Fekir ishte pothuajse i Çelsit, zbulohet kush e bllokoi marrëveshjen!

Sport Ekspres — Fri, 17 Aug 2018 16:46:17 +0000

Nebil Fekir ishte një nga objektivat e Çelsit gjatë merkatos së verës, por në fund ai qëndroi te Lioni. Sipas anglezes “The Sun”, drejtuesit ishin gati për të investuar për shërbimet e 25-vjeçarit francez, i cili u shpall Kampion Bote në Rusi, por diçka të tillë e frenoi Mauricio Sarri.

Fekir luan në rolin e organizatorit, por bën mirë dhe sulmuesin dhe sezonin e kaluar ishte një ndër më të mirët e Lionit. Pikërisht roli i tij në fushën e blertë ka frenuar trajnerin italian.

Shkaku? Sarri preferon Hazardin dhe Uillian, kështu që afrimi i francezit që ka shënuar 45 gola me Lionin, do të sillte probleme në formacionin e londinezëve.

Çelsi fiton konkurencën, Abramoviç gati milionat për sulmuesin francez

Sport Ekspres — Tue, 07 Aug 2018 14:52:08 +0000

Një sulmues francez për Çelsin e Sarrit. Klubi londinez është pranë arritjes së marrëveshjes me sulmuesin e Lionit, Nebil Fekir. Siç citon “The Sun”, anglezët kanë fituar konkurrencën me klube si: Bajern Mynih, Real Madrid, Liverpul dhe Mançester Junajtid për të siguruar shërbimet e lojtarit të kombëtares franceze.

Abramoviç është gati për të paguar një shumë, që varion nga 50-60 milionë euro, duke përforcuar repartin ofensiv të Mauricio Sarrit. 25-vjeçari ka pesë vite që aktivizohet me ekipin e Lionit, ku numëron 45 gola të shënuar në 115 ndeshje.

Fekir ishte pjesë e ekipit francez, që u shpall Kampione Botë në Rusi, dhe tashmë është gati për të hedhur hapin e madh në karrierë, duke u transferuar tek “Blutë” e Londrës.