Për të qetësuar situatën ka ndërhyrë babai i futbollistit, i cili është njëkohësisht dhe agjenti i tij që në ditët e para të karrierës.

“Mendoj se është dashakeqësi nga ana e mediave që ajo deklaratë të merret si provokim nga ana e djalit tim.  Të kujtosh një ndër ndeshjet më të rëndësishme të karrierës tënde nuk mund të quhet mungesë respekti”.

“Djali nuk fyeu askënd nga lojtarët e PSG-së ose vetë klubin. Ishte thjesht një përgjigje e sinqertë e një pyetje që iu bë, përse duhet të fryhen gjërat në këtë lloj mënyre”, tha Nejmar Senior.

Drejtori sportiv i kampionëve të Francës dhe njëkohësisht bashkëkombësi i Nejmar, Leonardo, ka vendosur të bëjë çdo gjë publike në lidhje me situatën aktuale që ekziston midis klubit dhe 27-vjeçarit. Në një intervistë për të përditshmen franceze “Le Parisien”, drejtuesi i lartë i PSG-së ka diskutuar për më shumë se një orë në lidhje me këtë çështje të nxehtë.

Cili është problemi midis Nejmarit dhe PSG-së?

Sot (dje), ai nuk ishte i pranishëm në stërvitje. Supozohej që do ishte kthyer nga Brazili, por nuk ka ndodhur kështu. Ai i dinte se duhej të paraqitej. Do shqyrtojmë se çfarë masash do të marrim, ashtu sikurse do kishim bërë për çdo punonjës tjetër të klubit”.

A ka pasur ndonjë shpjegim nga ana e tij për mosparaqitjen?

Ai ka pasur disa angazhime me një projekt të tijin në Brazil dhe një sponsor, por kjo nuk ishte data që ishte rënë dakord me klubin. Gjithsesi, ai ka luajtur lojën e tij të fundit më 6 qershor. Pushimet mbaronin më datë 8 korrik.

Kur do të kthehet Nejmar në stërvitje?

Nuk e di. Nuk e di akoma. E vetmja gjë që unë di është se ai nuk ishte i pranishëm në datën e planifikuar për fillimin e stërvitjes, 8 korrikun.

A ju ka thënë Nejmar se ku dëshiron të vazhdojë?

Kjo është diçka e qartë për të gjithë tani, por në futboll mund të thuash diçka sot e diçka tjetër të nesërmen. Është diçka e pabesueshme, por ky është realiteti i kësaj industrie ku ne punojmë

Keni mbërritur në 14 qershor në Paris, a keni folur me të?

Po kam folur. S’dua t’u tregoj çdo hollësi të bisedës. Kam folur dhe me babanë e tij. Është diçka që dihet nga të gjithë. Pozicioni i secilës palë është qartë. Megjithatë, në këtë moment që po flasim vetëm diçka është konkrete: Nejmar ka dhe tri kontratë me ne. Përderisa nuk kemi marrë një ofertë s’ka gjë për të diskutuar.

Përse mendoni se ka dëshirë të largohet ?

Iu përgjigja njëherë kësaj pyetje. Kur një lojtar kërkon të largohet nga një klub, po flas në përgjithësi, është diçka mëse normale e jetës së një futbollisti. Përse duhet ta përjetojmë këtë situatë si një përdhosje. Klubi ia ka dalë të bindë shumë lojtarë të qëndrojnë në të shkuarën. Në rastin e Nejmar, nuk është paraqitur në stërvitje, pra është faji tij. Kemi politikat tona të brendshme për raste të tilla. T’i themi gjërat siç janë, në shumë klube ndodh që lojtarët të mos paraqiten në ditën e parë të grumbullimit.

Situata e ofertave?

Nuk kemi marrë asnjë ofertë. Megjithatë është e vërtetë që kemi pasur disa kontakte të thjeshta.

Me Barcelonën?

Po.

Çfarë mund të thoni për strategjinë e drejtuesve të  Barcelonës ?

Ata na thanë që ishin të interesuar të blinin kartonin e lojtarit, por ne u thamë që nuk e kemi në shitje. Nuk e mendojmë që Barcelona është në një pozitë ku mund ta blejë lojtarin tonë.

Me cilat kushte do të pranonte PSG-ja transferimin?

Thjesht na duhet të flasim e të negociojmë. Kjo është e gjitha. Boll me pyetje për Nejmarin, ju lutem.

Një të fundit. A keni vendosur ndonjë afat për këtë çështje?

Kjo është me të vërtetë një çështje shumë e rëndësishme. Janë shumë gjëra në lojë. Së dyti, një rast i këtyre përmasave nuk është vetëm një çështje ndjenjash, është një çështje financiare.

Përfundimisht, a është e mundur që Nejmar të largohet këtë verë?

Nejmar mund të largohet nga PSG-ja, nëse vjen një që gëzon të gjitha palët. Por deri këtë moment, ne nuk e dimë nëse ka ndonjë klub që dëshiron ta blejë atë ose çmimin që mund të ofrojnë. Diçka e tillë nuk mund të kryhet brenda një dite. Kjo është e sigurt.

Pra PSG nuk dëshiron ta mbajë Nejmarin në skuadër me çdo kusht…?

PSG dëshiron të mbështetet në lojtarë që duan të qëndrojnë e të ndërtojnë diçka të veçantë. Nuk duam të kemi lojtarë që i bëjnë ndere klubit me praninë e tyre në skuadër.

PSG duhet të jetë më e pushtetshme se Nejmar, apo jo?

Nuk di ndonjë klub që ka dalë i fituar kur ka pasur një lojtarë të të fuqishëm se vetë klubi. Një klub duhet të ecë përpara, duhet të ketë kontroll mbi gjithçka. Këtu përfshihen edhe lojtarët më të rëndësishëm.

Si do ta punoni në merkato duke pasur parasysh situatën e paqartë me Nejmar?

Nuk ka plan “me Nejmar” dhe plan “pa Nejmar”. Realiteti është që ai ka një kontratë me PSG-në. Për momentin, nuk ka asnjë ofertë konkrete.

Ish-lojtari i Liverpulit është tentuar edhe më parë nga kampionët e Francës, që tashmë mund ta bëjnë tyrin. Edhe vetë Kutinjo e di që te Barcelona nuk do të ketë vend dhe normalisht largimi është opsioni më i mirë.

Kutinjo po tregon një formë të mirë me Brazilin në Copa America dhe te PSG janë të bindur se braziliani mund t’u bëjë punë. Ata kanë biseduar edhe me përfaqësuesin e lojtarit dhe momentalisht ka një “po”. Francezët do të dilnin të fituar nga kjo marrëveshje.

Nejmar nuk dëshiron të qëndroje te PSG dhe kundër vullnetit të tij do ishte e kotë ta mbanin. Nga ana tjetër duhen arkëtuar të ardhura për të shmangur problemet me rregullat e FFP. Veç Kutinjos, francezët do të merrnin edhe një shifër të konsiderueshme (më pak se  200 milionë euro) dhe kështu do të mbanin Mbape në ekip.

Zbulohet se tranferimi është pranë materializimit dhe se ka iniciativë nga të treja palët. Të gjithë janë koshientë për vështirësinë që kanë para. Përfaqësuesit e Nejmar janë shprehur se ka akoma shumë detaje të pambyllura, por japin siguri se ky transferim do të kryhet me sukses.

Me sa duket do të kemi nderin të shohim përsëri një treshe si Nejmar, Suarez, Mesi dhe ç’është më e frikshmja, pritet të bëhen katër “muskëtierë” me ardhjen e sigurt të Grizman.

Nejmar do të shndërrohet në futbollistin e dytë më të paguar, teksa mbi të do të qëndrojë vetëm Lionel Mesi. Madje, braziliani do të marrë edhe më shumë se Kristiano Ronaldo te Juventusi.

Tashmë i takon Barçës që të arrijë edhe marrëveshjen me PSG-në që gjithçka të marrë fund. Padyshim do të ishte transferimi më i bujshëm i merkatos, me 27-vjeçarin që do të rikthehej përsëri në Katalonjë.

Gjithsesi, së fundmi ekipi parizien zyrtarizoi Leonardon si drejtorin e ri sportiv dhe ky i fundit duket se ka plane të tjera për Nejmar. Sipas asaj që raporton “RMC Sport”, braziliani nuk do ta lërë bashkombasin e tij të largohet nga kryeqyteti francez.

Leonardo duket se e konsideron thelbësor Nejmarin për sezonin e ardhshëm dhe sipas gjasave, sulmuesi do të mbetet në Paris.

Presidenti Al Kelaifi nga ana e tij mundohet ta frenojë këtë largim nëpërmjet një kontrate faraonike. Por Nejmar e ka humbur urinë për para dhe qëllimi i tij i vetëm është të shpëtojë karrierën e tij. Barcelona po e ndjek me kujdes situatën e brazilianit. Ata nuk e duan një përplasje më shumë me klubin parizien dhe presin që këtë çështje ta zgjidhë vetë lojtari.

Largimi i Nejmar mbështetet nga trajneri Tomas Tuhel. Ky i fundit ka mbetur i pakënaqur nga sjellja jokorrekte e 27-vjeçarit dhe pritet të shtyjë klubin ta lërë të lirë. Kutinjo shihet si zëvendësuesi ideal për O’Ney. Një ndërrim kokë më kokë do të ishte zgjidhja më e lehtë.

Hetimet po vijojnë për sa i përket çështjes së përdhunimit, ndërsa nga Kombëtarja Tite ka dhënë shenja të dyshimta në lidhje me pjesëmarrjen e Nejmar në Kupën e Amerikës.

??¡¡ÚLTIMA HORA!! Novelletto, vicepresidente de la Federación brasileña, cree que NEYMAR NO DISPUTARÁ la COPA AMÉRICA: “No está en CONDICIONES psicológicas”. pic.twitter.com/DMQaOsX4bV

— El Chiringuito TV (@elchiringuitotv) June 5, 2019

Dyshimeve të Tites, i shtohet edhe deklrata e zëvednës presidentit të Federatës braziliane të futbollit. Ky i fundit ka deklaruar për mediat vendase që Nejmar nuk është në gjendjen e duhur psikologjike për të qenë në Kupën e Amerikës.

Diçka e tillë do të ishte padyshim tronditëse për Nejmar, me brazilianin që është një ndër lojtarët më të rëndësishëm të Kombëtares së tij, që këtë edicion të Kupës së Amerikës e organizon në shtëpi.

Ai që del në mbrojtje të yllit argjentinas është Dani Alvesh. Braziliani shprehet se Leo Mesi është lojtari i fundit që duhet kritikuar për atë që jep në fushë, por edhe jasht saj. Ai e vë theksin se futbolli është një lojë kolektive dhe bën një krahasim me sporte individuale si tenisi apo golfi. Më pas Alvesh kujton një polemikë të vjetër me Krisiano Ronaldon dhe thotë edhe disa fjalë për Nejmar. Këtij të fundit i bën një krahasim me Leon.

Leo Mesi- “Pas ndeshjes së parë të gjithë qenë shprehur se Leo është stratosferik apo jashtëtokësor dhe tani ndryshoi situata në të kundërt. Nëse është dikush për të cilin nuk flitet keq është Leo. Për atë që jep brenda fushës dhe për mënyrën sesi jeton jashtë saj. Ka qenë në maksimumin e futbollit për shumë vite. Niveli i tij është më i larti. Gjithsesi ky është një sport ekipor, ku të gjithë duhet të japin 100%, që të funksionojë gjithçka. Vetëm në fushën e golfit ose të tenisit fiton i vetëm.”

Kristiano Ronaldo- “Ai u zemërua me mua se thashë që lojtarët si Kristiano, Leo dhe Nejmar janë gjithmonë në dukje kur çdo gjë shkon mirë, por ato ‘zhduken’ kur ekipi eliminohet. Lojtarë të këtij niveli mbajnë shumë peshë mbi supe.”

Nejmar- “Ai dhe Mesi janë të ndryshëm, por gjithmonë bëjnë dallimin. Gjithsesi ata nuk mund ta bëjnë të gjithë punën të vetëm. Duhet të jetë një mjedis i tërë për të bërë diferencën”, përfundoi Dani Alvesh.

Nejmar- “Çështja Nejmar po zagjtet disa vite me radhë. Sigurisht zërat për Realin nuk mungojnë, por nuk besoj të jenë të vërteta. Çdokush dëshiron ta ketë atë, por nuk është në merkato. Është kritikuar shumë, por kështu e ka futbolli, ka edhe padrejtësi dhe nuk mund të bëjmë asgjë. E shoh atë si një fëmijë shumë inteligjent, një talent i jashtëzakonshëm. Shpresoj që të ketë vazhdimësi.”

Vinisius- “Do të dëshiroja ta kisha atë në Vajadolid, por në nuk mund ta paguajmë pagën e tij. Nëse do të vinte do e mirëprisnim shumë mirë. Real ka bërë disa përforcime shumë të mira me të rinjtë që kanë ardhur.”

Sezoni “i djegur” i Realit- “Tifozët e Realit janë shumë kërkues. Duan të fitosh gjithmonë, por kjo nuk është e mundur. E kam thënë këtë në Madrid edhe kur isha lojtar. Nuk duhet bërë dramë.”

Liverpul- “Ndeshjen e parë ata ishin një ekip i mrekulluaeshëm me lojtarin më të mirë në Botë, Mesin. Në ndeshjen e dytë kam dëgjuar se fajtor është Valverde dhe Kutinjo, Mesi jo. Është e padrejtë. Intensiteti i Liverpulit ‘e mbyti’ Barcelonës, gjithsesi mendoj se me pak fat katalanasit mund të kishin shënuar në pjesën e parë”, përfundoi legjenda braziliane.

Ky gjest ka ngjallur reagimin e trajnerit të tij. Tomas Tuhel e konsideron të papranueshme sjelljen e Nejmar. “Nuk kishte përse të ndodhte kjo. Nuk e pashë momentin, por më thanë shumë vetë më pas. Është e papranueshmë të sfidosh fizikisht një tifoz”, shprehet Tuhel. Me këtë veprim Nejmar pritet t’i zgjasë pushimet e tij, pasi do të dënohet minimumi pesë ndeshje.

27-vjeçari kritikat e marra në lidhje me udhëtimet e shpeshta në Brazil gjatë periudhës së riaftësimit, i konsideron të ekzagjeruara. Thotë se nuk ka “vdekur” dashuria për Barcelonën dhe ka marrëdhënie shumë të mira me ish-shokët e skuadrës. E vetmja arsye e largimit nga katalanasit sipas tij, është ideja e një ekperience më sfiduese. Tha edhe dy fjali për nofkën “simuluesi”, që e mban prej kohësh.

“Kritikat në lidhje me udhëtimet në Brazil janë të ekzagjeruara. Unë mund të ecja dhe vija nga një periudhë dymujore trajtimi. Lojtarët aktualë apo të mëparshëm, që më kritikojnë, mund të kenë bërë mëkate më të mëdha se ky.”

“Largimi nga Barcelona ishte një sfidë për të kërkuar vështirësi të reja. Kam akoma dashuri për atë klub dhe jam në kontakte me shokët e mi atje. U largova sepse ndjeva se duhet të provoja diçka më të vështirë.”

“Unë jam simulues? U dëmtova sepse vazhdova lojën pas faulleve të njëpasnjëshme të kundërshtarit dhe pastaj më kritikuan se nuk rashë në tokë”, u shpreh Nejmar.

Falë ndryshimeve të fundit nga “transfermarkt”, kemi një emër të ri në krye n? krye të listës së lojtarëve më të shtrenjtë. Bëhet fjalë për Kilian Mbape, i cili lë mbas Leo Mesin dhe kolegun e tij te PSG-ja, Nejmar Zhunior.

Vlera e 19-vjeçarit është 200 milionë euro, 10 milionë më shumë se “pleshti” dhe ylli i “Seleçaos”. Mbape është lojtari më i ri në listën e dhjetë futbollistëve më të vlefshëm në planet, dhe me diferencë të madhe. Lojtari më i afërt në moshë me francezin është Rahem Stërling, i cili është pesë vite më i madh. 

Një detaj tjetër interesant i listës së dhjetë lojtarëve më të shtrenjtë është fakti që në të nuk figuron emri i Kristiano Ronaldos, i cili renditet i 13-ti me një vlerë prej 100 milionë eurosh.

Goli i parë i shënuar nga Nejmar, ishte dhe goli i 30-të i shënuar për Nejmar në Ligën e parë në Francë. Kuota e 30 golave është arritur në ndeshjen e 32-të të brazilianit dhe ky fakt përbën një rekord për kampionatin francez në 45 vitet e fundit.

Braziliani kujtojmë u shndërruar në transferimin me të shtrenjtë të historisë së futbollit verën e kaluar, kur u ble nga PSG për 222 milionë euro, para të cilat shkuan në llogari të Barcelonës.

30 – Neymar has scored 30 goals in Ligue 1 after only 32 games, a record in Ligue 1 over the last 45 seasons. Turbo. @PSG_English pic.twitter.com/Ta7k7NBuCs

— OptaJean (@OptaJean) December 2, 2018

Mbrëmjen e kaluar Nejmar ishte në fushë për 90 minuta në fitoren e miqësores ndaj Argjeninës dhe pas ndeshjes braziliani duket se ka dhënë sinjale për një rikthim të mundshëm në Katalunjë. Sipas asaj që ka raportuar prestigjiozja spanjolle “Mundo Deportivo”, Nejmar ka thënë pas sfidës se rikthimi te Barça nuk është diçka e pamundur.

Braziliani ka shfaqur shenja pakënaqësie që në fundin e sezonit të kaluar për eksperiencën e tij në Paris dhe duket se tundohet nga ideja për t’u rikthyer përsëri përkrah Leo Mesit, aq më tepër që tashmë do të gjejë dhe shokun e tij në kombëtare, Filipe Kutinjon. Në Paris gjërat nuk duken siç duhet për Nejmar, teksa Kilian Mbape po kthehet në një idhull në kryeqytetin francez, sidomos pas fitimit të Kupës së Botës. Nejmar duket nostalgjik për kohën e tij te Barça dhe ndoshta fundi i sezonit mund të sjellë vërtet një rikthim të brazilian përsëri me fanellën katalanase.