Ndeshjet “Play-off”

Faza “Play-off” në Kategorinë e Parë, FSHF përcakton datat dhe oraret e “finaleve”

Sport Ekspres — Tue, 21 May 2019 11:37:09 +0000

Pas përfundimit të sezonit 2018-2019, janë zyrtarizuar edhe datat e oraret e finaleve Play-off, mes skuadrave nga Kategoria e Parë dhe të Kategorisë së Dytë.

Këto dy takime do të përcaktojnë edhe dy skuadrat që do të luajnë në Kategorinë e Parë sezonin e ardhshëm. Veleçiku dhe Elbasani, që u renditën të parafundit në grupet përkatëse në Kategorinë e Parë, do të luajnë një ndeshje shtesë, përkatësisht kundër Shkumbinit dhe Luzit 2008 që u renditën të dytët në grupet e Kategorisë së Dytë.

Dy skuadrat humbëse do luajnë mes tyre një ndeshje tjetër, e cila përcakton skuadrën e tretë që do të jetë pjesë e Kategorisë së Parë për sezonin 2019-2020. Të dyka këto ndeshje luhen në të njëjtën ditë dhe orë, përkatësisht në stadiumet e Shijakut dhe të Ballshit.

Ndeshjet Play-off

E premte, 24.05.2016, ora 16:00

Veleçiku-Shkumbini
(Stadiumi “Tofik Jashari”, Shijak)

Elbasani-Luzi 2008
(Stadiumi “Adush Muça”, Ballsh)

Ndeshjet Play-off: “Ethe” në dy kategori, rikthehet Shkumbini-Veleçiku!

Sport Ekspres — Mon, 20 May 2019 09:19:05 +0000

Kampionatet në Kategorinë e Parë dhe të Dytë i mbyllën ndeshjet e kalendarit 2018-2019, por për disa skuadra ka mbetur edhe një 90-minutësh për të përcaktuar sezonin. Kështu, dy skuadrat e parafundit në të dy grupet në Kategorinë e Parë, Veleçiku dhe Elbasani ende nuk i kanë mbyllur llogaritë e sezonit. Formula e kësaj kategorie i detyron të tregojnë se sa forcë kanë në fund ndaj rivalëve më inferiorë.

Veleçikun e përball me Shkumbinin, skuadrën e vendit të dytë në Grupin B të Kategorisë së Dytë. Një çift që prodhoi tension edhe në sezonin e kaluar, me koplikasit që fituan dhe u ngjitën në Kategorinë e Parë. Kjo është prova e dytë mes tyre në harkun e një sezoni.

Elbasani, i renditur në vendin e parafundit në zonën Play-out, do të duhet të tregojë se e meriton të qëndrojë në Parën. Përballë do të ketë Luzi 2008, që me këtë ndeshje kërkon të shkruajë historinë e saj. Dy ekipet humbëse do të kenë edhe një shans të dytë, duke u përballur mes tyre.

AGRON KAJA

NDESHJET PLAY-OFF
Elbasani-Luzi 2008
Veleçiku-Shkumbini

FOTO | Fitore, festë dhe alkool: Kavalieri Lampard paguan faturën e kripur!

Sport Ekspres — Fri, 17 May 2019 17:38:09 +0000

Derbi Kaunti mposhti 2-4 Lids Junajtid në transfertë dhe u kualifikua në finalen e madhe për një vend në Premier Ligë. Djemtë e Frenk Lampard përmbysën humbjen 0-1 të ndeshjes së parë të ndeshjeve play-off dhe tani do të përballen me Aston Vilën me 27 maj.

Festa e fitores kundër ekipit të Marselo Bielës ka qenë e madhe. Lojtarët dhe stafi teknik janë parkuar në një pub, aty ku nuk kanë kursyer asgjë. Alkooli ka vërshuar lumë nën tingujt e muzikës, ndërsa fatura e majmë ka mbërritur shifrën 2800 sterlina, ndryshe 3200 euro!

Plot 209 birra, 75 Jagermaister, 65 shotsa me vodka, 53 xhin tonik, 54 Sambuka, 38 gota tekila dhe 5 shishe Proseko ka konsumuar skuadra e Derbi Kaunti. Trajneri i dy herë fituesve të Premier Ligës është treguar kavalier dhe ka paguar gjithë shumën.

Lampard ka qenë në qiellin e shtatë pas fitores së madhe dhe nuk ka lënë askënd të harxhojë asnjë cent. Trajneri i Derbit ka vendosur të qerasë heronjtë e tij, të cilëve iu duhet edhe një sforco kundër ekipit nga Birmingemi në finalen e 27 majit.

Kategoria e Parë | Bylisi fiton me tris, Besëlidhja nuk di të ndalet

Sport Ekspres — Sat, 20 Apr 2019 16:01:49 +0000

Në Grupin A është zgjidhur ekipi që do të ngjitet në Superiore. Vllaznia ka siguruar rikthimin në elitë. Në ndeshjet e tjera nuk pati surpriza. Besëlidhja fitoi në transfertë përballë Erzenit me rezultatin 0-2. Dy golat e Lambert dhe Hasajt i dhuruan tre pikët ekipit lezhjan, që fiton prej tri ndeshjesh radhazi dhe ngjitet në kuotën e 25 pikëve në vend të dytë, 5 më shumë se Dinamo.

Në Grupin “Play-Out”, Shënkolli mundi Burrilin 2 – 1, ndërsa Veleçiku dhe Iliria u ndalën në një barazim pa gola.

Në Grupin B, kryesuesit e Bylisut mundën 3 – 0 Lushnjën. Fitore regjistroi dhe Besa e Maganit që mundi 3 -1 Egnatian.

KATEGORIA E PARË / Java 24

Grupi A | Play-off
E shtunë, më 20 prill 2019
Ora 15:00 | Vllaznia-Korabi 1-0
Shënues: Krymi 1′
Ora 16:00 | Erzeni-Besëlidhja 0-2
Shënues: Lambert 34′, Hasaj 76′
Dinamo pushim

Grupi A | Play-out
E shtunë, më 20 prill 2019
Ora 16:00 | Veleçiku-Iliria 0-0
Ora 16:00 | Shënkolli-Burreli 2-1
Shënues: Përgjini 54′, 83′ (pen) / Mehmeti 85′
Vora pushim

Grupi B | Play-off

E shtunë, më 20 prill 2019
Ora 16:00 | Bylis-Lushnja 3-0
Shënues: Bytyçi (pen) 10′, Lamçe 12′, Saliou 44′
Ora 16:00 | Besa-Egnatia 3-1
Shënues: Mziu 44′, Eyoh 53′, Cara (pen) 72′ / Ruço 10′
Oriku pushim