Neto

20 mln për dyshen e Lacios, Tare duhet të vendosë

Sport Ekspres — Fri, 02 Aug 2019 16:12:27 +0000

Igli Tare i jep shumë prioritet të rinjve te skuadra e Lacios dhe kur një ofertë vjen për ndonjë nga lojtarët e tij të preferuar, vështirë se pranon. Por ekipi anglez i Ulvs ka bërë një ofertë thuajse të parezistueshme për dy lojtarët e talentuar: Bruno Jardao dhe Pedro Neto.

Siç raporton ‘CalcioMercato’, Ulvs ka ofruar 20 milionë euro për mesfushorin Jardao dhe sulmuesin anësor Neto, që më parë kanë qenë të lidhur edhe me një kalim te Benfika në Portugali. Kjo ofertë, me shumë gjasa do të pranohet nga drejtuesit e Lacios dhe dy futbollistët e taletuar mund të transferohen në ishullin britanik.

Zyrtare | Holandezi largohet nga Barça, vjen dhe përforcimi i parë

Sport Ekspres — Tue, 25 Jun 2019 16:17:55 +0000

Xhasper Cilesen është parë i veshur me uniformën e Valencias mesditën e sotme. Portieri ka kaluar me sukses vizitat mjekësore dhe së shpejti do të prezantohet në “Mestalla”.
Shitja e tij do të pasohet nga ardhja e portierit Neto në Barcelonë. Kështu zyrtarizohet shkëmbimi i gardianëve, që përflitej prej kohësh nga mediat.

Cilesen me aftësitë e tij do të shtojë siguri në skuadrën e Valencias. Ai ka treguar një nivel tepër të lartë në “Camp Nou”, por prania e një “alieni” si Ter Shtegen e ka kushtëzuar praninë e tij në formacionin e parë.
Në ditët në vazhdim Neto do të kryejë të njëjtat proçedura, për t’u prezantuar më pas si blerja e parë e Barcelonës për këtë verë. Braziliani më parë ka mbrojtur edhe portën e Juventusit.

Objektivi i përbashkët, Barcelona “lë thatë” PSG-në

Sport Ekspres — Sun, 23 Jun 2019 16:08:49 +0000

Jo vetëm Nejmar mes Barcelonës dhe PSG-së. Kampionët e Spanjës kërkojnë një portier për stolin dhe të njëjtën gjë duan edhe francezët, të cilët kërkojnë zëvendësuesin e Xhixhi Bufon.

Objektivi i përbashkët quhet Neto, braziliani i Valencias. 29-vjeçari vjen nga një sezon shumë i mirë dhe garën për të e ka fituar Barcelona. Dy klubet spanjolle do të shkëmbejnë portierët Neto dhe Cilesen, të cilët vlerësohen nga 30 milionë euro.

Akordi është arritur dhe Neto do të kryejë vizitat mjekësore orët e ardhshme. Ai pritet të firmosë një kontratë 4-vjeçare me Barcelonën, që fiton në këtë mënyrë garën me PSG.

Neto rikthehet në Torino, portieri rrëfen makthin e dy viteve në stol

Sport Ekspres — Mon, 26 Nov 2018 21:28:11 +0000

Portieri brazilian Neto do rikthehet ditën e nesërme në “Juventus”, aty ku luajti për dy vite. Megjithatë, lëvizja nga Fiorentina te kampionët e Italisë rezultoi një eksperiencë shumë e hidhur, pasi u aktivizua në vetëm 11 takime. Gardiani foli para gazetarëve në prag të takimit midis Juventusit dhe Valencias

EKSPERIENCA ME JUVEN – “Kam kaluar dy vite aspak të mirë me Juventusin. Nuk isha aspak i lumtur në atë periudhë. Nuk doja që të përfundonte në atë mënyrë, por tani jam i lumtur që u largova”.

DIFERENCAT ME SHEZNIT – “(Qesh) Po më vini në një pozicion të sikletshëm. Është e vështirë të flasësh për këtë gjë. Ai është një portier me shumë cilësi, i cili është paraqitur mirë të mira te Juventusi dhe te Roma më parë.

“Shpresoj që ta ndihmoj ekipin në marrjen e një rezultati të mirë. Kemi lënë pas vetes një moment shumë të vështirë, ku po luanim mirë, por rezultate nuk po vinin. Duhet të mbajmë ritmin dhe në ndeshjet në vazhdim”, përfundoi ish-portieri i Juventusit.

Transformimi spanjoll i Netos, Valencia gjen pasardhësin e Diego Alvesh

Sport Ekspres — Sun, 30 Sep 2018 14:22:18 +0000

Braziliani Neto ndihmoi ekipin e Valencias të arrinte fitoren e parë në këtë sezon në La Ligia, duke pritur penalltinë e Uillian Hoze. Valencia triumfoi përballë Real Sociedad në transfertë me golin e Gameiros, ndërsa portieri priti penalltinë, duke mbajtur portën të paprekur.

Kjo është penalltia e tretë, që Neto pret gjatë aktivizimit me Valencian. Sezonin e kaluar ka arritur të ndalë gjuajtjet nga pika e penalltisë të Serxho Leon (Betis) dhe Aduriz (Atletik Bibao), ndërsa dje ishte radha e Uillian Hoze të ndalej përpara 29-vjeçarit brazilian.

Neto kishte pritur vetëm një penallti gjatë karrierës së tij, zhvilluar mes Brazilit dhe Italisë. Atletiko Paranaense, Fiorentina dhe Juventus. Në 18 penallti, Neto kishte pritur vetëm goditjen e Adem Ljajiç të Romës, ndërsa te Valencia ai ka arritur të presë 3 penallti nga tetë në total.

Neto vihet kështu në ndjekje të një tjetër braziliani, Diego Alvesh, i cili ka pritur 12-të penallti me Valencian gjatë viteve 2011-2017.