Së fundmi ai ka folur për sfidën e Europës me Hapoel Ber-Sheva dhe Shtubina e pranon se çdo kundërshtar në arenën ndërkombëtare është i fortë. Izraelitët nuk ishin të preferuarit e kurbinasve, por do të duhet të përballen me ta.

“Kur morëm vesh shortin e dinim që ishte e fortë, në Europë ashtu janë të gjitha ekipet. Ne do e provojmë, do japim maksimumin dhe më pas të shohim”, deklaron Shtubina për Supersport. Gjithsesi ai nuk dorëzohet.

“Duhet të mbrohemi fort, nëse kemi fat, pse jo edhe të shënojmë. Nuk duhet të dorëzohemi, futbollit nuk i dihet. Klubi po punon edhe për sezonin e ardhshëm dhe do jemi më të fortë. Vitin e shkuar patëm pak probleme. Afrimet e bëra nuk janë vetëm për Europën, por edhe për kampionatin. Me këto lëvizje besoj se sërish do jemi kandidatë për të marrë pjesë në kupat e Europës”.

Bardhezinjtë, edhe pse nuk ishin favoritë, ia dolën të kualifikoheshin në turin e dytë dhe i surprizuan të gjithë. Shtubina, në RTSH Sport ka deklaruar: “Besoj se në futboll duhet të kesh besim, pasi asgjë nuk parashikohet dhe prandaj është i bukur. Kundërshtari në letër është shumë i fortë. Edhe vjet ishte kështu, por e eliminuam Anorthosis Famagusta. Nuk mund të bëj premtime që kalojmë turin, por do bëjmë atë që dimë”.

Shkodrani, më tej flet edhe në lidhje me përgatitjet dhe gjendjen e skuadrës: “ Faza po ecën mirë, fatmirësisht nuk kemi dëmtime. Besoj se çdo gjë do të shkojë mirë. Mirë do ishte të luhej ndeshja e parë atje. Gjithsesi këtu dimë të luajmë dhe ata do kenë vështirësi me ne, pasi nuk na njohin ne dhe kampionatin tonë. Duhet besuar deri në fund”.

LAÇI – “Besoj se po, pasi kam zhvilluar një sezon të mirë, si me gola, ashtu edhe ndeshje të luajtura. Kam ndërruar shume role në loje e kjo është diçka pozitive. Ndihem shumë mirë këtu te Laçi, sepse më përshtatet çdo gjë. Në futboll ndodh çdo gjë dhe ende nuk mund ta them me siguri nëse do të jem edhe sezonin e ri tek Laçi apo jo. Deri pas ndeshjeve të Kupave të Europës është e sigurt se do të jem pjesë e Laçit. Pas ndeshjeve europiane do flas me presidentin, por dëshira ime është të rri këtu edhe sezonin e ardhshëm”, është shprehur Shtubina.

VLLAZNIA – Ai ka folur edhe për skuadrën e qytetit të tij, Vllazninë. “Nuk mund ta shikoja Vllazninë duke luajtur në Kategorinë e Pare, sepse nuk i shkon kësaj skuadre. Besoj që Vllaznia ka ‘zënë mend’ nga gabimet dhe s’besoj që të jetë më në këtë gjendje”, shprehet Shtubina, i cili nuk e përjashton mundësinë e rikthimit te kuqeblutë.

“Pas ndeshjeve europiane do të isha i gatshëm të flisja me drejtuesit e Vllaznisë. Ia kam borxh një gjë të tillë, sepse falë Vllaznisë jam ky që jam sot. Tek kjo skuadër jam rritur, atje mësova çdo gjë nga futbolli”, shtoi anësori i krahut të djathtë.

RECETA – “Mendimi im është që të ruhet grupi dhe me disa blerje të lojtarëve cilësore që të ketë konkurrencë në ekip, në mënyrë që asnjëri mos ta ketë vendin e sigurt në formacion. Kështu besoj që skuadra do jetë më e fortë. Besoj se diçka do ndryshoje, sepse e thashë se drejtuesit do të kenë nxjerrë mësimet e duhura dhe do ta kenë kuptuar se ku kanë qenë gabimet që çuan në rënien e skuadrës nga Superliga”, përfundoi Shtubina.

Në një intervistë për “RTSH SPORT”, një prej protagonistëve të këtij sezonit te bardhezinjtë, Ndriçim Shtubina, u shpreh se kjo ndeshje vjen me presion për të dyja palët pasi të palët rrezikojnë përmbushjen e objektivave të tyre.

ECURIA E DOBËT – “Këto ndeshjet e fundit s’kemi pasur rezultate pozitive, futbolli i ka këto. Grupin e lojtarëve e kemi, por disa gjëra të vogla na kanë munguar në këtë fund sezoni”.

TIRANA  –  “Besoj se ka rëndësi të tjetër për të dy skuadrat. Është një ndeshje vendimtare për të dyja palët. Njëra palë do të digjet. Gjithsesi në futboll duhet të luash me përkushtimin e duhur  pavarësisht presionit”.

“Besoj se ishte një ndeshje e mirë dhe e bukur për t’u parë. Besoj se rezultati është i drejtë. Partizani ushtroi shumë presion gjatë pjesës së dytë, por nuk pati shumë raste”.

SHTUBINA SI SULMUES – “Vitin e kaluar kishim një treshe sulmi shumë të mirë si Nika, Uzuni dhe Rexhinaldo, prandaj mu desh të fokusohesha te detyrat mbrojtëse. Këtë sezon dikush duhet të merrte përsipër të plotësonte diçka në sulm dhe më ra mua fati ta bëja këtë detyrë”.

OFERTA NGA JASHTË SHQIPËRISË NË TË SHKUARËN – “Unë kam pasur dy tre mundësi për t’u larguar nga Shqipëria, por nuk janë realizuar për fatin tim të keq. Atëherë nuk kam pasur menaxher personal, por personat te klubi i Vllaznisë nuk kanë ditur si t’i zgjidhin disa probleme. Gjithsesi nuk u dorëzova kurrë dhe vazhdova të luaja në Shqipëri”.

TRAJNERËT – “Kemi pasur 4 ose 5 trajnerë këtë sezon (qesh). Ka trajnerë që duan të luajnë me disa skema edhe kur nuk i kanë lojtarët e nevojshëm për atë skemë të caktuar”.

POZICIONI I PREFERUAR – “E kam të vështirë për të zgjedhur, por roli që po më pëlqen më shumë është mbrojtësi i djathtë. Duke parë moshën time, ndihem më rehat aty”.

PARTIZANI – “Besoj se Partizani e meriton kampionatin. Muajt e fundit nuk janë më agresivë. Kur duan të fitojnë ndeshje si ndaj nesh hasin vështirësi. Kur mbrohen i marrin pikët. Ndoshta kjo ndodh ngaqë kanë lojtarë të rinj dhe s’janë mësuar të fitojnë kampionatin”.

VLLAZNIA – “Besoj se çdo njeri do të kishte dëshirë që të luaj në ekipin e qytetit të fëmijërisë. Do të më pëlqente të rikthehesha te Vllaznia, por për momentin nuk përputhen shumë gjëra”.

KONTRATAT – “Në futbollin tonë nuk bëhen kontrata të gjata, pasi ndodh që futbollistët rehatohen dhe fillojnë të mos bëjnë stërvitje siç duhet. Këtu te Laçi presidenti ka qenë shumë korrekt me pagat. Kjo ka qenë një ndër arsyet që vendosja të vijoja me këtë skuadër”.

Gjysma e parë e sezonit ishte e mirë. Me bardhezinjtë luajti rregullisht titullarë dhe shënoi dy gola. Në verë pati një ofertë nga Trepça ’89. I drejtpërdrejtë me presidentin Pashk Laska, i cili i tha troç: “Ik, mos e humb atë kontratë”. Gjithsesi nuk u konkretizua asgjë dhe shkodrani mbeti pjesë e Laçit. Më mirë për të dyja palët. Dje ai shënoi golin rekord, të tetin personal brenda një kampionati. Në vitin 2014 me Vllazninë kishte shënuar 7 herë.

https://www.instagram.com/p/BwfDAcMgyEF/?utm_source=ig_share_sheet&igshid=z0wauf2fzt2l

Shtubina është shënuesi më i mirë i Laçit këtë sezon, ndërkohë që nuk duhet harruar se e ka nisur shpesh herë si mbrojtës këtë sezon. Ndoshta, po të luante çdo ndeshje në majë të sulmit, apo në krahë, me siguri do e kishte edhe ndonjë gol më shumë. Gjithsesi shifrat janë këto që janë dhe për anësorin 32-vjeçar mbeten të mira.

Katër prej golave të Shtubinës këtë sezon kanë qenë trepikësh, pasi ka shënuar në fitoret 1-0 ndaj Skënderbeut, Partizanit, Kamzës dhe Luftëtarit. Gjithmonë për Laçin ai ka shënuar golin e parë, që sikurse dihet është vendimtar në një ndeshje. Po t’i përkthejmë golat e tij në pikë, në 22 prek pikëve të marra Shtubina ka qenë shumë i rëndësishëm. Deri në fund ka sërish ndeshje dhe Laçi ka nevojë për golat e tij, ndërkohë shkodrani mund të thellojë rekordin. Përpara është Partizani…

E kanë bërë edhe në fazën e dytë, kur shënonte një gol trepikësh Ndriçim Shtubina. Shkodrani u ka shënuar edhe fazën e parë bluzinjve dhe do të jetë i gatshëm për trajnerin Sulejman Starova të dielën. Anësori mungoi kundër Kukësit për shkak kartonësh, por tanimë e ka shlyer pezullimin.

Stafi teknik një sy e ka edhe tek Abdurrahman Fangaj, i dëmtuar  në ndeshjen me Tiranën në kampionat. Gjasat janë që edhe këtë fundjavë ai të mungojë, por gjatë këtyre ditëve do të shihet më mirë gjendja e mbrojtësit të djathtë.

“Skuadra ka marrë formën që duhet, atë formë që duhet ta kishim marrë me kohë, por futbolli kështu është. Jemi afruar afër kreut, por nuk ka mbaruar asnjë gjë. Me një humbje mund të largohemi shumë shpejt. Kemi cilësi dhe jemi të motivuar. Të qëndrojmë me këmbë në tokë e të shohim përpara”.

“Besoj se është rikthyer entuziazmi edhe tek ne. Kishim disa javë që merrnim vetëm barazime, kjo javë foli për Laçin. Tani kampionati është bërë shumë i fortë. Çdo skuadër duhet të bëjë shumë kujdes, pasi një humbje të kushton shumë”.

KUKËSI – “Duhet të përfitojmë nga kjo situatë. Kukësi vjen nga një humbje dhe trajneri i tyre është shkarkuar. Është një ndeshje vendimtare për ne. Kukësi është një skuadër me lojtarë cilësorë që janë të aftë të të godasin në çdo moment. Duhet të tregohemi shumë vigjilentë. Nëse na përmendet objektivi ne fillojmë  e trembemi (qesh)”.

TITULLI ÇËSHTJE E MBYLLUR ? – “Besoj që po. Partizani e ka treguar se e meriton ta fitojë kampionatin. Ka qenë skuadra më e mirë, kanë marrë më shumë fitore se kushdo tjetër. Nuk e pashë ndeshjen ndaj Luftëtarit, por nga kronika shikoj që nuk kanë krijuar shumë raste. Ndoshta ka të bëjë motivimi arsyeja kryesore, ndoshta e kanë marrë ndeshjen lehtë. Gjithsesi meritat i takojnë Luftëtarit. Të shënosh tre gola nuk është pak”.

TIRANA – “Tirana çdo ditë është marrë me: Laçi po na godet! Laçi po na bën presion etj. Gjëra që nuk janë të vërteta. Nuk është më dhënë mundësia të flas më përpara për sherrin. Presidenti jonë thjesht po debatonte me arbitrin. Po na bëjnë gogol. Ai rast na motivoi më shumë dhe kjo u pa në ndeshjen e kthimit ku na penalizuan dy gabime. Unë nuk i uroj asnjë skuadre rënien. Por nga renditja rrezikojnë. Kastrioti po fiton dhe presioni do t’i shoqërojë deri ne fund. Gjithsesi, mund të them se ata luajnë një futboll të mirë”.

Ndodhte të shënonte aq në sezonin 2013/14 me fanellën e Vllaznisë. Një numër të tillë Shtubina e ka realizuar në 30 ndeshje, kurse këtë sezon me Laçin i ka realizuar në 22 takime. Sigurisht Shtubina i gëzohet golave të shënuar dhe ua shpërblen kështu kurbinase, që besuan tek ai pas një gjysmë sezoni për t’u harruar te Kukësi.

VLERA E GOLAVE – Sa herë Shtubina ka shënuar në kampionat, Laçi nuk është mposhtur. Goli i fundit që kishte realizuar ishte ai në Durrës kundër Teutës. Në atë takim bardhezinjtë barazuan 1-1, kurse në takimet e tjera kurbinasit kanë marrë pikët e plota.

E veçanta është se Shtubina për Laçin, sa herë ka shënuar, ka realizuar golin e parë. Pikërisht ai është shumë i rëndësishëm në Superiore. Kundër Luftëtarit në shtëpi shënoi atë të barazimit 1-1 dhe Gjoni në fund i dha fitoren kurbinase. Në Gjirokastër, në Kamzë dhe në takimin e fundit shënoi gola trepikësh. Kundër Tiranës dhe Skënderbeut ka shënuar golat e avantazhit dhe në fund Laçi ka marrë pikët e plota.

“Besonim që do reagonim pas disa ndeshjeve jo të mira. Mënyra se si shkoi loja them se e merituam fitoren. Kështu, me këtë lojë, do fitojmë. Me këtë triumf rikthehet edhe qetësia”, tha mes të tjerash Shtubina.

“Nuk ishit projektuar titullar, si u karikuat? Jam i pjekur dhe i pranoj zgjedhjet e trajnerit. Janë zgjedhjet taktike të tij, nuk qëndroj në stol për arsye forme”, u shpreh shkodrani i kurbinasve, i cili në fund foli edhe për pozicionin e tij të vështirë. “E kam të vështira ta them, pasi kam luajtur në shumë pozicione. Krahu i djathtë dhe si sulmues më pëlqen më shumë”.

Verën e shkuar ishte Kukësi që e mori në skuadër, por Mladen Milinkoviç e përdori vetëm kur i duhej në mbrojtje. Më së shumti i besoi të riut Valon Ethemi. Në dhjetor verilindorët e lanë të lirë. I duhej besim dhe motivim. E gjeti te Laçi, aty ku u bë një nga lojtarët më të rëndësishëm.

Ky sezon ka nisur më së miri për Shtubinën. Shkodrani është shënuesi më i mirë i kurbinasve, teksa ka gjetur rrugën e rrjetës 6 herë në kampionat. E kemi parë të luajë në majë të sulmit, në krah të mbrojtjes, në qendër dhe të krah të mesfushës. pavarësisht kësaj Shtubina kur del para portës di të shënojë. Eksperienca e tij vlen shumë.

Po të shikosh sezonet e mëparshme, “xholi” shkodran ka shënuar maksimalisht shtatë gola në sezonin 2013/14. Atëherë Laçi i bëri ofertë, por Shtubina zgjodhi Flamurtarin. Gjërat nuk i shkuan mirë në Vlorë dhe vetëm janarin e shkuar u bind të vishej bardhezi. Tanimë është vetëm një gol larg rekordit të tij personal.

Sulmuesi u ndëshkua me karton të verdhë kundër Tiranës dhe kështu nuk do të mund të luajë të shtunën. I riu kurbinas ka qenë titullar në të gjitha ndeshjet e deritanishme, përjashto sfidën me Kukësin fazën e dytë, që e humbi për shkak të kartonit të kuq që mori kundër Teutës.

Trajneri Prenga duke të mendojë zgjidhjen dhe me shumë mundësi do të jetë Ndriçim Shtubina ai që do të zhvendoset në të majtë. kështu në qendër të sulmit mund të luajë Marjan Altiparmakovski, Gjithsesi duhet pritur e parë se çfarë do të ndodhë në seancat stërvitore të kurbinasit gjatë këtyre ditëve.

Titulli – “Jo, nuk flasim dot për titull, sepse nuk kemi ekip që të mbajë presionin e garës për kreun, por jemi të kënaqur, po ecim mirë me lojë dhe pikë.”

Pozicioni i preferuar? – “Më pyesin shpesh. Unë dua minuta, ato më mbajnë në formë. Nuk ka rëndësi roli. Trajneri vendos ku luaj dhe për mua rëndësi ka të jem i dobishëm.”

Ndryshimi nga Laçi i vjetshëm? – “Sulmi është rinovuar tërësisht, por skuadra nuk e ka humbur grintën dhe dëshirën për fitore, ndaj jemi të qetë. Jemi munduar t’i zëvendësojmë sulmuesit, por duhet koha e vet. Kampionati është i fortë, duhet t’i shohim ndeshjet një nga një. Duan kohën e vet, të ambientohen dhe të kapin maksimumin e formës fizike.”

“Pozicioni? Me çfarë më kanë thënë, në mbrojtje ndihem mirë. Për mua është me rëndësi të luaj. Trajneri e di se ku luaj”.

“Titulli? Është e vështirë të flasësh për titull, jemi skuadër me djem të rinj. Nuk mund t’i ngarkosh me presion. Jemi skuadër e mirë. Kemi disa lojtarë që po punojnë të diferencuar për të marrë ngarkesën e duhur. E sigurt është që ne do të jemi më të fortë”.

“Gjendja fizike? Kam krijuar stabilitet dhe regjim, që të luaj sa më shumë. Por edhe stërvitja është e mirë. Unë mundohem të jap maksimumin. Ana fizike më ka mbajtur, pasi askush nuk të fal gjë në fushë”, përfundon shkodrani i kurbinasve.