Ndreca

Dy përforcime cilësore, Bylisi i prezanton sot

Sport Ekspres — Fri, 28 Jun 2019 16:35:32 +0000

Skuadra e Bylisit zyrtarizoi akordin me dy futbollistët, Eridon Qardaku dhe Edison Ndreca ditë ditë më parë, ndërsa sot, dy lojtarët janë prezantuar në ambientet e klubit ballshiot. Qardaku erdhi nga skuadra e Vllaznisë dhe nënshkroi për 4 sezone, një lojtar që ka një të ardhme të mirë para vetes.

Ndërsa Mbrojtësi Edison Ndreca, luajti për dy klube të Superiores sezonin e shkuar. 24-vjeçari mbrojti ngjyrat e Teutës dhe Kastriotit, por me fanellën krutane mori më shumë vëmendje, pasi bëri paraqitje shumë të mira. Sot, Qardaku dhe Ndreca janë prezantuar nga klubi i Bylisit.

Njoftimi i Bylisit:

“Sulmuesi i talentuar Eridon Qardaku firmos per 4 vite si pjese e Bylisit dhe shihet si nje lojtar me te ardhme ne futbollin shqiptar. Sot u prezantua edhe Edison Ndreca”.

Përforcohet Bylis, zyrtarizohen dy futbollistët e rinj

Sport Ekspres — Tue, 25 Jun 2019 16:31:32 +0000

Bylisi siguroi ngjitjen në Superiore pasi u shpall skuadra kampione e Kategorisë së Para dhe skuadra ballshiote po vazhdon punën për të përforcuar skuadrën. Sot, janë zyrtarizuar dy përforcime për skuadrën e kuqe.

I pari është Edison Ndreca, mbrojtësi i majtë i cili sezonin e shkuar mbajti fanellën e Teutës dhe Kastriotit. Një përforcim shumë i mirë për skuadrën ballshiote, pasi Ndreca ka eksperiencë në Superiore dhe ka treguar ritme të larta.

Afrimi i dytë është mesfushori Donald Mëllugja. Mesfushori 24-vjeçar u aktivizua me skuadrën e Besës sezonin e shkuar, ku luajti 19 ndeshje dhe shënoi një gol në Kateorinë e Parë.

Njoftimi i Bylisit:

“Merkaton e nism me dy lojtare cilesore!

Edison Ndreca dhe Donald Mellugja jane pjese e skuadres sone per sezonin e ardhshem! Ndreca luan ne linjen e majte, ndersa Mellugja eshte mesfushor qendre. Puna nis zyrtarisht!”

Qëndroi vetëm 6 muaj, mbrojtësi largohet nga Kastrioti

Sport Ekspres — Fri, 07 Jun 2019 18:42:19 +0000

Edison Ndreca nuk do të vazhdojë karrierën e tij te Kastrioti. Skuadra krutane ra nga Kategoria Superiore këtë sezon dhe priten shumë largime, një nga ta dhe mbrojtësi i majtë. Ndreca u transferua në janar te Kastrioti dhe pas gjysmësezoni, e mbyll aventurën krutane.

NJOFTIM!

“KS Kastrioti njofton përfundimin e bashkpunimit me mbrojtësin e majtë Edison Ndreca. Mbrojtësi i ardhur te Kastrioti në merkaton e janarit, zhvilloi një gjysëm sezoni të shkëlqyer, ku arriti që të shënonte edhe një gol. KS Kastrioti e falenderon për gjithçka dha për fanellën tonë, dhe njëkohësisht i uron suksese në karrierën e tij futbollistike”.

View this post on Instagram

NJOFTIM! KS Kastrioti njofton përfundimin e bashkpunimit me mbrojtësin e majtë Edison Ndreca. Mbrojtësi i ardhur te Kastrioti në merkaton e janarit, zhvilloi një gjysëm sezoni të shkëlqyer, ku arriti që të shënonte edhe një gol. KS Kastrioti e falenderon për gjithçka dha për fanellën tonë, dhe njëkohësisht i uron suksese në karrierën e tij futbollistike

A post shared by Klubi Sportiv Kastrioti (@kskastrioti) on Jun 7, 2019 at 11:35am PDT

Ndreca: U largova nga Teuta për minuta, ja pse zgjodha Kastriotin

Sport Ekspres — Mon, 14 Jan 2019 20:38:16 +0000

Mbrojtësi i ri i Kastriotit, Edison Ndreca ka folur për “RTSH Sport”, ku ka zbuluar se pse zgjodhi skuadrën krutane për të vazhduar karrierën. 24-vjeçari la Teutën në kërkim të minutave dhe është i bindur se do të luajë një rol shumë të rëndësishëm te ekipi i Kastriotit.

Në fjalën e tij, Ndreca tha: “Zgjodha Kastriotin, pasi ishte oferta më e mirë që mu ofrua. Tek Teuta, kisha shumë pak hapësira dhe vendosa të transferohem te një ekip ku të kem më shumë minuta.

“Superliga është e fortë dhe ekipet nuk kanë shumë diferenca. Gjërat e vogla bëjnë diferencën dhe ne shpresojmë t’i rregullojmë këto gjëra të vogla dhe të marrim sa më shumë pikë”,- përfundoi mbrojtësi 24-vjeçar.

Lëvizje te Kastrioti, akord me “ish”-in e Teutës

Sport Ekspres — Sun, 06 Jan 2019 17:56:19 +0000

Merkato e janarit pritet të sjellë shumë emra të rinj te Kastrioti. Në Krujë nuk janë dorëzuar, pas emërimit të Bledar Devollit në postin e trajnerit të skuadrës, skuadra krutane ka gati dhe afrimin e parë.

Burime pranë “Sporteskpres” mësojnë se Kastrioti ka gjetur akordin me mbrojtësin laçian, Edison Ndreca. Mëngjarashi ishte pjesë e Teutës, por te skuadra e Bledi Shkëmbit, 24-vjeçari nuk gjeti minuta të mjaftueshme, duke u aktivizuar në vetëm katër takime gjatë gjysmës së parë të kampionatit.

Ndreca (djathtas) në duel me Fangajn e Laçit

Me ardhjen e Ndrecës, Kastrioti mbulon boshllëkun e krijuar në krahun e majtë të krijuar pas largimeve të Stijepoviç dhe Domgjonit.

Ndreca ikën nga Besëlidhja, e do Luftëtari

Sport Ekspres — Sat, 08 Jul 2017 14:00:40 +0000

Mbrojtësi i majtë i formuar te skuadra e Laçit ka tërhequr dokumentacionin te lezhjanët dhe tashmë është lojtar i lirë. Bluzinjve u intereson

Bernard Gjikolaj

Besëlidhja njeh vetëm largime deri në këto momente, teksa pas kalimit të Seku Kamara dhe Lansinet Sidibe te Flamurtari, një tjetër lojtar është drejt kalimit në Superiore. Ditën e djeshme ka qenë mbrojtësi i majtë Edison Ndreca ai që ka tërhequr dokumentacionin në klub dhe tashmë është lojtar i lirë. Ish-lojtari i Laçit dhe i Burrelit më parë, është përzgjedhur nga stafi teknik si titullar në 24 ndeshje, duke bërë paraqitje të mira dhe tanimë kërkon një eksperiencë të re. Në krahun e majtë të mbrojtjes ai ka qenë titullar i padiskutueshëm, ndaj mungesa e tij do të ndihet në Lezhë. Tanimë ajo që është me interes ka të bëjë me skuadrën e re të mbrojtësit kurbinas dhe emri i parë që ka dalë në skenë është Luftëtari. Gjirokastritët kanë mbetur zbuluar në linjën e majtë të prapavijës, pasi është larguar nga ekipi me përfundimin e sezonit Pogradecari Vangjel Zguro, ndërsa në janar më parë kishte ndërprerë kontratën edhe ish-kapiteni Mersini.

SITUATA NË GJIROKASTËR

Te Luftëtari ka çështje të shumta për t’u zgjidhur, ku më kryesorja është trajneri. Interes për Ndrecën ka, por mbetet për t’u parë se çfarë do të ndodhë më tej. Zgjidhja e dilemës për çështjen e pankinës do t’i hapë rrugë merkatos se bluzinjve. Gjatë kësaj kohe janë përmendur shumë emra, kryesisht elementë të rinj, ndërkohë që ka pasur largime të rëndësishme, edhe pse ende nuk është zyrtarizuar nga ana e klubit asnjë lëvizje, si në hyrje ashtu edhe në dalje. Momentalisht refreni është “jemi me pushime”, por shumë shpejt kjo situatë do ndryshojë dhe Luftëtari i sezonit të ri pritet të marrë jetë.