“Mosarritja e synimit për ngjitjen në Superiore sezonin e kaluar na ka mësuar shumë gjëra. Kemi ruajtur rreth 70% të lojtarëve nga sezoni që mbyllëm dhe fokusi ynë është përqendruar te lojtarë cilësorë dhe talente të reja. Në këtë merkato, së bashku me trajnerin Magani, po tregohemi të kujdesshëm me lëvizjet dhe  gjithçka e kemi zhvilluar me një strategji afatmesme e afatgjatë”, thekson Nexhat Bizhdili në këtë deklarim.

Ndërkohë, presidenti i Besës jep edhe një lajm të “fshehtë”, se, në mesjavën e ardhshme tre lojtarë nga Superiorja i bashkohen skuadrës së tij. “Në merkato ne nuk po synojmë lojtarë për të kaluar radhën, ka ikur ajo kohë te Besa. Në mesjavë do nënshkruajnë dy futbollistë cilësorë, të cilët vijnë nga Kategoria Superiore dhe tre të tjerë nga skuadra të njohura në Kategorinë e Parë. Paralel me përgatitjet, merkato do jetë e orientuar nga Superiorja, ky është synimi i Besës”.

AGRON KAJA

Ndërkaq, në stafin drejtues e teknik të Besës, kjo ndeshje nuk është përcjellë me nota shumë pozitive, edhe pse vlejti tri pikët. Në deklarimin e tij për SportEkspres.com, presidenti Nexhat Bizhdili sqaron se nga ana e tyre nuk është folur asnjëherë për tolerime me skuadrën.

“Askush nuk mund të na akuzojë se ne kemi kërkuar tolerim nga Egnatia. Nëse ata kanë dashur ta bëjnë, është problemi i brendshëm i tyre, jo i yni”, kështu theksoi presidenti i Besës, Nexhat Bizhdili.

Këtë rezultat ai e quan si mësimin më të keq për skuadrën e tij dhe njëherësh ai kërkon që Besa të besojë më shumë te kapacitetet e veta. “Ne jemi skuadër për Superiore dhe ndeshja me Egnatian do mbetet mësimi më i keq në këtë sezon. Jemi një skuadër që duhet të besojmë më shumë te vetja, sepse vetëm kështu do të jemi më të sigurtë për ngjitjen tonë në Kategorinë Superiore”, deklaroi më pas presidenti i Besës.

AGRON KAJA

“Mendoj se kemi një skuadër dinjitoze, të aftë për tu ngjitur në Superiore. Humbja e djeshme me Trepça ’89 nuk tregon dobësi, përkundrazi, sepse ajo u shënua në pjesën e dytë kur u bënë shumë zëvendësime. Por ka edhe një fakt që ndikon te skuadra, ngarkesa që është krijuar në 17 ditë përgatitje dhe me 9 ndeshje miqësore, të cilat kanë krijuar edhe lodhje tek futbollistët”, kështu theksoi Presidenti i Besës, duke e lënë më pas të hapur merkaton te skuadra e tij.

“Kam një plan në merkato, sepse mendoj që reparti i sulmit e kërkon një përforcim të ri. Synimet tona janë për ngjitje në Kategorinë Superiore dhe këtë kemi shpresë se do ta arrijmë. Gjatë kësaj jave një futbollist nga Kosova që luan në Holandë në Divizionin 2 na është sugjeruar për ta sjellë në Kavajë. Besoj se në fillimin e javës së ardhshme do ta kemi një akord me të, kjo do të varet sa ai do ta bindë stafin teknik”.

Besa ka qenë aktive në merkaton e janarit ku ka afruar Gugash Maganin në pankinë, si dhe futbollistët Efijong Ejo, Sokol Mziu, Ervis Çaço, Sadush Danaj, Xhefri Çinedu Çarls e Senad Hysenaj. Skuadra kavajase renditet në vendin e 2-të në Grupin B të Kategorisë së parë, 5 pikë larg Bylisit kryesues në këtë grup, ndërkohë që takimin e javës së 15-të e luan në transfertë me Elbasanin.

AGRON KAJA

Në një intervistë për “RTSH Sport”, numri i një i klubit kavajas foli për emërimin e trajnerit të ri dhe u shpreh i bindur, se në fund  të edicionit, skuadra e tij do të triumfojë ndaj rivalëve të Bylisit, që për momentin mbajnë kreun e tabelës.

“Kemi marrë Maganin si trajner me bindjen që do të shkojmë në Superiore. Nuk pretendonim shumë në gjysmën e parë të sezonit, por rezultatet e këqija në ndeshjet e fundit, ndikuan në shkarkimin e Begesë, që ishte një trajner shumë i mirë, por me pak përvojë”, tha presidenti i Besës.