TRAJNERI I RI – “Faleminderit që jeni këtu, në prezantimin e trajnerit të ri. Të gjithë e njihni Shpëtim Duron dhe eksperiencën e tij në futboll. I urojmë mirëseardhjen, urojmë të bëjmë me të mirën, në klubin që synon titullin dhe kupën. Kontrata është 1-vjeçare”.

RAMA – “Valdet Rama është më pushime. Është ende nën kontratë, ka ikur përkohësisht dhe e presim të kthehet. Jemi duke biseduar.

KONTRATAT – “Musolli ka pasur opsion rinovimi, nuk largohet. Shameti ka munguar gjatë për dëmtim dhe sapo është kthyer. Deri në fund të javës do të vendosen shumë gjëra për kontrata në skadencë. Ikonat e këtij klubi do të qëndrojnë”.

LEONIT ABAZI – “Këto dy ditë kemi humbur Rrumbullakut. E donim në ekip, por ai kërkon të provojë diçka të re jashtë vendit. Për emrat e tjerë në ditët e ardhshme do të shohim. Rolet dihen pak a shumë, nuk do ketë shumë ndërhyrje. Me trajnerin e ri do ulemi e diskutojmë për të ardhmen, pasi është ende herët që ta pyesni për skuadrën.

KORDEIRO – “Çdo lojtar që përforcon një rival është një asist, në thonjëza. Nuk arritëm të rinovonim, por kemi marrë Gavazaj dhe pastaj Dakun në sulm. Me 2-3 afrime do jemi gati të rivalizojmë për titull”.

PORTA – “Për momentin kemi 3 portierë. Me Frashërin do ulemi të flasim për rinovimin e mundshëm”.

NDRYSHIMET E SHUMTA NË STOL – “Asnjëherë nuk është e lehtë, as për presidentin, por shpresojmë të kemi sukses”.

Megjithatë, paralelisht me punën në fushë, trajneri Ernest Gjoka dhe drejtori sportiv Nderim Nexhipi po punojnë edhe për merkaton, sepse emrat në tryezë janë të shumtë, si zakonisht te Kukësi.

Presidenti Safet Gjici po ashtu është shumë aktiv, duke u marrë personalisht me shumë çështje, ndër të cilat edhe e ardhmja e sulmuesit Rexhinaldo. Afrikani, autor i 11 golave në Superiore dhe 4 golave në kupë, ka qenë lojtari më pozitiv në repartin e avancuar të Kukësit dhe Gjoka e dëshiron me çdo kusht në ekip për të ardhmen.

Për këtë arsye, Gjici ka gjetur marrëveshjen për ta mbajtur shënuesin më të mirë të ekipit edhe për një vit, ndërkohë që së shpejti pritet edhe zyrtarizimi i marrëveshjes me njoftim nga klubi.

Gjoka ka kërkuar që sulmi të mos preket, të paktën për kupat e Europës, pasi nuk mund të bëhen ndryshime të shumta. Në mbrojtje do të ketë lëvizje sidomos në krahë, por në qendër pritet të konfirmohen Cuculi, Teqja e Shameti, me këtë të fundit që ishte shumë pranë largimit, por një bisedë me presidentin Gjici mund ta konfirmojë, duke ndryshuar kushtet financiare të kontratës.

Edhe në mesfushën e Kukësit priten ndryshime, sepse do të ketë largime, por për momentin nuk është kontaktuar asnjë futbollist në Superiore, me drejtuesit e Kukësit që mohojnë prerë edhe thashethemet për marrëveshje me Idriz Bathën, i cili në verë do të jetë futbollist i lirë.

“Mendoj që Partizani ka një përparësi shumë të madhe sa i takon pikëve. Normale, kur matematika na mban në garë, nuk duhet të dorëzohemi. Ndeshja e sotme përballë Tiranës është shumë delikate dhe duhet të japim maksimumin që të marrin pikët e plota.

Të them të drejtën, këtë sezon ne si Kukës nuk kemi pasur shumë fat me dëmtimet. Kemi pasur shumë dëmtime dhe kjo ka qenë gjëja më vendimtare për mua. Normale që edhe stadiumi ka të bëjë. Këto kanë qenë vendime në fillim të sezoni, për stadiumin them. Këto gjëra kanë ndikuar.

Sezoni i ardhshëm? Normal, kemi filluar të mendojmë dhe për sezonin tjetër. Kemi një trajner që sapo ka ardhur në ekip, që e njeh ekipin. Duhet ta mbyllim sa më mirë këtë sezon. Sa i takon sezonit tjetër, duhet të ruajmë këtë bosht lojtarësh, pasi kemi shumë kualitet në skuadër. Nuk duhet të ketë shum largime dhe aty ku mendon trajneri Gjoka për të ndërhyrë, do të ndërhyjmë. Por them se nuk do të ketë më shumë se 3-4 ndërhyrje në verë.

Stadiumi i ri? Të them të drejtën, unë them që për sezonin e ardhshëm të ndjekim shembullin e Partizanit, që i ka luajtur të gjitha ndeshjet në “Selman Stermasi”. Për mua duhet të jemi pritës te stadiumi i Kamzës, të bazohemi tek ai vend, pasi ka shumë tifozë Kukësi atje. Stadiumi jonë nuk besoj se do të bëhet as sezonin tjetër”, përfundoi Nexhipi.

Fillimisht foli drejtori sportiv i verilindorëve, Nderim Nexhipi, i cili tha: “Jemi në gjysmëfinale të Kupës dhe besoj çdo ekip që është në këtë fazë ka ambiciet e veta. Ndeshjen e parë e luajmë në shtëpi dhe do të bëjmë maksimumin, pasi dihet që pretendojmë për të paktën një titull këtë sezon. Shpresoj të bëjmë maksimumin dhe ta kalojmë ekipin e Skënderbeut.”

STADIUMI KU KUKËSI DO LUAJË SI PRITËS – “Besoj se ndeshja e parë me shumë mundësi do të luhet në Elbasan.”

SKËNDERBEU – “Patjetër që për Skënderbeun nuk ka nevojë të flitet, pasi dihet çfarë ekipi është dhe sa kualitet dhe përvojë që kanë. Janë dy ndeshje gjysmëfinale dhe duhet bërë maksimumi që të kalohet në finale.”

Oldi Lulja, përfaqësues i klubit korçar u shpreh: “Ndeshja me Kukësin do të jetë ndeshje e fortë dhe e bukur të jeni të sigurt. Por ajo që është me e sigurt akoma është se Skënderbeu është akoma në vendin e parë në Kupë dhe këtë vit Kupa do të jetë përsëri në Korçë, është e sigurt. Ky është edhe objektivi kryesor.”

ÇËSHTJA NË CAS – “Presidentët janë në seancën dëgjimore në CAS dhe shpresoj që të dalim fitmtarë. Për momentin akoma nuk është ndarë kur del vendimi, por një afat ekziston që është një muaj pas seancës.”

“Disa vite më parë kisha mundësinë të luaja në një derbi pa shikues. Nuk është diçka e mirë, pasi ndeshje të tilla sjellin publikun. Futbolli luhet për tifozë dhe do të doja të ishte një stadium i mbushur dhe të kishte atmosferë”.

“Janë dy gjëra të ndryshme të jesh lojtar dhe në postin e drejtuesit. Kam qenë tërë jetës futbollist ndërsa kam 1 vit me roli aktual. Posti i drejtuesit është diçka krejt tjetër”.

“Është fakt dhe e drejtë që nuk kishim shumë fat me dëmtimet. Na  u dëmtuan dy lojtarë si Musolli dhe Rrumbullaku. Kjo ndikoi dhe në lojën tonë. Musolli është një ndër më të mirët në Superiore dhe bën diferencën çdo herë. Problemi më i madh është që luajmë në transfertë çdo ndeshje dhe nëse do të luajmë në Kukës do të kishim më tepër pikë”.

“Kemi pasur biseda me trajnerin Cungu. Po shohim mundësitë dhe nëse ndërhyrjet diçka do të shohim në sulm. Harba ka prishur kontratën me ne para një muaj e gjysmë dhe nuk kemi shumë opsione dhe një sulmues do të bashkohet me ne në janar”.

“Gurin e shitëm në verë dhe klubi arkëtoi një shumë të konsiderueshme parash. Kemi sjellë lojtar që janë interesant për tregun e jashtëm. Çyrbja bëri një sezon të mirë edicionin e shkuar, por duhet kohë kur ndryshon ambient. Kemi lojtarë interesant, por nuk mund të them se në janar mund të kemi ndonjë lojtarë që mund të shkojë larg”.

“Ethemi po bën shumë mirë dhe uroj të bëjë mirë. Është i ri në Superiore, pasi luan sezonin e dytë. Duhet ta kapim këtë lojtar të ri, pasi po bën ndeshje të mira dhe të ketë mundësi për të ikur nga Shqipëria. Duhet të bëjmë maksimumin që të sjellim lojtarë që të jenë sa më interesant për tregun e huaj”.

“Të gjithë e dinë se si ishte gjendja e stadiumit në Kukës. Gjendja e terrenit ishte në situatë të keqe dhe ndaj u mor vendimi për t’u larguar. Në Elbasan apo Shkodër fushat janë më optimale, por kur një skuadërs si Skënderbeu vjen në Kukës ka ndjenjë tjetër, sesa kur vjen në Elbasan apo në Shkodër. Në ndeshjet e fundit lojtarët e rinj e kanë kuptuar se kemi ekip të mirë dhe do të konkurrojmë deri hë fund për titull”.

“Ne kemi bërë shumë afrime dhe duhet koha e vet. Përgjigjen do e kemi në fund se ku do të jetë ky ekip në përfundim të kampionatit”.

Para ndeshjes, Nexhipi ka komentuar për “Supersport” pritshmëritë që ka për këtë ndeshje, por ai thekson se është pjesë e Kukësit dhe sot kërkon me çdo kusht fitoren.

Nderim, sa e veçantë është kjo ndeshje për ju?

Është derbi i javës. Ndeshet Kukësi dhe Partizani dhe janë takim derbi. Është emocion i veçantë, pasi kam qenë kapiteni i Partizanit ndërsa tani jam drejtues tek Kukësi. Është e vështirë që ta ndjekësh ndeshjen nga tribuna dhe të mos jesh në fushë vetë.

A do festonit nëse sot do të arrini fitoren ndaj Partizani?

Jemi pjesë e Kukësit dhe në çdo ndeshje urojmë që të fitojmë. Ne na vjen të gëzojmë pas çdo suksesi të ekipit.

Ishte një strategji për t’i vënë në trysni tifozët e Partizanit rritja e çmimeve të biletave dhe si ju duket që ndeshja luhet në këtë orar?

Ne kemi problem për tifozët, pasi luamë jashtë qytetit tonë. Është më mirë të jenë sa më shuam tifozë, çka u pa dhe në Korçë, ku ne kishim një ambient më ndryshe sportiv. Rritja e çmimeve të biletave nuk ishte për t’i vënë në trysni tifozët e Partizanit. Nuk është një orar i zakonshëm, por nuk kishim shumë mundësi për ta luajtur ndeshjen në një orar tjetër. Në Shkodër nuk luanim dot dhe e vetmja mundësi ishte që të luanim në këtë orar në Elbasan, pasi ka ndeshje dy ditë më vonë.

Cila skuadër duket favorite në këtë takim?

Kemi mungesë të madhe Rrumbullakun gjatë këtyre ndeshje dhe në pozicionin e tij është ndër më të mirët në Superiore. Kjo është një ndeshje derbi dhe ne do të provojmë që të bëjmë më të mirën për të shkuar sa më lart në klasifikim, pasi ne pretendojmë titullin kampion.

Barazimi nuk do të ishte keq?

Janë tre rezultate, por ne do të bëjmë çdo gjë që të marrim fitoren.

Nga ndryshon presidenti Demi dhe presidenti Gjici?
këtu jam më afër presidentit Gjici. Është shumë më kërkues dhe shumë më pranë ekipe, është në çdo ndeshje, pavarësisht kundërshtarit. Do të fitojë gjithnjë. Me Partizanin kam qenë si lojtar dhe nuk kam qenë shumë afër, ndërsa tani jam drejtues. Presidenti Gjici do fitore në çdo ndeshje.

Nuk ka munguar mbështetja nga miqtë e tij, duke nisur që nga shokët e skuadrës, drejtuesit dhe ish-shokët e skuadrës.

I veçantë dedikimi i kapitenit Shameti, i cili i premton mbështetje të plotë mesfushorit: “Disa momente të vështira bëhen më të lehta për t’u kaluar nëse ke afër shokë, kështu që të premtoj që do ta kalojmë bashkë këtë vëllai im Besar Musolli”.

Edhe drejtori sportiv Nderim Nexhipi përmes një postimi ka shprehur mbështetjen e tij për zëvendëskapitenin: “Do rikthehesh edhe më i fortë Muski”

Donjet Shkodra nuk ka qëndruar pa e shprehur mbështeten e tij teksa shkuan: “Do rikthehesh më i fortë vëlla”.

Po ashtu dhe Simo Rrumbullaku e ka cilësuar si një Legjendë Musollin, duke i uruar rikthim të shpejtë: “Forca legjendë kthehu më i fortë se më parë”.

Kristi Joti, i cili luan me Tomorin, nuk e ka harruar Musollin, që e ka pasur shok skuadre tek Kukësi, duke e kujtuar dhe në këtë moment jo të mirë: “Asnjëherë mos hiq dorë vëlla, ktheu më i fortë.

Është fitorja personale e Safet Gjicit: Sindrit Guri në Belgjikë është si një trofe për presidentin e Kukësit, që realizon një tjetër “fiksim” të tij. Ka fituar kupë, kampion e Superkupë, por kishte ardhur koha që Kukësi të bëhej fitimprurës dhe të prodhonte, ashtu si Skënderbeu. Më në fund klubi verilindor ia doli, sepse Guri është goditja e vërtetë, jo Cikalleshi, as Bakaj. Tashmë Kukësi dhe Gjici janë plotësisht në elitë, që do të thotë që nuk bëhet më fjalë vetëm për shpenzime pa fund për ndonjë trofe, por investime dhe fjala investim ka edhe fitim brenda, kthim pas të shifrave kolosale të investuara ndër vite. Në një intervistë për Supersportin, presidenti i Kukësit ka folur për transferimin e Gurit, por jo vetëm kaq, sepse paralajmëron revolucion te Kukësi, duke larguar menaxherin Naim Halili dhe duke bërë ndryshime të tjera, për ta kthyer klubin e vet në 100% profesionist, sepse jemi në ekonomi tregu.

– Gjici, goditje e madhe kjo e Gurit.

– Ne kemi bere transfertë të mirë, e dinë që sulmuesit janë të vështirë të gjenden. Është futboll, por edhe biznes. Është lëvizje e mirë, ka shkuar në ekip cilësor. I uroj suksese atje ku do shkojë. Largimi i tij na ka vënë ne pozita të vështira për të gjetur pasues. Megjithatë, Nexhipi dhe Pakult kanë disa alternativa për te kompletuar jo vetëm sulmin, por gjithë repartet.

– Sa do të ndihet mungesa e një lojtari të tillë?

– Meqenëse Guri ka dy-tre vite me ne, është normale që të ndihet mungesa. Kam besim te trajneri që e nxori Gurin në skenë se do gjejë një tjetër. Bashkë me Nexhipin kanë menduar alternativën e duhur.

– A do të thotë kjo lëvizje se tashmë jeni ngjitur në nivelin e Skënderbeut?

– Skënderbeu është ekip i organizuar mirë dhe kalimi deri në grupet e Europa League nuk është rastësi. Ne kemi pasur mangësi stafesh menaxheriale. Ka qene e metë që nuk na sollën lojtarë cilësorë për të bërë ekip të mirë dhe për të plotësuar ekipin që të luajë në Europë. Ekipe të mëdha kanë rënë nga kategoria, Tirana, por edhe Vllaznia është drejt rënies. Ne do vendosim një staf të mirorganizuar në të gjitha hallkat e klubit. Kemi zgjidhur problemin kryesor, trajnerin:  po të ishte nga fillimi do ishim kampion. Do ketë ndryshime të mëdha, kemi larguar edhe Naim Halilin. Nuk merrej me punët e tij si menaxher, por me gjëra që nuk i takonin. Të jesh kaq korrekt dhe te mos kesh rezultate është diçka që na ka penguar shumë.  Kam qene korrekt me të gjithë trajnerët dhe nuk i janë përgjigjur investimeve të bëra. Nuk i janë përgjigjur korrektësisë dhe investimeve. Ne jemi futur në treg me gurin, më parë kemi bërë gjëra të vogla. Çdo vit do fillojmë të shesim, me punë. Na duhen lojtarë në disa reparte.

– Meritë e kujt është ky transformim?

– Trajneri dhe Nexhipi janë çelësi i suksesit. Nexhipi nuk kishte eksperiencë, por bashkëpunimi midis tyre ka sjellë këto rezultate. Trajneri ka punuar shumë me Gurin. Nexhipi ka gjetur gjuhën e bashkëpunimit me trajnerin. Do bëjmë një staf të mirë, që të shesim lojtarë.

– Emra të tjerë?

– Kemi nja dy lojtarë, por le t’ia lëmë kohës.

– A keni pasur ndonjë këshillë për trajnerin?

– I kam thënë që disa talente duhen afruar, t’i përgatitim dhe rritim vetë. Pakult i përgatit talentet shumë mirë.

– Një skuadër e mirë ka nevojë për një stadium dhe fushë të mirë.

– Në Kukës ka shkuar një studio projektimi, ka bërë matjet dhe besoj qe projekti është me standardet e UEFA-s. Shumë shpejt do kemi projektin dhe them që për dy muaj do fillojë puna, do marrë miratimin dhe shumë shpejt do fillojmë punën.

Nderim Nexhipi mund të cilësohet si “arkitekti” i Kukësit në janar. Ish-mesfushori i njohur ka nisur një aventurë të re te kampionët në postin e drejtorit sportiv dhe po bën mjaft mirë. I ftuar në “Fair Play” në “News 24”, ai ka komentuar ndeshjen me Partizanin, skuadër që e ka përfaqësuar si futbollist. Drejtori i Kukësit vlerëson paraqitjen e skuadrës në ndeshjen me “demat”, duke e veçuar si një nga ndeshjet më të mira të skuadrës kuksiane, por veçon aftësitë e sulmuesit Sindrit Guri, për të cilin tregon se do jetë e vështirë që ta mbajnë në Kukës edhe për një sezon. Në të njëjtën kohë, 33-vjeçari tregon se që tani po mendohet për merkaton e verës, ku prioritet është gjetja e një pasuesi për shkodranin.

NDESHJA – “Këto ndeshje, kur janë si derbi, çdo herë duhet të impenjohesh maksimalisht. Skuadra tregoj karakter, pasi vinim nga disa ndeshje jo të mira, edhe pse kishim marrë pikët e plota. Duhej të reflektonim, pas kësaj periudhe, pasi më herët kishim treguar se dimë të luajmë mirë. Në ndeshjen me Partizanin skuadra reagoi mirë dhe me meritë arritëm që të fitonim. Partizani kishte një ecuri shumë të mirë. Nuk pësonte as gol prej 5 ndeshjesh. Që në fillim Kukësi tregoi se do dominonte. Ishte fat që shënuam herët dhe më pas e menaxhuam shumë mirë. Edhe kundërshtari nuk e priste një Kukës aq agresiv. Kjo ishte këshilla e trajnerit për këtë sfidë. Që në fillim e treguam se do ishte vështirë për Partizanin. Ishte një nga ndeshjet më të mira të Kukësit”.

VENDI I DYTË – “Nëntë pikë diferencë janë avantazh i madh, por kampionati nuk ka mbaruar. Kemi dhe gjysmëfinalen të mërkurën dhe nuk ka vend për eufori. Janë të gjithë të vetëdijshëm për këtë gjë. Duhet të japim maksimumin për të arritur vendin e dytë dhe për të marrë Kupën e Shqipërisë, që janë objektivat tona”.

KARRIERA SI DREJTOR SPORTIV – “Në verën e kaluar e mbylla me futbollin e luajtur dhe në janar mora një ofertë nga presidenti Gjici që t’i bashkohem ekipit. I jam mirënjohës, pasi nisa një aventurë të re, në një post ku e shoh veten në të ardhmen. E falënderoj presidentin për këtë mundësi. Me Partizanin kam kaluar mjaft mirë kur kam qenë pjesë e skuadrës. Kam respekt për Partizanin, por jemi profesionist dhe në momentin ku je në një skuadër tjetër bën më të mirën për atë skuadër. Uroj që të bëjmë sa më mirë te Kukësi”.

ÇELËSI I SUKSESIT – “Shumicën e lojtarëve i njoh dhe jam gati çdo ditë në stërvitje dhe në biseda me lojtarët i kam ndihmuar. I kam njohur disa nga lojtarët e Partizanit me të cilët kam luajtur kur kam qenë atje. Jam i vetmi në klub që kam kontakt direkt me trajnerin. Kemi biseduar për Partizanin me njohuritë që kam pasur unë. Edhe trajneri i dinte pikat e forta dhe të dobëta të Partizanit. Përderisa jam pjesë e Kukësit, të gjithë që nga presidenti dhe deri te punëtori i fundit kemi bërë punën tonë për këtë fitore”.

GURI – “Pas largimit të Bakajt, kishim disa biseda me trajnerin, ku kemi diskutuar për të, pasi iku kur ishim në mes të kampionatit. Ishte vendim i papritur. Të gjithë, duke nisur që nga presidenti dhe deri te trajneri jemi konsultuar dhe them se kemi marrë një vendim të drejtë. Bakaj donte të largohej me çdo kusht. U krijuan më tepër hapësira për Gurin, i cili dita-ditës dhe java-javës po rritet akoma dhe më shumë. Guri e di se është njeriu kyç, por edhe trajneri e tha se Guri vetëm nuk luan dot. Ka shumë cilësi dhe pres me zhvillimin e tij, me ecurinë e tij të marrë dhe një ftesë në Kombëtare. Ka shumë vetëbesim dhe do të shkojë në nivele shumë të larta. E them me shumë bindje. Ka shumë interes dhe do jetë e vështirë për ta mbajtur në Superiore edhe edicionin e ardhshëm Gurin”.

SHITJA – “Të gjithë e dimë se futbolli është biznes dhe ka ardhur koha që edhe Kukësi të përfitojë. Gjici investon shumë dhe Guri është aset i klubit. Guri ka dhe dy vite kontratë me Kukësin”.

MERKATO – “Po mendojmë që tani për verën. Duhet t’i planifikojmë gjërat. Me këtë fitore them se do luajmë në Europë. Do bëjmë çmos, pasi presidenti kërkon që të ketë lojtar me shumë kualitet. Po kërkojmë lojtarë që do e zëvendësojnë Gurin”.