Nicolo Barela

Inter-Barela e kryer, ja detajet

Sport Ekspres — Tue, 09 Jul 2019 07:40:07 +0000

Inter duket më aktiv se kurrë gjatë viteve të fundit në merkato. Pas ardhjes së Sensit, Lazaros dhe Godin, është radha e një supertalenti për të zbarkuar në “San Siro”. Niko Barela shumë shpejt do të jetë lojtari më i ri i Interit.

22-vjeçari ka vetëm klubin zikaltër në preferencat e tij dhe kjo gjë e bën këtë operacion më të lehtë. E vetmja çështje për t’u diskutuar është marrëveshja me Kaljarin, mbi çmimin dhe mënyrën e pagesës. Barela pritet t’i kushtojë Interit 45 milionë euro.

Ndërkohë, mediet italiane raportojnë se Kaljari ka pranuar të negociojë mbi mënyrën e pagesës, duke parë se dëshira e lojtarit është vetëm klubi zikaltër. Tashmë është gati e sigurt se Barela do shkojë në Milano, me Interin që do ketë në skuadër një prej talenteve më të mëdha të kësaj gjenerate në Itali.

Interi apo Milani? Talenti Barela zgjedh

Sport Ekspres — Wed, 12 Jun 2019 19:15:53 +0000

Nikolo Barela është një nga talentet më të mirë në tregun italian. 22-vjeçari pritet të lërë Kaljarin këtë verë për të zbarkuar në një prej dy gjgantëve Milanezë. Inter dhe Milan janë dy ekipet më të interesuar për mesfushorin. Kuqezinjve u duhet me patjetër një mesfushor qendre dhe Barela përmbush çdo kriter.
Një lojtar i kompletuar, që premton për të ardhmen. Megjithatë, mediet italiane bëjnë me dije se Milani nuk i intereson lojtarit dhe ai pritet ta injorojë interesin e tyre. “Djalli” është në ndërtim e sipër dhe nuk i jep mundësinë të luajë në Champions League sezonin e ardhshëm.

Mes dy klubeve siç duket derbin për Barelën e ka fituar Interi. Siç bëhet me dije nga mediet përtej Adriatikut, Barela i ka komunikuar agjentit se Interi është zgjedhja e tij dhe i ka aprovuar fillimin e negociatave.

Kaljari nga ana e tyre kërkojnë 50 milionë euro për yllin 22-vjeçar. Interi nuk është i gatshëm ta japë këtë shumë dhe në marrëveshje do mundohet të fusë një talent nga të rinjtë.

Liverpul e ka seriozisht, 31 milionë sterlina për mesfushorin

Sport Ekspres — Fri, 21 Sep 2018 19:04:27 +0000

Nikolo Barela është padyshim emri më i lakuar në kampionatin italian. 21-vjeçari i Kaljarit është dhe lojtari kryesor i ekipit nga Sardenja, kapiten dhe idhull i tifozerisë kaljaritane.

Ekipet e mëdha të Serisë A si Juventus, Milan dhe Inter kanë pasur një interes të lartë mbi mesfushorin. Juventus me sa duket është tërhequr nga gara për mesfushorin siç dhe raportojnë mediat italiane. Nga ky fakt ka përfituar Liverpul.

“The Reds” duket se janë të gatshëm të ofrojnë deri në 31 milionë sterlina për mesfushorin e talentuar dhe duket se janë mjaft seriozë në interesimin e tyre. “Calciomercato” ka raportuar ditën e sotme se klubi nga “Anfield” ka bërë shumë hapa përpara për të bindur drejtuesit e Kaljarit.