Futbollisti francez u kërkua me ngul nga Milani gjatë merkatos së janarit, por me kalimin e muajve interesi i klubit nga Milano u shua. Transferimi i 22-vjeçarit në Premier League i ka sjellë 22 milionë euro të ardhura klubit të Lilë.

Sent-Maksimin ka qenë një ndër lojtarët më premtues te futbollit francez gjatë viteve të fundit. Sulmuesi është i aftë të luajë në të dyja krahët e sulmit. Megjithëse nuk ka një raport të mirë me golin, 22-vjeçari shkëlqen në driblim, ku është ndër më të mirët në Europë përsa i përket mesatares së driblimeve për çdo ndeshje.

59-vjeçari do të përfitojë rreth 12 milionë euro në sezon tek ekipi i ri, aty ku do të gjejë emra si Marek Hamshik dhe Janik Karrasko. Me sllovakun ka punuar dy vite te Napoli gjatë sezoneve 2013-2015.

Spanjolli i njohur ka marrë disa kritika nga ish-presidenti i tij te “qymyrxhinjtë”, Majk Eshli. Ky i fundit është zhgënjyer nga Benitez dhe e akuzon atë se mendon vetëm për paratë.

“Lamtumira e tij kishte lidhje me paratë, por mund ta thoshte menjëherë diçka të tillë. Kur dëgjon fjalët që tha pasi u largua mendon se skuadra vjen e parë për të, por jo. Atij i interesojnë vetëm paratë. Mori vendimin më komod, zgjodhi milionat kinezë dhe u transferua në Azi. Më ka zhgënjyer totalisht”, theksoi Majk Eshli.

Sot, futbollisti brazilian ka folur para mediave angleze, ku më shumë u ndalua te numri që do të mbajë në fanellë. Njukasëll ka vendosur t’i japë numrin 9, një numër legjendar te klubi anglez:

“Nuk mund ta besoj, të jem i sinqertë as nuk e prisja. Jam shumë i lumtur që klubi më ka besuar dhe më ka dhënë numrin 9. Është një numër legjendar te Njukasëll, e vështirë të bësh atë që ka bërë Alan Shirer. Gjithsesi, unë jam i qetë, nuk e shoh si presion. Dua të bëj sa më mirë te Njukasëll dhe të arrijmë të gjithë objektivat së bashku”, përfundoi sulmuesi brazilian.

Sky Sports raporton se akordi me Hofenhajmin është arritur dhe 22-vjeçari po kryen vizitat mjekësore. Klubi gjerman e bleu Xhoelinton në verën e vitit 2015 nga Sport Refice për shumën e 2.2 milionë eurove dhe tani e shet gati 14-fish më shtrenjtë.

Njukasëlli e ndiqte prej kohësh dhe arriti që ta transferojë në “St. James Park” më në fund, duke regjistruar edhe blerjen më të shtrenjtë në histori, ndërsa Xhoelinton është gati t’iu dhurojë emocione tifozëve të rinj me golat e tij.

Newcastle United can now announce that Steve Bruce has been appointed as the club's new head coach.

More here: https://t.co/BTjZACgqtb #NUFC pic.twitter.com/IvhafgljYf

— Newcastle United FC (@NUFC) July 17, 2019

Kontrata e Brus me skuadrën nga verilindja a Anglisë është e vlefshme për tri sezonet e ardhshme. Objektivi i vetëm që i kërkohet 58-vjeccarit është mbijetesa në Premier League.

Brus, një tifoz që në fëmijëri i Njukasëll, u shpreh shumë i nderuar që po i jepej mundësia të trajnonte për herë të parë klubi të cilin ai dhe familja e tij e kanë mbështetur prej dekadash.

Edhe pse është konfirmuar gjithçka, nuk ka ende shifra të sakta rreth vlerës së shitjes dhe afatit të kontratës. 29-vjeçari edhe pse ka qëndruar jo pak në Angli, nuk ka arritur të lërë gjurmë të thella.

Hozelu është prodhim i akademisë së Selta Vigos, ndërsa ka kaluar kohë edhe me të rinjtë e Realit të Madridit. Ka luajtur për ekipe si Hofenheim, Hanover, Ajntrajt dhe Stok Siti.

Sezoni i fundit ishte mjaft i dobët për të, ku regjistroi vetëm 5 ndeshje nga fillimi dhe 16 të tjera të nisura stoli. Numëron 2 gola. Me ikjen e tij, Njukasëll mbetet pa shumë alternativa në sulm. Në skuadër kanë mbetur vetëm Duait Gaile dhe Joshinori Muto.

Në rast të kundërt i riu do të qëndrojë në ekipin aktual për t’u rritur akoma më shumë profesionalisht. Sezonin e kaluar anglezi kaloi vetëm gjashtë muajt e dytë në skuadrën e parë dhe që atëherë zuri vend stabël në formacion, ku arriti të shënojë edhe një gol. Pas kërkesave të larta të Njukasëll, Junajtid me shumë mundësi do të heqë dorë për të gjetur një tjetër talent me çmim më të leverdisshëm.

Mediat italiane raportojnë se për gardianin shqiptar ka interesim nga Premier Liga. Plot katër klube e pëlqejnë Strakoshën. Njukasëlli e kërkon me çdo kusht dhe pritet të formulojë ofertën zyrtare për Lacion.

Presidenti Lotito e vlerëson 50 milionë euro kartonin e portierit. Përveç “qymyrxhinjve”, Strakosha po monitorohet edhe nga Arsenali, Totenhemi dhe Uest Hemi.

Manuel Pelegrini, i cili mban postin e trajnerin të “çekiçëve”, e pëlqen shumë portierin shqiptar dhe ju ka kërkuar drejtuesve t’ia sjellin në Londër.

Për ta bërë diçka të tillë duhet bindur Lotito dhe duhen plotësuar kërkesat e tij, përndryshe Strakosha do të vazhdonte me Lacion deri në vitin 2022, vit kur i mbaron kontrata me bardhekaltrit.

Puna e mirë e 39-vjeçarit ka tërhequr vëmendjen e pronarit të Njukasëll, Majk Eshli. Largimi i Rafa Benitez drejt Kinës ka lënë pa pronar stolin e skuadrës nga verilindja e Anglisë. Miliarderi anglez i ka ofruar ish-kapitenit të Anglisë një kontratë 4-vjeçare.

Në ditët në vazhdim pritet që Xherard të vendosë për të ardhmen. E sigurt është që paratë do kenë pak efekt te Xherard, pasi pasuria nuk i mungon. Rejxhërs i dha shansin e parë si trajner dhe një ndarje e tij do të shikohej si një tradhti nga tifozët dhe drejtuesit e skuadrës skoceze, por sigurisht ndaj një emri si Xherard nuk do të kishte pengesa nëse ai do të kërkonte largimin.

Me anë të një postimi në rrjetet sociale, trajneri i famshëm tregon situatën që ishte krijuar dhe e mbyll me një koment për tifozët e “qymyrxhinjve”.

“Dëshiroja të qëndroja te Njukasëlli. Dëshira ime nuk ishte vetëm firmosja e kontratës, por që të ndihesha pjesë e projektit. Gjithsesi, klubi nuk ishte dakord me idetë e mia dhe mendonte ndryshe.

Jam shumë i trishtuar, por nuk bëhem pishman për zgjedhjen e bërë për të drejtuar Njukasëllin. Jam krenar për atë që kemi bërë së bashku dhe Njukasëlli do të jetë gjithmonë pjesë e zemrës time”, thekson trajneri iberik.

Një tjetër emër ka dalë së fundi në skenë. Klaudio Ranier është i interesuar për t’u ulur në stolin e “qymyrxhinjve”. 67-vjeçari mbylli në fund të sezonit raportin me Romën dhe në Premier Ligë rikthehet gjithmonë me kënaqësi.

Ranieri shkroi një ndër historitë më të bukura të futbollit në sezonin 2015-2016, duke fituar titullin kampion me Leister Sitin. Italiani ka drejtuar edhe Çelsin dhe Fulhemi, ndërsa Nukasëlli mund të bëhet ekipi i katërt anglez që drejton.

Claudio Ranieri is interested in replacing Rafael Benitez as #NUFC manager, according to Sky sources.

— Sky Sports News (@SkySportsNews) June 25, 2019

Emrat janë intrigues, edhe pse negociatat nuk kanë nisur ende. Murinjo, Gatuzo, por edhe Arteta, ndihmësi i Pep Guardiolës, qarkullojnë si kandidatë për stolin e Njukasëllit.

Klubi i njohur anglez pritet të ndërrojë pronar dhe të përfundojë në duart e sheikut Khaled bin Zajed Al Nehajan, i cili është kushëri i presidentit të Mançester Sitit.

Preferenca e Al Nehajan është Zhoze Murinjo. Paga e mirë dhe projekti ambicioz mund ta bindin trajnerin luzitan të pranojë ofertën, ndërsa risia mund të jetë ndihmësi i tij. Flitet për Marko Materacin, lojtar me të cilin krijoi një lidhje speciale gjatë periudhës që drejtonte Interin.

Nuk mbetet pas as Xhenaro Gatuzo. Kalabrezi pëlqehet shumë nga presidenca aktuale dhe shanset e tij bëhen konkrete vetëm nëse klubi nuk ndryshon pronësi.

Kualifikimi nga faza e grupeve është komplikuar tepër për Argjentinën dhe kritikat kundrejt Mesit nuk kanë munguar. Përveç kritikave, ka pasur dhe nga ata që kanë ironizuar me paraqitjen e Mesit.

Klubi anglez, Njukasëll, ka shfrytëzuar Twitter-in për të ngacmuar yllin e Barcelonës. Krahas një fotoje, ku është në dyluftim Mesi dhe lojtari i tyre, Miguel Almiron, klubi legjendar anglez shkroi: “Një gjeni i futbollit dhe Lionel Mesi.”

Edhe pse në nuancat e shakasë, reagimet kanë qenë nga më të shumtat, madje “cicërima” e klubit anglez u bë virale në rrjet, me mediat nga më të ndryshmet që e raportuan si lajm. Ndoshta do të ketë dhe një reagim nga vetë Mesi.

A football genius and Lionel Messi. #NUFC #CopaAmerica pic.twitter.com/ne28dZqRQX

— Newcastle United FC (@NUFC) June 20, 2019

Sipas raportimeve nga medie të ndryshme në Angli, Junajtis ka arritur akordin me Njukasëll për blerjen e mesfushorit Shon Longstaf për 25 milionë paundë. 21-vjeçari ishte një nga zbulimet e këtij sezoni në Premier League.

Longstaf luajti vetëm 8 ndeshje për Njukasëll, duke mbyllur sezoni në muajin mars për shkak të një dëmtimi në gju. Fatmirësisht për të riun anglez, 8 aktivizimet mjaftuan për të tërhequr vëmendjen e drejtuesve të Junajtid.

Para disa ditësh, portugezi deklaroi se ishte i gatshëm të pranonte projekte të reja me një potencial të mirë, ndoshta jo menjëherë fituese por me një strategji të qartë për sukses. Diçka e tillë e lidhi me pankinën e Milanit apo Romës, por e ardhmja e tij mund të jetë kampionati anglez i futbollit.

Nuk e kërkon një nga klubet e mëdha, por Njukasëlli. “Qymyrxhinjtë” mund të përfundojnë në duart e sheikut Khaled bin Zajed Al Nehajan, kushuri me presidentin e Mançester Sitit. Ky i fundit ka gati 350 milionë sterlina për pronarët aktualë dhe negociatat janë në fazë të avancuar.

Portugezi është dëshira e madhe e manjatit arab, ndërsa Murinjo tundohet nga kjo ide. Sipas raportimeve të Daily Mirror, 56-vjeçari i ka thënë disa miqve të ngushtë se do e marrë seriozisht në konsideratë një ofertë nga Njukasëlli.

Në fillim duhet zyrtarizuar ndërrimi i pronësisë. Më pas mund të vijë akordi me trajnerin luzitan, i cili do të zëvendësonte spanjollin Benitez në pankinën e Njukasëllit.

Sheiku Khaled do t’i paguajë 350 milionë sterlina Majk Ashlejt, presidentit të “Qymyrxhinjve”. Arabi është vëllai nga babai i Sheikut Mansur, presidentit të Mançester Sitit dhe anëtar i familjes mbretërore që qeveris Emiratet e Bashkuara Arabe. Khaled tentoi të blinte Liverpulin kohë më parë.

U përfol për një vlerë prej 2 miliardë sterlinash, çka do të ishte një rekord botëror, por marrëveshja nuk u arrit. Tani ai po realizon ëndrrën për t’u bërë pjesë e futbollit anglez dhe investime të mëdha pritet të ndodhin në ekip.

Kreu i ri i klubit nuk ka ndërmend të ndryshojë trajner. Në stol do të jetë përsëri Rafa Benitez. Spanjolli gëzon besimin e presidencës së re, e cila do të nisë punën për t’i dhuruar emra sa më cilësorë.

Holandezi van Dijk zhbllokoi takimin në minutën e 13-të, ndërsa skuadra e Benitez u kundërpërgjigj me ganezij Atsu shtatë minuta më vonë. Salah riktheu për avantazhin për të tijtë në të 28-ën.

Vendasit rezultuan të ishin kockë e fortë duke barazuar me Rondon. Dëmtimi i rëndë bëri që shumë vetë të mendonin për më të keqen, por në skenë del Origi, i cili shënon dy minuta para fundit pas një harkimi nga Xherdan Shaqiri.

Liverpuli rikthehet në vend të parë dy pikë mbi Sitin, pozicion të cilin do ta mbajnë të paktën deri mbrëmjen e së hënës kur skuadra e Guardiolës të ndeshet me Leister Sitin.

Njukasëll 2 – 3 Liverpul
Shënues: Atsu 20’, Rondon 54’ / van Dijk 13’, Salah 28’, Origi 88’

Impakti ishte aq trullosës saqë për të nxjerrë egjiptiani nga fusha u desh përdorimi i barelës. Publiku i pranishëm në “St James Park”, duartrokiti lojtarin gjatë momentit të daljes.

Në mes është kualifikimi në Champions Ligë, por Gatuzo mund të largohet edhe nëse ia del të rikthejë kuqezinjtë në futbollin elitar. Sipas raportimeve të mediave italiane, trajneri kalabrez ka darkuar para dy javësh me Horge Mendez. Gatuzo ka një raport respekti të dyanshëm me agjentin e famshëm portugez.

Ky i fundit po punon për të gjetur një ekip jashtë Italisë për Gatuzon. Në skenë ka dalë Premier Liga, më saktë Njukasëlli. “Qymyrxhinjtë” nuk po arrijnë që të gjejnë gjuhën e përbashkët me Rafa Benitez për të rinovuar kontratën dhe trajneri i Milanit do të ishte zgjidhja ideale për ekipin anglez.

Sfida nisi me dominimin e të besuarve të Unai Emeri, të cilët e gjetën golin fillimisht në minutën e 13-të, por gjyqtari kryesor ndali lojën për një faull në zonë. Gjithsesi, Arsenali nuk kishte në plan të ndalej dhe e rigjeti golin në minutën e 30-të, ku Aron Ramsej goditi saktë pas një rrëmuje në zonë.

Në pjesën e dytë, vendasit administruan mjaft mirë avantazhin, duke bërë gjithçka mjaft mirë në fazën mbrojtëse, deri sa në minutën e 83-të, Aleksandër Lakazet shënoi dhe golin e qetësisë, pas një kombinimi me Obamejang, duke çuar shifrat në 2-0.

Premier League
Java 31

Arsenal – Njukasëll 2-0
Shënues: Ramsej 30’, Lakazet 83’

Almiron është në qendër të vëmendjes në rrjetet sociale, pasi historia e tij, por dhe pamja fizike, është e njëjtë me Santiago Munez, aktorin kryesor që luan te filmi “Goal”. Transferimi te Njukasëlli ka bërë që tifozët e bardhezinjve të “Tuneside” të nisin krahasimet dhe deri diku kanë të drejtë, duke parë që historitë janë thuajse identike.

The movie Goal is happening!

Santiago Muñez from Goal is South American ??
Miguel Almirón, Newcastle’s new Signing, is South American ??

Muñez worked in a Chinese restaurant ?
Almirón worked in a Chinese restaurant ?

Muñez moved to NUFC ????
Almirón moved from to NUFC ???? pic.twitter.com/dv663GJ8ph

— Capital North East (@CapNorthEast) February 1, 2019

Më parë kishte fituar dy tituj rresht dhe Kupën UEFA me Valencian. Më pas Interi, një eksperiencë jo shumë pozitive, por Rafa ia doli të fitonte Superkupën e Italisë përballë Romës dhe Botërorin për klube kundër kongolezëve të Mazembes.

Aventura te Reali nuk zgjati shumë, te Çelsi fitoi Europa Ligën, ndërsa Napolit i dhuroi Kupën e Italisë dhe Superkupën në vitin 2014. Benitez ka dhënë një prononcim për “AS”, aty ku ndalet te aventura me Interin dhe Realin e Madridit.

INTERI – “Nuk është se nuk funksionoi metoda ime e punës tek Interi. Unë ia dola të fitoj dy trofe pa blerjet që më ishin premtuar. Drejtuesit blenë vetëm Kutinjon, i cili ishte një fëmijë. Sa i përket Realit të Madridit, unë isha dy pikë poshtë Barcelonës dhe kishim kaluar turin në Champions. Ndonjëherë, thjeshtë nuk të lejojnë të fitosh. Në dhomat e zhveshjes duhet të menaxhosh egot e lojtarëve. Nuk është e thjeshtë të aplikosh një metodë pune, sepse ka lojtarë me personalitete të ndryshme. Nëse ia kam dalë të fitoj në Spanjë, Angli dhe Itali, do të thotë që stili im i punës funksionon.”

BENITEZ – “Unë jam një trajner i përpiktë dhe mendoj se ky është një tipar pozitiv që të dërgon drejt fitimit të trofeve. Ka trajnerë me fat, të cilët fitojnë prej faktit që lojtarët e ekipit zgjidhin gjithçka. Unë jam ndryshe, kujdesem për detajet dhe tentoj të marr maksimumin nga kontingjenti i lojtarëve. VAR? Në futbollin e sotëm është i rëndësishëm. Duhet të mësojmë ta menaxhojmë, por është shumë i domosdoshëm.”

22-vjeçari po zhvillon një sezon fantastik në të parin që aktivizohet si titullar në Bundesligë dhe në 28 ndeshje të zhvilluara, ai numëron 10 gola të shënuar dhe 8 asiste. Lajpcigu po kërkon shërbimet e tij për të zëvendësuar Timo Vernerin, të cilit i përfundon kontrata në vitin 2020 dhe klubi do detyrohet ta shesë në verë.

Megjithatë, një klub anglez është futur në tratativa dhe ka gati një ofertë të parefuzueshme për Hofenhajmin. Siç raporton “Sport1”, Njukasëlli është vënë pas sulmuesit dhe është gati të shpenzojë 60 milionë euro për të!

Kjo do të ishte shitja më e shtrenjtë në historinë e Hofenhajmit, duke ia kaluar dhe Firminjos (u shot te Liverpuli për 40 milionë euro).

“Ajo që më pëlqen më shumë nga Xhoelinton është fakti që ai ndihmon shumë ekipin dhe në mbrojtje. Mesfushorët kundërshtarë mendojnë se kanë shmangur presingun e tij, por më pas ai vjen me këmbët e tij të gjata nga mbrapa dhe rikuperon topin”, është shprehur trajneri i Hofenhajmit, Julian Nagelsman.

Pa Herri Kejn dhe Dele Alin të dëmtuar, ekipi i Poçetinos u bazua përsëri te koreano-jugori për të mposhtur Njukasëllin. Son gjeti golin e fitores shtatë minuta përpara fundit të ndeshjes dhe të dhjetin personal në kampionat gjatë këtij sezoni.

26-vjeçari mori një top nga Lorente, dribloi me anë të një lëvizje të bukur dy mbrojtës dhe gjeti rrjetën i ndihmuar dhe nga një pasiguri e portierit të Njukasëllit.

Kjo fitore e ngjit Totenhemin në vendin e dytë me 57 pikë dhe për momentin Liverpuli kryesues (luan të hënën përballë Uest Hemit në transfertë) është vetëm 4 pikë larg. “Qymyrxhinjtë” mbeten në vendin e 14-të me 24 pikë dhe rikthehen te humbja pas dy fitoreve rresht në kampionat.

Totenhemi – Njukasëll 1-0
(Son Heung-Min 83′)

Kjo do të jetë hera e parë që mëngjarashi bëhet pjesë e një kampionati anglez, ku vëllai i tij Romelu Lukaku luan prej shtatë sezonesh. Dyshja e vëllezërve belg bëhen kështu vëllezërit e vetëm që luajnë aktualisht në Premier League.

Megjithatë, të gjithë duhet të jemi të vetëdijshëm se kjo është një thjesht një lojë, që mbi të gjitha vlerëson respektin për kundërshtarin e shokët e ekipit. Një shembull që na e kujton në mënyrë të shkëlqyer këtë fakt vjen nga Anglia.

Në ndeshjen midis Njukasëll dhe Kardif Siti, sulmuesi venezuelian Solomon Rondon, kreu një gjest të admirueshëm “Fair Play”, teksa nxori topin jashtë fushe, pas përplasjes së sferës me kokën  e mbrojtësit Xho Benet. Rondon ishte brenda zonës së rreptësisë dhe arbitri i takimit kishte lejuar lojën të vazhdonte, por 29-vjeçari e gjykoi të arsyeshme të ndalonte lojën, në mënyrë që stafi mjekësor t’i vinte sa më shpejt në ndihmë lojtarit të trullosur.

Drejtimin e Liverpulit e kishte Benitez dhe pas asaj nate në Stamboll, të gjithë presidentët e klubeve elitare evropiane e donin në skuadër. E kështu ndodhi, Benitez mori drejtimin e Interit në vitin 2010, por këtu filloi rënia e tij. Pas dështimit te zikaltërit, u bë trajner i përkohshëm te Çelsi (2012-13) dhe trajner i Napolit (2013-15), por nuk arriti të përsërisë sukseset e Liverpulit.

Të gjithë u befasuan kur Benitez mori drejtimin e Realit të Madridit në fillim të sezonit 2015-16, por kishte dhe nga ata që besonin se 58-vjeçari do të rikthehej më në fund në elitën e trajnerëve. Nuk ndodhi kështu…

Pas një viti të mbushur plot polemika, Benitez u largua nga Reali dhe karriera e tij preku fundin. Ekipi i vetëm që i besoi ishte Njukasëll Junajtid, në verën e vitit 2016, asaj kohë militonte në Championship.

Edhe pse e riktheu skuadrën bardhezi në Premier Ligë, Benitez nuk ka bërë ndonjë punë të jashtëzakonshme me skuadrën nga “Tuneside”. Është për të ardhur keq që një trajner që fliste për finale të “Champions League”, tani flet për një duel mbijetesë në Premier Ligë me Kardif Sitin. Ndoshta, bëri një gabim të madh kur u largua nga skuadre e kuqe e Liverpulit…

VERONIK ISTREFAJ

Zeneli shënuar 6 gola (3 vetëm në fitoren 4-0 kundër Azerbajxhanit) dhe me Kosovën, madje ishte një nga pikat kyçe të ekipit të Shaland, që u rendit e para në grupin e saj në Ligën e Kombeve. Ai u shpall lojtari i tretë më i shpejtë i kompeticionit (38.9 km/h), ndërsa sipër tij u renditën Kilian Mbape i PSG dhe Leroi Sane i Mançester Sitit.

Për anësorin ofensiv ka oferta të shumta, duke nisur nga Fiorentina, Gallatasaraj, Fenerbahçe, madje u përfol dhe për një interesim të Xhenoas. Këtyre klubeve u është bashkuar dhe Njukasëlli, që po tenton të ofrojë Zenelin në ekip në merkaton e janarit.

Zeneli është shqiptari i dytë që kërkohet nga Njukasëlli, pasi gjatë muajit tetor u përfol për një interesim dhe për Taulant Xhakën, mesfushorin e kombëtares shqiptare dhe të Bazelit. “Qymyrxhinjtë” e drejtuar nga Rafa Benitez  po punojnë për të mbyllur akordin me Herenvenin dhe për të transferuar Zenelin në elitën e futbollit anglez.

Arber Zeneli is 3rd fastest player in #NationsLeague with 38,9 km/h, only Kylian Mbappe and Sane were faster than Zeneli. #Dardan pic.twitter.com/djaiGsMzdn

— Kosovan Football?? (@kosovanfooty) November 26, 2018

Përplasjet midis presidentit dhe trajnerit Rafa Benitez po bëhen gjithmonë e më të forta dhe nuk do ishte çudi nëse tekniku spanjoll do të jepte dorëheqjen e parakohshme. Duke parë situatën aspak të mirë, disa qindra tifozë janë mbledhur para një dyqani të “SportsDirect”, duke protestuar në mënyrë paqësore, me kore kundër pronarit dhe në mbështetje të trajnerit Rafa Benitez.

Protesting Newcastle fans in fine voice outside Sports Direct on Northumberland St. pic.twitter.com/4CxcjHGmch

— George Caulkin (@CaulkinTheTimes) August 11, 2018

Gjithçka e vendosur në 18 minutat e para të ndeshjes, sepse Vertongen shënoi në minutën e tetë për londinezët, ndërsa spanjolli Hoselu barazoi 3 minuta më vonë.

Dele Alli në minutën e 18-të shënoi golin që rezultoi vendimtar për fatet e ndeshjes, por Njukaslli ishte vërtet i pafat.

Skuadra e Rafa Benitez luajti shumë mirë në fund të pjesës së parë dhe më pas, në pjesën e dytë goditi shtyllën me Diame në minutën e 47-të dhe traversën në fund me të sapoblerin Rondon.

Pikë të arta, në një fushë të vështirë për Totenhemin, që e ka nisur mbarë, edhe pse Herri Kejn ishte i padukshëm në fushë, ashtu si në ndihet e fundit të Anglisë në Botëror.

Një gjetje spektakolare e trajnerit të Njukasllit Rafa Benitez, i cili ka një buxhet qesharak për merkaton, për shkak se presidenti Majk Eshli nuk ka ndërmend të shpenzojë për përforcime.

Shar, i cili luajti si titullar gjithë ndeshjet e grupeve në Kupën e Botës, por mungoi për pezullim në turin e dytë, është liruar thuajse falas për shkak se Deportivo ra nga La Liga dhe një klauzolë e lejonte të largohej nëse kjo ndodhte.

Një histori e çuditshme ajo e 26-vjeçarit, i cili është një ndër lojtarët më të mirë të Zvicrës (42 ndeshje në karrierë), por në tre transferime në karrierë, nga Bazeli tek Hofenhajmi, Deportivo e tani Njukasëll, ka kushtuar gjithmonë 4 milionë euro e poshtë. Sezonin e shkuar Shar ishte ndër titullarët e Deportivos, ndërsa pas prezantimit te Njukaslli ka deklaruar: “E zgjodha Njukasllin se është një shans i madh për mua, për të treguar sa vlej, ndërsa ka qenë vendimtare prania e Rafa Benitezit. Unë nuk jam një mbrojtës tipil, sepse jam i zoti me topin, më pëlqen të luaj, të organizoj lojën që nga mbrojtja dhe mendoj se kjo është një ndër pikat e mia të forta. Kam shënuar shpesh gola me kokë, shpresoj ta bëj edhe në Premier Ligë”.

Deri tani Njukaslli ka blerë edhe portierin Martin Dubravka nga Sparta e Pragës për 4 milionë euro, ndërsa mesfushori Ki Sung-jueng është marrë falas ng Suonsi.