Tekniku krutan diskutoi në emision në lidhje mbi eksperiencën e tij tek ekipi verilindor, ku për disa muaj mbajti postin e drejtorit të përgjithshëm dhe trajnerit.

KUKËSI – ““Nëse Kukësi do të kishte marrë një trepikësh me Teutën gara për kampionat do të hapte gjithçka. Këtë e them se ky kampionat ka një ndryshim nga kampionatet e tjera, pasi çdo ekip lufton për diçka”.Mendoj që ka vetëm një të keqe skuadra e Kukësit ndryshojnë shumë lojtarë në çdo sezon. Partizani këtë vit tregoi një futboll cinik për të marrë rezultatin. Avantazhi i tyre ishte numri i pakët i ndryshimeve, ndërsa Kukësi ndryshon çdo sezon. Nëse do të mbajnë këtë grup lojtarësh për sezonin që vjen besoj se do të jetë një skuadër shumë e mirë”

GJICI – “Unë presidentin Gjici e kam mik dhe ai ka një dobësi që i merr vendimet për të ndryshuar trajner e lojtarë shumë shpejt. Me kalimin e kohës kam besim  se do ta kuptojë se në futboll duhet të jesh i duruar e gjakftohtë. Çdo vendim duhet të merret kur të ketë kaluar ai momenti i mërzisë përsa i përket trajnerëve”.

KALIMI NË STOL DHE SHKARKIMI –  “Unë kur shkova te Kukësi mu dha detyra e drejtorit dhe i kisha thënë që s’kisha dëshirë që të afrohesha si trajner. Ishte një moment shumë i vështirë. Presidenti donte patjetër për t’u afruar me Partizanin, ndërsa kundërshtari kishte lirinë për shkak të distancës. Kishte shumë presion nuk na lejohej as barazimi. Në një moment patëm një përplasje të lehtë fill pas ndeshjes dhe u largova. Gjithsesi këto janë gjëra që ndodhin në futboll. Një këshillë miqësore është që të jetë më i durueshëm dhe trajnerët që do të marrë t’i lërë të punojë lirshëm”.

PARTIZANI – “Partizani është një skuadër që e ka mbrojtjen më të konsoliduar, është e vështirë t’i bësh gola. Mesfusha luan shumë shpejt me topin dhe qëndrojnë mbrojtjen. Do të thosha që dy anësorët Mala dhe Asani janë pika më e fortë e Partizanit. Në lojë një kundër një meritojnë notën dhjetë. Në futboll po fitove këto duele të krijohen avantazhe. Dënimi i Skënderbeut solli rënien e kampionatit pasi skuadrat që e ndiqnin u mjaftuan me një merkato të thjeshtë pa shumë shpenzime. Kukësi që ishte rivali kryesor i zhvilloi të gjitha ndeshjet në fushë asnjanëse, ndërsa Teuta pati shumë luhatje. Pa ia hequr meritat Partizanit që është një skuadër kompakte që nuk mungon cilësia, por duhet thënë se ka ndikuar dhe këto situata të skuadrave rivale”.

SHKURTAJ – “Të them të vërtetën më erdhi keq për Shkurtajn. Jam shumë i kënaqur nga çfarë bëri sidomos në fazën mbrojtjes ku i kreu porositë që unë i kisha dhënë. Gjithashtu krijoi shumë raste për shënim, por i mungoi fati. Shkurtaj akoma nuk është përshtatur me ekipin tonë, por jam i sigurt se në përfundim të kampionatit ai do jetë sulmuesi më i mirë në Shqipëri”.

TEQJA NË MESFUSHË – “Ngaqë ne na interesonte dhe barazimi, prandaj u fokusova për të qenë më të fortë në fazën mbrojtëse. Limaj dhe Rroca janë lojtarë që dinë të nxjerrin topa, por skuadra sot bëri një lojë shumë të mirë në fazën mbrojtëse me Teqen dhe Dzarian”.

RIVALËT E KUPËS – “Punuam shumë në aspektin psikologjik për këtë ndeshje, pasi rezultati të duket sikur të ndihmon, por edhe mund të na ndihmonte. Kupa kërkon përqendrim maksimal, nuk është si në kampionat, që kur gabon mund ta rikuperosh. Të tre kundërshtarët meritojnë respekt maksimal”.

“Ndeshja me Partizanin është e rëndësisë së veçantë, pasi kanë kryesuar gjatë gjithë kampionatit. Gjatë kësaj periudhe jam i kënaqur me punën e bërë. Kemi avantazhe dhe jemi më të etur për të marrë pikët, si dhe jemi një skuadër që mund të rivalizojmë deri në fund. Duke krahasuar dy skuadrat, kemi avantazhe. Shoh më shumë mobilizim për të marrë fitore. Kuptohet do shumë shumë punë, pasi Partizani jo kot është në krye.”

“Partizani ka mbrojtjen më të mirë? Nëse ata kanë mbrojtjen më të mirë, ne kemi sulmin. Jemi munduar të punojmë me kujdes, e kemi ndjekur Partizanin me kujdes. Me sulmin që kemi mendojmë ta çajmë kundërshtarin. Sulmi nis nga mbrojtja dhe jemi munduar të qarkullojmë topin dhe të dalim para portës. Kemi lojtarë që në fund duhet ta zgjidhin.”

“I dime mungesat e kundërshtarit. Jam trajner që nuk i njoh mungesat. Edhe ata që janë në stol japin më shumë kur u vjen momenti. Ndoshta Shameti, që është një shtyllë, është një goditje. Na mungon Ethemi, që hyn te mungesat e rëndësishme. Këta të stolit do japin më të mirën.”

“Gara për titull është e hapur deri sa lejon matematika. Nuk kemi presion. U kam thenë futbollistëve, të tregojmë se jemi skuadër e mirë jo vetëm në letër. Futbolli të sjell edhe humbje, apo barazime. Ne duam të fitojmë dhe do bëjmë maksimumin.”

“Sulmi me dy lojtarë? Do të vazhdojmë me të njëjtin rreshtim. Këto 10 ditë jemi munduar të pasojmë punën e bërë përpara. Nuk duhen ndryshime të mëdha. Nuk ka asgjë nëse ndonjë nga sulmuesit e nis nga stoli. Na kthehen Rama e Korderio dhe do jemi të frikshëm në sulm. Në këto moment skuadra do vazhdojë me lirshmërinë e vet. Do ndërhyj në disa gjëra të vogla.”

“Ju e njihni presidentin, ai gjithmonë ka objektiva. Unë jam dakord, që sa kohë lejon matematika, do pretendojmë. Nëse fitojmë, atëherë realisht jemi në garë.”

“Fusha? Kjo skuadër sivjet meriton fjalët më të mira, pasi të gjitha ndeshjet i ka luajtur jashtë. Elementi fushë ndikon shumë. Jemi mësuar dhe nuk është shumë problem.”

“Do luajmë në sulm, por nuk do harrojmë mbrojtjen. Duhet ekuilibër. Në vijën e parë kemi lojtarë shumë të mirë dhe puna jonë është fokusuar aty.”

“Çmimi i biletës? Nuk më përket mua kjo pjesë. Ashtu e ka parë të arsyeshme klubi. Jemi menduar për fushën, nuk ishte strategji. Fusha në Elbasan nuk ëshët shumë e mirë, në Shkodër është më mirë. Po të isha tifoz, do shkoja dhe do blija biletën 10 mijë lekë”, përfundoi Ndreu.

Një lajm i mirë për Kukësin ka ardhur në pjesën e dytë, pasi Musolli u aktivizua dhe luajti minutat e para që nga viti i kaluar, ku pësoi një dëmtim shumë të rëndë. Rikthimi i kapitenit ka entuziazmuar edhe lojtarët e verilindorëve, me Simo Rrumbullakun që shkroi në Instagram: “Legjenda u rikthye!”.

Vetë Rrumbullaku, së bashku me Cuculin, thjesht kanë kryer disa vrapime të lehta rreth fushës, por në ndeshjen kundër Partizanit, do të jenë të gatshëm për trajnerin Ndreu.

Miqësore

Kukësi – Korabi   2-1
Shënues: Et’hemi, Rama

Ndreu do të debutojë kundër Partizanit në kampionat, një sfidë që mund të vendosë dhe titullin kampion. Një debutim aspak i lehtë për Ndreun, por për teknikun ka lajme të mira. Siç mëson “SportEkspres.com”, te Kukësi ka rikthime të rëndësishme. Cuculi, Rrumbullaku dhe Uilliam Kordeiro do të jenë të gatshëm në ndeshjen kundër “Demave”.

Megjithatë, kapiteni Shameti është ai që shqetëson, me mbrojtësin gjirokastrit që pritet të mungojë për 3 javët e ardhshme. Titulli kampion është një objektiv ende i arritshëm për verilindorët, por nuk duhet të bëjnë më hapa fals, duke filluar që nga ndeshja kundër Partizanit.

“Reagim!

Duke iu referuar artikullit të botuar në gazetën ‘Panorama Sport’ ditën e sotme, bëjmë me dije të gjithë opinion sportiv, se Futboll Klub Kukësi asnjëherë nuk është përfshirë dhe as nuk do të përfshihet në situata të tilla, për të ndikuar në rezultatet e klubeve kundërshtare, pasi ne interesohemi vetëm për ecurinë e skuadrës sonë.

Drejtori i Menaxhimit në klubin tonë, Ramadan Ndreu, gjatë ndeshjes Kastrioti – Flamurtari ndodhej si ish-drejtues në këtë përballje, pasi ai është edhe banor i qytetit të Krujës.

FK Kukësi njofton, se në rast përsëritje të situatave të tilla do t’i drejtohemi organeve kompetente, pasi nuk lejojmë që të prishet imazhi i klubit me SHPIFJE të ulëta”.

Është një mundësi e mirë për t’u kthyer te fitorja, pas mbylljes zhgënjyese të vitit, që zbehu disi ecurinë perfekte të muajve të parë të sezonit.

Në stërvitjen e sotme Kamza ka qenë e plotë, sepse tashmë është bashkuar me ekipin edhe Masato Fukui. Japonezi nuk mundi të shkonte në Turqi dhe minifazën e janarit praktikisht e bëri te Kastrioti, për të mos mbetur pas në aspektin fizik.

Ndërkaq, trajneri Ramazan Ndreu deklaron se merkatoja e janarit e ka kompletuar Kamzën, por pritet edhe një qendërmbrojtës: “Për sa i përket fazës në Antalia, ishte pak e ngjeshur, sepse luajtëm shumë ndeshje, por na shërbyen, sepse dihet që kur ka shumë ndeshje, skuadra është në ritmin e vet. Mendoj se merkatoja ka qenë e mirë, kemi afruar Zguron në mbrojtje dhe Zeqirin në mesfushë. Pretendojmë që të afrojmë edhe një qendërmbrojtës, që na duhet patjetër për të kompletuar ekipin. Nëse arrijmë të gjejmë një qendërmbrojtës cilësor, të aftë të zëvendësojë pak a shumë Fushtarin, mendoj se do jemi në rregull.

“Për sa i përket ndeshjes me Laçin, do të jetë shumë e vështirë, sepse Laçi ka treguar vlera deri tani dhe është një skuadër agresive dhe në momente të bveçanta të hap probleme,. Megjithatë, jemi përgatitur që në ndeshjen me Laçin të kthehemi te fitorja, sepse në përfundim të dy fazave kemi lëshuar pak, ndaj na duhet patjetër një fitore që do të na jepte siguri e garanci për renditjen”.

Në Korçë do të habiten paksa: po Ilir Daja, që kryeson bindshëm, nuk është arkitekt suksesi? E drejtë, Ilir Daja është trajner i nivelit shumë të lartë, por këtë sezon po korr frytet e punës së bërë që sezonin e shkuar, jo vetëm prej tij, sepse Skënderbeu i ka themelet të forta. E kundërta vlen për Flamurtarin e Kamzën, dy surprizat pozitive të këtij sezoni, të paktën deri tani. Nëse Partizani ka dështuar në 10 javët e para dhe Kukësi ka shumë luhatje, Flamurtari është rikthyer i frikshëm dhe Kamza po na del një ekip “mistrec”, që nuk respekton askënd, ndal Skënderbeun kryesues dhe me pak fat mund të ishte edhe më lart në renditje. Kush e ka ndjekur futbollin veror, zor se do të vinte bast për këto dy skuadra, që u bënë nga e para. Arsyeja e suksesit? Mund të gjendet fare mirë te trajnerët, ata janë “timonierët” që morën përsipër ndërtimin e skuadrës dhe lidhjen e lojtarëve me njëri-tjetrin.

DURO RIKTHEN SHPRESËN NË VLORË – Prej disa sezonesh Flamurtari ka lundruar në ujra të turbullt, shumë të turbullt. Fitoi Kupën e Shqipërisë në vitin 2014, por ajo ishte një mrekulli e bërë realitet me shumë vuajtje, në një sezon ku mbijetesa u arrit me vështirësi dhe ku problemet financiare bënë që në Vlorë të qëndronin shumë pak lojtarë të mirëpaguar, duke sakrifikuar jo pak në anën financiare. Më pas nisi epoka turke dhe problemet u shtuan katërcipërisht, për arsye që janë trajtuar me qindra herë. Paratë nuk munguan kurrë, por mungoi menaxhimi i duhur dhe vetë administratori Sinan Idrizi e ka pranuar se ka gabuar në aspektin sportiv. Për këtë arsye, pasi siguroi në javën e fundit mbijetesën sezonin e shkuar, konfirmoi Shpëtim Duron në stol dhe i tha: “Boll më, nuk merrem fare me këtë punë dhe nuk do merret askush veç teje. Bëj ç’të duash, ndërto skuadrën nga e para nëse dëshiron, më sill faturën në fund”. Duro, nga ana e vet, ishte betuar që në prill dhe thoshte i bindur: “Kam një skuadër që paguhet si kampione dhe ka rezultate mbijetese. Nëse nuk biem nga kategoria dhe Idrizi më jep besim, do rindërtoj gjithçka me gjysmën e shpenzimeve. Më mjafton vetëm një gjë: siguria financiare”.

U tha, u bë: Sinan Idrizi këtë radhë po i bën gjërat si duhet, sepse ka kuptuar se lufta e tij kundër sistemit, beteja për privatizimin e klubit dhe dalja nga informaliteti e borxhet pa fund, duhet të vazhdojë në një linjë më vete, larg skuadrës. Duro i largoi thuajse të gjithë, kërkoi me ngulm vetëm një lojtar nga sezoni i shkuar: Tomisllav Bushiç. Në sulm është një pikë referimi dhe kur është mirë fizikisht, është i pandalshëm. Qëndruan edhe Mersini, ndër më pak të paguarit nga sezoni i shkuar, Veliu e Hyseni, dy vlonjatë, si dhe Jakovljeviç e Danilo Alvesh. Të tjerët, të gjithë të lirë.

Nurkoviç mori çelësat e portës dhe nuk ka zhgënjyer, Musta është një përforcim i shkëlqyer edhe për moshën e tij të re, Bicaj i ka dhënë muskuj e centimetra qendrës së mbrojtjes, Siljanovski ishte ndër më të mirët në Maqedoni dhe duket një tren në krahun e djathtë. Pollozhani ka një eksperiencë të jashtëzakonshme dhe mbush gropat në mesfushë e mbrojtje, Useini është një “Robocop” në miniaturë, Zhufo ka finesë braziliane dhe krose të shkëlqyer, Sidibe e Kamara janë dy investime fenomenale, sepse klubi ka të drejtë t’i blejë kur të dëshirojë. Meqë duhet ndonjë vlonjat, u kthyen Liçaj e Ardit Hoxhaj dhe ky i fundit është një zbulim, sepse nga mbrojtja në sulm kalon me një shpejtësi të admirueshme dhe gjithashtu di të pasojë e të shënojë.

Fitorja e madhe e Duros është që gjithë këta lojtarë, që nuk njiheshin me njëri-tjetrin, në pak javë i bëri ekip. Mund të quhet ekipi më i fortë fizikisht dhe më i zoti në lojën në ajër, por me një qarkullim topi të admirueshëm, siç u pa edhe ndaj Skënderbeut. Nëse pastaj në janar vjen ndonjë mesfushor cilësor, gjithçka do të jetë edhe më e bukur. Të shihje tifozët e Flamurtarit që duartrokisnin e festonin me lojtarët, pas Skënderbeut, do të thotë shumë. Rrallë në Vlorë të thonë “bravo” pas një barazimi, por të enjten të gjithë ishin dakord, ky Flamurtar më në fund është kthyer i bukur dhe i frikshëm. Meritë e Duros, një arkitekt i vërtetë, sepse misionin e ndërtimit të skuadrave nga zero e ka qejf, e ka bërë shpesh, nga Kavaja e deri te Partizani, me sukses.

NDREU DHE KRYEVEPRA KAMZA – Së pari, është vetëm fillimi, nuk duhet kaluar në eufori dhe në Kamzë kësaj i druhen më shumë. Megjithatë, si pa dashje, po u shket goja: Po sikur të shkojmë në Europë? E provoi Luftëtari sezonin e fundit, e meritonte plotësisht Europën, por nuk i eci mbarë, jo për faj të vet. Nga një debutuese te tjetra, por këtë radhë Kamza habit më shumë se Luftëtari, sepse Ndreu është detyruar ta ndërtojë skuadrën thuajse nga zero.

Erlis Frashëri, Leo Lelis, Mehmeti, Ymeraj dhe Rezi qëndruan nga sezoni i shkuar, ndërsa erdhën lojtarë ekspertë, nga Halilaj në portë, te Kuqi e Raçiç. Idrizaj e Fushtar përforcuan së tepërmi mbrojtjen, që është e dyta më e mirë në Superiore, Arrabal është një zbulim i bukur, por i pritshëm, sepse ishte titullar edhe në Qipro, Imeri është një goditje mjaft interesante dhe “qershia mbi tortë”, Sebino Plaku. Asnjë skuadër poshtë 3 ekipeve të kreut nuk ka një sulm kaq të kompletuar. Pyesni Partizanin: a do të ishte kriza kaq e thellë po të kishte pikërisht dyshen Plaku-Raçiç në sulm? Ah, po, harruam, i ka pasur. Nejse, histori tjetër ajo. Ndreu besoi verbërisht te dy sulmuesit e tij, i priti deri në orët e fundit të gushtit dhe u shpërblye. Të gjithë lojtarët ishin skeptikë në fillim, por pak nga pak e kuptuan se Ndreu, kryebashkiaku Mziu dhe presidenti Qarri, e kishin seriozisht, shumë seriozisht. Qeshëm të gjithë kur dëgjonim në verë Ndreun që deklaronte se synimi ishte gjashtëshja e parë, aq më shumë që Mziu fluturonte, duke thënë se do të rivalizonte Kukësin. Tani nuk po qeshim, Kamza është një model për t’u studiuar.

Ndërtimi i skuadrës nga zero është një bast shumë i rrezikshëm dhe jo i këshillueshëm në futboll, por nëse gjendet arkitekti i duhur, gjithçka është e mundur. Shihni Duron në Vlorë e Ndreun në Kamzë.

Blerim Jahaj

Ku çaloi Kamza? “Jam i kënaqur, nuk pashë asgjë që çaloi te Kamza, ndoshta e panë gazetarët. Nuk mund të luhet në një ndeshje ku arbitrat janë nën presion kaq të madh. Isha i sigurt që arbitrat do gabonin, ishin nën presion gjatë gjithë ndeshjes. Dua të shoh edhe një herë golin që na u anulua, si dhe rastin që pretenduam për penallti. Gjithsesi, jemi një skuadër e re dhe pa shumë përvojë për ndeshje të tilla, luajtëm mjaft mirë, ndaj një kundërshtari me lojtarë cilësorë. Kishim synim të luanim me shumë kujdes në mbrojtje dhe të shfrytëzonim hapësirat që na linte kundërshtari. Ishte një episod që na ndëshkoi, humbë, por jemi në rrugën e duhur”.

Objektivi? “Ne jemi një skuadër e ndërtuar në prag të sezonit të ri, por skuadra është cilësore dhe duam mesin e tabelës. Mendoj se i kemi shanset të qëndrojmë aty, po luajmë mirë”.

Rënia në pjesën e dytë: “Nuk jam i kënaqur si në ndeshjet e tjera, ku ndërrimet kanë dhënë rezultat pozitiv. Edhe Plaku vjen nga dëmtimi dhe nuk u orientua mirë me skuadrën”.

“E kisha me shumë frikë këtë ndeshje, sepse skuadrat shqiptare në përgjithësi gabojnë pas një ndeshjeje të mirë. Pashë eufori në lojën e skuadrës, bëmë shumë gabime dhe luajtëm shumë dobët, ndaj jam shumë i pakënaqur.

“Jam munduar gjatë gjithë javës që t’ua bëj të qartë lojtarëve që çdo kundërshtar duhet vlerësuar në maksimum. Edhe media ka bërë punën e vet dhe lojtarët e kanë marrë paksa lehtë Lushnjën, ndaj lëshuam pikë dhe gabuam. Një pikë është shumë pak, duhet të bëjmë shumë më tepër, sepse skuadra ka potencial. Duhet kohë, lojtarët kryesorë si Plaku, Raçiç e të tjerët, nga të cilët pres shumë nuk morën përsipër shumë gjëra dhe ende nuk janë kthyer në liderë, por jam i bindur se do të përmirësohemi në vazhdim”.

“Kemi marrë një pikë me vlerë më shumë morale, sepse përballë ishte skuadra e Korçës dhe lojtarët normalisht kanë ngarkesë të lartë psikologjike. Mendoj se jemi në rrugën e duhur. Nuk jam i kënaqur nga loja. E kisha përgatitur gjatë javës këtë ndeshje duke bërë të ditur që arma jonë është vendosja taktike dhe moslënia e hapësirave për kundërshtarin. Në pjesën e parë nuk e zhvilluam dot, gjithashtu as daljen e shpejtë në sulm. Ndeshja ishte në disfavorin tonë dhe mendova të hiqja lojtarë me tipare mbrojtëse për lojtarë që veprojnë mirë me topin”.

Ndreu e pranon se pa Plakun është e vështirë: “Skënderbeu ka skuadër të shkëlqyer pavarësisht ndryshimeve që kishte në formacion. Ne vuajtëm shumë mungesën e Plakut, pasi ndikon negativisht edhe psikologjikisht. Edhe dëmtimi i Idrizajt na dha pak probleme, por sidomos mungesa e Plakut sepse është lojtar i shpejtë.”

Ndoshta mund të bëhej diçka më shumë në aspektin sulmues, por Ndreu tregohet i matur: ““Nuk i kemi forcat e barabarta për t’i dalë ballë për ballë Skënderbeut. Edhe pas pësimit të golit isha me idenë që të mbroheshim mirë dhe ta kapnim kundërshtarin në kundërsulm, sepse me ekipet e mira mund të marrësh golin e dyte dhe të mbyllet loja.”

Kamza pësoi një gol të lehtë, që mund të evitohej: “E konsideroj mungesë eksperience. Kjo është diferenca në fushë me lojtarët me nivel të lartë dhe Skënderbeu ka shumë të tillë”.

“Ishte ndeshja e parë e kampionatit dhe u pa qartë që kemi ende nevojë për kohë. Kishim përballë skuadrën kampione, që sapo kishte humbur Superkupën ndaj Tiranës dhe ishte ndoshta pak e tronditur. Ne kemi pasur shumë pak kohë për të punuar me skuadrën, por jam i kënaqur, edhe pse mund të merrnim pikë.

“Në pjesën e parë luajtëm mirë, e kontrolluam mirë ndeshjen. Në pjesën e dytë pësuam gol me penallti, që nuk e kam parë ende. Duhej të ishim më të kujdesshëm dhe duhej të shfrytëzonim më mirë korridoret për të shërbyer sulmin. Megjithatë, është vetëm ndeshja e parë, kemi kohë për të rregulluar gjithçka.
“A pres më shumë nga ky grup? Pa diskutim, jemi në hapat e para, për 4-5 javë do të përpiqemi të dalim në lojën tonë dhe më pas do të jemi në rrugën e duhur.

“Fusha e Kukësit? Të jem i sinqertë, është një fushë në kushte të mjerueshme. Nuk lejon lojë cilësore, është e pamundur të bësh ndërhyrje në sparkatë, sepse është shumë e ashpër dhe rrezikohen dëmtime serioze.

“Penalltia? Nëse më thoni që ka qenë, nuk ka problem, por ka pasur momente të tjera ku ka pasur vendime pak të dyshimta, ndihma të lehta në favor të Kukësit, që duhen evituar”.

“Niveli i Superiores është shumë i lartë, ndaj na duhen lojtarë të denjë për këtë kategori. Jemi munduar të tregohemi të kujdesshëm dhe të sjellim në skuadër lojtarë me eksperiencë. Besoj se kemi arritur diçka, por nuk kemi mbaruar ende”.

Synimi i Kamzës? “Duhet të jemi të kujdesshëm në deklarata. Ekipi është i ndërtuar nga e para, vijmë nga Kategoria e Parë, ndaj nëse dalim mes 6 të parave do të ishte arritje e shkëlqyer. Mendoj se në atë grup jemi, skuadra është mjaft cilësore, nëse punojmë si duhet me grupin që po ndërtojmë”.

STADIUMI – Nga një stadium modest dhe me probleme, Kamza tashmë ka një impiant modern, që pritet tëjetë gati brenda dy-tre javësh. Tapeti i blertë është shtruar dhe gati për të pritur skuadrat teksa në ditët në vijim pritet të rregullohen edhe pankinat. Dhomat e zhveshjeve janë thuajse gati dhe kanë mbetur vetëm disa detaje. Deri përpara sfidës me Skënderbeun e vlefshme për javën e dytë, edhe  dy tribunat në krahët e tribunës do të plotësohen me stola, në mënyrë që të licensohen për të mirëpritur tifozët. Në total stadiumi i Kamzës pritet të ketë një kapacitet rreth 4 mijë spektatorë.

Trajneri Ndreu është entuziast: “Bashkia e Kamzës ka bërë një punë të mrekullueshme, sepse po përfundon në kohë rekord fushën dhe infrastrukturën e stadiumit. Nuk ka rëndësi kalendari, rëndësi ka të luajmë mirë dhe të jemi në rregull për gjithë sezonin, ndërsa ndeshje ka shumë dhe pak rëndësi ka se e nisim me ndonjë humbje me skuadrat e kreut”.

Fukui, dygolësh në miqësore

Kamza ka zhvilluar ditën e djeshme një ndeshje miqësore me një ekip të zonës së Ohrit, aty ekipi i drejtuar nga Ramadan Ndreu po zhvillon fazën përgatitore. Përballja e djeshme ka përfunduar në barazim 2-2, teksa të dy golat e takimit janë shënuar nga japonezi Masoato Fukui. Kamza gjatë kësaj periudhe po has në vështirësi për të gjetur kundërshtarë të fortë, pasi në Maqedoni kampionati ka nisur.

Miqësore – E hënë, më 21 gusht

Novaci – Kamza 2-2

Shënues: Nikoviç, Kolevski / Fukui (2)

Kamza: Halilaj, Frashëri, Lelis, Fushtar, Neziri, Idrizaj, Zefi, Arrabal, Mustafa, Fukui, Mehmeti. (U aktivizuan: Gjonikaj, Ymeri, Rezi, Mumajesi)

Trajneri 51-vjeçar është konfirmuar nga drejtuesit e klubit, raporton Supersport, pasi puna e bërë prej tij ka qenë shumë e mirë, edhe pse drejtoi për një periudhë të shkurtër.

Kamzën e drejtoi për disa muaj Bledar Devolli, i cili u pushua nga puna në mënyrë misterioze në mars, por u fol për një rikthim javët e fundit.

Gjithsesi, duket se është preferuar Ramadan Ndreu, i cili ka një eksperiencë të madhe në Superiore, ku ka drejtuar Kastriotin për shumë vite, por edhe Laçin së fundi.