#Mbappe literally throwing #neymarjr out of a picture after #PSG
won their Community Shield ?? He's defo taking no shit?pic.twitter.com/JDnRLkjIEE

— ?????'? ??????? (@AnnieHarte21) August 3, 2019

Regjia e ndeshjes ka regjistruar dy momente interesante ku protagonist është Mbape dhe Nejmar. Talenti francez mundohet ta nxisë braziliani të festojë, por Nejmar refuzon. Pak sekonda më vonë, kamerat kapin qartë momentin kur Mbape tejet i mërzitur shtyn me forcë Nejmar duke e ndarë nga pjesa tjetër e skuadrës që po festonte fitimin e  trofeut.

https://www.instagram.com/p/B0tKW5AAAHV/?utm_source=ig_web_copy_link

Djemtë e Tuhel janë të karikuar për ta nisur mbarë sezonin e ri, ndërsa drejtuesit duhet të zgjidhin përfundimisht çështjen Nejmar. Braziliani dëshiron largimin dhe preferon rikthimin te Barcelona.

Rreth kësaj teme ka folur edhe Kilian Mbape në konferencën për shtyp përpara ndeshjes. 20-vjeçari tregon marrëdhënien me repartin e sulmit dhe ka një thirrje për të.

“Kjo është një situatë që e njohim të gjithë. Nejmar është stërvitur gjithmonë fort. Dëshiroj që të qëndrojë me ne, ky është mendimi i vetëm që kam në lidhje me këtë çështje. Marrëdhënia jonë është e bazuar në ndershmëri dhe respekt dhe ia kam kërkuar diçka të tillë. E admiroj shumë Nejmarin dhe shpresoj që të mos largohet”, përfundon Kilian Mbape.

Barcelona dhe Juventusi po monitorojnë situatën dhe janë gati për të ndërhyrë në atë që mund të cilësohet operacioni më i madh i kësaj vere në merkato. Ylli portugez ka folur në lidhje me këtë çështje dhe mundësinë e transferimit të Nejmar te Juventusi.

“Nejmar është një futbollist i madh. Unë mendoj se ai do të qëndroje të PSG. Nëse jo, atëherë ai duhet të shkojë aty ku ndihet i lumtur dhe ku mund të luajë futbollin e tij më të mirë, pa dëmtime dhe pa shumë shqetësime. Shqetësohem sepse më pëlqen ta shoh të luajë ashtu siç i pëlqen atij”, përfundon Kristiano Ronaldo.

Dëgjojmë që Sarri do t’iu caktojë një rol me liri të plotë në fushë. Ç’mund të na thoni për këtë?

“Shikoni, kjo s’mund të ndodhë pasi është kundër konceptit të skuadrës. Unë kam detyrat e mia: Mbuloj hapësira, ushtroj presion dhe shumë të tjera. S’mund të qëndroj vetëm në sulm dhe të bëj çfarë të dua. Vetëm duke duke qenë njësh me skuadrën mund të fitojmë gjëra të rëndësishme”.

Keni thënë që do luani deri në moshën 40-vjeçare. Do ta mbani këtë premtim?

“S’jam i shqetësuar për këtë gjë. Gjithçka do të varet nga si do ndihem në vitet në vazhdim. Është çështje motivimi, pasi në aspektin fizik, nuk kam pasur kurrë probleme. E trajtoj veten mirë, prandaj mendoj se do të jetë diçka psikologjike. Shpresoj të mos kem probleme derisa të mbush 40 vjeç, por edhe sikur të ndodhë, s’ka asnjë problem. Jeta e tillë është, çdo fillim e ka një fund”.

Po flitet për shumë për një kalim te Nejmar te Barcelona?

“Nuk e di ç’do të ndodhë. Është një lojtar i madh me të cilin kam raporte shumë të mira. Flitet për shumë për të, sikur e kërkon Reali, Barcelona dhe Juventusi, por unë mendoj se këto janë thjesht fjlë mediatike. Është  e kuptueshme pasi emri i Nejmar shet shumë. Unë mendoj se ai do qëndroj në Paris. S’po kalon një moment të mirë, por nëse nuk dëmtohet më jam i sigurt që do t’i rikthehet gëzimi. Dëshiroj që të luajë sa më shumë, pasi ka kaluar kohë të këqija”.

Cilët mendoni se do të jenë favoritët për Champions-in e vitit të ardhshëm ?

“Shoh të njëjtat skuadra, pavarësisht merkatos që bëjnë. Real, Barcelona, Atletiko, Juve, Bajern dhe Liverpul.  Ka dhe disa të tjerë, por këto shikoj kryesoret. Barcelona dhe Real kanë më shumë para nga të gjithë, Siti gjithashtu mund të jetë pjesë e favoritëve, por në futboll nuk fitojnë gjithmonë favoritët”.

Thuhet se ju keni luajtur një rol shumë të rëndësishëm në transferimin e De Ligt?

“Jo, nuk e besoj. Më vjen mirë që ma bëtë këtë pyetje. Në finalen e “Nations League”, bëmë një bisedë, që është diçka normale që e bëjnë të gjithë futbollistët. Ajo duhet të qëndronte mes nesh në fushë, por ai është 19 vjeç dhe e tha thjesht si një shaka. Gjithsesi, unë kurrë s’kam dhe s’do influencoj trajnerin ose drejtuesit për merkaton. Megjithatë, e vërteta është që jam shumë i gëzuar që ai është pjesë e jona tani”.

A imagjinoni dot jetesën në Madrid në të ardhmen ?

Sigurisht që po. E kam thënë dhe më parë, që është një qytet që na pëlqen të gjithëve, nuk e përjashtoj si mundësi. Tani për tani jam i fokusuar në Itali dhe të Juventusi ndihemi shumë mirë, por nuk i dihet kurrë. Në këtë qytet kemi përjetuar momente shumë të mira dhe sigurisht që mund të vij këtu për të jetuar në të ardhmen. Të shohim. Tani duhet të mendojmë për të shijuar të tashmen”.

Telashet për Nejmar filluan në muajin maj, kur një modele braziliane akuzoi futbollistin e PSG-së për përdhunim. Sipas saj ngjarja ndodhi në një prej hoteleve më luksoz të Parisit.

Nejmar u mor në pyetje nga policia braziliane, ndërsa më pas u kundërpërgjigje akuzave duke akuzuar modelen braziliane për shpifje.

Kupa me veshë mungon në Torino prej 23 vitesh dhe tifozët nuk mund të durojnë më. Drejtuesit e “Zonjës” mbyllën operacionin e madh me De Ligt dhe janë gati për goditjen e madhe të radhës.

Nejmar është ëndrra e madhe. Braziliani ka kërkuar largimin nga PSG dhe Juventusi nuk dëshiron t’i ike ky shans nga duart. El Mundo Deportivo zbulon edhe planin e klubit torinez.

Juventusi ofron Paulo Dibala, Blez Matuidi dhe një shumë të konsiderueshme eurosh për kartonin e Nejmar. Gazeta spanjollë thekson se kampionët e Italisë po ia besojnë tratativat me PSG-në Pini Zahavit, agjentit të njohur izraelit, me të cilin janë takuar në Kinë.

Përfshirja e dy lojtarëve bëhet për të ulur koston e lartë të blerjes së sulmuesit brazilian. “Zonja” ka nxjerrë në merkato edhe emra si Higuain, Kedira, Manxhukiç, Emre Çan dhe Kanselo, ndërsa PSG mund të zgjedhë edhe ndonjërin prej tyre.

Sulmi për Nejmar ka nisur. Tifozët ëndërrojnë, bashkë me të edhe Mauricio Sarri. De Ligt ka “blinduar” mbrojtjen, mesfusha është e fortë, ndërsa ardhja e 27-vjeçarit do të krijonte një sulm të papërballueshëm për kundërshtarët.

Braziliani kërkon të largohet nga kryeqyteti francez. Barcelona dhe Juventusi janë të interesuara, pa harruar asnjëherë Realin e Madridit. PSG kërkon të paktën 200 milionë euro për kartonin e 27-vjeçarit, ndërsa palët po monitorojnë situatën për momentin.

Klubet e interesuara presin lëvizjen e njëra-tjetrës, ndërsa kampionët e Francës presin oferta zyrtare në drejtim të “yllit” të skuadrës.

Barcelona mbetet klubi më i avantazhuar për të siguruar shërbimet e lojtarit latin, ndërsa emra si Kutinjo, Umtiti dhe Dembele mund të bëhen pjesë e operacionit gjigant.

“Nuk ka asgjë të re dhe asnjë ofertë konkrete për Nejmar. Ai ka një kontratë me PSG-në dhe vazhdon të jetë një lojtar i joni. E përsëris, nuk ka asnjë ofertë zyrtare për Nejmar. Është e njëjta situatë si para 10 ditësh”, përfundon Leonardo.

Zënka me Kavanin, ish-trajnerin Unai Emeri dhe së fundmi me drejtuesit e klubit, kanë shkaktuar shumë trazira dhe durimi kundrejt tij duket se ka përfunduar. Barcelona dhe Juventus janë “çmendur”, gati të paguajë shifra stratesoferike për sulmuesin.

Kjo merkato vere, ka qenë ndër më aktivet e viteve të fundit dhe me Nejmar e Mbape që me shumë gjasa do të largohen nga kryeqyteti francez, duket se asgjë nuk ka filluar ende…

“Los Blancos” mnd të ndërhyjnë nga momenti në moment me ndonjë ofertë surprizë për PSG-në. Rreth kësa çështje ka folur edhe Marselo. Mbrojtësi i majtë bën një krahasim midis Nejmar dhe Eden Hazard, shokut të ri të skuadrës.

“Eden është një kampion dhe një futbollist i nivelit te lartë. Ka kualitetin për të qenë midis 5 futbollistëve më të mirë në botë. Gjithsesi, mendoj se ai nuk mund të krahasohet me Nejmar. Braziliani është më i mirë sipas meje. Nejmar është i jashtëzakonshëm dhe është e vështirë ta markosh. Do të ishte kënaqësi e madhe të luaja me të te Reali, por nuk vendos unë. Reali duhet të përpiqet gjithmonë që të marrë më të mirët”, përfundon 31-vjeçari.

Ata dhanë prova me De Ligt dhe besojnë fort se mund të transferojnë brazilianin në Torino. Barcelona nuk po qëndron duarkryq dhe i ka bërë një ofertë tunduese PSG-së.

Sky Sport raporton se spanjollët ofrojnë 100 milionë euro dhe dy lojtarë për kartonin e Nejmar. PSG mund të zgjedhë dy prej Kutinjos, Dembele, Rakitiç, Semedo dhe Malkom.

Tani pritet përgjigja e PSG-së dhe kundëroferta e “Zonjës së vjetër”. Dueli për 27-vjeçarin brazilian sapo ka nisur…

Drejtuesit nuk po kursehen në merkato dhe për t’u rikthyer te dominimi në Europë duhet të kesh lojtarët më të mirë në ekip. Vjet erdhi Kristiano Ronaldo, ndërsa sivjet Matijs De Ligt. Ëndrra e radhës quhet Nejmar.

Braziliani ka prishur çdo raport me PSG-në dhe largimi është i pashmangshëm. Dëshira e madhe është rikthimi te Barcelona, por raportet e këqija midis francezëve dhe spanjollëve e komplikojnë operacionin e rikthimit.

Juventusi po përfiton nga një situatë e tillë dhe është gati të realizojë goditjen e bujshme. El Mundo Deportivo thekson se Fabio Paratiçi do të takohet një nga këto ditë me babanë e Nejmar.

Drejtori sportiv i “Zonjës” dëshiron të kuptojë kërkesat e sulmuesit dhe gatishmërinë e tij për t’u transferuar në Serie A. Juventusi beson dhe dëshiron t’i dhurojë surprizën e radhës tifozëve. De Ligt ka blinduar mbrojtjen, ndërsa Nejmar do formonte një dyshe të mrekullueshme me CR7 në repartin ofensiv të ekipit të Sarrit.

Kështu raporton “El Chiringuito”, që zbulon edhe planin e klubit torinez. Juventusi është gati t’i ofrojë Paulo Dibala PSG-së për të ulur çmimin pej 200 milionë eurosh të brazilianit.

Marca citon se Barcelona është në avantazh për Nejmar, por ai mund të tundohet edhe nga ideja për të luajtur me Juventusin përkrah Kristiano Ronaldos. Operacioni është i komplikuar, por Juventusi ka treguar se di të surprizojë dhe të përmbyllë operacione të mëdha në dy vitet e fundit.

Pas ndeshjes trajneri Tomas Tuhel foli për mediat dhe natyrisht tema kryesore ishte Nejmar.

Braziliani kërkon të transferohet te Barcelona dhe kanë nisur bisedimet, por PSG nuk e lëshon pa marrë të paktën 250 milionë euro.

Ndërkaq, trajneri Tuhel dha një deklaratë të fortë për këtë çështje: “Unë e dija që para Copa America që Nejmar kërkon të largohet. Është çështje mes tij dhe klubit, nuk kam asgjë në dorë.

“Tani Nejmar është kthyer, ka kryer kontrollet mjekësore dhe është gati për turneun miqësor në Azi. Do doja të vinte më përpara, por nuk kemi ç’bëjmë”.

Talenti i Real Madrid ka marrë së fundmi ftesën e parë nga trajneri i kombëtares së Brazilit dhe pritet që në vitet në vijim të jetë një ndër lojtarë bazë të “Seleçaos”, por kjo lidhje mund të prishë balancat me Nejmar, i cili më parë është grindur disa herë me shokët e skuadrës.

Katalanasit i kanë ofruar parisienëve kartonët e Usman Dembele dhe Filipe Kutinjos. Krahas dy futbollistëve, Barcelona është e gatshme të shtojë dhe 40 milionë euro në një këst të vetëm.

Largimi i Nejmar ka filluar të jetë temë diskutimi edhe nga kompanitë e basteve të cilat janë të mendimit që 27-vjeçari do të mbetet lojtari i PSG-së në fund të merkatos së verës.

Sajti i njohur “parisunited.fr”, ka zbuluar disa nga detajet e bisedës midis dy brazilianëve. Leonardo i ka bërë të ditur lojtarit se ai nuk do të largohet nga kampionët e Francës kundrejt një shumë më të vogël se 300 milionë euro.

Kjo kërkesë e PSG-së është e papërballueshme për Barcelonën. Katalanasit kanë shpenzuar 200 milionë euro për kartonin e De Jong dhe Grizman, çka e bën të pamundur një shpenzim të përmasave të tilla që do të vendoste një rekord të ri botëror.

Një javë më parë PSG dënoi mungesën e yllit brazilian në grumbullimin e parë të sezonit, duke paralajmëruar se ndaj tij do merren masa ndëshkimore. Nejmar ndodhej në vendlindje ku po merrej me disa aktivitete me sponsor të ndryshëm dhe me turneun e tij të famshëm “Neymar Junior 5”.

Pas pak ditësh PSG do të niset drejt Shteteve të Bashkuara të Amerikës, ku do të marrë pjesë në turneun miqësor “International Champions Cup”.

Për të qetësuar situatën ka ndërhyrë babai i futbollistit, i cili është njëkohësisht dhe agjenti i tij që në ditët e para të karrierës.

“Mendoj se është dashakeqësi nga ana e mediave që ajo deklaratë të merret si provokim nga ana e djalit tim.  Të kujtosh një ndër ndeshjet më të rëndësishme të karrierës tënde nuk mund të quhet mungesë respekti”.

“Djali nuk fyeu askënd nga lojtarët e PSG-së ose vetë klubin. Ishte thjesht një përgjigje e sinqertë e një pyetje që iu bë, përse duhet të fryhen gjërat në këtë lloj mënyre”, tha Nejmar Senior.

Media braziliane bën me dije se Nejmar ka në mend t’i bëjë të ditur drejtuesit të klubit francez dëshirën për t’u larguar. Diçka e tillë hidhet poshtë nga njerëzit pranë sulmuesit brazilian. Ndër të tjera në lajm raportohet se Nejmar nuk dëshiron të shkojë në fazë me ekipin.

Ai kërkon që të mos krijojë situata të pakëndshme, siç ndodhi kur u largua nga Barcelona para dy vitesh. Dëshira e sulmuesit është që të përsëritet e njëjta gjë edhe te PSG-ja dhe kërkon që të mbyllë gjithçka që tani, pa shkuar në fazë.

Nejmar më parë ka komunikuar edhe përmes telefonit me Leonardon dhe ky i fundit madje ka pasur një bisedë me drejtuesit më të lartë, të cilëve ua ka bërë me dije se rruga më e mirë do të ishte shitja e sulmuesit. Barcelona është klubi që thuhet se ka arritur një akord me lojtarin, por mbetet të shihet se çfarë do të ndodhë, pasi te PSG e shtyjnë më shumë sulmuesin drejt Realit.

Raportet e brazilianit me PSG-në janë në pikën zero dhe Nejmar ka vetëm një dëshirë: rikthimin në Katalunjë. Nejmar la Barcelonë në verën e vitit 2017 për t’u transferuar në kryeqytetin francez për shumën e 222 milionë eurove.

Sulmuesi është penduar, nuk ndihet më i lumtur në Paris dhe është gati të pranojë një rrogë më të ulët vetëm që të rikthehet te Barcelona. Pro këtij operacioni janë edhe bastet. 1.35 e kuoton kompania italiane “Snai” rikthimin e Nejmar te kampionët e Spanjës, ndërsa qëndrimi në kampionatin francez ka koeficentin 2.75.

Sipas babait të tij, Nejmar ka impenjime për të cilat e kishte lajmëruar klubin, por PSG ka mohuar, duke bërë të qartë se vonesa nuk ishte e parashikuar dhe se lojtari do të japë llogari.

Sipas klubit, do të merreshin masa dhe nga Brazili UOL Esporte raporton se sulmuesi ka marrë një supergjobë.

Plot 375.000 euro do t’i mbahen Nejmarin nga paga, shifër që do të shumëfishohet nëse braziliani vijon të mos paraqitet.

Ku do fokusohet merkato e  PSG-së?  

“Na duhet një mesfushor shkatërrues dhe ndoshta një lojtarë tjetër për të rritur numrin e qendërmbrojtësve. Në sulm kemi shumë alternativa. Do të jetë gjithashtu e rëndësishme që të shikojmë më shumë lojtarë të rinj që i bashkohen ekipit të parë. Megjithatë, s’duhet të lë pa përmendur një faktor shumë të rëndësishëm: Fair play financiar. Rregullat dhe kriteret e vendosura duhet të të respektohen.

S’keni dëshirë të përforconi skuadrën me një portier?

Jo nuk është një prioritet. Kemi në skuadër Kevin Trap, Alfons Areola, Marsin Bulka dhe një të katërt, Garizon Inosent. Ky është realiteti i sotëm.

A do të jetë Areola portieri i parë?

Të shohim çdo vendosë si do të jetë situata është shumë herët për të folur për këtë.

A është e mundur që De Ligt t’i vijë te PSG?

Jo. De Ligt nuk do të vijë te PSG-ja. Ai ishte një ndër lojtarët që shqyrtuam. Është një futbollist i madh, por nuk ishte momenti i duhur për të bërë një investim të madh. Nuk mund të shpenzojmë 200 milionë euro sikur është një çikërrimë.

A ju intereson Kulibali?

Ai është një lojtar shumë i shtrenjtë. Nuk ka ndonjë plan të posaçëm për momentin. Megjithatë, s’dua të flas shumë për çështje individësh.

E ardhmja e Tiago Silvës?

Tiago ka dhe një vit të mbetur në kontratë. Ai është pjesë e skuadrës prej shtatë vitesh, padyshim një ndër lojtarët më të rëndësishëm që ne kemi.

Na tregoni si vendosët te ktheheshit në Paris?

Kontaktet e mija me PSG-në nuk u ndërprenë kurrë. Gjithmonë ka pasur një afrimitet. Nuk mund ta refuzoja thirrjen që mu bë nga klubi. Kam një marrëdhënie speciale me këtë klub, kam qenë lojtar në vitin 1996, e më pas në rol drejtues në vitin 2011. Megjithëse nuk është se ndenja shumë këtu, u krijua një lidhje e fortë. Jam i lumtur që u riktheva, kjo i përmbledh të gjitha.

Çfarë mësimesh mund të nxjerrim nga dështimet e fundit në Champions League?

Mësimi i parë që kam marrë është që s’duhet të kemi më frikë nga dështimi. Ky do të jetë ndryshimi i parë. Do të kemi plot dështime, por një gjë e sigurt është se PSG-ja është nj ndër klubet që i ka të gjitha komponentët për të fituar Champions-in. Ka ardhur koha për të krijuar diçka të fortë, shumë të fortë. Ndoshta do të na duhet të bëjmë një hap mbrapa për të parë 10 para më pas.

Cilat janë prioritetet e punës suaj?

Jam ndër ata njerëz që besoj te puna e përditshme. Nuk e kam formulën qe do ta japë Champions-in. A ke ndokush? Unë jo. Thjesht dua të jem i qartë për një objektiv: Klubi është një institucion i madh dhe zemra e të gjithë projektit.

A do kërkoni vendosjen e rregullave të reja ?

Nuk jam oficer policie. Çdokush mban përgjegjësi për veprimet e tij. Nëse dëshiron të shkosh në një lokal nate, kjo është unë për ty. Gjithsecili zgjedh vetë si e menaxhon karrierën e tij. Nuk duhet që ndëshkimet të vendosin se çfarë bëjnë e nuk bëjnë lojtarët. Futbollistët duhet të jenë të ndërgjegjshëm për të qenë profesionist. Dua të ndërtoj një grup bazuar në këto vlera, por është më e lehtë ta thuash se ta vësh në zbatim dita-ditës.

Drejtori sportiv i kampionëve të Francës dhe njëkohësisht bashkëkombësi i Nejmar, Leonardo, ka vendosur të bëjë çdo gjë publike në lidhje me situatën aktuale që ekziston midis klubit dhe 27-vjeçarit. Në një intervistë për të përditshmen franceze “Le Parisien”, drejtuesi i lartë i PSG-së ka diskutuar për më shumë se një orë në lidhje me këtë çështje të nxehtë.

Cili është problemi midis Nejmarit dhe PSG-së?

Sot (dje), ai nuk ishte i pranishëm në stërvitje. Supozohej që do ishte kthyer nga Brazili, por nuk ka ndodhur kështu. Ai i dinte se duhej të paraqitej. Do shqyrtojmë se çfarë masash do të marrim, ashtu sikurse do kishim bërë për çdo punonjës tjetër të klubit”.

A ka pasur ndonjë shpjegim nga ana e tij për mosparaqitjen?

Ai ka pasur disa angazhime me një projekt të tijin në Brazil dhe një sponsor, por kjo nuk ishte data që ishte rënë dakord me klubin. Gjithsesi, ai ka luajtur lojën e tij të fundit më 6 qershor. Pushimet mbaronin më datë 8 korrik.

Kur do të kthehet Nejmar në stërvitje?

Nuk e di. Nuk e di akoma. E vetmja gjë që unë di është se ai nuk ishte i pranishëm në datën e planifikuar për fillimin e stërvitjes, 8 korrikun.

A ju ka thënë Nejmar se ku dëshiron të vazhdojë?

Kjo është diçka e qartë për të gjithë tani, por në futboll mund të thuash diçka sot e diçka tjetër të nesërmen. Është diçka e pabesueshme, por ky është realiteti i kësaj industrie ku ne punojmë

Keni mbërritur në 14 qershor në Paris, a keni folur me të?

Po kam folur. S’dua t’u tregoj çdo hollësi të bisedës. Kam folur dhe me babanë e tij. Është diçka që dihet nga të gjithë. Pozicioni i secilës palë është qartë. Megjithatë, në këtë moment që po flasim vetëm diçka është konkrete: Nejmar ka dhe tri kontratë me ne. Përderisa nuk kemi marrë një ofertë s’ka gjë për të diskutuar.

Përse mendoni se ka dëshirë të largohet ?

Iu përgjigja njëherë kësaj pyetje. Kur një lojtar kërkon të largohet nga një klub, po flas në përgjithësi, është diçka mëse normale e jetës së një futbollisti. Përse duhet ta përjetojmë këtë situatë si një përdhosje. Klubi ia ka dalë të bindë shumë lojtarë të qëndrojnë në të shkuarën. Në rastin e Nejmar, nuk është paraqitur në stërvitje, pra është faji tij. Kemi politikat tona të brendshme për raste të tilla. T’i themi gjërat siç janë, në shumë klube ndodh që lojtarët të mos paraqiten në ditën e parë të grumbullimit.

Situata e ofertave?

Nuk kemi marrë asnjë ofertë. Megjithatë është e vërtetë që kemi pasur disa kontakte të thjeshta.

Me Barcelonën?

Po.

Çfarë mund të thoni për strategjinë e drejtuesve të  Barcelonës ?

Ata na thanë që ishin të interesuar të blinin kartonin e lojtarit, por ne u thamë që nuk e kemi në shitje. Nuk e mendojmë që Barcelona është në një pozitë ku mund ta blejë lojtarin tonë.

Me cilat kushte do të pranonte PSG-ja transferimin?

Thjesht na duhet të flasim e të negociojmë. Kjo është e gjitha. Boll me pyetje për Nejmarin, ju lutem.

Një të fundit. A keni vendosur ndonjë afat për këtë çështje?

Kjo është me të vërtetë një çështje shumë e rëndësishme. Janë shumë gjëra në lojë. Së dyti, një rast i këtyre përmasave nuk është vetëm një çështje ndjenjash, është një çështje financiare.

Përfundimisht, a është e mundur që Nejmar të largohet këtë verë?

Nejmar mund të largohet nga PSG-ja, nëse vjen një që gëzon të gjitha palët. Por deri këtë moment, ne nuk e dimë nëse ka ndonjë klub që dëshiron ta blejë atë ose çmimin që mund të ofrojnë. Diçka e tillë nuk mund të kryhet brenda një dite. Kjo është e sigurt.

Pra PSG nuk dëshiron ta mbajë Nejmarin në skuadër me çdo kusht…?

PSG dëshiron të mbështetet në lojtarë që duan të qëndrojnë e të ndërtojnë diçka të veçantë. Nuk duam të kemi lojtarë që i bëjnë ndere klubit me praninë e tyre në skuadër.

PSG duhet të jetë më e pushtetshme se Nejmar, apo jo?

Nuk di ndonjë klub që ka dalë i fituar kur ka pasur një lojtarë të të fuqishëm se vetë klubi. Një klub duhet të ecë përpara, duhet të ketë kontroll mbi gjithçka. Këtu përfshihen edhe lojtarët më të rëndësishëm.

Si do ta punoni në merkato duke pasur parasysh situatën e paqartë me Nejmar?

Nuk ka plan “me Nejmar” dhe plan “pa Nejmar”. Realiteti është që ai ka një kontratë me PSG-në. Për momentin, nuk ka asnjë ofertë konkrete.

Në një komunikatë për shtyp PSG ka deklaruar se veprimi i Nejmar nuk do të kalojë pa u ndëshkuar: Këtë të hënë më 8 korrik, Nejmar da Silva Santos Zhunior duhet të ishte pjesë e grumbullimit të skuadrës për fillimin e fazës përgatitore. Klubi kontakton se lojtari në fjalë nuk ishte i pranishëm në orarin e duhur dhe kjo gjë pa mirëkuptimin e klubit. Klubi e dënon këtë veprim dhe do të marrë masat përkatëse ndëshkimore.

Communiqué du club – Neymar Jr ?

— Paris Saint-Germain (@PSG_inside) July 8, 2019

Diçka e tillë është problem i madh sipas Ze Robertos, ish-lojtarit të famshëm të Leverkuzenit, Bajernit dhe Real Madridit. 44-vjeçari flet për “Süddeutsche Zeitung” dhe e sheh shumë problematike të ardhmen e 27-vjeçarit. Nëse nuk ndryshon, atëherë karriera e tij do të marrë fund shumë shpejt.

“Nejmar ka nevojë për një ndryshim të rëndësishëm, sidomos në kokën e tij. Po e humbet shansin për të hedhur një hap para dhe për të marrë përsipër përgjegjësi. Një talent si ai duhet ta kishte arritur këtë nivel…

Dëmtimet nuk po e ndihmojnë, por koka e tij nuk është e përqendruar 100% te futbolli. Do të vijë momenti kur do t’i humbasë dëshira e të qenurit futbollist. Nëse vazhdon kështu, do të tërhiqet përpara moshës 30-vjeçare. Paratë dhe tundimi kanë ekzistuar gjithmonë, nuk ka lidhje. Shikoni Mesin dhe Ronaldon, ata bëjnë një jetë krejtësisht ndryshe”, përfundon Ze Roberto.

Gjithsesi ka qenë trajneri Ernesto Valverde ai që ka thënë “po”. Sulmuesi është një lojtar që mund të luajë në disa pozicione dhe tekniku spanjoll mendon se mund ta inkuadrojë në fushë, madje edhe me Nejmarin që gjithashtu po mbyll marrëveshjen dhe pritet të rikthehet te Barcelona.

Sport.es shkruan se edhe për brazilianin Valverde ka dhënë “OK”-in e tij dhe po mendon të luajë me të, Mesin, Suarezin dhe Grizman në sulm. Kundërshtarët duhet të tremben, ndërkohë që nga ana tjetër trajneri i katalanasve duhet të mendojë për balancat në fushë.

Kërkesa të tjera merkatoje janë një mbrojtës i majtë për të dubluar Zhordi Alban, si dhe një mesfushori qendre në rast se shitet kroati Ivan Rakitiç. Sfida më e madhe për Valverden është menaxhimi i grupit, që tashmë do të ketë shumë yje.

Gjithashtu ai ka bërë me dije se Malkolm, Dembele dhe Kutinjo mund të gjejnë ekip dhe madje para se të nisin përgatitjet, në mënyrë që mos të ketë një numër të madh futbollistësh nën urdhra. Ofertat për ta nuk mungojnë dhe njëri prej tyre me shumë mundësi do të përfshihet në marrëveshjen me PSG-në për Nejmar.

Sport.es raporton se bisedimet kanë përparuar dhe PSG kërkon më pak se 200 milionë euro për Nejmar. Pini Zahavi dhe Kia Jobaçian po negociojnë dhe kanë arritur të përcaktojnë një çmim konkret dhe të pranueshëm për të dyja palët.

Bisedimet nuk kanë qenë aspak të lehta, edhe pse në Francë janë përgatitur të heqin dorë nga Nejmar. Braziliani Leonardo ka qenë vendimtar, pasi ua ka barë të qartë pronarëve të klubit se duhet të kërkojnë një shifër të arsyeshme, duke pasur parasysh se ishte pamundur ta bindte Nejmar të qëndrojë.

PSG do kërkojë më pak se 200 milionë euro, shifra nuk dihet, ndërkohë që synohet përfshirja e një lojtari në marrëveshje. Kutinjo, Dembele dhe Umtiti janë emrat e lojtarëve që mund të ndryshojnë skuadër, por ende bisedimet nuk kanë arritur në atë fazë që ta përcaktojnë edhe se kush do të përfshihet në operacionin e rikthimit të Nejmar te Barcelona.

Nga ana tjetër edhe presidenti Josep Bartomeu ka luajtur një rol vendimtar në gjithë këtë histori, teksa i është përgjigjur pozitivisht kërkesës së brazilianit për të veshur sërish fanellën “blaugrana”. Madje jo vetëm kaq, por mes tyre ka edhe një marrëveshje verbale, që sikurse kuptohet do të konkretizohet shumë shpejt.

Nejmar e ka shprehur qartë dëshirën për t’u rikthyer te Barcelona dhe PSG është “dorëzuar”. 300 milionë euro kërkojnë kampionët e Francës për kartonin e sulmuesit brazilian, por Leonardo mendon ndryshe.

Sipas raportimeve të “Le Parisien”, drejtori sportiv i PSG-së ka vendosur të ulë çmimin e lojtarit. Francezët kërkojnë 222 milionë euro për të lënë të lirë 27-vjeçarin, shumë e njëjtë me atë që paguan para dy vitesh për ta “rrëmbyer” nga Katalunja.

Nejmar përfiton momentalisht një rrogë prej 30 milionë eurosh në sezon, ndërsa Barça nuk i ofron më shumë se 24 milionë të tilla në vit. Aspak problem për brazilianin, i cili ka pranuar se nuk duhet të ishte larguar kurrë nga kampionët e Spanjës dhe tani ka fatin për të korrigjuar gabimin e bërë dy vite më parë.

Nejmar do të shndërrohet në futbollistin e dytë më të paguar, teksa mbi të do të qëndrojë vetëm Lionel Mesi. Madje, braziliani do të marrë edhe më shumë se Kristiano Ronaldo te Juventusi.

Tashmë i takon Barçës që të arrijë edhe marrëveshjen me PSG-në që gjithçka të marrë fund. Padyshim do të ishte transferimi më i bujshëm i merkatos, me 27-vjeçarin që do të rikthehej përsëri në Katalonjë.

Megjithatë, të dy janë profesionistë dhe qëllimi kryesor është që të bëjnë mirë për ekipin. Zërat e merkatos e lidhin brazilianin me një rikthim te Barcelona dhe “El Matador” është ndalur në këtë temë.

Situata e Nejmar nuk është aspak pozitive, pasi 27-vjeçari është dëmtuar përsëri dhe ndihet i lodhur nga akuzat për përdhunim të një modeleje braziliane.

“Kam biseduar me Nejmarin në lidhje me këtë temë kur ishim në Francë. Ditët e fundit nuk kam folur me të, por, duke parë ngjarjet e fundit, jam i idesë që ai është i qartë për të ardhmen e tij. E di që është një moment i vështirë për të, por Nejmar ka karizmin dhe aftësinë për të vazhduar përpara.

Shpresoj ta marrë veten sa më shpejt dhe i dërgoj urimet më të mira. Duhet të bëhet i fortë dhe të lërë pas krahëve gjithçka që ka ndodhur”, përfundon Kavani nga grumbullimi në Brazil, aty ku po tenton të fitojë Kupën e Amerikës me Uruguain e tij.

Për të realizuar një dëshirë të tillë duhet të sakrifikosh pak. Asnjë problem për Nejmar, i cili është gati të pranojë një rrogë më të ulët, sipas raportimeve të “El Mundo Deportivo”.

Te PSG përfiton një rrogë neto prej 36 milionë eurosh në sezon, ndërsa Barça i ofron vetëm 22 milionë, të njëjtën shifër që 27-vjeçari përfitonte përpara se të largohej.

Tani duhet gjetur akordi financiar me kampionët e Francës. PSG do të tentojë maksimumin nga kjo shitje, ndërsa në Spanjë zbulojnë edhe ofertën e Barcelonës. Katalanasit ofrojnë 100 milionë euro plus kartonin e Filip Kutinjos. Fjala e fundit i takon presidentit Naser Al-Khelaifi.

Gjithsesi, heshtjen e ditëve të fundit e ka thyer ditën e sotme, prestigjiozja spanjolle “Sport”, që në faqen e parë shkruante se Nejmar te Barcelona është diçka e kryer.

Madje, lajmi shkonte edhe më tej, pasi thuhet se ylli brazilian i ka dërguar mesazh shumicës së lojtarëve katalanas ku i shkruante: “Qetësohuni, unë po vij.” Mesazh më të qartë se kaq…

Barcelona është gati të ofrojë Umtiti, Rakitiç dhe Dembele, ndërsa “Los Blancos” janë gati të përfshijnë Kasemiron. Megjithatë, PSG nuk toleron fare dhe kërkon para kesh. 300 milionë euro ose harrojeni Nejmar.

Diçka pothuajse e pamundur për t’u paguar, më saktë një zgjedhje inteligjente e kampionëve francezë për t’i dhënë fund ofensivës së klubeve spanjolle. Nejmar mban rekordin e shitjes më të shtrenjtë në historinë e futbollit (PSG pagoi 222 milionë euro në verën e vitit 2017), ndërsa PSG synon të vendosë një rekord të ri me shitjen e tij.

Kampionët e Francës duan ta shesin Nejmarin, sidomos pas komenteve të këtij të fundit, por nuk kanë ndërmend të shikojnë asnjë ofertë poshtë 300 milionë euro. “Le Parisien” deklaron se kjo është shuma minimale që PSG do të pranojë për shërbimet e ylli brazilian.

Flitet se Barcelona është skuadra e ardhshme e Nejmar, me 26-vjeçarin që mund të rikthehet në Camp Nou. 300 milionë eurot mund të ulen me përfshirjen e disa lojtarëve në operacion, si Umtiti, Rakitiç dhe Dembele. Të tre këta lojtarë pëlqehen nga PSG dhe në rast se përfshihen në marrëveshje, Nejmar do të kushtonte më pak se 100 milionë euro.

Sulmuesi i blaugranave, i cili ndodhet në grumbullim me Uruguajin e tij në Copa America ka folur së fundmi edhe për temën e nxehtë Nejmar-Grizman, ku me sa duket e ka shprehur qartë të preferuarin e tij, duke thënë se me çdokush ka dëshirë të luajë me Nejmar.

Nejmar – “Ishte një privilegj që të ndaja vitet më të mira të karrierës sime me lojtarin më të mirë në botë, që është Leo Mesi, dhe me Nejmar, i cili ishte i dyti më i miri në botë kur luante te Barça. Kush është ai që nuk dëshiron të shijojë lojtarë si Nejmar”.

Grizman – “Për Grizman e kam thënë që vitin e kaluar se çfarë cilësish ka si lojtar, por është i Atletikos së Madridit dhe preferoj që ai të flasë vetë për këtë gjë”.

Modelja Najila Trindade denoncoi sulmuesin për dhunë seksuale, ndërsa ky i fundit pretendon se gjithçka ka ndodhur me dëshirën e vajzës, madje ka qenë ajo që e ka tunduar me foto intime dhe provokuese.

“E vërteta do të dalë në pah herët apo vonë”, u shpreh shkurt Nejmar, i cili u paraqit me paterica (është i dëmtuar) në komisariatin policor. Sipas raportimeve të “Globo Tv”, 27-vjeçari ka insistuar përpara hetuesve se marrëdhënia e tij me Trindaden ka qenë më pëlqimin e dy palëve.

Por nuk ka ndodhur kështu në ekipin e PSG. Julian Draksler dhe Nejmar janë acaruar shumë me njëri-tjetrin gjatë një ndeshje të sezonit të kaluar kundër Montpelje. Lajmi u përgënjeshtrua atë kohë nga kampionët e Francës, por gjermani ka thënë të vërtetën për Kicker.

Draksler nuk duroi më lojërat individuale të Nejmar dhe mes tyre lindën shkëndijat dhe fjalët aspak të pahijshme. Asgjë nuk u qetësua, inati vazhdoi edhe në dhomat e zhveshjes, aty ku u ndanë nga trajneri Tuhel dhe ish-drejtori sportiv, Antero Henrike.

”Pata një sherr me të që ndodhi gjatë ndeshjes. Nëse nuk je dakord me dikë, nuk duhet të shqetësohesh se kë ke para teje. Të dy ishim të zemëruar, kështu që toni i zërave tonë u bë i lartë dhe fjalët tërhoqën njëra tjetrën. Mund të them që nuk ishte diçka speciale, thjesht treguam se nuk po kalonim një situatë të mirë në aspektin psikologjik”, zbulon fantazisti i PSG.

“Sulmuesi Uillian i Çelsit është thirrur nga ekipi kombëtar i Brazilit dhe do të luajë në Copa America 2019,” konfirmoi Federata Braziliane e Futbollit. “Ai është thirrur për të zëvendësuar Nejmar, i cili u largua nga skuadra pas miqësorës kundër Katarit”.

Uillian bëri debutimin e tij për Brazilin në nëntor 2011 dhe ka bërë 65 paraqitje për “Selecao”, duke shënuar tetë gola.

Ai gjithashtu përfaqësoi kombëtaren e tij në dy Kupat e Botës, në 2014 dhe në Rusi 2018, dhe me tërheqjen e Nejmar, ai është lojtari i tretë më me shumë ndeshje në skuadrën e Tites, pas kapitenit Dani Alves (107) dhe Tiago Silvës (78). Brazili fillon ndeshjet e Copa America në Grupin A të premten, më 14 qershor kundër Bolivisë.

Nejmar bëri publike disa foto intime dhe biseda me vajzën, duke pretenduar se marrëdhënia seksuale ka ndodhur me dëshirën e saj. Lojtari është thirrur në stacionin policor të Rio De Zhaneiros, aty ku është paraqitur me karrige me rrota si pasojë e dëmtimit.

To cntg Neymar!! https://t.co/BLCkahSVth

— Marcelo Victor? (@Marcelo80404307) June 6, 2019

Ndaj tij rëndon akuza e krimit kibernetik, ndërsa video e postuar ka thyer rregullat e rrjeteve sociale dhe autoritet e fshinë. 27-vjeçari u mbrojt me faktin që ishte detyruar t’i postonte bisedat dhe fotot që i dërgonte Najila për të treguar se nuk është fajtor në këtë histori.

Nga ana tjetër ka reaguar edhe avokati i vajzës. Danilo Garcia de Andrade zbulon se Najila është kërcënuar nga njerëz me peshë, të cilët i kanë folur troç se nuk do të zgjasësh shumë. Presion ka patur edhe nga një avokat i njohur i Sao Paulos, i cili i ka kërkuar të tërheqë akuzat ose atë do ta presë burgu.

Modelja duhet të dëshmonte gjatë ditës së djeshme, por ajo nuk ka mundur. Dyert e shtëpisë së saj janë mbyllur me forcë dhe 26-vjeçarja ka rënë në panik nga frika e humbjes së jetës.