nicholas pepe

55 milionë euro dhe Unas, Napoli bën gjithçka për yllin e Lilës

Sport Ekspres — Fri, 26 Jul 2019 07:33:33 +0000

I gjithë fokusi i merkatos së Napolit është kthyer drejt sulmuesit të Lilës Nikolas Pepe. Sipas “Sky Sports” bisedimet janë në një fazë avancuar me Napolin që është pranë akordit me lojtarin dhe klubin nga veriu i Francës.

Oferta e De Laurentis për pronarin e Lilës, Zherard Lopez, është një shumë prej 55 milionë eurosh e paguar në një këst të vetëm dhe kartoni i futbollistit algjerian Adam Unas, i cili vlerësohet te përafërsisht te 20 milionë eurot.

Momentalisht ngërçi më i madh ndodhet te negociatat për kartonin e lojtarit. Mëngjarashi kërkon një pagë vjetore prej 5 milionë eurosh, ndërsa Napoli ka ofruar 3.5 milionë euro në sezon dhe 500 mijë në formë bonusesh.

Pepe aktivizohet si sulmues i krahut të djathtë dhe sezonin e kaluar shënoi 23 gola në të gjitha kompeticionet.

Transferimi i Hames dështoi, goditja e madhe e Napolit vjen nga Franca

Sport Ekspres — Thu, 25 Jul 2019 15:10:48 +0000

Sulmuesi i skuadrës së Lilës, Nikolas Pepe, është kthyer në një ndër lojtarët më të kërkuar në Europë në harkun e një sezoni. Mëngjarashi mbylli një sezon fantastik, ku regjistroi 23 gola dhe 11 asiste që ndihmuan Lilën në renditjen në vendin e dytë të kampionatit francez.

Paraqitjet e mira të 24-vjeçarit sollën vëmendjen e klubeve si Bajerni i Mynihut dhe Mançester Junajtid, por kandidati favorit për të marrë shërbimet e lojtarit nga Bregu i Fidlishtë është Napoli.

Mediet italiane raportojnë se agjenti i lojtarit ndodhet në qytetin italian, ku po finalizon marrëveshjen me presidentin Aurelio De Laurentis. Te Napoli krahu i djathtë i sulmit mbahet prej vitesh nga spanjolli Joze Kajehon, por pas shtatë sezonesh në Itali paraqitjet e 32-vjeçarit kanë pësuar një rënie të natyrshme.

Drejtuesit e Lilës nuk ngopen lehtë, refuzojnë 80 milionë euro

Sport Ekspres — Wed, 24 Jul 2019 10:16:48 +0000

Presidenti i Lilës Gerard Lopez ka refuzuar një ofertë të çmendur për kartonin e sulmuesit anësor Nikolas Pepe. Anglezët e Mançester Junajtid ofruan një çek prej 80 milionë eurosh për shërbimet e 24-vjeçarit, por edhe kjo shumë marramendëse nuk ka mjaftuar.

Mediet franceze raportojnë se Lopez pretendon të përfitojë një shumë akoma më të lartë nga shitja e lojtarit nga Bregu i Filidishtë. Pepe ishte një ndër lojtarët më të mirë në Francë gjatë vitit të kaluar, ku mbylli sezonin me 23 gola dhe 11 asiste.

Për shërbimet e Pepe ishte i interesuar dhe Bajerni i Mynihut, por kërkesat e larta të klubit francez bënë që kampionët e Gjermanisë të dilnin nga gara. Fati i mëngjarashit do të mësohet në ditët në vijim.

https://www.youtube.com/watch?v=TRPAI-rsqcc

Merkato engimatike, Bajerni tërhiqet nga gara për dy talentet

Sport Ekspres — Mon, 01 Jul 2019 18:25:38 +0000

Bajerni i Mynihut e filloi merkaton e verës me dy blerje të bujshme në mbrojtje teksa siguroi shërbimet e dyshes franceze “Pavard-Hernandez” për një shumë totale prej 115 milionë eurosh. Megjithatë vrulli i bavarezëve duket se është ndalur.

Objektivi i radhës për kampionët e Gjermanisë ishte për të përforcuar repartin e sulmit. Talenti i Lilës Nikolas Pepe dhe Kai Haverc i Leverkuzen ishin lojtarët që u shqyrtuan nga drejtuesit e Bajernit, por nuk ka qenë e shkruar që dy lojtarët të veshin fanellën e Bajernit sezonin tjetër.

Nikolas Pepe

Sipas së përditshmes së njohur gjermane “Kicker”, drejtuesit e Bajernit kanë vendosur të tërhiqen nga bisedimet për të dy lojtarët. Afrikani Pepe nuk ka arritur të bindë, ndërsa kërkesat e Leverkuzen për Haverc janë të papërballueshme nga Bajerni.

Kai Haverc

Fokusi i bavarezëve mbetet te talenti i Çelsit Kalum-Hadson Odoi. Sulmuesi 18-vjeçar është i hapur për një largim nga Çelsi, por pikërisht klubi londinez po bën rezistencë duke refuzuar ofertat e njëpasnjëshme të Bajerni të Mynihut.