Ndeshjet

Kategoria e Parë dhe e Dytë: Sot 12 përballje, finale dhe “shëtitje”

Sport Ekspres — Sat, 27 Apr 2019 09:19:24 +0000

Ditë ndeshjesh sot në Kategorinë e Parë dhe të Dytë. Luhet prej orës 16”00 dhe ka disa sfida interesante. Në Grupin A të Kategorisë së Parë, Korabi-Erzeni është takimi i vetëm në zonën Play-off. Në Play-out, të dyja ndeshjet janë delikate. Vora pret në Pezë-Helmës skuadrën e Veleçikut, ndërsa Iliria Burrelin në Fushë-Krujë. Shënkolli është pushim.

Në Grupin B luhet të gjitha ndeshjet sot. Referuar ecurisë së deritanishme, si favoritë shihen Bylisi dhe Besa, që luajnë në Orikum dhe në Lushnjë. Egnatia është pushim këtë javë. Ndryshe janë sfidat në Play-out, ku Apolonia luan në transfertë në Elbasan, kjo një ndeshje e përfolur për tolerim nga fierakët. Turbina pret në fushën e saj Pogradecin dhe duhet thënë se të dyja ndeshjet janë vendimtare për skuadrat pritëse.

KATEGORIA E PARË-JAVA 25

Grupi A | Play-off
E shtunë, 27 prill 2019, ora 16:00
Korabi-Erzeni (Në Peshkopi)
Besëlidhja pushim

Grupi A | Play-out
E shtunë, 27 prill 2019, ora 16:00
Iliria-Burreli (Në Fushë Krujë)
Vora-Veleçiku (Në Pezë)
Shënkolli pushim

Grupi B | Play-off
E shtunë, 27 prill 2019, ora 16:00
Lushnja-Besa (Në Lushnje)
Oriku-Bylis (Në Orikum)
Egnatia pushim

Grupi B | Play-out
E shtunë, 27 prill 2019, ora 16:00
Turbina-Pogradeci (Në Cërrik)
Elbasani-Apolonia (Në Elbasan)
Tomori pushim

Në Kategorinë e Dytë do të luhen dy ndeshje në Grupin A, Ada-Sopoti dhe Spartaku-Kukësi. Ndërsa në Grupin B veçohen dy ndeshje derbi. Së pari ai i prefekturës së Beratit, Naftëtari-Skrapari, si dhe Memaliaj-Përmeti, i prefekturës së Gjirokastrës. Gjithashtu në program është edhe ndeshja Gramozi-Butrinti.

KATEGORIA E DYTË-JAVA 23

Grupi A | Java 23
E shtunë, më 27 prill, ora 16:00
Ada-Sopoti
Spartaku-Kukësi B (Në Yrshek)

Grupi B | Java 23
E shtunë, më 27 prill, ora 16:00
Skrapari-Naftëtari
Gramozi-Butrinti
Memaliaj-Përmeti

Shëtitjet e radhës në të Parën, sot spikat Vllaznia-Dinamo

Sport Ekspres — Sat, 16 Mar 2019 08:36:45 +0000

Java e 20-të e Kategorisë së Parë nis sot dhe ndeshjet luhen të gjitha në orën 15:00, kuptohet ato që janë programuar për t’u zhvilluar. Në fushë zbresin ekipet e zonës Play-off, ndërkohë që ndeshjet e ekipeve që garojnë për mbijetesën zhvillohen nesër.

Në Grupin A, sot luhet ndeshja e bukurisë, Vllaznia-Dinamo. Përballë do të jenë dy skuadra të mëdha në futbollin shqiptar, që së bashku kanë fituar 26 kampionate të elitës. Në këtë grup, në Lezhë do të zhvillohet takimi Erzeni-Korabi, një sfidë ku të dyja skuadrat kërkojnë të marrin pikët e prestigjit. Vllaznia në krye duket e pakapshme dhe shijakasit me një fitore vetëm ia shtyjnë festën e rikthimit në Superiore

Në Grupin B, Bylisi pret Orikumin, një formalitet në letër për ballshiotët. Skuadra e drejtuar nga Dovedan kërkon maksimumin, kurse nga ana tjetër miqtë do u japin mundësinë edhe të rinjve. Besa-Lushnja është sfida tjetër. Kavajasit kërkojnë të ruajnë distancën prej 3 pikësh me Bylisin kryesues dhe me Lushnjën duket të jetë një formalitet.

AGRON KAJA

KATEGORIA E PARË – JAVA 20

GRUPI A / Play-off
Të shtunën, 16 mars 2019
Vllaznia-Dinamo 15:00
Erzeni-Korabi 15:00
Besëlidhja pushim

GRUPI B / Play-off
Të shtunën, 16 mars 2019
Bylis-Orikumi 15:00
Besa-Lushnja 15:00
Egnatia pushim

Kupa e Shqipërisë, FSHF njofton se nuk do të ketë ndryshime orari

Sport Ekspres — Mon, 11 Mar 2019 18:22:38 +0000

Ndeshjet çerekfinale të Kupës së Shqipërisë do të zhvillohen sipas orareve të përcaktuara një javë më parë, njofton FSHF. Ditën e martë do të luhen dy sfida shume interesante. Në orën 14:00, Partizani pret në “Elbasan Arena” skuadrën e Luftëtarit dhe “Demat” shihen dukshëm favoritë.

Një sfidë ku nuk ka të avantazhuar është ajo mes Teutës dhe Kukësit në “Niko Dovana”, pasi të dyja skuadrat kanë bërë thuajse një sezon të njëjtë. Ditën e mërkurë, ishin planifikuar dy sfida, por dënimi i Kamzës bën që Skënderbeu të kalojë direkt në gjysmëfinale. Sfida e vetme, ajo mes Tiranës dhe Laçit, do të luhet në orën 17:00.

E martë
Partizani – Luftëtari 14:00
Teuta – Kukësi 17:00

E mërkurë
Kamza – Skënderbeu 14:00 (nuk luhet)
Tirana – Laçi 17:00

Hidhet shorti për “Euro2021”, kombëtarja kuqezi e femrave njeh rivalët

Sport Ekspres — Thu, 21 Feb 2019 14:53:47 +0000

Shorti për kualifikueset e “Euro2021” për femrat është hedhur sot në Nion të Zvicrës dhe kombëtarja jonë kuqezi ka njohur kundërshtarët në grup dhe kalendarin e ndeshjeve. Në grup me kombëtaren kuqezi do të jenë Finlanda, Portugalia, Skocia dhe Qipro.

Pas hedhjes së shortit, është zbardhur dhe kalendari i ndeshjeve. Rrugëtimi i kualifikuesve për ekipin e drejtuar nga Vioresin Sinani do të nisë në Shqipëri kundër Finlandës me datë 2 shtator. Më poshtë, është dhe kalendari i plotë i ndeshjeve.

Ndeshjet e femrave kuqezi:

2 Shtator 2019     Shqipëri-Finlandë
4 Tetor 2019       Shqipëri-Portugali
8 Tetor 2019       Finlandë-Shqipëri
8 Nëntor 2019      Shqipëri-Skoci
11 Mars 2020       Qipro-Shqipëri
5 Qershor 2020     Skoci-Shqipëri
18 Shtator 2020    Shqipëri-Qipro
22 Shtator 2020    Portugali-Shqipëri

E Dyta ka disa finale në fundjavë, ja kalendari

Sport Ekspres — Tue, 19 Feb 2019 10:51:44 +0000

Kategoria e Dytë rinisi të dielën me ndeshjet e javës së 14-të, ndërkohë që në Grupin A nuk u luajt takimi Klosi-Luzi 2008, i planifikuar për ditën e mërkurë, 20 shkurt 2019. Gjithsesi, java e 15-të është tashmë në programin e kësaj jave nga të gjitha skuadrat, pasi ka sfida interesante, por ka edhe “pit stop” (pushim) për Tërbunin kryesues në Grupin A.

Në Grupin A, Sopoti i vendit të dytë pret në fushën e tij Vllazninë B, ndërsa Spartaku që është me pikë të barabarta me të në renditje, nga 23, pret Partizanin B. Edhe Gramshi që synon kreun në këtë grup do të ketë një transfertë të vështirë në Luz, ndërsa ndeshja Kukësi B-Tirana B është përballja e dy skuadrave pa motiv në këtë kampionat. Internacionali-Ada, është sfida e skuadrave me pikë njëshifrore në renditje.

Ndryshe ndodh me Grupin B, ku kryeson Shkumbini, i ndjekur nga Devolli e Maliqi, që kanë nga nj ëpikë më pak. Peqinasit presin Gramozin, kurse Devolli Përmetin. Ndeshja më e veçantë për skuadrat e kreut do të jetë në Patos, ku luhet Albpetroli-Maliqi.

Për Naftëtarin kjo mund të jetë java e largimit nga fundi i renditjes në grup, pasi pret Tepelenën në Kuçovë. Në takimet e tjera, Këlcyra pret Butrintin, ndërkohë që zhvillohen Skrapari-Termi e Delvina-Memaliaj.

AGRON KAJA

KATEGORIA E DYTË – Java 15

GRUPI A
E mërkurë, 20 shkurt 2019
Klosi-Luzi 2008 14:00
E diel, 24 shkurt 2019
Sopoti-Vllaznia 14:00
Internacionali-Ada 14:00
Luzi2008-Gramshi 14:00
Kukësi B-Tirana B 14:00
Spartaku-Partizani B 14:00
Tërbuni dhe Klosi pushim

GRUPI B
E diel, 24 shkurt 2019
Devolli-Përmeti 14:00
Skrapari-Termi 14:00
Delvina-Memaliaj 14:00
Shkumbini-Gramozi 14:00
Naftëtari-Tepelena 14:00
Këlcyra-Butrinti 14:00
Albpetrol-Maliqi 14:00

Java e 18-të me ndeshje të “ftohta”, ja kalendari dhe pritshmëritë

Sport Ekspres — Mon, 18 Feb 2019 20:39:12 +0000

Të shtunën do të luhen të gjitha ndeshjet e javës së 18-të të Kategorisë së Parë dhe kështu do të përmbyllet edhe faza e dytë. Në Grupin A, Vllaznia kryesuese pret Ilirinë e Fushë Krujës, një ndeshje e lehtë për shkodranët. Po kështu duket për shijakasit në sfidën Erzeni-Vora.

Besëlidhja pret Korabin, një ndeshje rivale mes tyre në minigrupin e pesë skuadrave të para në këtë grup, kurse Dinamo pret Burrelin që këtë javë shënoi fitore të thellë ndaj Veleçikut. Koplikasit presin Shënkollin, një ndeshje për pikë, që favorizon vendasit.

Në Grupin B, interesante mbetet ndeshja Orikum Bylisi. Ballshiotët nuk luajtën me Tomorin dhe Oriku fitoi në transfertë me Apoloninë. Besa ka një ndeshje të lehtë me Turbinën e vendit të fundit, e po kështu duket sfida Tomori-Elbasani. Dy ndeshjet e tjera: Egnatia-Apolonia dhe Pogradeci-Lushnja, favorite shohin skuadrat vendase.

AGRON KAJA

KATEGORIA E PARË – Java 18

GRUPI A
Të shtunën, 23 shkurt 2019
Veleçiku-Shënkolli 14:00
Erzeni-Vora 14:00
Vllaznia-Iliria 14:00
Besëlidhja-Korabi 14:00
Dinamo-Burreli 14:00

GRUPI B
Të shtunën, 23 shkurt 2019
Besa-Turbina 14:00
Egnatia-Apolonia 14:00
Oriku-Bylis 14:00
Tomori-Elbasani 14:00
Pogradeci-Lushnja 14:00

E para ndez “motorët”: 10 ekipe në fushë, sytë në Shkodër e Kavajë

Sport Ekspres — Sat, 09 Feb 2019 08:31:28 +0000

Zhvillohen sot ndeshjet e javës së 16-të të Kategorisë së Parë, ku në Grupin A do të luhen vetëm dy prej tyre, ndërsa në Grupin B luhen tre ndeshje të kësaj jave. Ndërsa dy skuadrat kryesuese, Vllaznia në Grupin A dhe Bylisi në Grupin B do t’i luajnë të dielën ndeshjet e tyre të javës së 16-të.

Në Grupin A, Erzeni shkon në përballjen me Veleçikun me atmosferën e fitores një javë më parë ndaj Vllaznisë, ndërkohë që koplikasit do të shfrytëzojnë fushën e tyre për të mos dalë pa pikë nga “Reshit Rusi”. Në këtë grup sot luhet edhe Burreli-Korabi, ndeshja që i ndan të dyja skuadrat në renditje: Korabin në pesë skuadrat e para dhe Burrelin në pesë skuadrat që do të luajnë për mbijetesë.

Ndërsa në grupin B, sot luhet kryendeshja Besa-Egnatia, ku si rrallë në vitet e fundit në këtë kategori,të dyja këto skuadra janë me të njëjtin synim, ngjitjen në Kategorinë Superiore. Dy skuadrat e vendeve të fundit në këtë grup luajnë në transfertë, ku Elbasani do të provojë për një rezultat pozitiv në Lushnje, e po kështu Egnatia në Orikum. Të gjitha ndeshjet e javës së 16-të të Kategorisë së Parë do të nisin në ora 14:00.

AGRON KAJA

KATEGORIA E PARË – Java 16

GRUPI A
Sot, datë 9 shkurt 2019
Veleçiku-Erzeni 14:00
Burreli-Korabi             14:00
GRUPI B
Sot, datë 9 shkurt 2019
Besa-Egnatia               14:00
Lushnja-Elbasani 14:00
Oriku-Turbina             14:00

Iliria-Burreli e fundit, java e 16-të pret radhën në Kategorinë e Parë

Sport Ekspres — Tue, 05 Feb 2019 09:18:40 +0000

Java e 15-të e Kategorisë së Parë, që çeli pjesën e dytë të sezonit 2018-2019, ende nuk i ka mbyllur të gjitha sfidat, pasi nesër në Fushë Krujë do të luhet ndeshja e fundit e Grupit A, Iliria-Burreli. Dhe në pritje të përfundimit të saj, java e 16-të tashmë i ka filluar të përgatitet për të gjitha skuadrat e tjera, që më 9 shkurt do të ndeshen në takime interesante, por edhe delikate në të dy grupet, A dhe B.

Në Grupin A, Vllaznia pret Shënkollin, një sfidë e cila përball dy skuadra humbëse në javën e 15-të, ndërsa në Lezhë ndeshen dy skuadra fituese në javën e kaluar, Besëlidhja-Vora. Në Koplik, Veleçiku sfidon Erzenin që mposhti Vllazninë, ndërsa Dinamo pret Ilirinë dhe Burreli pret në fushën e tij Korabin, skuadra më në formë e këtij grupi.

Në Grupin B, interesante është sfida Besa-Egnatia, për afërsinë gjeografike dhe renditjen e tyre, ndërsa Bylis kryesues udhëton në Pogradec, aty ku liqenorët i kanë besuar shumë vetes. Tomori-Apolonia do të jetë sfida që do të përcaktojë njerën nga tre skuadrat që do jetë më afër pesë skuadrave, ndërsa Lushnja-Elbasani mund të ketë më shumë dritëhije në rezultat. Në Orikum do të luajë Turbina, ndoshta ndeshja e jetës për cërrikasit.

Të gjitha ndeshjet janë planifikuar të luhen më 9 shkurt ora 14:00, pa përjashtuar ndonjë lëvizje të fundit nga FSHF-ja.

AGRON KAJA

GRUPI A
Nesër 6 shkurt 2019, java 15
iria-Burreli 14:00

KATEGORIA E PARË- Java 16

Datë 9 shkurt 2019
Veleçiku-Erzeni 14:00
Vllaznia-Shënkolli       14:00
Besëlidhja-Vora          14:00
Dinamo-Iliria               14:00
Burreli-Korabi             14:00

GRUPI B
Datë 9 shkurt 2019
Besa-Egnatia               14:00
Oriku-Turbina             14:00
Tomori-Apolonia 14:00
Pogradeci-Bylis           14:00
Lushnja-Elbasani 14:00

E Para rikthehet pas 40 ditësh, ja tetë përballjet e ditës së sotme

Sport Ekspres — Sat, 02 Feb 2019 08:46:42 +0000

Sot rinis Kategoria e Parë me ndeshjet e javës së 15-të të saj. Një rinisje që i ka mbyllur takimet e javës së 14-t më 23 dhjetor 2018 me ndeshjen Lushnja-Apolonia 0-0. Në 14 javë, që nisën nga 9 shtatori 2018, u luajtën 140 ndeshje në të dy grupet A dhe B, ndërkohë që janë edhe 14 javë të tjera për t’u luajtur, 4 për fazën e dytë dhe 10 ndeshje për fazën e tretë.

Nisur nga renditjet që kanë skuadrat në grupet respektive, java e 15-të i ka të gjitha ndeshjet si finale, pasi në këto katër javë të fazës së dytë skuadrat kërkojnë të grumbullojnë sa më shumë pikë, për t’i paraprirë përgjysmimit të pikëve në 10 ndeshjet e fazës së tretë. Në Grupin A luhen dy ndeshje mes skuadrave nga i njëjti rreth, Vora-Dinamo në Pezë dhe Shënkolli-Besëlidhja në Shënkoll, ndërsa në fushën asnjëanëse të Peqinit, Erzeni pret Vllazninë kryesuese në grup.

Në Grupin B, dy kryesueset Bylisi e Besa duken të favorizuar në përballjet e kësaj jave ndaj Lushnjes dhe Elbasanit, ndërsa në Cërrik, në sfidën Turbina-Tomori pritet ndeshja më e “ndezur” e javës. Apolonia do të kërkojë rikthimin te fitorja në ndeshjen me Pogradecin, takimi i parë zyrtar me trajnerin serb Miliç në pankinë. Ndeshja Egnatia-Orikumi do të luhet ditën e diel në Peqin, por rrogozhinasit presin mbështetje të madhe të tifozerisë me synimin e vetëm tri pikët.

Nisur nga renditjet e skuadrave, synimet që ato kanë dhe ndryshimet që kanë bërë në merkaton e muajit janar 2019, të gjitha ndeshjet e Kategorisë së Parë për javën e 15-të nuk përjashtohen nga surprizat. Takimet e kësaj jave luhen të gjitha në orën 14:00.

AGRON KAJA

KATEGORIA E PARË
Ndeshjet-Java e 15-të

GRUPI A
E shtunë, 2 shkurt 2019
Vora-Dinamo              14:00
Shënkolli-Besëlidhja 14:00
Erzeni-Vllaznia 14:00
(Luhet në Peqin)
Korabi-Veleçiku          14:00
E mërkurë, 6 shkurt 2019
Iliria-Burreli                14:00

GRUPI B
E shtunë, 2 shkurt 2019
Apolonia-Pogradeci    14:00
Turbina-Tomori           14:00
Bylis-Lushnja 14:00
Elbasani-Besa              14:00
E diel, 3 shkurt 2019
Egnatia-Oriku             14:00
(Luhet në Peqin)

Kupa rrotullon ruletën, Partizani e Skënderbeu në “linjë”

Sport Ekspres — Tue, 22 Jan 2019 08:45:52 +0000

Takimet e para të turit të dytë të Kupës së Shqipërisë do të nisin sot në mesditë me dy ndeshje, ku në Grupin A, Besëlidhja pret Skënderbeun, ndërsa në Krujë Kastrioti pret Partizanin kryesues në Kategorinë Superiore. Ndërsa ndeshjet e tjera të këtij turi do të luhen të mërkurën, datë 23 janar, duke nisur nga ora 14:00, përjashtim bën Tirana-Flamurtari.

Të katërta këto skuadra vijnë në këto ndeshje pas përgatitjeve që kanë bërë në tre javët e para të muajit janar, ndërsa përballjet mes tyre kanë interes jo vetëm për emrat e skuadrave që përfaqësojnë. Ndeshja mes Kastriotit dhe Partizanit do të drejtohet nga arbitri Olsid Ferataj, i ndihmuar nga Enea Pashaj, Nuri Rrapaj dhe Ardian Beqiri.

Në takimin e Lezhës do të gjykojë Olsi Sokoli i ndihmuar nga Alfred Shkreta, Arbër Zalla e Klajdi Kola, një ndeshje ku në stadiumin “Brian Filipi” pritet të jenë të pranishëm shumë tifozë lezhjanë që do të sfidojnë edhe kushtet e motit me reshje shiu.

AGRON KAJA

Ndeshjet-Turi i Dytë
GRUPI A
Datë 22 janar 2019
Besëlidhja-Skënderbeu 14:00
Kastrioti-Partizani 14:00

Datë 23 janar 2019
Egnatia-Luftëtari 14:00
Vllaznia-Kamza 14:00

GRUPI B
Datë 23 janar 2019
Apolonia-Kukësi 14:00
Bylis-Laçi 14:00
Lushnja-Teuta 14:00
Tirana-Flamurtari 17:00

Kupa “gërvisht” e para pjesën e dytë të sezonit, turi i dytë luhet në dy ditë

Sport Ekspres — Mon, 21 Jan 2019 11:40:20 +0000

Kjo javë do të jetë edhe si një barometër për përgatitjet e skuadrave gjatë muajit janar, njëherësh edhe për merkatot që ato kanë bërë në këtë periudhë dimërore. Takimet e para të turit të dytë të Kupës së Shqipërisë do të nisin nesër me dy sfida, ku në Grupin A eliminator Besëlidhja e Kategorisë së Parë pret Skënderbeun Kampion në fuqi të Superiores, ndërsa në Krujë, Kastrioti i vendit të fundit pret Partizanin kryesues në 18 javët e Kategorisë Superiore.

Ky tur bëhet edhe më shumë interesant me ndeshjet e tij, jo vetëm se përballë janë vënë skuadra të Kategorisë Superiore me ato të Kategorisë së Parë që kanë diferenca mes tyre, por edhe për faktin se të gjitha skuadrat vijnë pas përgatitjeve që kanë bërë në tri javët e para të muajit janar 2019, njëherësh edhe pas merkatos që ato kanë zhvilluar në këtë periudhë.

Ndeshjet e tjera luhen ditën e mërkurë 23 janar 2019, ku në Grupin A, Vllaznia pret Kamzën dhe Egnatia-Luftëtarin, dy përballje me histori dhe realitete të ndryshme. Ndeshjet e Grupit B eliminator luhen të gjitha ditën e mërkurë, ku sfida Tirana-Flamurtari veçohet si më delikatja, për vetë situatën që këto skuadra kanë kaluar gjatë përgatitjeve të muajit janar. Në tri ndeshjet e tjera, Kukësi, Laçi e Teuta shikohen si favoritë ndaj Apolonisë, Bylisit e Lushnjes.

Të gjitha takimet do të nisin në orën 14:00.

AGRON KAJA

KUPA E SHQIPËRISË
Ndeshjet-Turi i Dytë

GRUPI A
Datë 22 janar 2019
Besëlidhja-Skënderbeu 14:00
Kastrioti-Partizani 14:00
Datë 23 janar 2019
Egnatia-Luftëtari 14:00
Vllaznia-Kamza 14:00

GRUPI B
Datë 23 janar 2019
Apolonia-Kukësi 14:00
Bylis-Laçi 14:00
Lushnja-Teuta 14:00
Tirana-Flamurtari 17:00

Miqësoret e Kategorisë së Parë, Bylisi skuadra më e suksesshme

Sport Ekspres — Sun, 20 Jan 2019 20:50:41 +0000

Java që po mbyllim sot ka qenë shumë aktive në ndeshjet miqësore që skuadrat e Kategorisë së Parë kanë zhvilluar mes tyre, por edhe me ekipe të kategorive më sipër e më poshtë tyre. Kështu, nga skuadrat e Kategorisë së Parë janë zhvilluar 21 ndeshje miqësore nga e hëna 14 janar 2019 e deri më sot, e dielë 20 janar 2019 dhe në të gjitha këto ndeshje, Bylis, Besa, Dinamo e Korabi kanë qenë më aktivët. Jo vetëm se këto skuadra kanë zhvilluar dy miqësore brenda javës, por edhe për faktin tjetër se kanë luajtur me skuadra të Kategorisë Superiore.

Madje, Bylisi në 2 ndeshje ka arritur 1 fitore dhe 1 barazim me këto skuadra, e po kështu dhe Besa me humbjen ndaj Tiranës. Në këtë grup (Grupi B), miqësore ka luajtur Lushnnja me skuadra në Malin e Zi, por edhe Tomori, Apolonia e Oriku kanë qenë prezentë, ndërsa në Grupin A, Korabi, Dinamo, Erzeni e Shënkolli bëjnë diferencën me skuadrat e tjera të këtij grupi, të cilat vetëm sa janë përshëndetur me 1 ndeshje.

Duke e parë në tërësi numrin e ndeshjeve miqësore të luajtura këtë javë, ka një zgjim i Ilirisë së Fushë Krujës që dukej e “humbur” në dy javët e para të muajit janar, kemi një Vllazni që luan me “pikatore”, por kemi edhe një Elbasan dhe një Pogradec që kanë hyrë në pit-stop pa asnjë ndeshje të zhvilluar gjatë javës që po lemë pas. Moti me reshje bore e ka ngujuar skuadrën liqenore vetëm në ambiente sportive të mbyllura (kalçeto), ndërsa situata financiare e ka bërë Elbasanin që të testohet brenda grupit.

Ndërsa duhet edhe dy javë që të ristartojë kampionati, kjo situatë e ndeshjeve miqësore tregon ritmikën e përgatitjeve të skuadrave në të dy grupet. Më 2 shkurt luhet java e 15-të e Kampionatit, dhe në 4 javë do të luhen 40 ndeshje për të formatuar renditjet bazë për fazën e tretë ku pikët e skuadrave përgjysmohen.

AGRON KAJA

Iliria, Turbina dhe Elbasani kanë “humbur” miqësoret

Sport Ekspres — Thu, 17 Jan 2019 12:51:45 +0000

E gjithë kjo javë ka qenë e mbarë për skuadrat shqiptare të futbollit, jo vetëm për kushtet e mira të motit pa reshje shiu e bore, por edhe për merkaton e ndeshjet miqësore që skuadrat kanë zhvilluar mes tyre. Nuk kanë munguar edhe përballje mes atyre të Superiores me skuadra të Kategorisë së Parë, ku rezultatet ishin interesantë, duke veçuar së pari fitoren e pastër 3-0 të Bylisit ndaj Flamurtarit.

Në të gjitha këto miqësore që kanë nisur nga dita e martë, skuadrat e Kategorisë së Parë kanë qenë aktive me ndeshjet që kanë luajtur, por tre prej tyre, dhe pikërisht Iliria, Elbasani e Turbina ende nuk kanë zyrtarizuar ndeshje të tilla. Të treja skuadra me problematika të ndryshme, por mbi të gjitha, situatat financiare kanë bërë që përgatitjet e tyre të cungohen, ndërkohë që miqësoret po duket si “mollë e ndaluar”.

Iliria në Grupin A po vuan anën financiare të dobët, ndërkohë që lojtarët titullarë nuk kanë pranuar të stërviten, ndërsa ndryshe është situata në Qarkun e Elbasanit me ekipet e Grupit B. Për skuadrën e drejtuar nga Elvis Kotorri sytë janë nga Gjykata për zgjidhjen e problemit me anglezët, ndërsa Turbina është e çliruar nga financat, por jo në përgatitje dhe ndeshjet miqësore.

Të treja këto ndoshta nuk e mendojnë se në fazën e tretë u përgjysmon pikët, dhe për të shkuar deri aty duhen edhe katër ndeshje, por para tyre duhen përgatitje jo mungesa në stërvitje, duhen miqësore me kundërshtarë rivalë, dhe jo teste brenda grupit. Këtë situatë ndoshta do ta vuajnë që nga 2 shkurti kur të nisë Kampionati me javën e 15-të, ku Iliria pret Burrelin, Elbasani ndeshet në fushën e tij Besën, e po kështu Turbina përballet me Tomorin në Cërrik.

MIQËSORE-Dje, 16 janar 2019
Tirana-Besa                 2-1
Bylis-Flamurtari          3-0
Teuta-Laçi                   2-0
Kamza-Kastrioti          1-1
Korabi-Apolonia         3-0
Tomori-Albpetrol        1-1
Dinamo-Kombët.U19 3-0
Tërbuni-Erzeni            4-3
Besëlidhja-Veleçiku    2-1
MIQËSORE-Nesër, 18 janar 2019
Internacionali-Vora     12:00

Kupa e Shqipërisë për moshat, mësohet kalendari i ndeshjeve

Sport Ekspres — Wed, 16 Jan 2019 16:37:03 +0000

Me datë 19 janar, do të startojë Kupa e Shqipërisë për moshat U-19 dhe U-17. Sektori i Garave i FSHF-së ka njoftuar të gjitha klubet pjesëmarrëse për fillimin e këtij kompeticioni, që ndeshjen e parë do e ketë që këtë fundjavë.

Në këtë Kupë, do të marrin pjesë 16 ekipe për secilën grupmoshë, të ndara në dy grupe, A dhe B. 8 skuadrat me renditjen më të mira në grupin A dhe B do të vazhdojnë në fazën tjetër, që nuk është me sistem vajtje-ardhje, por vetëm me një ndeshje. Më poshtë, do të mësoni datat dhe skemën e zhvillimit të ndeshjeve.

Ndarja e Grupeve dhe detajet e ndeshjeve

Skema e zhvillimit të ndeshjeve pas fazës së grupeve