Ngo nuk ngurron të përgjigjet duke shkruar: Pa dashur të fyej Partizanin, por Tirana është klubi më i madh në Shqipëri, fakt.

Teksa çështja e së ardhmes së sulmuesit mbetet ende pezull, Ngo vazhdon të japë sinjale për rikthim teksa u përgjigjet në mënyrë të vazhdueshme tifozëve bardheblu që e kontaktojnë në rrjetet sociale.

Një “gardian” si Enea Koliçi jep garanci absoluten në portë. Veliu dhe Turtulli janë një dyshe interesante për qendrën e mbrojtjes, ndërsa Gocaj dhe Kotobelli në krah janë lojtarë të sprovuar prej vitesh në ato role.

Mesfusha treshe me Jonuzin, Hilën dhe Behar Ramadanin është një trinom i kompletuar. Në krahë të sulmit Ngo dhe Fili garantojnë asiste të shumtë për shkodranin Sukaj, i cili tregoi te Flamurtari se në Superiore është i aftë të bëjë diferencën.

ASANI – “Futbollisti i Partizanit Jasir Asani nuk është në menaxhimin tim, por di që është parë nga një skuadër në hungareze që merr pjesë në Kupat e Europës. Erdhi një përgjigje shumë pozitive për kualitetin e lojtarit, por kishte një problem në thonjëza racist. Trajneri i tyre është serb dhe po kështu i gjithë stafi i tij dhe një pjesë e lojtarëve. Nuk e bënë përfundimtare që kjo ishte një problem, por logjika të çon që ata nuk e dëshirojnë diçka të tillë. Asani është në kontratë me Partizanin dhe ka një klauzolë largimi shifrën e secilës s’mund ta bëj të ditur”.

TIRANA DHE NGO – “S’mund të them se Tirana ka bërë lëvizje të mira për një arsye, sepse ka mbuluar kokën dhe është zbuluar nga poshtë. Me aq sa kam unë informacion Majkëll Ngo është pranë një transferimit te Lokomotiva e Zagrebit. Kontrata e tij 2-vjeçare me Tiranën ka përfunduar. Kam një informacion që midis menaxherëve të Dungës dhe presidentit Refik Halili ka pasur një bisedë dhe ka akord, por ka një problem pasi për lojtarin ka dhe një ofertë nga Kukësi”.

Trajneri i Tiranës Ardian Mema ishte i ftuar në emisionin “Sport News Plus” në “News24”, ku foli në lidhje sezonin që lamë pas të Superiores. Trajneri kryeqytetas u shpreh se ai po punon sëbashku me klubin për të afruar emra të rinj.

“Kam punuar shumë këto ditë. Sapo ka mbaruar finalja jam marrë me punën e merkatos. Fatmirësisht kemi njohje dhe emër si klub. Këtë e them pasi këtë punë është dhe çështje imazhi që futbollistët kanë për klubin”.

LOJTARËT NGA AFRIKA – “Do ketë përsëri lojtarë nga Afrika, por me një numër më të pakët. Ndoshta vetëm një ose dy, jo më shumë”.

IKJA NGA STADIUMI PAS FINALES SË KUPËS – “I kam kërkuar falje si fillim kundërshtarit, pasi ata janë shokët tanë. Unë Nestin (Ernest Gjoka) e njoh që fëmijë, i kërkoj falje dhe drejtuesve të Federatës. U mërzita shumë dhe mu rikthyen disa kujtime shumë të këqija. Çdo njeri ka një limit. Në atë ndeshje u bënë disa gabime në mbrojtje që më mërzitëm shumë”.

E ARDHMJA E NGO – “Ngo mund të ketë oferta nga Tirana, por edhe nga klube të tjera shqiptare ose angleze. Për të marrë përgjigje mbi këtë pyetje duhet të pyesni futbollistin”.

PARTIZANI – “I uroj gjithë të mirat në Kupat e Europës. Mendoj se Partizani ka pasur meritë të madhe në përzgjedhjen e futbollistëve dhe mënyrën e lojës. Sipas mendimit tim nuk qëndron ky argumenti se ata nuk kanë pasur konkurrencë”.

RAPORTI ME TIFOZËT – “Mendoj se Tiranës duhet t’i kthehet raporti i mirë me tifozët. E kam thënë përherë se tifozët e Tiranës duan rezultate. Natyrisht që ka pasur qejfmbetje, për shembull Tirana ka pesë vite që nuk fiton një derbi. Pesë vite janë shumë, nuk mund të pritet kaq shumë. Duhet medoemos që të rikthehemi me fitore në ndeshjen me Partizanin”.

TIRANA E ARDHSHME – “Besoj se do të jetë ekip që do të jetë në vendet e kreut”.

Sulmuesi ka postuar një foto në Instagramin e tij zyrtar, ku ka qenë duke ndjekur takimin mes Laçit dhe Tiranës, fituar nga kurbinasit 2-0. Përveç fotos, Ngo shkroi: “Kjo skuadër më rrit ndjeshëm presionin e gjakut”, duke treguar se ka qenë i nervozuar për fatet e kualifikimit.

Përveç komentit të tij për kualifikimin në Kupë, Ngo dha dhe një lajm të mirë për tifozët e Tiranës, pasi konfirmoi që rikuperimi po shkon me sukses dhe do të rikthehet shumë shpejt në fushat e lojës: “Javën tjetër rikthehem të vrapoj. Koha e Zotit”.

Në pamjet filmike të mëposhtme tregohet e gjithë dinamika e ngjarjes. Kamera e ndodhur në zonën miks ka kapur momentin e një debati midis presidentit Pashk Laska dhe futbollistët të Tiranës Majkëll Ngo.

Situata më pas përkeqësohet me konfrontim fizik midis palëve që zgjat përreth 20 sekonda derisa forcat e sigurisë qetësojnë situatën.

Në miqësoren e zhvilluar ditën shtunë ndaj Dinamos, dyshja e lojtarëve u bë sërish protagonist. Goli i parë i sfidës ishte mbresëlënës, dy kombinime të shpejta të kryera në çështje sekondash.

Edon Hasani ka hedhur videon  e golit në profilin e tij në “Instagram” dhe ka vënë mbishkrimin (në gjuhën angleze) “Jemi në mendjen e njeri-tjetrit” për të shpjeguar kombinimin perfekt midis tij dhe anglezit.

Që në minutën e 6’ të sfidës, Ngo fillon të zihet me lojtarët e Kastriotit. Madje, britaniku e tepron, duke përdorur dhe duart dhe duke shtyrë numrin 10 të vendasve, Ymerajn. Ky i fundit rrëzohet në tokë dhe për gjyqtarin, ka karton të verdhë për sulmuesin e Tiranës.

Edhe pse ishte i ndëshkuar, Ngo vazhdoi të krijojë polemika dhe gjestet e tij nuk i pëlqyen aspak tifozerisë vendase, që shau dhe ofendoi në kor sulmuesin, por as teknikut Mema, i cili nuk u mendua dy herë dhe në minutën e 12’ të takimit, e zëvendësoi, duke aktivizuar Halilin në vend të tij. Ngo nuk u ul fare në stol, por iu drejtuar dhomave të zhveshjes, për të mos u rikthyer më në ambientet e fushës.

Në përfundim të takimit, Ngo foli për mediet e pranishme në “Selman Stërmasi”. Futbollisti i Tiranës vlerësoi paraqitjen e të gjithë skuadrës duke bërë komplimente për të gjithë shokët e skuadrës.

“Ndihem shumë i gëzuar. Fituam 3-0 dhe Laçi do ta ketë shumë të vështirë në ndeshjen e kthimit, megjithëse në fushën e tyre na kanë hapur shumë probleme, por e shoh të vështirë që ta përmbysin. Pra e kemi këtë avantazh.”

“Jam ende i mërzitur që dy golat që shënuam në pjesën e parë na u anuluan, pasi nuk ishin në pozicion jashtë loje dhe rezultati do të ishte 5-0 . Gjithsesi jam i gëzuar dhe me 3-0”.

“Sot patëm lojtarë që bënë ndeshje të jashtëzakonshme, si për shembull Imami, Turtulli, Hoxhallari, Kërçiku mund të përmend të gjithë skuadrën. Edon Hasani ishte gjithashtu i mahnitshëm. Erando (Karabeci), bëri një paraqitje kapiteni, vrapoi bëri presing, kontrolloi mirë topin. Ishte e mrekullueshme”.

“Këtë vit ndryshimi ka të bëjë me mendjen. Futem në ndeshje me besimin që do të luaj mirë dhe do të shkatërroj kundërshtarët e do të fitojmë. Trajneri Mema ka qenë brilant, pasi jemi një grup i bashkuar, që ia bëjmë të vështirë kujtdo. Kjo është një fitore e madhe për Tiranën”, përfundon gjiganti i repartit ofensiv të bardhebluve.

NGO LIDER – “Kur futem në fushë, kam një dëshirë që të luaj mirë dhe të jap 110%. Por nuk jam unë i vetmi lider, edhe 10 lojtarët e tjerë që ishin sot në fushë. Ju e patë lojën dhe besoj se jeni dakord me mua. Të vazhdojmë kështu të gjithë së bashku”.

NDRYSHIMI TE TIRANA – “Jemi më të bashkuar si skuadër, trajneri ka bërë një punë shumë të mirë. Në 2018-ën, nuk sakrifikonim për njëri-tjetrin. Këtë vit, shihet në rezultate që ne po sakrifikojmë për njëri-tjetrin dhe kjo na bën një grup më të fortë”.

POZICIONIMI – “Sot qëndrova më afër zonës, pasi Laçi luan një sistem loje të pabesueshëm. Ata e mbingarkojnë mesfushën dhe lënë hapësira në prapavijë, prandaj luajta në vijën e fundit, krahas mbrojtësve të qendrës. Pastaj, sot kisha fat dhe i shfrytëzova rastet”.

OBJEKTIVAT – “Tirana ka forcën të fitojë Kupën dhe të parakalojë shumë skuadra në renditje sa i takon kampionatit, gjithmonë nëse bëjmë lojën tonë dhe marrim rezultatet e duhura”.

AMBIENTIMI – “Nëse je një lojtar i mirë dhe mendja jote është në vendin e duhur, nuk shikoj asnjë arsye pse nuk mund të luash mirë. Unë personalisht i di aftësitë e mia. Tani e kuptoj trajnerin dhe lojtarët, gjërat do të bëhen edhe më mirë. Gjithçka do të shkojë ashtu siç duhet”.

LIDER I TIRANËS – “Po, ndihem shumë mirë dhe jam i lumtur që fituam ndeshjen. Kishim shanse edhe më përpara dhe duhet të shënonim më herët. Shënuam një gol në rrëmujë dhe të gjitha gjërat që bëmë në stërvitje ranë poshtë. Gjithsesi, jam i lumtur për ndeshjen që bëmë dhe për rezultatin që morëm. Tri pikë shumë të rëndësishme”.

NDESHJA – “Nuk jam i kënaqur me ndeshjen. Në 25 minutat e para, luajtëm shumë mirë, pasi bëmë presing lart dhe gjetëm golin. Më pas, u kthyem pas dhe krijuam hapësira. Ishte e vështirë për ne, pasi kundërshtari ka shumë kualitet. Kur ne luajmë në sulm, jemi një rrezik konstant, por luajmë dhe mësojmë. Ne mësuam shumë gjëra sot dhe tani shikojmë nga ndeshja e radhës, një ndeshje shumë, shumë e vështirë për ne”.

RINOVIMI – “Nuk kam dëgjuar asgjë për rinovimin? Ku e paska dëgjuar gazetari? Duhet të jetë president i Tiranës (qesh). Nuk e di, por jam i lumtur nëse ka diçka të tillë. Nëse lajmi është i vërtetë, jam shumë i lumtur që më besohet.

MARRËDHËNIA ME MEMËN – “I propozova dhe më tha po (qesh). Jemi si burrë e grua. Njëherë diskutojmë dhe zihemi, njëherë jemi perfekt. Çdo marrëdhënie ka probleme, por ne për momentin jemi shumë mirë”,- përfundoi Ngo.

TRAJNERI MEMA – “Trajneri ka bërë një punë të mrekullueshme. I heq kapelen, pasi ka ndryshuar mentalitetin e skuadrës. në fillim patëm një keqkuptim. Nuk e njihja atëherë. Njerëzit s’duhen gjykuar”.

BARAZIMI – “Jam i gëzuar që morëm një pikë sot. Vazhdojmë të mbajmë ritmin dhe tani mendojmë për ndeshjen tjetër, më e rëndësishmja është që nuk humbëm”.

GOLAT – “Sigurisht unë futem në çdo ndeshje për të shënuar, këtë kam në mendje. Gjithsesi më e rëndësishme është që skuadra të fitojë të dhe ngushtojmë diferencën me skuadrat e kreut. Nëse nuk shënoj mundohem të shërbej shokët e ekipit”

TEUTA – “Ata kanë mbrojtës të mirë. Luajtën me pesë mbrojtës dhe tre qendërmbrojtësit po më markonin, ishte një mbrëmje e vështirë, por më e rëndësishme është që shënova, sigurisht nuk pata as kolegun tim në sulm Hasanin”.

KOMUNIKIMI – “Natyrisht unë kam luajtur në ekipe të mira, që të luash në këtë lloj niveli duhet të kesh mentalitetin e duhur. Komunikimi është shumë i rëndësishëm në çdo moment shkëmbejmë informacione me njeri-tjetrin”.

Shanset për kupën – “Kemi aq shanse sa çdo skuadër tjetër. Ndjej se grupi është i bashkuar. Besoj se jemi të aftë për të pretenduar kupën”.

Goli i shënuar – “Sigurisht jam gjithmonë i gëzuar për golat, por e rëndësishme është që skuadra të fitoj, s’ka rëndësi kush shënon. Natyrisht, golat ndihmojnë çdo sulmues në aspektin e vetëbesimit, por jam i gëzuar sa herë fiton Tirana”.

“Pësova një dëmtim në menisk që mund t’i ndodhë çdokujt. Ka mbetur dhe pak ënjtje, por tani ndihem shumë mirë dhe jam gati për  pjesën e mbetur të kampionatit”.

Kampionati – “Nuk rrezikojmë rënien. Do shkojmë në çdo ndeshje për të marrë pikë. Kemi një skuadër të aftë për të mundur këdo. Tani duhet të tregohemi të përqendruar”.

“Kështu është futbolli, gjërat ndryshojnë. Nuk dua të flas për të shkuarën, dua të merrem me çfarë po ndodh tani. Mundëm Flamurtarin dy herë dhe unë e skuadra po kalojmë një moment të mirë. Ndihemi të motivuar”.

Mungesa e egoizmit para portës – “Sigurisht sulmuesit duhet të jenë egoist, por më kanë mësuar që i vogël se nëse një koleg ndodhet në një pozicion ku ka 100% shanse për të shënuar dhe ti ke 60%, atëherë duhet t’ia pasoj atij topin. Mua më intereson vetëm që skuadra të fitoj. Çdo skuadër që lojtarët tregohen më pak egoist e të matur është në rrugën e duhur”.

Shtatlarti britanik ka folur sot për “RTSH Sport”, ku ka prekur disa tema që qarkullojnë rreth tij. Marrëdhënia me Memën dhe krahasimi me Balotelin ishin dy pikat ku Ngo u ndalua më tepër.

“Faza përgatitore po shkon mirë, po stërvitemi intensivisht dhe ecuria është pozitive. Tani kemi nevojë të jemi të bashkuar si skuadër dhe të rrisim performancën në ndeshjet e ardhshme”.

Mema – “Kam pasur një raport shumë të mirë kur ai mori drejtimin e Tiranës, por me kalimin e kohës u krijuan diferenca të mëdha. Të kuptosh skemat dhe idetë e lojës, duhet ta njohësh trajnerin. Ndonjëherë gjërat ndryshojnë, por unë dua të theksoj se marrëdhënia me Memën është brilante. Jam i lumtur që e kemi në krye të pankinës”.

Paraqitjet – “E di që jam i aftë të udhëheq skuadrën dhe të luftoj me çdo mbrojtës. Nuk luajta në fillim të kampionatit për shkak dëmtimi, por kur ndiqja ndeshjet, e dija se mund të bëja diferencën në Shqipëri, pasi i di aftësitë e mia.

Sjelljet në fushë – “Unë nuk futem në fushë për të dëmtuar askënd, apo për t’u nervozuar. Jam shumë emocional dhe i motivuar, prandaj përdor grintën dhe ushtroj presion ndaj kundërshtarit. Por nuk bëj ndërhyje me qëllim”.

Krahasimi me Balotelin – “Jo jo, aspak, nuk dua të krahasohem me askënd. Baloteli është Baloteli e unë jam Ngo. Nëse nervozohem në fushë, është thjesht pasion. Dua që Tirana të fitojë sa më shumë, të bëjë më të mirën për Tiranën, pasi nuk kam ardhur nga Anglia për ndonjë gjë tjetër”.

E ardhmja – “Jam pjesë e Tiranës dhe gjërat kanë shkuar për mirë. Tani, dua të punoj fort çdo ditë dhe të luaj sa më shumë për këtë skuadër”,- u shpreh britaniku Ngo.

HUMBJA E DYTË – “Faktikisht kemi bërë shumë stërvitje dhe lojtarët ishin pak të ngarkuar. Kjo i shërben më shumë fazës përgatitore, ose harmonizimit të veprimeve. Kemi ndryshime në pozicione, që kemi bërë. Gjithsesi jam i pakënaqur. Kundër Korçës ishte diçka tjetër, ekipi luajti, mbajti topin gjatë gjithë kohës, sidomos në pjesën e parë. Në pjesën e dytë bëmë ndryshime dhe sot ishte e njëjta situatë, pasi bëmë ndryshime me djemtë e rinj, pasi po shohim mundësi nga më të ndryshmet se si mund të vendosemi në ditët në vazhdim.”

MERKATO – “Për reparte dhe emra konkretë nuk mund të flas dot, sepse unë po bëj stërvitje me këtë grup lojtarësh. Por është e vërtetë që po shohim për lojtarë. Ka mundësi që këto ditë të kemi dhe lojtarë të rinj brenda ekipit.”

MBROJTJA – “Aktivizova Gent Muçën, i cili ka një vit e gjysmë që nuk luan. Turtulli u dëmtua dje dhe ka një sforcim të vogël në muskulaturë. Provova Gentin që është pjesë e ekipit dhe normalisht këto ndeshje shërbejnë për të provuar lojtarët.”

NDESHJA – “Kemi probleme në të gjithë repartet, por më tepër po merrem me ngarkesën fizike. Jemi stërvitur paradite dhe pasdite, kështu që lojtarët nuk ishin të freskët sot. Sot u zhgënjeva me pjesën e presionit. Lojtarët tanë shkonin në vonesë në presion ndaj kundërshtarit. Ishim gjithë kohën të vonshëm në këtë aspekt. Laçi ishte shumë më i freskët se ne, me atë që u pa në ndeshje. Kjo më jep shkas të shoh dhe gjendjen e lojtarëve, pasi mund të jenë të lodhur në maksimum. Mund të kemi rikuperime këto ditë dhe të shohim ndeshjen e ardhshme.”

NGO – “Më ka pëlqyer gjithë këto ndeshje, por, të them të drejtën, sot ishte faktor si në ndeshjet e fundit në kampionat, kur ka marrë topa në thellësi, ka qenë para portës, ka krijuar raste dhe ka dhënë asiste. Sot ishte një Ngo tjetër. Nervozizmi? Ngo është nga ata lojtarë që mendoj se kanë mentalitet fituesi dhe nuk e pranojnë humbjen. Kështu kam qenë dhe unë, por Ngo dhe të gjithë lojtarët duhet të kuptojnë se në futboll nuk fitohet me dëshirë. Duhet punuar shumë, djersitur dhe luftuar shumë për të fituar. Nuk është se atij i mungon kjo gjë, por gjithë këto ditë ka patur një ngarkesë të madhe fizike, që nuk e ka lejuar të shprehet si duhet. Unë mendoj se Ngo ka karakter të fortë sportiv dhe nuk e pranon humbjen, por ai është një lojtar i rëndësishëm për ekipin. Dhe ai duhet të jetë me nerva më të qeta, pasi sot ishte vetëm një miqësore.”

MUÇA – “Ai ka nevojë për kohën e nevojshme, ashtu siç i duhet çdo lojtari që vjen nga një traumë, dëmtim apo diçka tjetër. Koha është e nevojshme që ai të jetë  i gatshëm në dyluftime, mbajtje topi dhe gjëra të kësaj natyre.”

PJESA E DYTË E SEZONIT – “Vazhdimësia mbetet për t’u parë, por tani është faza e tretë që fillon, që është shumë e rëndësishme për ne. Mendoj se do të bëjmë maksimumin për të arritur rezultatet e nevojshme. Vijmë pas një ndeshje të humbur dhe kemi ato problemet tona. Të them të drejtën, ekipi po i ofrohet ndeshjes kundër Skënderbeut, ku kemi humbur shumë raste si në ndeshje të tjera të kampionatit. Do ta shikoj me shumë kujdes pjesën e mbetur të fazës përgatitore për të parë se ku duhet të ndërhyjmë, sepse ndoshta po i vë “fajin” pjesës së lodhjes. Ndoshta mund t’i kem lodhur më tepër se duhet, por kjo analizë do të jetë pjesë e stafit.”

PËRFORCIMET – “Nuk ka ndryshuar asgjë në raport me presidentin dhe merkaton. Kemi parë shumë futbollistë, por nuk më kanë ngjitur, siç thotë populli. Duhen futbollistë, të cilët duhet të bëjnë diferencën me këta që kemi. Nuk kemi hequr dorë akoma, pasi merkato nuk është mbyllur, por të shohim në ditët në vijim. Goxhaj? Ai ka ardhur dje në ekip dhe na duhet dhe pak kohë për ta parë, nëse do të jetë pjesë e Tiranës.”

HOXHALLARI – “Këto janë ndeshje që të lënë të manovrosh dhe të bësh zhvendosje. Një lojtar duhet ta shohësh dhe në pozicione të tjera, pasi mund të jetë më efikas në shërbim të ekipit. Flas për Caken dhe Hoxhallarin, jo për rolin natyral të tyre, por për të mirën e ekipit. Këtë pjesë do e analizojmë mirë me stafin, nëse ia vlen realisht që Hoxhallari të luajë në mesfushë. Megjithatë, e rëndësishme është që Hoxhallari i bën të dy pozicionet, por kam provuar dhe Ismailgecin, një lojtar i ri me shumë perspektivë, i cili shumë shpejt mund të bëhet pjesë e lojës.”

Pjesa e parë u mbyll me kurbinasit në avantazh të dyfishtë. Xhixha në minutën e 6’ dhe Mersinaj në të 19-ën i dhanë epërsinë Laçit. Te Tirana u shfaq tension, sidomos te sulmuesi britanik, Ngo.

Tre minuta nga fundi i pjesës së parë, sulmuesi shtatlartë goditi me bërryl Sefgjinin dhe u ndëshkua me karton të verdhë. Laçi tregoi një futboll shumë cilësor dhe udhëhoqi me meritë përballë bardhebluve të Memës, nga të cilët u prit një reagim në pjesën e dytë.

Pjesa e dytë ishte pa shumë ritëm, kjo dhe pasi trajnerët e të dyja skuadrave bënë zëvendësime të shumta dhe provuan shumë lojtarë. Laçi merr kështu një fitore të pastër 2-0, ndërsa bardheblutë e Memës kanë ende shumë punë për të bërë,

Miqësore, 12 janar ora 12:30

Laçi – Tirana  2-0
Xhixha 6’, Mersinaj 19’

Kartonë të verdhë: Ngo 42’

Laçi: Selmani, Fangaj, Mersinaj, Gjoni, Sefgjini, Eller, Jonuzi, Çokaj, Lushkja, Berisha, Xhixha Trajner: B. Prenga

Tirana: Lika, Kërçiku, Muça, Imami, Hoxhallari, Karabeci, Daja, Hasani, Halili, Greca, Ngo Trajner: A. Mema

Gjiganti anglez, në një prononcim në Supersport gjatë prezantimit të fanellave të reja të klubit bardheblu, deklaron se Shqipëria i pëlqen dhe e konsideron një sfidë të madhe personale, ndërsa rrëfen se ka mbetur i befasuar.

Eksperienca e re: “Shqipëria është një vend i bukur, me futboll të mirë. Kam ardhur të jap më të mirën, të shënon sa më shumë dhe të ndihmoj klubin të kthehet ku i takon. Është një eskperiencë e rëndësishme për mua”.

Befasia: “Shumë njerëz thonë që futbolli britanik është shumë i shpejtë dhe i fortë, por edhe te Tirana kam parë që të gjithë janë shumë të përqendruar dhe po punojnë shumë. Sinqerisht, niveli është më i lartë sesa prisja”.

Zgjedhja: “Zgjodha Tiranën sepse është një klub me histori të madhe, është numri 1 në Shqipëri. Dëshiroja të provoja veten jashtë Britanisë, dëshiroja një aventurë të re”.

Golat? “Jam sulmues, kam për detyrë të jap maksimumin dhe të shënoj. Sa do të shënoj? Nuk e di, të shohim”.