Netanya

VIDEO | Beqiraj gjen rrjetën, por Xhejms e mposht me spektakël

Sport Ekspres — Wed, 31 Jul 2019 20:13:28 +0000

Xhejms Adeniji ka bërë një ndeshje të shkëlqyer në takimin e luajtur sot mes Shmona dhe Netania, takim i vlefshëm për Toto Cup në Izrale. Për ekipin e Shmona, aktivizohet ish-sulmuesi i Skënderbeut, Xhejms Adeniji, ndërsa për Netanian, Jahmir Hyka dhe Beqiraj.

Shmona fitoi 2-1 këtë sfidë, falë një performance të shkëlqyer nga sulmuesi nigerian. Xhejms asistoi në golin e parë të skuadrës së tij dhe vetëm 7 minuta më vonë, shënoi vetë, duke dribluar dy kundështarë dhe duke mposhtur portierin e Netanias me një gjuajtje me të djathtën në hyrje të zonës.

Në minutën e 75’, Netania do të fitonte një penallti pas një prekje të topit me dorë në zonë dhe Beqiraj mori përsipër për ta ekzekutuar këtë 11-metërsh, duke u treguar i saktë dhe duke vendosur rezultatin final në 2-1.

Hyka e nis mbarë sezonin e ri, gjen sërish golin në Izrael

Sport Ekspres — Sat, 27 Jul 2019 18:52:33 +0000

Jahmir Hyka u transferua në janarin e ketij viti te skuadra e Netanias në Izrael, ku luajti në pjesën e dytë të sezonit. Sulmuesi kuqezi luajti 14 ndeshje në kampionatin izraelit, ku 9 prej tyre i nisi si titullar dhe shënoi 3 herë. Një gjysmësezoni shumë i mirë, ndërsa sezoni i ri, ka nisur edhe më mbarë për 31-vjeçarin.

Sulmuesi kryeqytetas gjeti rrjetën në Toto Cup, ku në minutën e 80-të të takimit, i dha avantazhin skuadrës së tij përballë Hapoel Hafifa. Takimi përfundoi 2-0 në favor të Netanias, që pas raundit të parë të kësaj Kupe, merr kryesimin e grupit.

Toto Cup, Izrael

Netania – H. Hafifa 2-0
Hyka 80’, Melamed 90+5’

Hyka njeriu gol, sulmuesi kuqezi gjen sërish rrjetën në Izrael

Sport Ekspres — Sat, 04 May 2019 17:34:29 +0000

Jahmir Hyka është shndërruar në protagonist absolut te skuadra e Netanias në Izrael, pasi sulmuesi kuqezi ka shënuar sërish edhe në takimin e sotëm në transfertë përballë Hapoel Haderas. 31-vjeçari ka shënuar në minutën e 78’ të takimit, për të dyfishuar avantazhin për skuadrën e tij, që në fund triumfoi me shifrat 1-2.

Përveç Hykës, ka shënuar dhe maqedonasi Fatos Beqiraj. Hyka luajti thuajse përgjatë gjithë takimit, por në sekondat e fundit, trajneri e zëvendësoi për t’i dhënë tjera sekonda me vlera skuadrës së Netanias, që merr kështu një fitore shumë të rëndësishme.

Ky ishte goli i dytë në katër ndeshje për sulmuesin shqiptar, që duket se e ka lënë pas atë dëmtim të vështirë dhe është rikthyer të jetë i rëndësishëm.

Izrael, Liga ha’Al, java 33

Hapoel Haderas – Netania 1-2
Odua 79’ / Beqiraj 58’, Hyka 78’