma është një nga klubet e interesuara për të dhe te Juventusi, sikurse raporton Corriere dello Sport, po mendojnë të bëjnë një shkëmbim me verdhekuqtë dhe në marrëveshje të përfshihet një nga mesfushorët më të talentuar, Nikolo Zaniolo.

Ky i fundit ndihet disi i zhgënjyer te Roma, që nga ana tjetër po tenton të rinovojë me të. Mesfushori është ndër më pak të paguarit në skuadër, ndërkohë që klubi kryeqytetas nuk e lëshon pa 60 milionë euro.

Normalisht nuk mund të ketë një shkëmbim kokë më kokë me Higuain. Juventusi duhet të shtojë diçka, krahas sulmuesit që duhet të marrë rrugën për Romë. Bardhezinjtë do të duhet ta bindin argjentinasin, pasi kontrata është kontratë…

Më shumë se të gjithë e dëshiron Juventusi i Sarrit. Në lidhje me këtë çështje ka folur edhe e ëma e mesfushorit. Françeska Kosta i mbyll derën Juventusit, “thumbon” Klaudio Ranierin dhe ndihet keq nga fjalët e shumta të pavërteta që qarkullojnë për djalin e saj.

“Do të qëndroje te Roma derisa të dojë klubi. Nikolo është një djalë shumë i qetë, i cili ka patur një shpërthim të papritur dhe nuk ka qenë e thjeshtë për ta menaxhuar  psikologjikisht suksesin. Nuk ka lidhje fare kontrata. Nikolo ka nevojë vetëm për një trajner psikolog.

Di Françesko ishte, ndërsa me trajnerin e radhës (Ranieri) ndodhi më pak. Ai i ndryshoi rol dhe e aktivizonte në pozicione jo ideale për cilësitë e Nikolos. Ndihemi keq kur lexojmë për kërkesat për rritje rroge. Nuk është aspak e vërtetë dhe janë të gjitha fjalë kot”, përfundon Françeska Kosta.

U fol për një përfshirje të Gonzalo Higuain në tratativën me klubin kryeqytetas, por sulmuesit nuk i pëlqen të transferohet te Roma. Këta të fundit janë në nevojë për një portier cilësor dhe po vuajnë për të gjetur një të tillë.

Kampionët e Italisë janë gati të ofrojnë Matia Perin dhe para për Zaniolon. Cilësitë e portierit nuk vihen në dyshim, por hapësirat e pakta mund ta shtyjnë drejt largimit. Juventusi ofron kartonin e tij dhe 20 milionë euro (pa llogaritur bonuset) për të transferuar Zaniolon në Torino.

Ky vendim mendohet se vjen edhe për të ruajtur formën fizike të dy yjeve. Kampionati Evropian për grupmoshën U-21 fillon pas pak ditësh dhe kjo dyshe pritet ta udhëheqë drejt triumfit kombëtaren axurre.

Niko Zaniolo mbylli një sezon shumë të mirë në aspektin personal me verdhekuqtë dhe klube të mëdha italiane e europiane kërkojnë shërbimet e tij.

Roma nuk dëshiron të humbasë shërbimet e 19-vjeçarit dhe synon të rinovojë me të deri në vitin 2024. Megjithatë, kërkesat e agjentit të mesfushorit janë të larta në krahasim me çfarë ofron klubi kryeqytetas.

Fabio Paratiçi është gati të shfrytëzojë situatën dhe ka gati 50 milionë euro për lojtarin. Për të paguar më pak dhe duke llogaritur faktin që Xheko është drejt largimit, drejtori sportiv i Juventusit ka një propozim tundues për Romën: para plus kartonin e Gonzalo Higuain për Zaniolon.

Roma po mendohet, ndërsa Juventusi po punon paralelisht për të arritur akordin me agjentin e lojtarit të talentuar.

Sipas “Calciomercato”, Totenhem e do me çdo kusht djalin e artë të Romës. Ata kanë nisur një ofertë prej 40 milionë eurosh drejt klubit italian. Shifër, që me do të pasohet nga një rritje e ndjeshme, pasi drejtuesit romanë pretendojnë të fitojnë më shumë për të.

Ndërkohë, “Spurs-at” duhet të mposhtin konkurencën e një gjiganti si Juventus. Kampionët e Serie A ka kohë që e kanë në shënjestrën e tyre djaloshin dhe vështirë se e lënë t’u ikë nga duart. Mediet vendase raportojnë se Paratiçi dhe Nedved kanë nisur bisedimet për të pregatitur ofensivën finale për shërbimet e 19-vjeçarit.

Duke iu referuar mediave italiane, më saktësisht “Corriere Torino”, fantazisti dëshiron të transferohet në Torino. Zaniolo mbrëmjen e djeshme ka qenë në një festë në provincën e tij të lindjes, Sarzana. Në bisedë e sipër, pasi e kanë pyetur nëse dëshiron të transferohet te Juventusi, ai ka shprehur miratimin e tij.

“Jam shumë mirë në Romë, por kush nuk do të  donte të të shkojë te Juventus? Por tani do të vendosja për Romën”, është shprehur djaloshi në praninë e shokëve të tij. Kohët e fundit bisedimet e tij me klubin nga kryeqyteti kanë ngecuar dhe kjo deklaratë e ngroh Juven, që pritet të hidhet në sulm për ta bërë të vetin. Shitja e tij do të ishte një biznes i mirë për Romën. Ata e morën nga Interi për vetëm 4,5 milionë euro dhe pritet ta shesin për më shumë se 50 milionë.

“Do të rinovojmë ekipin në fund të sezonit. Vera do të jetë fushata më e madhe e blerjeve që Bajerni ka bërë ndonjëherë”, u shpreh Uli Hënes. Pavard dhe Hernandez janë siguruar dhe mbrojtja do të jetë më e fortë.

Tani ka nisur puna për përforcimin e reaprteve të tjera. Sipas “Bild”, Bajerni pëlqen shumë Nikolo Zaniolon. Drejtuesit e gjigantit gjerman kanë gati 50 milionë euro për Romën dhe e shohin lojtarin si zëvendësuesin perfekt të Hames Rodrigez.

Ata duan të transferojnë 19-vjeçarin në Bavari dhe po nxitojnë për të mposhtur rivalitetin e Juventusit dhe Mançester Sitit. Mesfushori ofensiv është një nga talentët e futbollit italian. Ai ka “shpërthyer” këtë sezon me verdhekuqtë, ka shënuar 6 gola në të gjitha kompeticionet dhe ka debutuar me kombëtaren e Mançinit.

Mesfushori i talentuar i Romës u aktivizua në minutën e 85-të në vend të Marko Verratit dhe ndihet shumë i lumtur. Në një prononcim për “Rai”, 19-vjeçari nuk i kursen elozhet për Eusebio Di Françeskon, personin që i besoi një post titullari te Roma, ndërsa vlerëson shumë dhe trajnerin aktual të verdhekuqve, Klaudio Ranierin.

Zaniolo tregon dhe këshillat e shumta që merr nga Françesko Toti. Legjenda e Romës insiston që mesfushori të qëndrojë me këmbë në tokë dhe të vazhdojë të punojë fort për të mbajtur këtë nivel loje.

FALENDERIMET – “Debutimi me kombëtaren ishte një emocion i madh, një tjetër ëndërr e realizuar këtë vit, por e di mirë se duhet të qëndroj me këmbë në tokë. I jam shumë borxhli Di Françeskos, sepse bashkë me Mançinin ishin të vetmit që besuan tek unë. Eusebio më ka mësuar se si të sillem dhe jashtë fushave. Ai di se di të sillet me njerëzit. Më erdhi shumë keq që u largua. Kjo është diçka personale dhe unë e cilësoj atë si shumë të aftë. Tani është Ranieri dhe më duhet të jap maksimumin. Trajneri ka eksperiencë, ka fituar në karrierë dhe di si të sillet te një ambient si Roma”.

TOTI – “Françesko më jep këshilla se si të stërvitem, si të luaj dhe si të sillem. Dallohet qartë që është një kampion edhe jashtë fushave. Ma përsërit shpesh që duhet të qëndroj me këmbë në tokë. Më thotë që mjafton pak për të arritur diçka, por që është shumë e vështirë të qëndrosh në një nivel të caktuar.”

Për këtë arsye, drejtuesit kryeqytetas kanë nxituar t’i ofrojnë mesfushorit një kontratë të re, pasi shumë klube të mëdha janë vënë në ndjekje të tij. Sipas “Gazzeta dello Sport”, kontrata e re e Zaniolos do të jetë e vlefshme deri në verën e vitit 2023 dhe paga e 19-vjeçarit do të 6-fishohet.
Aktualisht, italiani merr vetëm 300 mijë euro në sezon, që është një shifër absurde për kontributin që ai ka dhënë, kështu që tashmë me firmosjen e kontratës së re, Zaniolo do të përfitojë gati 2 milionë euro.

Drejtuesit e klubit po mendojnë dhe për përforcimin e ekipit në verë. Sipas mediave italiane objektivi i madh i Romës është Federiko Kieza. 21-vjeçari po shkëlqen me Fiorentinën dhe admiruesit e tij po rriten. Monçi, drejtori sportiv i Romës, tentoi gjatë verës së kaluar sulmuesin e kombëtares Italiane.

Spanjolli kishte gati disa milionë euro dhe El Sharauin për ekipin viola, por presidenca e Fiorentinës nuk pranoi. Çmimi i Kiezës po rritet dhe nevojiten të paktën 80 milionë euro. Nga ana tjetër Roma ka marrë një ofertë prej 60 milionë eurosh për Zaniolon. Monçi ka arritur akordin me agjentin e lojtarit për të rinovuar kontratën. Mesfushorin e prej një kontratë deri në vitin 2024, një rrogë prej 2 milionë eurosh në sezon pa përfshirë bonuset dhe asnjë klauzolë largimi.

Eusebio Di Françesko ka vlerësuar ekipin e Mihajloviçit dhe është ndalur te lojtari i momentit, Nikolo Zaniolo. 19-vjeçari po dhuron paraqitje pozitive dhe po rritet nga ndeshja në ndeshje. Dygolëshi i tij vulosi fitoren e ndeshjes së parë kundër Portos dhe elozhet për të nuk kanë fund.

Një çështje ka shpërthyer sa i përket numrit të mesfushorit, duke ndarë dhe tifozët romanistë në dy kampe. Ka nga ata që do të preferonin t shihnin numrin 10 në shpinën e Zaniolos, ndërsa shumica mendojnë ndryshe. Ky numër nuk duhet prekur, pasi ai i takon Françesko Totit, legjendës dhe idhullit të Romës.

Trajneri ka dhënë mendimin e tij për këtë situatë, duke bërë thirrje për qetësi. Lojtari po rritet dhe ka nevojë për ndihmën e të gjithëve, ndërsa nuk është momenti për t’i dhuruar një numër të “rëndë” si 10-ta e Françesko Totit.

“Dua të bëj një thirrje publike për atë që po përjeton Zaniolo: lëreni të qëndrojë i qetë. Ai është vetëm një djalosh 19-vjeçar dhe nuk i duhen ngarkuar shumë përgjegjësi. Këto fjalë i them si trajner. Kam dëgjuar se po diskutohet shumë për t’i dhuruar numrin 10, por numri 22 i qëndron shumë mirë në këtë moment. Duhet të tregohemi të aftë për t’i mundësuar rritjen si lojtar, por të njëjtën gjë duhet të bëjë dhe ambienti ynë. Nikolo është një lojtar me një perspektivë të madhe dhe i duhet të tregojë akoma shumë gjëra”, përfundon trajneri i Romës.

Mesfushori realizoi dy golat në fitoren 2-1 që Roma regjistroi kundër Portos, ndërkohë që edhe në Serie A ka shënuar tre herë këtë sezon. Së fundmi ka pasur edhe një takim të menaxherit të Zaniolos, Klaudio Vigoreli, me drejtuesit e Romës.

Për të rinovuar kontratën mes palëve një kërkesë është e qartë: nuk do të ketë klauzolë. Babai i Zaniolos, Igor, e ka parashtruar diçka të tillë. Momentalisht mesfushori ka një kontratë deri në vitin 2023, por në aspektin financiar përfitimet janë të vogla për të riun.

Aktualisht ai përfiton 300 mijë euro në sezon dhe kontrata e re pritet të zgjatet deri në vitin 2024. Përfitimet e Zaniolos pritet të 6-fishohen, pasi paga pritet të shkojë në rreth 1.8-2 milionë euro në sezon, ndërkohë që do të ketë bonuese të ndryshme në varësi të paraqitjeve të lojtarit dhe ekipit