Sot 24-vjeçari aktivizohet në Francë me skuadrën e Renesë, ku ndodhet i huazuar nga Torino. Rikthimi në vendlindje duket se i ka bërë mirë sulmuesit, i cili ka tërhequr vëmendjen e ekipeve kineze, merkato e të cilave është ende e hapur.

Shangai Shenhua është skuadra e interesuar për Niang. Sipas “footmercato”, klubi kinez ka gjetur akordin me Torinon, por mbeten për t’u bindur drejtuesit e Renesë, pasi huazimi i lojtarit përfundon në qershor dhe marrëveshja nuk mund të pritet në mënyrë të njëanshme.

Ish-sulmuesi i Milanit shënoi me anë të një finte fantastike në minutën e 28-të, ndërsa gjatë minuta më pas u bë protagonist negativ. 24-vjeçari kreu një faull të frikshëm ndaj Kehrer, por vetëm karton i verdhë për të. Senegalezi meritonte kartonin e kuq, por arbitri e fali. E habitshme pasi arbitri kërkoi dhe ndihmën e teknologjisë VAR, por në fund vendosi ta kalonte këtë rast me një të verdhë.

No red card? You be the judge… ?#PSGSRFC pic.twitter.com/b2bY5ouHOP

— Paris Saint-Germain (@PSG_English) January 27, 2019

PSG ka reaguar në rrjetet sociale duke postuar videon e ndërhyrjes “horror” për t’ia lënë tifozëve të vendosnin nëse ishte apo jo karton i kuq. Tomas Tuhel nuk u përmbajt pas përfundimit të ndeshjes. “Nuk e kuptoj se për çfarë na duhet VAR? Përse? Nëse është penallti, VAR e anulon. Nëse është karton i kuq, me VAR nuk është. Është qesharake dhe nuk ka më kuptim që ta përdorim teknologjinë”, proteston trajneri gjerman, i cili gjatë pushimit nuk përtoi t’i drejtohej arbitrit kryesor me fjalët: “ik në shtëpi dhe merre atë m… me vete.”

Tacle mal maîtrisé ! Aucune intention de te faire mal, heureux de ne pas t’avoir blessé !!! @KehrerThilo belle fin de saison et encore désolé !@PSG_inside pic.twitter.com/I3lG2g8dvT

— M’Baye Niang (@MBaye9Niang) January 27, 2019

Niang është ndjerë keq për veprimin e bërë dhe ka reaguar në rrjetet sociale. Sulmuesi nuk kishte asnjë qëllim të dëmtonte mbrojtësin gjerman, i cili ishte me fat dhe shpëtoi mirë në atë rast. “Ishte një ndërhyrje e llogaritur keq. Nuk kisha qëllim që të dëmtoja dhe jam i lumtur që nuk u dëmtove rëndë! Tilo Kehrer, të uroj një sezon të mbarë dhe më vjen shumë keq për ndërhyrjen e bërë.”

“Isha ende fëmijë kur pesë vite më parë mbërrita në Milano për herë të parë. Të luaja kuqezi ka qenë dhe gjithmonë do të jetë diçka e veçantë. Goli në Kupën e Italisë, Seria A, treshja e kreshtave, shtylla e Barcelonës, vitet e Champions League dhe ato zhgënjyes… Por sot ka ardhur momenti që të shkëputem nga kjo botë. Nga Milani. Ka shumë arsye, ka shumë për të thënë, por sot dua të them vetëm faleminderit për atë që më keni dhënë, për sa më keni dhënë. Për gjithçka”, ka shkruar sulmuesi në llogarinë e tij në Instagram.