Akuzës së trajnerit të Mançester Sitit i është përgjigjur natyrisht Xhemi Karrager, sepse atij i ka djegur më shumë, duke qenë analist dhe ish-legjendë e Liverpulit.

Me një artikull të publikuar në Telegraph, Karrager shkruante ndër të tjera: “Nuk ekziston një komplot anti-Siti, edhe pse nëse unë përfshihem te gazetarët nën akuzë, e pranoj pa turp e frikë se anoj nga Liverpuli, duke qenë se kam luajtur mbi 700 ndeshje për këtë klub. Dua që titullin ta fitojë Liverpuli, lutem që të ndodhë, por vetëm kaq, fjalët mbeten fjalë. Edhe kolegu im Geri Nevil do të njëjtën gjë për Mançester Junajtid”.

https://twitter.com/GNev2/status/1126839895526445056?s=19

Kaq është dashur që Geri Nevil t’i përgjigjet në Twitter: “Ti dhe tifozët e Liverpulit jeni 75% e medias. Në 2 muajt e fundit ka qenë e vështirë për mua të punoja në Liverpool TV”.

Batutës se hidhur Karrager i ehete përgjigjur flakë për flakë: “TV i Liverpulit, por të kemi lejuar gjithsesi të ankohesh çdo javë për Ed Uoduord. A ka ndonjë shans që të kesh b*ole dhe të drejtosh gishtin te pronarët e Man Utd, familja Glejzers?”.

I pari është legjendë e Liverpulit dhe i dyti i Mançester Junajtid, ndaj natyrisht vizita në Etihad nuk ishte ëndrra e tyre në punën që bëjnë.

Gjithsesi, dy ish-futbollistët e famshëm gjetën mënyrën për ta bërë interesante xhiron nëpër stadium para ndeshjes. Nevil, me telefon në dorë, filmonte veten dhe Karrager, duke u vërdallisur nëpër Etihad, derisa përpara u doli “Salloni i Legjendave”.

Ishte rasti perfekt për t’u tallur pak me Sitin, sepse në sfond dëgjohet Karrager që thotë: “Geri, këtu qenka salla e legjendave”.

Nevil u tregoi shikuesve në video, duke qenë live në Instagram: “Shihni, ky është salloni i legjendave”.

Ndërkaq, nga larg Karrager lëshoi thumbin epik: “Qenka bosh!“.

Gati t’ia plaste të qeshurit, Nevil dëgjohet duke thënë emrat e Stiv Lomas dhe Georgi Kinkladze, dy lojtarë të preferuar nga tifozët e Sitit para epokës së sheikëve.

Natyrisht, kaq u desh që videoja të bënte xhiron e internetit, me komente pa fund, herë duke ngritur në qiell dyshen fantastike të Sky e herë duke i sharë, natyrisht sharjet nga tifozët e Sitit.

Gary Neville and Jamie Carragher while doing a bit of a tour behind the scenes at the Etihad.

Carragher: "eyar Gary, here's the 'Legends Lounge' – there's no-one in it!" ?? #MCILEIhttps://t.co/dz8E4mShyx

— BenchWarmers (@BeWarmers) May 6, 2019

Ibra luajti për 1 sezon e gjysmë me “Djajtë e Kuq”, gjatë kohës që në stol ishte Zhoze Murinjo. Sulmuesi i famshëm nuk i ka kursyer thumbimet për disa nga ish-lojtarët e trajnerit legjendar të Junajtid, Aleks Ferguson. Në një prononcim për “Daily Mirror”, Ibra sulmon emra si Nejvil dhe Skolls, të cilët i quan si studentët e skocezit Ferguson.

“Çdo gjë që ndodh te Mançester Junajtid gjykohet në bazë të epokës së Fergusonit. Të gjithë thonë: nëse ai do të ishte këtu, kjo nuk do të ndodhte, Ferguson nuk do e bënte në këtë mënyrë, por kështu… Në vend të tyre unë do të thoja që Ferguson, i cili është pjesë e historisë së klubit, nuk është më dhe unë vij për të shkruar historinë time. Nuk dua të dëgjoj se çfarë ka ndodhur më parë. Studentët e tij dalin gjithmonë në televizor dhe qahen gjatë gjithë kohës, sepse nuk janë më pjesë e klubit.”

“Nëse dëshiron të punosh në klub, atëherë ik dhe puno. Nuk mund të jesh në televizor, duke u ankuar dhe kritikuar gjithmonë. Koha jote ka kaluar. Pogba ishte i ri te Junajtid, u largua dhe u rikthye përsëri. Francezi nuk iu pëlqen studentëve të Fergusonit, sepse ata kanë qëndruar gjithë jetën në klub dhe nuk janë transferuar kurrë. Ata nuk do hapnin gojë kurrë, nëse trajneri do ju thoshte të mos hapnin gojë. Nuk jam i sigurt as nëse Fergusoni i ka dhënë leje që të flasin nëpër televizione.”

Kampion Europe me Danimarkën e mrekullisë në vitin 1992, Shmajkël mbush sot 55 vjeç dhe ka plot histori për të kujtuar nga karriera e tij legjendare, por sot po kujtojmë vetëm një të tillë, që në fakt Shmajkël nuk është se e kujton me qejf, përkundrazi.

Bëhet fjalë për tradhtinë e danezit, i cili në vitin 1999 u largua si hero nga Junajtid, por në vitin 2002-2003 firmosi për Mançester Sitin dhe kjo u cilësua tradhti e lartë. Nuk mund ta bësh këtë gjë në Angli, aty Junajtid urren Sitin, Liverpulin dhe Lidsin!

Luhej derbi Siti-Junajtid në vitin 2002, Sir Aleks Ferguson drejtonte Djajtë e Kuq dhe pas ndeshjes trajneri skocez i dha një leksion sulmuesit Rud Van Nistelroj, i cili kishte ndërruar fanellën me një lojtar të Sitit.

“Nuk e jep ashtu fanellën. Janë fanellat e mia! Janë fanellat e klubit, nuk janë të tuat. Ti po i vesh vetëm përkohësisht, nuk është prona jote që t’ua dhurosh të tjerëve”.

Ishte momenti kur Ferguson i urdhëroi lojtarët që të mos i ndërronin fanellat me askënd në Premier Ligë: “Nuk do t’i ndërroni, me asnjeri. Ndoshta duhet të sjell tifozët këtu, në dhomat e zhveshjes, që të flasin me ju dhe t’ua bëjnë të qarta disa gjëra”.

Cilat gjëra? Geri Nevil kujton atmosferën në atë kohë dhe momentin legjendar si ai refuzoi t’i jepte dorën të madhit Peter Shmajkël para atij derbi.

“Shmajkël u largua nga Junajtid në moshën 35-vjeçare, ishte në fundin e karrierës dhe tha që po tërhiqej, ndaj po transferohej jashtë Anglie. Shkoi te Sportingu i Lisbonës për dy vjet, u kthye tek Aston Vila dhe pastaj firmosi për Mançester Sitin. Jo, kjo nuk lejohet! Nuk mund të luash për Sitin. Unë jam tifoz i Junajtid dhe nuk mundem të luaj për Mançester Sitin, nuk mund të luaj për Lidsin, nuk mund të luaj për Liverpulin. Janë rregulla të gdhendura në gur, nuk luan kurrë tek ato ekipe, çfarëdo që të ndodhë”.

“Së dyti, nuk ia dhashë dorën Peterit sepse ishte koha kur unë dhe shokët e mi urrenim çdokënd. Të gjithë na urrenin, edhe ne i urrenim të gjithë, kështu funksiononte. Me Sir Aleks, ishim në një ishull, si në rrethim. Nëse nuk je në ishull, e ndërton një të tillë”.