Nelson Semedo

Refuzim, refuzim, refuzim! Barça nuk ndryshon mendje për portugezin

Sport Ekspres — Fri, 26 Jul 2019 18:43:18 +0000

Barcelona nuk ka në plan të heqë dorë nga një prej mbrojtësve më të mirë në qarkullim. Nelson Semedo vlerësohet shumë nga klubi blaugran dhe drejtuesit nuk kanë në plan ta lënë të largohet. Megjithëse nuk ka arritur akoma të zërë një vend të sigurt në formacion, portugezi cilësohet shumë i rëndësishëm për ekipin.
Semedo është në duel të vazhdueshëm me Serxhi Roberton në krahun e djathtë të mbrojtjes. Ka shpejtësi mjaft të lartë dhe të ofron shumë garanci në mbrojtje. Mosaktivizimi i tij në dy ndeshjet ndaj Liverpulit ishte ndoshta gabimi më i madh që Valverde bëri në ato përballje.

“AS” raporton se Barça ka refuzuar disa oferta konkrete për yllin e tyre edhe pse ai ka shprehur dëshirën të largohet. Katalanasit janë të gatshëm ta lënë të lirë vetëm nëse paguhet klauzola e largimit prej 100 milionë eurosh. Atletiko dhe Mançester Siti janë në kërkim të një mbrojtësi të profilit të tij. Raportohet se propozimet e ardhura nuk i kanë arritur 50 milionë eurot.

Semedo do largimin, ardhja e një luzitani e liron nga “zinxhirët”

Sport Ekspres — Thu, 04 Jul 2019 19:44:55 +0000

Nelson Semedo është objektivi kryesor i Atletikos së Madridit. Largimi i Huanfran ka lënë një hapësirë të madhe boshe dhe portugezi i Barcelonës është i zgjedhuri i teknikut Simeone. Lojtari është i pakënaqur me mënyrën e trajtimit nga ana e bashkëlojtarëve dhe trajnerit Valverde e kështu ka kërkuar largimin nga “Camp Nou”.
Barcelona nuk e ka në shitje mbrojtësin dhe deri tani i ka refuzuar kërkesat e tij për t’u larguar. Megjithatë, lëvizja e fundit e katalanasve ka bërë që të hidhen dyshime mbi të ardhmen e Semedos. Siç raportojnë mediet spanjolle, Barça është në garë për Zhoao Kanselon. Përfundimi me sukses i këtij operacioni do të ishte çelësi, që hap derën e largimit për Semedon.

Luzitani ka shfaqur një formë mjaft të mirë dhe në shumë raste ka qenë në një nivel më të mirë se Serxhi Roberto. Gjithsesi, kurrë nuk e ka bindur Valverden se mund ta mbajë peshën e një poicioni aq delikat. Insistimi i vazhdueshëm për t’u larguar mund të pranohet nga Barça. Një nga opsionet, është përfshirja e tij ne operacionin për të sjellë Grizman në Barcelonë. Barça e vlerëson 25-vjeçarin 50 milionë euro.

Është i zhgënjyer, ylli i Barçës kërkon zyrtarisht largimin

Sport Ekspres — Wed, 05 Jun 2019 18:12:38 +0000

Nelson Semedo mund të jetë një nga lojtarët më të nënvlerësuar të Barcelonës. Mbrojtësi portugez ka treguar një nivel tepër të lartë sa herë është thirrur në detyrë. Konkurenca e një talenti të rritur në La Masia si Serxhi Roberto ka bërë që Semedo të ngrohë stolin në shumicën e rasteve, pas këtyre dy viteve në “Camp Nou”.

Mosaktivizimi në dy ndeshjet ndaj Liverpulit dhe në finalen e Kupës së Mbretit e ka bindur yllin portugez të pranojë t’i bashkohet Atletikos, që e kërkon me ngulm. Ata do i siguronin më shumë minuta dhe do të merrte përgjegjësi në skuadër, diçka që as nuk mendohet në Barcelonë. Agjenti i tij, Horge Mendes ka biseduar me klubin blaugran për ta lënë të lirë, por përgjigja ka qenë negative.

Semedo ka një klauzolë lirimi prej 100 milionë eurosh. Sipas “Sport.es”, në rast se Semedo këmbëngul, Barcelona është e gatshme ta lërë të lirë për 50 milionë euro. Një version tjetër është ulja e çmimit të Grizman, i cili që nga 1 korriku do të kushtojë 120 milionë euro.

Pretendon se Mesi ka ndërhyrë në formacion, ylli i Barçës kërkon largimin

Sport Ekspres — Sat, 01 Jun 2019 15:23:29 +0000

Nelson Semedo dhe Serxhi Roberto gjatë gjithë sezonit kanë diksutuar formacionin në krahun e djathtë të mbrojtjes. Roberto është i rritur te klubi katalanas, ka një lojë ofensive më të mirë, por nuk të jep siguri në pjesën difensive. Semedo u ble për 30 milionë euro nga Benfika. Portugezi është më mirë në fazën mbrojtëse, por nuk ka atë aktivitetin e vazhdueshëm në sulm si të Robertos.
Gjatë sezonit, Valverde ka preferuar më shumë spanjollin e La Masias. Ky fakt e ka zhgënjyer Semedon. Lajmet nga Spanja thonë se ai ka kërkuar largimin nga Barcelona gjatë kësaj merkatoje. Fajtor i kësaj nuk është vetëm Valverde, por edhe Mesi. “Diario Gol” raporton se mbrojtësi i krahut mendon se ylli argjentinas është shkaku i mosaktivizimit të tij. Ai hamendëson se Mesi ka ndërhyrë që Roberto të luajë në gjysmëfinalen e dytë ndaj Liverpulit.
Në fakt futja e spanjollit rezultoi një dështim i madh, pasi ai regjistroi gabime të njëpasnjëshme në duele. Në ndeshjen e parë me futjen e Semedos rrezikshmëria e kundërshtarit u ul ndjeshëm dhe Barça fitoi stabilitet. Megjithatë, me shumë mundësi Valverde ka qenë duke parë ëndërr dhe jo ndeshjen, pasi edhe në ndeshjen e dytë zgjodhi Roberton. Ose ka dëgjuar fjalën e Leos.

VIDEO | Ramos “jashtë piste”, lëvizja mashtruese që e turpëroi në El Clasico

Sport Ekspres — Thu, 07 Feb 2019 12:07:54 +0000

Serxho Ramos është pa diskutim një nga mbrojtësit më të fortë në botë. E ka treguar në fushë, ku me Realin e Madridit ka fituar çdo trofe të mundshëm. Spanjolli mban edhe shiritin e kapitenit te madrilenët, por si çdo lojtar ka edhe ai ndonjë moment jo.

Në përballjen e djeshme me Barcelonën, mbrojtësi Nelson Semedo e bëri Ramosin të dukej keq. Në fund të takimit, pas një sulmi të katalanasve, mbrojtësi madrilen tentoi të ndalonte një kros të portugezit dhe nuk ia doli dot.

Jo vetëm kaq, por spërkata e tij e nxori jashtë fushe. Ramos përfundoi te reklamat, ndërkohë që në twitter është bërë objekt talljeje nga tifozët e shumtë.

https://twitter.com/Damola52210772/status/1093403263611883520