Nevil Dede ka shpallur listën e lojtarëve të grumbulluar (19 të tillë) dhe bie në sy prania e shumë lojtarëve nga Superiorja. Nuk mungojnë as afrime nga shqiptarë të vitlindjes 2001, të cilët luajnë në Itali dhe Angli.

Kuqezinjtë e vegjël do të përballen me Real Madrid, Olimpia Lubjanë dhe Dinamo Zagreb, ndërsa në listën e trajnerit nuk mungojnë edhe tre lojtarë nga Shkëndija e Tetovës.

EKIPI U-19 – “Deri diku kjo skuadër po formohet dhe ka marrë një fytyrë. Një nga qëllimet tona apo strategjia jonë është që ne të shohim sa më shumë lojtarë nga Shqipëria. E kam deklaruar që në daljen time të parë diçka të tillë. Arsyeja e parë dhe kryesore është që t’u japim një motiv dhe të tregojmë respekt e vëmendje. Po ashtu dhe t’u japim oksigjen klubeve shqiptare që të mendojnë dhe të fokusohen më mirë në rritjen apo proçesin e rritjes së tyre si për Kombëtaren dhe klubet. Të bëhen sa më shumë funksional.”

TË GRUMBULLUARIT – “Ne duhet të zgjedhim lojtarë sa më të mirë të jetë e mundur dhe me sa më shumë cilësi për të furnizuar ekipin e 21-vjecarëve dhe ekipin e parë. Ne i vëzhgojmë të gjithë lojtarët. FSHF ka strukturat e saj, ka skaut edhe në Europë dhe marrim informacion të saktë e të plotë. Kur këto lojtarë luajnë rregullisht ne u dërgojmë ftesa dhe më pas i shohim nga afër se si përshtaten me filozofinë dhe skuadrën e U19.”

LOJTARËT – “Na mungojnë 2-3 elementë, disa për arsye të shkollës, pasi jemi në sezon provimesh, apo kanë dhe play-out, jemi jashtë datave zyrtare. Bozhani ka një rast specifik, apo Muçi që është në aktivitet në klube. Bozhani mungon se ekipi i tij merr pjesë në play-out. Ne kemi parë një pjesë dhe është një proçes që pëson ndyshime. Niveli ndryshon, por nuk do të thotë se nuk i kemi nën vëzhgim. Ndeshjet i kemi në nëntor dhe duam të krijojmë grupin. Ata që janë të talentuar do mundohemi t’i mbështesim.”

STRATEGJIA – “Nuk janë lojtarë të ekipit Kombëtar, por kandidatë. Janë 30 apo 40 lojtarë. Disa elementë duhet të vëzhgohen. Duhet të shohim dhe 2001-at. Ne pretendojmë që përveç përzgjedhjes dhe bashkëpunimit me trajnerët, duhet të kemi bashkëpunim të mirë dhe të mendojmë e të punojmë nëjsoj, që të kemi një strategji të qartë. Siç U21 po furnizon Kombëtaren e parë, edhe skuadra e 21-vjeçarëve ka marrë nga ekipi U19.

GRUPI – “Me këta lojtarë që kemi po mundohemi që të zgjedhim më të mirët e mundshëm. Mund të ketë dhe të tjerë që nuk u kemi dhënë mundësinë për të ardhur dhe për t’u parë. Kemi një grup me 22 lojtarë dhe shumica janë nga kampionati shqiptar. Jam i kënaqur pasi edhe klubet po i përkrahin lojtarët e rinj. Nuk do të shohim më vetëm jashtë Shqipërisë për të plotësuar një pozicion dhe të hapim atë diskutimin që është shumë i gjerë me specifika të ndryshme që erdhi për ne, iku nga ne etj. Ne duam të kemi një bazë të shëndoshë. Është një proçes.”

KOSOVA – “Përballjet me Kosovën janë gjithnjë interesante. Kam parë edhe kombëtaren A kur kanë luajtur dhe kanë qenë ndeshje të luftuara. Nuk besoj se ka agresivitet, por agonizëm apo ego personale. Në 27 vite në Shqipëri të gjithë shqiptarët kanë pretenduar që të largohen për një jetë më të mirë, ndërsa Kombëtarja në këto 27 vite ka afruar lojtarë nga jashtë. Një nga gjërat më të mira në Shqipëri është Kombëtarja. Shpresoj që edhe shumë shqiptarë të Kosovës t’i bëjmë të vijnë te ne.”

“Është hera e parë që krijohet ekipi U18. Është një moshë delikate, si numër lojtarësh janë shumë. Kemi marrë një pjesë kryesore. Ka edhe problematika, pasi nuk është se kjo moshë nuk rakordon me datat e UEFA dhe FIFA-s dhe në këtë situatë shumë klube nuk i lejojnë. Bëmë ftesa të shumta, sidomos në Itali dhe Gjermani, por nuk na i lejuan pasi klubet janë në aktivitet. Po mundohemi të marrim një informacion të saktë për këta lojtarë që kemi dhe më pas deri në fund të vitit të bëjmë një grup dhe kjo moshë të jetë solide dhe të furnizojë ekipet më lart. Kjo nuk do të thotë që nuk do të jenë tek U19. Tre deri në katër lojtarë duhet të jenë nën moshë”.

“Deri diku u bë një paraqitje e mirë. E thashë, duhet marrë informacion. Është hera e parë dhe është e vështirë të jesh direkt solid. Kemi elementë cilësorë, por duhet kohë të bëhet grupi. E kam thënë, te moshat është dilema nëse do përzgjedhim lojtarë për të furnizuar kombëtares. Duhet formuar edhe një grup që të kenë mundësinë të rriten edhe më shumë”.

“Sa i takon listës, kemi gati 50% me 50% kemi të huaj dhe të kampionatit tonë. Do bëjmë edhe një provë. Në maj shkojmë në një turne. Lojtarë pa minuta është vështirë t’i ftojmë, sado të mirë të jenë. Lojtarët që luajnë në Shqipëri janë titullarë në ekipet e tyre, mbajnë peshën në skuadra e tyre. Nuk do të thotë që gjithmonë marrim më të mirët. Ka edhe nga ata që nuk i lënë ekipet. Nga Shqipëria them se i marrim të gjithë. Numri është i limituar. Kemi marrë 25 lojtarë, 3 portierë. Duhet kohë t’i shohim të gjithë. Ndryshe është kur bën teste, ndryshe kur luan. Aty sheh aftësitë e tyre”.

“Të gjitha klubet ,mundohen të punojnë. Problemi janë terrenet. Sadi Federata mundohet, organizimi u takon klubeve dhe se si i rritin ata lojtarët. Varemi nga klubet, por shoh që furnizimi është i madh. Shpresoj të rritet cilësia dhe konkurrenca, që edhe ne ta kemi të vështirë kur përzgjedhim. Këto janë gjëra që nuk ndodhin për 2-3 vite, duhet më shumë kohë për të parë nëse projekti është në rregull. Ka raste lind i talentuar, por varet nga zhvillimi”.

“Që në momentin e prezantimi të nesërmen kërkoi një takim me ne trajnerët e moshave. Diskutimi ishte shumë pozitiv. Trajneri Reja mbi të gjitha ishte energjik dhe i shihte gjërat me pozitivitet. Donte të kishte informacion edhe për moshat U21 dhe U19. Do i ndjekë nga afër. Normal do jetë i fokusuar te puna e tij, por lojtarët e talentuar do i vëzhgojë. Informacionin e kishte shumë të madh, shpresoj të bëjë një punë të mirë. Fryma e bashkëpunimit do të jetë shumë herë më e lartë, jo se nuk ka qenë, por me ato që ai tha besoj se do jenë në vëzhgim shumë lojtarë”.

“Të gjitha klubet ,mundohen të punojnë. Problemi janë terrenet. Sadi Federata mundohet, organizimi u takon klubeve dhe se si i rritin ata lojtarët. Varemi nga klubet, por shoh që furnizimi është i madh. Shpresoj të rritet cilësia dhe konkurrenca, që edhe ne ta kemi të vështirë kur përzgjedhim. Këto janë gjëra që nuk ndodhin për 2-3 vite, duhet më shumë kohë për të parë nëse projekti është në rregull. Ka raste lind i talentuar, por varet nga zhvillimi”.

“Që në momentin e prezantimi të nesërmen kërkoi një takim me ne trajnerët e moshave. Diskutimi ishte shumë pozitiv. Trajneri Reja mbi të gjitha ishte energjik dhe i shihte gjërat me pozitivitet. Donte të kishte informacion edhe për moshat U21 dhe U19. Do i ndjekë nga afër. Normal do jetë i fokusuar te puna e tij, por lojtarët e talentuar do i vëzhgojë. Informacionin e kishte shumë të madh, shpresoj të bëjë një punë të mirë. Fryma e bashkëpunimit do të jetë shumë herë më e lartë, jo se nuk ka qenë, por me ato që ai tha besoj se do jenë në vëzhgim shumë lojtarë”.

“Te Tirana, të paktën pjesa e lojtarëve kanë frikë humbjen. Frika që humbin një ndeshje i mund. Duhet të heqin frikën nga humbja dhe të rikthejnë besimin te fitorja. Unë nuk besoj që  Tirana ke besim, pasi fakti që shpërdorojnë aq shumë tregon se kanë frikë nga humbja”.

“Nuk më duket korrekte të thuhet se Tirana  po humb vetëm prej episodeve. Skuadra shfaq luhatje të mëdha psikologjike. Pragmatizmi mungon, kam frikë se dhe cilësitë nuk janë shumë të mëdha”.

“Gjatë 2019-ës katër skuadra po bëjnë mirë: Kastrioti, Luftëtari, Flamurtari dhe Partizani që po del kampion. Këto skuadra kanë stabilitet në formacion. Të gjithë pjesa tjetër kanë luhatje të mëdha në stabilitetin e formacionet, kanë ndryshime vendosjesh dhe emrash”.

“Në një skuadër nëse nuk hierarki fillojnë problematikat. Goli i dytë ishte dorëzim. Trajneri Mema po përpiqet të bëjë një lojë ku mban zotërimin e topit, por në fund duhen rezultatet”, përfundoi Dede.

Sulmuesi i Çelsit Armando Broja zhbllokoi ndeshjen me golin në minutën e 10-të, ndërsa skuadra “fqinje” përmbysi rezultatin falë dy golave të shënuar Jeton Dauti dhe Agron Elezi, dy futbollistë të etnisë shqiptare.

Miqësore | Maqedonia e Veriut 2 – 1 Shqipëria
Shënues:  Dauti 40’, Elezi 53’ / Broja 10’

Ditën sotme trajnerët e kombëtareve U19 dhe U21, Nevil Dede dhe Alban Bushi, publikuan listat me lojtarët e grumbulluar për ndeshjet miqësore të muajit mars.

Gjithsej në të dyja kombëtaret kanë marrë ftesa 15 futbollistë të ekipeve shqiptare. Partizani dhe Laçi mbajnë vendin e parë përsa i përket lojtarëve të grumbulluar me nga tre. Si kryeqytetasit dhe kurbinasit kanë dy lojtarë në përfaqësuesen U21 dhe një në përfaqësuesen U19.

Teuta e Bledi Shkëmbit është pas Laçit dhe Partizanit me dy përfaqësues: Sherik Kallaku dhe Lorenco Vila të dy të grumbulluar në kombëtaren U21. Nuk ngelen pa ftesa dhe Kastrioti, Tirana, Flamurtari dhe Skënderbeu, ndërsa ftesa ka pasur dhe për lojtarë të Besës e Elbasanit, ndërsa një ftesë ka dhe për Vllazninë.

Partizani (3) – Esat Mala (Mesfushor; U21), Rubin Hebaj (Sulmues; U21), Livio Malaj (Portier; U19)
Laçi (3)  – Jon Mersinaj (Qendërmbrojtës; U21),  Gentian Selmani (Portier; U21), Fatmir Prengaj (Sulmues; U19)
Teuta (2)  – Sherif Kallaku (Mesfushor; U21), Lorenco Vila (Sulmues; U21)
Kastrioti  (1) – Julian Shehu (Mesfushor; U21)
Skënderbeu – 1 – Mario Dajsinani (Portier ;U21)
Flamurtari – 1 – Arinaldo Rrapaj  (Mesfushor ; U19)
Vllaznia – 1 – Egzon Shima  (Mbrojtës; U19)
Tirana – 1 – Ernest Muçi (Sulmues; U19)
Besa  – 1 –Ilir Dabiani  (Portier; U19)
Elbasani – 1 – Kledis Hida  (Mbrojtës; u19)

“Kemi parë nga afër shumë lojtarë, në vendin tonë, në Itali dhe rajon, Kemi parë edhe në Angli. Është nj proces vëzhgimi lojtarësh. Kemi marrë 26 lojtarë, një numër i madh. Por ka lojtarë që janë të dyzuar të zgjedhin dhe jemi të detyruar t’i marrim para kohe”.

“Ka interesim të madh. Procesi i formimit të lojtarëve ka si qëllim furnizimi i ekipit të parë. Puna është kolosale, nga i gjithë stafi. Deri diku jemi në rrugën e duhur. Kam akoma lojtarë që nuk i kemi parë, në Gjermani, Zvicër dhe vendet nordike. Nuk kemi informacion të plotë për ta, por do i vlerësojmë”.

“Je komod kur ke lojtarë të skuadrave të mira. Vështirësia është kur duhet të zgjedhësh më të mirët. Do e quaj veten përzgjedhës të mirë nëse marr më të mirët dhe marr maksimumin në ndeshje. Janë lojtarë për të ardhmen. Duhet të gabojmë sa më pak dhe të sjellim sa më shumë lojtarë cilësorë”.

“Gjëja kryesore është që ne të mundohemi të shohim sa më mirë lojtarët e kampionatit tonë. Kanë prioritet lojtarët shqiptarë, përveç rasteve kur ata që luajnë jashtë janë më të mirë. E mira është të kemi nga kampionati ynë. Kemi 6-7 lojtarë, do ketë edhe të tjerë në vazhdim. Ndeshjen tjetër mund të ketë të tjerë. Gjykoj që lista jonë përfundimtar do jetë në nëntor, kur të kemi aktivitetin zyrtar. Po mendojmë të formojmë ekipin. Nuk them se nuk kam gabuar, mundohem të gaboj sa më pak”.

“Lojtarët që kanë ardhur nga Anglia erdhën në Shqipëri t’i shihnim nga afër. Jemi të kënaqur prej tyre. Nuk do të thotë se një sulmues i Çelsit apo i Bajernit janë të avantazhuar. Prengaj e Muçi mund t’i parakalojnë me kalimin e kohës”.

“Gilberto Gega i AEK? Kemi datëlindje 2001 kryesisht. Diferenca është e madhe. Ai është në listat tona. Janë shumë lojtarë për t’u parë. Në prill do shohim nga afër sërish lojtarë. Ka mbi 60 lojtarë që duhen parë. Do kemi turne miqësor dhe gradualisht bëhet seleksionimi edhe për ata që do vijnë sezonin e ardhshëm”.

“Zgjedhjet janë personale. Të marrësh rezultate dhe të mos çosh lojtarë, ose anasjelltas. Optimalja është të marrim rezultate dhe të çojmë lojtarë te kombëtarja. Shpresoj që këta lojtarë të zhvillohen sa më shumë dhe të ecin përpara”.

Djemtë e Nevil Dedes do të luajnë përballë bashkëmoshatarëve të Maqedonisë Veriore, dy ditë pas kombëtares së madhe që pret Turqinë në “Loro Boriçi” të Shkodrës.

Ndeshja do të zhvillohet në stadiumin “Skënderbeu” të Korçës, me datë 24 mars, ora 15:00. Hyrja në stadium do të jetë e lirë, kështu që tifozët korçarë do të kenë mundësinë për të mbështetur kombëtaren kuqezi.

PRITSHMËRITË – “Mendoj që do të prodhojë mbi të gjitha emocione. Derbi të jep një kënaqësi të veçantë. Madje edhe ata që nuk janë tifozë me këto dy ekipe, mezi e presin. Bën lajm dhe mbi të gjitha është vitrinë e futbollit shqiptar. Gjithë historia fillon me këto dy skuadra dhe shpërndahet më pas tek të tjerët”, është shprehur Dede në një intervistë të dhënë për Supersport”.

PIKA MË E FORTË – Trajneri i Shqipërisë U19 te Tirana veçon trajnerin Mema si pikën më të fortë: “Unë mendoj që trajneri Mema ka krijuar harmoni, grupi po funksionon dhe po kupton gjuhën që flet trajneri. Mbi të gjitha po i përgjigjet Memës. Kjo është arma më e fortë e Tiranës”.

PROBLEMI – Mbrojtja ka çaluar shpesh në kampion bardheblu dhe Dede nuk ngurron ta thotë diçka të tillë: “Unë dua të jem i sinqertë. Tirana ka pak probleme në mbrojtje. Nëse nuk merr gol, atëherë do të jetë e thjeshtë për Tiranën. Kjo pasi nuk ka më asnjë pikë të dobët”.

EKIPI FAVORIT – “Tirana luan edhe pa ndonjë trysni të madhe, pasi ka krijuar diferencë në luftën për mbijetesë. Ky është avantazhi më i madh. Plus që luan në shtëpinë e vet do të ketë më shumë tifozë. Derbin e fiton Tirona se është Tirona”.

DERBI PA POLICI – “Kjo është një ndeshje për të gjithë, për ta shijuar të gjithë. Të gëzojnë të gjithë dhe realisht të kuptojmë se edhe ne kemi futboll. Domethënë me këtë derbi ndjehemi të gjithë të kënaqur kur shkojmë dhe duam të jemi pjesë e saj. Nuk mendoj se do të ketë histori të tilla, të gjithë po e presin dhe sido që të jetë rezultati, të gjithë do ta shijojnë.  Pavarësisht rezultatit, të gjithë do ta shijojnë këtë sfidë”.

NEVIL DEDE – “Ky është një grumbullim që bëhet për të parë elementët dhe prurjet e reja që vijnë nga seleksionimet që bëjmë nga stafi, si në Maqedoni, Greqi apo Itali dhe në Shqipëri. Informacioni që kam marr është i mirë, por më qartë do të flas pasi t’i shoh. Zhvillimi i lojtarëve në këto mosha është pak delikat, pasi ata mbarojnë te moshat U-19 dhe është e vështirë të kalojnë tek ekipet e para. Kanë shumë ulje ngritje dhe kjo është diçka që nuk më bën të qartë. Kam një listë të gjatë dhe do të kenë vëmendjen time. Mendoj se do të bëjmë një punë të mirë.

Përzgjedhja – “Maqedonia është si një treg për të ushqyer moshat. Nuk ka qenë zero, por meriton një vëmendje të madhe dhe do të jenë të rëndësishëm për ne, pasi janë shqiptarë siç ka qenë Kosova. Edhe në Angli ka shumë shqiptarë dhe duhen parë për të forcuar ekipin tonë kombëtar.

“Nëse dy lojtarë janë të barabartë, them se do të jetë i avantazhuar ai që luan në Shqipëri. Mund të jenë edhe 10% më shumë të avantazhuar. Sa më shumë nxjerrim nga këtu, aq më shumë ndërgjegjësohen ekipet. Nëse vazhdojmë me këto politika, do të jetë më mirë. Raporti do të jetë 60-40 për lojtarët shqiptarë”.

ELVIN BEQIRI –  “Shpresoj që vlerat e lojtarëve që do të grumbullojmë të shfaqin vlerat e tyre dhe të jemi sa më të kënaqur me performanca e tyre gjatë këtij aktiviteti. Të punosh me moshat nuk është e lehtë. Brezat janë të ndryshëm dhe shpresoj që brezi i 2003 të jetë i mirë. Kemi parë shumë elementë cilësor dhe shpresoj të jenë të mirë. Është fat për ne që kemi edhe një tjetër turne pas 2 muajsh në Maltë dhe do të shohim elementë të rinj sërish. Shpresoj të gjejmë më të mirët për eliminatoret zyrtare, megjithatë lufta është e gjatë deri në nëntor dhe kanë rrugë të gjatë deri tek ekipi A”.

“Kam menduar që t’i ndaj në dy grupe pasi kemi shumë lojtarë për t’u grumbulluar. Në pamundësi për t’i thirrur të gjithë i kemi ndarë në dy grupe. Do të shohim cilësitë e tyre, duke shpresuar të gabojmë sa më pak. Në përgjithësi, të gjithë lojtarët kanë pasur dëshirë të madhe të përfaqësojnë Shqipërinë. Dëshira është e madhe dhe ne duam të zgjedhim ata që janë të zotët për të luajtur. Ne falënderojmë prindërit që i afrojnë te Kombëtarja. Kryesorja është që ne zgjedhim më të mirët dhe të denjët për Kombëtaren”.

Një analizë të asaj që ndodh te Tirana e kanë bërë edhe Astrit Hafizi, Sulejman Mema dhe Nevil Dede. Të pranishëm në studion e emisionit “Zona Gol” në Supersport, ata ndanë mendimet e tyre dhe theksi u vendos te mungesa e një lideri dhe e burrave në skuadrën e Tiranës.

ASTRIT HAFIZI –  “Ndoshta te Tirana është i akumuluar problemi i drejtimit dhe menaxhimit të klubit. Nuk është se u bë këtë herë, por ka një dhjetëvjeçar që po kalon një ngërç që nuk po e zgjidhin sot, apo nuk po gjejnë atë grupin e njerëzve që duhet të bashkëpunojnë në klub. Nuk mund t’i zgjidhë punët vetëm një njeri. Nuk fola për krizë financiare. Nuk më duket e mirë zgjedhja e lojtarëve për një skuadër që do të pretendojë. Është një skuadër që për momentin duhet të rrijë në Superiore. Ka disa vite që aty luhatet. Nuk po e kuptojnë arsyen. Është emri, tradita dhe këtyre ata nuk u shkojnë mbrapa. Është emblema e klubit, këtu kemi dy lojtarë që kanë qenë pjesë e Tiranës, si Nevili, ashtu edhe Mema. Në kohën e tyre triumfi ka qenë i padiskutueshëm. Shumë më të mirë i ka lojtarët Partizani se Tirana. Ky është mendimi im personal. Partizani është shumë më lart”.

SULEJMAN MEMA: “Tirana nuk ka një lider dhe është pikërisht ai që mund ta drejtojë. Lideri hyn te burrat. Tirana në të gjitha repartet, po e theksoj dhe e kam thënë edhe herë tjetër, ka nga një mangët. I bie që Tirana të luajë me shumë pak vetë, normalisht karshi një kundërshtari që me ato aftësi që ka, i ka 11 që mund të jenë burra, 11 që mund të luftojnë. Tirana nuk i ka të tillë, kjo është edhe arsyeja që bën diferencën me pikë. Diferenca me Partizanin, ndryshe është në letër dhe ndryshe në fushë. Fanella e Tiranës është e rëndë”.

NEVIL DEDE: “Në ndeshjen e fundit deri diku Tirana kuptoi që është skuadër dhe mbi të gjitha kuptoi se ka mundësi për të bërë më mirë. Pjesën e dytë,  me disa ndryshime të Memës, do dëshiroja që t’i kishte bërë pak më përpara në disa pozicione. E kam mik dhe takohemi shpesh e diskutojmë. Gjëja e parë ishte se skuadra mori një mesazh nga vetja e vet: të kuptojnë kë përfaqësojnë. Pjesa e dytë tregoi se kush duhet të jetë Tirana, pasi e dominoi kundërshtarin. Gjykova që kjo do të niste që javën e shkuar me Kastriotin.

“E dyta kanë fituar nga kjo pjesë e dytë, që pozicionet duhet të jenë ato që përmendëm. E treta është besimi që duhet të ketë kjo skuadër për atë që përfaqëson. E katërta, që është edhe më kryesorja, është filozofia që u injekton klubi lojtarëve, konkretisht dëshirën për të fituar ndeshjet, jo frika për të humbur. Tirana historikisht këtë ka pasur. Tirana duhet të kuptojë se si i ka rritur ndeshjet në këtë klub”.

Nevil Dede është zgjedhur trajneri i Shqipërisë U19, Elvin Beqiri ka marrë drejtimin e kuqezinjve U17, ndërsa Armand Damo do të drejtojë Shqipërinë U15. Trajnerët e moshave janë prononcuar të gjithë, duke dhënë përshtypjet e para të detyrës së re.

Të katërt janë të lumtur për mundësinë e dhënë dhe janë gati për të nisur punën e tyre. Qëllimi është rritja e nivelit të lojtarëve të rinj dhe furnizimi i kombëtares së madhe me lojtarë të talentuar e cilësorë.

Alban Bushi (SHQIPËRIA U21): “Më vjen mirë që do jem përsëri, ka qenë emocion i veçantë. I falënderoj drejtuesit dhe presidentin për besimin e dhënë. Do mundohemi të bëjmë më të mirën për lojtarët dhe për rezultatet”.

Nevil Dede (SHQIPËRIA U19): “Jam krenar për punën me vajzat. Për sa i takon U19, do të jem i sinqertë dhe korrekt me veten. Kështu do të respektoj institucionin. Do të mundohem të afrojmë të gjithë lojtarët nga Shqipëria apo edhe jashtë. Do punojmë të bëjmë më të mirën”.

Elvin Beqiri (SHQIPËRIA U17): “Falënderoj FSHF-në dhe presidentin për besimin. Është eksperienca e parë si trajner i parë për mua, pasi kam qenë asistent. Është eksperienca e parë për mua si trajner. Është përgjegjësi e madhe që kthehem si trajner në kombëtare. Do mundohemi të bëjmë më të mirën për të realizuar një seleksionim sa më të mirë të elementëve, po ashtu edhe të marrim rezultate. Për këto kemi nevojë si ekip kombëtar”.

Armand Damo (SHQIPËRIA U15): “Falënderoj stafin dhe presidentin. Do të jetë një sfidë të gjejmë të gjithë talentet, por së bashku kemi besim se do ia dalim. Do të përpiqemi të gjejmë sportistë sa më të mirë, të bëjmë futboll të bukur dhe pastaj të dërgojmë lojtarë tek ekipet më lart”.

Më pas fjalën e mori Xhemal Mustedanagiç, i cili u shpreh: “Falënderoj trajnerët e rinj, Federatën për besimin që më ka dhënë. Jo rastësisht e kam përzgjedhur Shqipërinë, pasi mund të bëjmë gjëra të mëdha për futbollin shqiptar. Qëllimi kryesor është zhvillimi i futbollit shqiptar dhe i trajnerëve, për ta çuar sa më lart. I kam vëne detyrë gjithsecilit se çfarë duhet të bëjnë. Fillimisht të jenë drejtues sa më të mirë, të jenë autoritarë, me dijet e tyre që të dinë t’i shpjegojnë lojtarëve se çfarë kërkojnë.

Gjithçka duhet të jetë e organizuar me plan, në lojë si në mbrojtje edhe në sulm. Secili duhet të fokusohet te loja dhe ajo që duhet të bëjë gjatë ndeshjes. T’ia kalojë ekipit frymën dhe ndjenjën e fitores, të krijohet një atmosferë sa më e mirë, që ndihmon te rezultatet. Jam i sigurt se këta trajner i kanë këto cilësi.

Damo ka patur rezultate të mira te Internacionali, e kam vëzhguar si e drejton ekipin. Beqiri ka qenë bashkëpunëtori im te U-17, kam besim maksimal tek ai. Dede, kur kam drejtuar lojtarët ‘95, kishim Hoxhallarin dhe nuk është rastësi që u bë pjesë e ekipit të pare të Tiranës. Bushi është një drejtues i mirë dhe e ka treguar gjatë edicionit në krye të U-21. Mund të duket sikur dikush nuk e ka eksperiencën e duhur, por i kanë cilësitë e duhura. Do të jem përkrah tyre me eksperiencën time, që nuk më mungon.

Më e rëndësishmja është të zhvillojmë dhe të kemi sa më shume lojtarë për ekipin e parë. Ajo që kërkoj nga trajnerët është të jenë të ndershëm me të gjithë lojtarët, por ky nuk do të jetë problem, sepse e kemi të gjithën të organizuar me strukturë dhe rregullore. Nëse cilido nuk do t’i respektoje këto rregulla dhe kushte, atëherë nuk është i denjë për ekipet Kombëtare.

Në futboll gjithçka është e thjeshte, nuk ka filozofi. Nëse dikush do të ketë konflikt, do ta ketë me rregullat dhe sistemin që kemi vendosur, jo me mua si drejtor i ekipeve kombëtare. Do të ketë seleksionime pozitive dhe negative. Të gjithë elementet do vëzhgohen dhe më të mirët do të futen në skuadër me transparence. Për lojtarët që seleksionohen nga jashtë, do të jenë vetëm top talentet, pra niveli më i lartë dhe jo futbollistë mesatare”.

“Rezultati apo lojtarët si njësi matëse? Objektivi është zhvillimi i lojtareve dhe të kemi sa më shumë për kombëtaren A. Në çdo sezon kemi dy apo tre lojtare për kombëtaren. Nëse do të arrijmë edhe një lojtar për çdo vit, në dhjetë vjet do të ishte shumë mirë. Dy lojtarë shkëlqyeshëm, tre në vit fantastike.

Loja e mirë do të nxjerre në pah edhe individët. Qëllimi tjetër është që nga jashtë të vijnë me të mirët dhe të zhvillojmë sa më shume talentet në Shqipëri. Plani im është që U17 dhe U19 të jenë me lojtarë nga Shqipëria

Do bëjmë edhe U20 me lojtare nga kampionati ynë. U17 dhe U19 do përfaqësojnë Shqipërinë në eliminatoret e ardhshme të Europianit. Një herë në javë do të organizojmë ndeshje të forta me ekipet e Superiores dhe Kategorisë së Parë, ku aty elementët e rinj do të kenë mundësi të tregojnë cilësitë. Kombëtarja më e mirë, që do të ketë lojtarët më të mirë, do të ketë turnetë e vete për t’u përgatitur”.

“Federata Shqiptare Futbollit ju fton nesër, e martë, ora 11:00, në një konferencë për shtyp ku do të prezantohen trajnerët e ekipeve kombëtare të moshave. Konferenca do të mbahet pranë zyrave të FSHF, shkruhet në njoftimin e Federatës.

Top Channel raporton se Nevil Dede do të drejtojë në vijim Shqipërinë U19, ndërsa Elvin Beqiri zë vendin e Xhemal Mustedaganiç. Shkodrani ishte pjesë e stafit teknik të kombëtares U17 dhe tanimë merr drejtimin si trajner i parë. Largimi i boshnjakut ishte paralajmëruar, pasi FSHF e gradoi si drejtor teknik të ekipeve kombëtare.

Ndryshim edhe te Shqipëria U15: vlonjate Eqerem Memushaj nuk do të jetë më në krye të kësaj grupmoshe të kombëtares. Në vend të tij do të emërohet Armand Damo.

Megjithatë, ish-futbollisti i njohur tashmë ka kohë që drejton Shqipërinë U-19 për femra dhe po bën një punë mjaft të mirë aty, përtej vështirësive dhe sforcimit për të gjetur futbollistë të reja brenda e jashtë vendit.

Kohë më parë Dede mori edhe drejtimin e Erzenit, por më pas hoqi dorë, pikërisht për shkak të pamundësisë për të ndërthurur dy punët, ndërkohë që nuk ka në plan të shkëputet nga kombëtarja e femrave.

Për këtë arsye, Sport Ekspres ka kontaktuar me Ish-mbrojtësi e kombëtares shqiptare, për të mësuar diçka më shumë në lidhje me këto zëra, por Dede mohon gjithçka, duke saktësuar disa gjëra.

“Është e vërtetë që unë shkoj dhe vëzhgoj stërvitjet e skuadrave të klubeve, përfshirë ekipet e moshave, por kjo nuk do të thotë që do të nis punë në këto ekipe. Jam një trajner që po grumbulloj eksperiencë dhe vëzhgimi i stërvitjeve është pjesë e procesit të zhvillimit në këtë profesion.

“Nuk kam pasur ndonjë ide për t’u shkëputur nga puna ime aktuale dhe nuk po mendoj të nis punë te Dinamo. Me kombëtaren e femrave po bëjmë një punë të rëndësishme dhe nuk dua ta lë projektin në mes”, deklaroi Dede, i cili përveç kombëtares U-19 të femrave nuk ka ndërmend të nisë ndonjë projekt të ri, aq më shumë që fundjavave është shpesh pjesë e emisioneve televizive në Supersport si analist.