Bëhet fjalë për një huazim njëvjeçar me detyrim blerje verën e ardhshme nga spanjollët. Barça e ka gati të pamundur të ofrojë para në dorë këtë verë sepse ka një bilanc shumë negativ. PSG nuk e mban dot më Nejmar në ekip dhe është e detyruar të negociojë me Barçën për të transferuar yllin seleçao.

Nejmar do e lërë PSG pas vetëm dy vitesh të kaluara mes kalvarit të dëmtimeve e polemikave të panumërta. Që me arritjen në Paris, ai nuk ka gjetur asnjë fije lumturie dhe tani duket se është mbushur kupa.

#Mbappe literally throwing #neymarjr out of a picture after #PSG
won their Community Shield ?? He's defo taking no shit?pic.twitter.com/JDnRLkjIEE

— ?????'? ??????? (@AnnieHarte21) August 3, 2019

Regjia e ndeshjes ka regjistruar dy momente interesante ku protagonist është Mbape dhe Nejmar. Talenti francez mundohet ta nxisë braziliani të festojë, por Nejmar refuzon. Pak sekonda më vonë, kamerat kapin qartë momentin kur Mbape tejet i mërzitur shtyn me forcë Nejmar duke e ndarë nga pjesa tjetër e skuadrës që po festonte fitimin e  trofeut.

https://www.instagram.com/p/B0tKW5AAAHV/?utm_source=ig_web_copy_link

Mesfusha është “thembra e Akilit” te kampionët francezë dhe eksperienca e Modriç do shëronte gjithçka. Megjithatë, ky transferim mbetet tepër i ndërlikuar, pasi janë të përfshira shumë palë. Modriç për momentin nuk preferon të shkojë në Paris. Nejmar nuk e dimë nëse dëshiron t’i bëjë një tjetër tradhti Barçës. Kështu, për momentin gjithçka mbetet e pamaterializuar.

Francezët duan ta mbajnë edhe një vit atë për ta lënë më pas të largohet kundrejt një çmimi ta arsyeshëm verën e ardhshme. Arsyeja e këtij vendimi është se për brazilianin tregu nuk ofron zëvendësues dhe deri sezonin e ardhshëm do të shqyrtojnë mundësitë që shfaqen në merkato.

Siç raportohet, Nejmar nuk ka kërkuar aspak kohë të mendohet. Ai është shprehur se është shumë vonë për këtë. Kjo marrëveshje duhet të kishte ardhur më herët dhe të ishte më e arsyetuar. Tani ngjarjet kanë arritur kulmin dhe marrëdhënia e tij me bashkëlojtarët dhe me trajnerin Tuhel është ftohur. Radha është e Barcelonës. Atyre do u duhet të bëjnë një ofertë si blerësit e vetëm që janë ofruar.

“Nuk kam dëgjuar se Nejmar ka kërkuar largimin, por mendoj se duhet të jetë i lirë ta bëjë këtë nëse dëshiron. Kur një futbollist me të vërtetë dëshiron të largohet, klubi duhet ta lërë të lirë. Pajtohem me kërkesat financiare për transferimin, por nuk mund të mbash një lojtar që dëshiron të largohet nga klubi”, u shpreh Verrati.

Telashet për Nejmar filluan në muajin maj, kur një modele braziliane akuzoi futbollistin e PSG-së për përdhunim. Sipas saj ngjarja ndodhi në një prej hoteleve më luksoz të Parisit.

Nejmar u mor në pyetje nga policia braziliane, ndërsa më pas u kundërpërgjigje akuzave duke akuzuar modelen braziliane për shpifje.

Megjithatë, është gati e pamundur të nxjerrësh diçka nga presidenti. Ai mundohet vazhdimisht të tregohet i kujdesshëm. Çudit kur thotë se ka shumë respekt për klubin e PSG.

“Këtë verë kam lexuar shumë gazeta dhe ata thonë shumë gjëra. Këtu e vetmja gjë e qartë është se Nejmar është një lojtar i PSG dhe ne e respektojmë shumë atë klub. Në këtë rast nuk ka shumë për të thënë”, shprehet Bartomeu.

Ardhja e Leonardos si drejtor sportiv, ka sjellë një ulje të ashpërsisë së politikave të klubit ndaj lojtarëve që duan të largohen. Sigurisht, kjo është në interes të PSG, pasi në rast të kundërt çdo lojtar do e mendonte dy herë transferimin në një klub, ku nuk i respektohet mendimi. Pas kësaj, Barcelona është gati të përfitojë për të risjellë yllin brazilian në “Camp Nou”.

Të gjithë këtë e mohon vetë trajneri në një intervistë për mediet franceze. Ai ka deklaruar se nuk Dembele nuk është në planet e klubit. Ka prekur dhe çështjen e Nejmar të cilin nuk zgjodhi ta grumbullonte për ndeshjen e parë miqësore. Për brazilianinm Tuhel është shprehur se do të bashkohet me klubin në stërvitjen e së hënës.

Braziliani kërkon të largohet nga kryeqyteti francez. Barcelona dhe Juventusi janë të interesuara, pa harruar asnjëherë Realin e Madridit. PSG kërkon të paktën 200 milionë euro për kartonin e 27-vjeçarit, ndërsa palët po monitorojnë situatën për momentin.

Klubet e interesuara presin lëvizjen e njëra-tjetrës, ndërsa kampionët e Francës presin oferta zyrtare në drejtim të “yllit” të skuadrës.

Barcelona mbetet klubi më i avantazhuar për të siguruar shërbimet e lojtarit latin, ndërsa emra si Kutinjo, Umtiti dhe Dembele mund të bëhen pjesë e operacionit gjigant.

“Nuk ka asgjë të re dhe asnjë ofertë konkrete për Nejmar. Ai ka një kontratë me PSG-në dhe vazhdon të jetë një lojtar i joni. E përsëris, nuk ka asnjë ofertë zyrtare për Nejmar. Është e njëjta situatë si para 10 ditësh”, përfundon Leonardo.

Ai mund ta mbajë me pahir brazilianin deri në vitin 2022, që është edhe përfundimi i kontratës. Mbetet për t’u parë reagimi i Leonardos, që është përgjegjësi më i madh i kësaj çështje. Gjithashtu babai i brazilianit do të ndërhyjë për të gjetur një rrugë të mesme.

Sajti i njohur “parisunited.fr”, ka zbuluar disa nga detajet e bisedës midis dy brazilianëve. Leonardo i ka bërë të ditur lojtarit se ai nuk do të largohet nga kampionët e Francës kundrejt një shumë më të vogël se 300 milionë euro.

Kjo kërkesë e PSG-së është e papërballueshme për Barcelonën. Katalanasit kanë shpenzuar 200 milionë euro për kartonin e De Jong dhe Grizman, çka e bën të pamundur një shpenzim të përmasave të tilla që do të vendoste një rekord të ri botëror.

Një javë më parë PSG dënoi mungesën e yllit brazilian në grumbullimin e parë të sezonit, duke paralajmëruar se ndaj tij do merren masa ndëshkimore. Nejmar ndodhej në vendlindje ku po merrej me disa aktivitete me sponsor të ndryshëm dhe me turneun e tij të famshëm “Neymar Junior 5”.

Pas pak ditësh PSG do të niset drejt Shteteve të Bashkuara të Amerikës, ku do të marrë pjesë në turneun miqësor “International Champions Cup”.

Lufta e ashpër mes dy klubeve po e shtyp akoma e më shumë Nejmar, që po i humbet të gjitha zgjidhjet dhe e vetmja gjë i ka mbetur është të lutet te Zoti. Braziliani në një postim 24-orësh në “Instagram” ka hedhur një sinjal të koduar drejt ekipit aktual të tij.

Ai ka pstuar një video ku shfaqet një foto e tij me bluzën e Barçës dhe ngjitur është babai i tij. Anash fotos në të djathtë është një shënim ku shkruhet: “Asnjë armë shfarosëse nuk do të ketë sukses dhe ti do të dënosh çdo gjuhë ngrihet ndaj drejtësisë tënde. Kjo është trashëgimia e shërbëtorëve të Perëndisë dhe shpëtimi im do të vijë”, shënohet në mbishkrimin e fotos.

Nejmar është gati i larguar nga Parisi, me lojtarin që i ka vënë veton klubit. Madje nuk pranon as të paraqitet në stërvitje. Ikja e pashmangshme e 27-vjeçarit sjell futjen në merkato për të gjetur zëvendësuesin e tij. Leroi Sane flitet të jetë më i pëlqyeri, sipas medieve franceze.

Paratë që do vijnë nga shitja e Nejmar te Barcelona do të përdoren për të sjellë gjermanin e Sitit. Kështu, Parisi do të kishte muskuj shumë më të mëdha financiarë se Bajerni. E gjithë kjo sjell një problem të madh në Bavari.

Shumë veta e quajnë egoizëm, por Dani Alvesh nuk e ka aspak këtë mendim. Ai e sheh si gjënë e duhur. Mendon se skuadrat duhet të punojnë për lojtarë si Ronaldo, Mesi apo Nejmar. Përmend rastin e argjentinasit, ku thotë se me të në fushë nuk mund të bëjë asgjë tjetër përveçse të pasojë sepse “pleshti” i bën të gjitha vetë.

“Skuadrat luajnë për Mesin dhe Ronaldon. Kjo gjë duhet të ndodhë edhe me Nejmar. Ata janë lojtarë të ndryshëm. Sa më shumë t’i shërbejë ekipi, ata aq më shumë përgjigjen me gola. Ky nuk është aspak egoizëm. Për shembull, unë e bëja këtë me Mesin. Me të skuadër, nuk bëja asgjë përveçse pasoja topin. Ai driblonte, ai dukej, ai shënonte”, u shpreh 36-vjeçari.

Kjo e sjellje e Nejmar, ditën e sotme e ka bërë klubin e tij të dalë me një deklaratë zyrtare. Ata shprehen se Nejmar nuk ka marrë leje nga klubi për të qëndruar më shumë me pushime dhe për këtë ai duhet të përgatitet të vuajë pasojat.

Ka qenë babai i yllit latin, që i është përgjigjur klubit francez. Ai shprehet se Nejmar është i angazhuar në “Neymar Junior Institute” dhe se kampionët e Francës e dinë mirë këtë. Shton edhe se klubi është në dijeni se Nejmar arrin në datë 15 korrik në Francë.

“PSG e dinte se djali im do të vinte në stërvitje më 15 korrik. Ka më shumë se një vit që Nejmar po angazhohet në ‘Neymar Junior Institute’ dhe e kishim të vështirë të ndryshonim planet. PSG e di shumë mirë këtë sepse ka ndihmuar në zhvillimin e këtij projekti”, u shpreh babai i Nejmar.

Drejtori sportiv i kampionëve të Francës dhe njëkohësisht bashkëkombësi i Nejmar, Leonardo, ka vendosur të bëjë çdo gjë publike në lidhje me situatën aktuale që ekziston midis klubit dhe 27-vjeçarit. Në një intervistë për të përditshmen franceze “Le Parisien”, drejtuesi i lartë i PSG-së ka diskutuar për më shumë se një orë në lidhje me këtë çështje të nxehtë.

Cili është problemi midis Nejmarit dhe PSG-së?

Sot (dje), ai nuk ishte i pranishëm në stërvitje. Supozohej që do ishte kthyer nga Brazili, por nuk ka ndodhur kështu. Ai i dinte se duhej të paraqitej. Do shqyrtojmë se çfarë masash do të marrim, ashtu sikurse do kishim bërë për çdo punonjës tjetër të klubit”.

A ka pasur ndonjë shpjegim nga ana e tij për mosparaqitjen?

Ai ka pasur disa angazhime me një projekt të tijin në Brazil dhe një sponsor, por kjo nuk ishte data që ishte rënë dakord me klubin. Gjithsesi, ai ka luajtur lojën e tij të fundit më 6 qershor. Pushimet mbaronin më datë 8 korrik.

Kur do të kthehet Nejmar në stërvitje?

Nuk e di. Nuk e di akoma. E vetmja gjë që unë di është se ai nuk ishte i pranishëm në datën e planifikuar për fillimin e stërvitjes, 8 korrikun.

A ju ka thënë Nejmar se ku dëshiron të vazhdojë?

Kjo është diçka e qartë për të gjithë tani, por në futboll mund të thuash diçka sot e diçka tjetër të nesërmen. Është diçka e pabesueshme, por ky është realiteti i kësaj industrie ku ne punojmë

Keni mbërritur në 14 qershor në Paris, a keni folur me të?

Po kam folur. S’dua t’u tregoj çdo hollësi të bisedës. Kam folur dhe me babanë e tij. Është diçka që dihet nga të gjithë. Pozicioni i secilës palë është qartë. Megjithatë, në këtë moment që po flasim vetëm diçka është konkrete: Nejmar ka dhe tri kontratë me ne. Përderisa nuk kemi marrë një ofertë s’ka gjë për të diskutuar.

Përse mendoni se ka dëshirë të largohet ?

Iu përgjigja njëherë kësaj pyetje. Kur një lojtar kërkon të largohet nga një klub, po flas në përgjithësi, është diçka mëse normale e jetës së një futbollisti. Përse duhet ta përjetojmë këtë situatë si një përdhosje. Klubi ia ka dalë të bindë shumë lojtarë të qëndrojnë në të shkuarën. Në rastin e Nejmar, nuk është paraqitur në stërvitje, pra është faji tij. Kemi politikat tona të brendshme për raste të tilla. T’i themi gjërat siç janë, në shumë klube ndodh që lojtarët të mos paraqiten në ditën e parë të grumbullimit.

Situata e ofertave?

Nuk kemi marrë asnjë ofertë. Megjithatë është e vërtetë që kemi pasur disa kontakte të thjeshta.

Me Barcelonën?

Po.

Çfarë mund të thoni për strategjinë e drejtuesve të  Barcelonës ?

Ata na thanë që ishin të interesuar të blinin kartonin e lojtarit, por ne u thamë që nuk e kemi në shitje. Nuk e mendojmë që Barcelona është në një pozitë ku mund ta blejë lojtarin tonë.

Me cilat kushte do të pranonte PSG-ja transferimin?

Thjesht na duhet të flasim e të negociojmë. Kjo është e gjitha. Boll me pyetje për Nejmarin, ju lutem.

Një të fundit. A keni vendosur ndonjë afat për këtë çështje?

Kjo është me të vërtetë një çështje shumë e rëndësishme. Janë shumë gjëra në lojë. Së dyti, një rast i këtyre përmasave nuk është vetëm një çështje ndjenjash, është një çështje financiare.

Përfundimisht, a është e mundur që Nejmar të largohet këtë verë?

Nejmar mund të largohet nga PSG-ja, nëse vjen një që gëzon të gjitha palët. Por deri këtë moment, ne nuk e dimë nëse ka ndonjë klub që dëshiron ta blejë atë ose çmimin që mund të ofrojnë. Diçka e tillë nuk mund të kryhet brenda një dite. Kjo është e sigurt.

Pra PSG nuk dëshiron ta mbajë Nejmarin në skuadër me çdo kusht…?

PSG dëshiron të mbështetet në lojtarë që duan të qëndrojnë e të ndërtojnë diçka të veçantë. Nuk duam të kemi lojtarë që i bëjnë ndere klubit me praninë e tyre në skuadër.

PSG duhet të jetë më e pushtetshme se Nejmar, apo jo?

Nuk di ndonjë klub që ka dalë i fituar kur ka pasur një lojtarë të të fuqishëm se vetë klubi. Një klub duhet të ecë përpara, duhet të ketë kontroll mbi gjithçka. Këtu përfshihen edhe lojtarët më të rëndësishëm.

Si do ta punoni në merkato duke pasur parasysh situatën e paqartë me Nejmar?

Nuk ka plan “me Nejmar” dhe plan “pa Nejmar”. Realiteti është që ai ka një kontratë me PSG-në. Për momentin, nuk ka asnjë ofertë konkrete.

Në një komunikatë për shtyp PSG ka deklaruar se veprimi i Nejmar nuk do të kalojë pa u ndëshkuar: Këtë të hënë më 8 korrik, Nejmar da Silva Santos Zhunior duhet të ishte pjesë e grumbullimit të skuadrës për fillimin e fazës përgatitore. Klubi kontakton se lojtari në fjalë nuk ishte i pranishëm në orarin e duhur dhe kjo gjë pa mirëkuptimin e klubit. Klubi e dënon këtë veprim dhe do të marrë masat përkatëse ndëshkimore.

Communiqué du club – Neymar Jr ?

— Paris Saint-Germain (@PSG_inside) July 8, 2019

Spanjollja “AS” pretendon se drejtuesit e PSG e kanë propozuar kanditaturën e Nejmar në “Santiago Bernabeu”. Të dy klubet gëzojnë një raport shumë korrekt. Megjithatë, Nejmar nuk është prioritet në Madrid. Skuadra është e mbipopulluar me lojtarë ofensivë dhe synimi primar i Florentino Perez është të shesë.

Shitja përfundimtare e Bejl për një shifër të volitshme do të shtonte shancet që Reali të kërkonte Nejmar. Gjithsesi, mbetet për t’u parë nëse braziliani do të guxonte të tradhëtonte tifozët dhe shokët e tij në klubin katalanas.

Nëpërmjet kësaj deklarate kuptohet se Grizman është çështje kohe. Gjithashtu, mundohet të heqë emocionet negative të tifozëve në lidhje me atë refuzim të dhimbshëm të francezit sezonin e ardhshëm. Bartomeu nuk la pa prekur edhe çështje të tjera.

Për Nejmar shprehet se është në dijeni të dëshirës së lojtarit, por PSG nuk e do largimin e tij dhe mbetet një mur i lartë për t’u kaluar. Konfirmoi edhe kthimin e Viktor Valdes në Barcelonë. Ish-portieri pritet të jetë trajner në akademinë e klubit.

Bie në sy pësëritja e shprehjes se Dembele është më i mirë se Nejmar, duke konfirmuar besimin e madh që presidenti ka te francezi. Mohon zërat se largimi i zëvendëspresidentit Mestre ka lidhje me ardhjen e mundshme të Nejmar. Në fund shtoi se e ardhmja e Valverdes nuk është vënë kurrë në diskutim.

Duke iu referuar kësaj medie, Mestre ishte kategorikisht kundër ardhjes së Nejmar në “Camp Nou”. Problemet e shumta që Nejmar shkaktoi në klub me burgosjen e ish-presidentit Rosell, por edhe largimi i shëmtuar në Paris sjellin këtë kundërshti mendimesh.

Ndërkohë, Bartomeu ka këmbëngulur me idenë e kthimit të sulmuesit dhe përgjigja e Mestre ka qenë dorëheqja. Në lidhje me zëvendësuesin e tij, raportohet se Bartomeu nuk do të punësojë askënd, por do i mbulojë të dyja postet i vetëm.

Siç zbulon “Sport.es”, dy yjet e futbollit botëror janë takuar për të diskutuar rreth të ardhmes së Nejmar. 27-vjeçari ka konfirmuar dëshirën për të zbarkuar përsëri në Barcelonë. Ndërkohë, Mesi nga ana e tij është munduar t’i shpjegojë se të gjithë në “Camp Nou” e duan ardhjen e Nejmar dhe janë në pritje të tij.

Nëpërmjet kësaj bisede, Nejmar e ka kuptuar se në Barcelonë e duan ende dhe është bindur plotësisht për t’u kthyer. Një prej tridentëve më të frikshëm në histori, “MSN” është në proçes ribashkimi. Presim spektakël!

Pavarësisht se bëhet fjalë për një yll të futbollit botëror, në Spanjë ka edhe zëra kundër kësaj lëvizjeje. Një prej tyre është Javier Tebas, presidenti i La Liga. Arsyetimi i tij lidhet me sjelljen e Nejmar, sigurisht ndikuar nga akuzat e fundit për përdhunim.

“Preferoj që Nejmar të mos kthehet te Barcelona. Ne gjithmonë duam të sjellim lojtarë të mëdhenj, por në rastin e Nejmar sjellja e tij nuk është e mirë për kampionatin, sepse në fund lajmet janë nëse lojtari e ka bërë këtë gjë apo atë gjë”, shprehet Tebas për Onda Cero.

“Kemi punuar shumë të ruajmë vlerat në La Liga dhe nuk duam të ndryshojmë imazhin. Ai mund të jetë një lojtar i madh, por sjellja është shumë e rëndësishme për vlerat që transmeton kampionati ynë”, është shprehur presidenti i La Liga.

Këtë vendim braziliani e ka marrë edhe për faktin se Barcelona i ofron një kontratë afatgjatë prej pesë vitesh. Kështu, ai do mund të luajë me katalanasit deri në moshën 32-vjeçare. Megjithatë, asgjë nuk është e mbyllur, pasi ka mbetur pjesa më e vështirë e transferimit, marrëveshja me PSG.

Nejmar do të shndërrohet në futbollistin e dytë më të paguar, teksa mbi të do të qëndrojë vetëm Lionel Mesi. Madje, braziliani do të marrë edhe më shumë se Kristiano Ronaldo te Juventusi.

Tashmë i takon Barçës që të arrijë edhe marrëveshjen me PSG-në që gjithçka të marrë fund. Padyshim do të ishte transferimi më i bujshëm i merkatos, me 27-vjeçarin që do të rikthehej përsëri në Katalonjë.

Çuditërisht kjo ofertë është refuzuar menjëherë nga “Djajtë e Kuq”. Ata kanë rezerva për pagën e madhe që Nejmar merr në Paris, që është rreth 900 mijë euro në javë. Gjithashtu, Ed Uduard nuk e dëshiron kurrsesi largimin e nje ylli si Pol Pogba këtë verë. Ai e sheh francezin si figura kryesore e skuadrës për sezonin e ardhshëm.

Paga nuk ka shumë problem për brazilianin sepse tashmë e ka kuptuar se lumturia është më e rëndësishme se ata. Gjithashtu “Sport.es” raporton se 27-vjeçari është gati t’u kërkojë falje të gjithëve për atë braktisje, që u theu zemrën miliona mbështetësve.

Duke parë këto zhvillime, mund të themi se kthimi i Nejmar në Barcelonë po bëhet diçka e pashmangshme. Ardhja e tij do të ishte një përgjigje mjaft e fortë edhe ndaj Realit në merkato, që ka thyer kasafortën me blerjet e disa yjeve të mëdhenj si Hazard, Mendi apo Joviç.

Që të ndodhë kjo duhet të zgjidhen disa nyje. Barcelona duhet të shesë dy apo tre lojtarë të bazës së ekipit si Kutinjo, Dembele, Rakitiç apo Umtiti. Largimi i tyre, përveçse do të sillte shumë të ardhura, do të ulte edhe barrën e madhe të pagave vjetore. Kujtojmë se Barcelona është ekipi, që paguan më shumë për rrogat e lojtarëve.

Më pas do të ishte gjithçka e lehtë për të arritur te dy yjet. Edhe Nejmar edhe Grizman e duan afrimin ne “Camp Nou”. Atletko dhe PSG janë të gatshëm t’i lënë të lirë në këmbim të ofertave të duhura. 300 milionë duhen për Nejmar dhe 120 milionë për të paguar klauzolën e largimit të Nejmar.

Çmimi shihet tepër i lartë nga Barcelona. Ata po shikojnë një alternativë tjetër, duke përfshirë lojtarë si Kutinjo, Rakitiç apo Umtiti në marrëveshje. Gazeta “Sport” raporton se Barça ofron një shifër prej 100 milionësh bashkë me mesfushorin brazilian, plus njërin mes Umtiti dhe Rakitiç.

Me këtë ofertë Parisi mund të tundohet, pasi do të gjentë pasuesin e Nejmar dhe do të mbulonte problemet në mesfushë ose mbrojtje. Ndërkohë, me këtë lëvizje Bartomeu dëshiron të ulë barrën e madhe të rrogave të lojtarëve.

Lajmet e reja nga Spanja e afrojnë edhe më shumë 27-vjeçarin me katalanasit. Emisioni sportiv “GOL” tregon se Nejmar ka shfaqur interes për një shtëpi në Barcelonë. Madje ata shkojnë më në detaje kur shprehen se ai dëshiron të njëjtën vilë që kishte para se të largohej nga Barça për në Paris.

Kthimi i Nejmar pritet të ribashkojë edhe një herë një nga treshet më të frikshme të historisë me të, Suarez dhe Mesi. Gjatë kohës që ata ishin bashkë në ekipin blaugrana shënuan mbi 300 gola së bashku. Shifra që mund të përsëriten me rikthimin e O’Ney në Barcelonë.

Ai gëzon një miqësi të madhe më familiarët e Nejmar dhe është njeriu i duhur për t’iu besuar kjo detyrë e vështirë. Reali në pozicionin ku aktivizohet braziliani sapo konfirmoi Eden Hazard. Kështu me shumë mundësi afrimi i 27-vjeçarit mund të jetë përjashtuar në “Santiago Bernabeu”. Mbape gëzon një pëlqim më të madh në Madrid.
Barcelona shihet si mundësia më reale për Nejmar. Shoqëria që ka atje dhe njohja e ambjentit të klubit katalanas e bën brazilianin të mendojë seriozisht të mendojë rikthimin. Nuk ka më nevojë për aventura dhe klubi blaugrana është i vetmi vend, ku nuk ka hapësirë për të tilla gjëra.

Parisi nga ana e tij ka bërë të ditur se është gati ta lërë numrin “10” të shkojë vetëm në këmbim të një oferte të madhe. Barcelona mund të tentojë edhe të përfshijë lojtarë të tjerë për të ulur vlerën e kartonit, si dhe për të “spastruar” skuadrën.

“Do doja shumë që ta kisha unë atë tablet, për të parë videon e famshme të përdhunimit që nuk e ka parë askush dhe nuk e di as unë nëse ekziston”, u shpreh ai. Andrade ishte avokati i dytë i Najilas, sepse i pari e braktisi, duke akuzuar bukuroshen braziliane se kishte ndryshuar versionin e ngjarjeve.

Aventura e tij te kampionët e Francës ka shkuar mes kalvarit të dëmtimeve, polemikave dhe skandaleve të shumta dhe lënies pas nga një 19-vjeçar, Kilian Mbape. Çmimi i Nejmar në momentin kur u largua nga Barcelona ishte 213 milionë euro. Paraqitjet spektakolare të tij dhe fitimet e trofeve të mëdha me katalanasit e kishin rritur shumë çmimin e brazilianit.

Edhe te Parisi e mbajti disa kohë këtë çmim, por tani nuk është kështu. Vlera e tij në merkato është ulur në mënyrë drastike. Sipas “Cies”, 27-vjeçari tani vlen 150 milionë euro. Një ulje e frikshme prej plot 63 milionë eurosh, që pritet të shtohet pas mungesës në Kupën e Amerikës.

Hetimet po vijojnë për sa i përket çështjes së përdhunimit, ndërsa nga Kombëtarja Tite ka dhënë shenja të dyshimta në lidhje me pjesëmarrjen e Nejmar në Kupën e Amerikës.

??¡¡ÚLTIMA HORA!! Novelletto, vicepresidente de la Federación brasileña, cree que NEYMAR NO DISPUTARÁ la COPA AMÉRICA: “No está en CONDICIONES psicológicas”. pic.twitter.com/DMQaOsX4bV

— El Chiringuito TV (@elchiringuitotv) June 5, 2019

Dyshimeve të Tites, i shtohet edhe deklrata e zëvednës presidentit të Federatës braziliane të futbollit. Ky i fundit ka deklaruar për mediat vendase që Nejmar nuk është në gjendjen e duhur psikologjike për të qenë në Kupën e Amerikës.

Diçka e tillë do të ishte padyshim tronditëse për Nejmar, me brazilianin që është një ndër lojtarët më të rëndësishëm të Kombëtares së tij, që këtë edicion të Kupës së Amerikës e organizon në shtëpi.

Ky problem vjen pak ditë para fillimit të Kupës së Amerikës, ku Brazili është favoriti i këtij kompeticioni. Sot të gjithë fansat janë qetësuar. Nejmar është parë duke punuar lirshëm në palestër. 27-vjeçari ka folur për mediat braziliane dhe është shprehur se është i gatshëm për ndeshjen e parë të fazës së grupeve ndaj Hondurasit.

Federata Braziliane e Futbollit nuk jep shumë informacione rreth asaj që do të ndodhë këto ditë me Nejmar. Akoma nuk ka të dhëna nëse ylli i Parisit do të bashkohet menjëherë në stërvitje, apo do i duhen edhe disa ditë kohë për të qenë në gjëndje optimale.

Një pyetje ngacmuese e një gazetari ishte se cilin mes Mbape dhe Nejmar do të donte në Madrid. 68-vjeçari ka zgjedhur Mbape dhe ka lëshuar një deklaratë të fortë për Nejmar. “Do të zgjidhja Mbape. Nejmar? Fëmijët po simulojnë duke u hedhur vetë në tokë falë tij”, u shpreh legjenda spanjolle.
Del Boske është një nga figurat më të larta të futbollit spanjoll dhe botëror. Ai ka arritur të fitojë një Botëror dhe një Kampionat Evropian me Spanjën dhe ka ngritur Championsin me Realin e Madridit. Në karrierën e tij në stol ka drejtuar edhe gjigantët turq të Beshiktashit.

Megjithatë një mundësi e re ka dalë në horizont. Kutinjo gëzon një shoqëri shumë të ngushtë me Nejmar. Burime të “Sport.es”, tregojnë se 27-vjeçari i Parisit e shtyn mesfushorin t’i bashkohet atij në “Parc de Princes” për të formuar dyshen spektakolare të kombëtares braziliane. Të dy lojtarët luajnë në të njëjtin krah dhe mrekullojnë më kombinimet dhe spektaklin që dhurojnë me Brazilin.

Vetë Kutinjo, duke parë situatën që ndodhet, nuk do e mohonte një transferim të tillë. Gjithsesi kalimi rekord i Nejmar nga Katalunja në Francë ka krijuar një hendek të madh mes marrëdhënieve të dy klubeve, që do të thotë se do të jetë një kalvar i gjatë për të arritur deri tek zyrtarizimi.

Futbollisti brazilian është dënuar me tri ndeshje pezullim për goditjen me grusht që i bëri një tifozi në fund të finales së Kupës së Francës ndaj Renesë më datë 27 prill.

Pavarësisht dënimit, Nejmar do të jetë i gatshëm për trajnerin Tomas Tuhel në ndeshjen e parë të sezonit të ardhshëm.

Neymar met une pêche à un rennais pic.twitter.com/uXgU3R2l5Y

— Claude vaillant (@vaillant92100) April 27, 2019

Pezullimi prej tri takimesh do të shlyhet me dy ndeshjet e javës së fundit dhe të parafundit të këtij sezoni si dhe me takimin e “Trofeut të Kampionëve”, ndeshje kjo që do të zhvillohet në Kinë.

Për këtë braziliani është dënuar me tre ndeshje pezullim, që do të thotë se do i duhet të kthehet për të luajtur në Champions në muajin tetor. Megjithatë ai do ta apelojë çështjen. Sipas “L’Equipe”, 27-vjeçari do ta çojë vendimin për rishikim në gjykatën e apelit që ndodhet në Nion të Zvicrës. Seanca akoma nuk ka një datë të saktë. Duke parë rastet e mëparshme të shqyrtuara nga kjo gjykatë, me shumë mundësi dënimi i Nejmar do të reduktohet.