Ndeshjet java e 16-të

Java e 16-të, kryesuesit e grupeve luajnë të dielën

Sport Ekspres — Fri, 08 Feb 2019 21:04:13 +0000

Të dy skuadrat kryesuese, Vllaznia në Grupin A dhe Bylis në Grupin B, tashmë e kanë ngushtuar në 4 pikë diferencën me dy ndjekësit në renditje. Shijakasit e Erzenit ndodhen në vendin e 2-të në Grupin A me 31 pikë dhe të shtunën do të luajnë në Shkodër, por jo me Vllazninë. Në stadiumin “Reshit Rusi” do të kenë përballë Veleçikun e Koplikut. Ndërsa Besa në ndjekje të Bylisit në Grupin B, nesër pret në Kavajë skuadrën e Egnatias, një “derbi” i zonës mes tyre.

Ndërkohë që kalendari i ka zhvendosur për të dielën ndeshjet e dy skuadrave kryesuese në grupe, Vllaznia në Grupin A pret Shënkollin në “Reshit Rusi”, dhe Bylisi në Grupin B luan në transfertë me Pogradecin. Shkodranët vijnë në këtë sfidë pasi në javën e kaluar kanë pësuar humbje 0-2 në kampionat me Erzenin dhe janë eliminuar në turin e dytë të Kupës së Shqipërisë nga Kamza.

Ndërsa Bylisi në Grupin B e ka fituar 3-0 ndeshjen e javës së 15-të në Kategorinë e Parë me Lushnjen, por u eliminua në mesjavë në turin e dytë të Kupës së Shqipërisë nga Laçi. Të dielën skuadra ballshiote udhëton në Pogradec, ku vendasit do të luajnë ndeshjen e parë në fushën e saj për vitin 2019 dhe do të kërkojë fitoren për të qenë në pesë skuadrat e para të grupit për fazën e tretë. Të gjitha ndeshjet e javës së 16-të të Kategorisë së Parë do të nisin në ora 14:00.

AGRON KAJA

KATEGORIA E PARË – Java 16

GRUPI A
Datë 9 shkurt 2019
Veleçiku-Erzeni 14:00
Burreli-Korabi             14:00
Datë 10 shkurt 2019
Vllaznia-Shënkolli       14:00
Besëlidhja-Vora          14:00
Dinamo-Iliria               14:00

GRUPI B
Ndeshjet-Java e 16-të
Datë 9 shkurt 2019
Besa-Egnatia               14:00
Lushnja-Elbasani 14:00
Oriku-Turbina             14:00
Datë 10 shkurt 2019
Tomori-Apolonia         14:00
Pogradeci-Bylis 14:00

Dy ditë para sfidave, e 16-ta javë “ferri” për skuadrat e mbijetesës

Sport Ekspres — Thu, 07 Feb 2019 19:56:17 +0000

Të shtunën dhe të dielën më 9 e 10 shkurt do të luhen ndeshjet e javës së 16-të në Kategorinë e Parë, në dy grupet A dhe B. Nisur nga renditja që kanë skuadrat pas javës së 15-të, sfidat e kësaj jave veçohen edhe nga ky një fakt, pasi skuadrat të cilat kërkojnë mbijetesën në kategori do të luajnë në transfertë. Ndërkohë që nga skuadrat kryesuese, Vllaznia luan në Shkodër e Besa në Kavajë, ndërsa Bylisi do të luajë në Pogradec.

Në grupin A, Vora e vendit të fundit ndeshet me Besëlidhjen në Lezhë, Shënkolli me Vllazninë në Shkodër dhe Iliria me Dinamon në Tiranë. Të treja këto skuadra janë në vendet e fundit së bashku me Burrelin, i cili këtë javë pret në fushën e tij Korabin e vendit të 4-t në grup. Ndeshja Veleçiku-Erzeni do ti japë më shumë dritë renditjes së shijakasve nëse dalin pozitivë nga ky takim, por edhe Veleçikut për t’iu larguar zonës për mbijetesë.

Në Grupin B të dyja skuadrat që mbyllin tabelën e renditjes do të luajnë në transfertë, ku Turbina luan në Orikum ndërsa Elbasani me Lushnjen. Në tre ndeshjet e tjera të këtij grupi veçohet transferta e Bylisit në Pogradec dhe sfida e Besës që do të luajë në Kavajë me Egnatian. Tomori-Apolonia është takim i cili njerën nga këto dy skuadra e ngre në renditje, ndërsa tjetra do të qëndrojë në zonën e mbijetesës.

AGRON KAJA

Plani i javës së 16-të, Kupa detyron FSHF-në ta shtrijë në dy ditë

Sport Ekspres — Wed, 06 Feb 2019 10:35:14 +0000

Ndërkohë që do të luhen edhe tre javë nga faza e dytë e Kategorisë së Parë, ndryshe nga javët e kaluara, FSHF-ja ka përcaktuar datat e zhvillimit të ndeshjeve për javën e 16-të të shtrirë në dy ditë. Pesë ndeshje janë planifikuar që të luhen ditën e shtunë datë 9 shkurt 2019, kurse pesë të tjerat ditën e dielë 10 shkurt, një mundësi kjo jo vetëm për pjesën e transmetimit televiziv, por edhe për t’i dhënë më shumë kohë përgatitjeje skuadrave që marrin pjesë në turin e dytë të Kupës së Shqipërisë.

Në Grupin A, të shtunën do të luhen vetëm dy ndeshje. Veleçiku pret Erzenin, skuadër që në javën e kaluar i shkaktoi humbje Vllaznisë kryesuese në këtë grup, ndërsa në Burrel do të jetë Korabi përballë matjanëve. Ditën e diel do të luhen tri ndeshjet e tjera të këtij grupi, ku kalendari duket jo i favorshëm për Shënkollin, Ilirinë e Vorën që do të luajnë në transfertë ndaj Vllaznisë, Dinamos e Besëlidhjes.

Ndërkohë, tre ndeshjet e Grupit B të cilat do të luhen ditën e shtunë: Besa-Egnatia, Lushnja-Elbasani dhe Oriku-Turbina duken si sfida që orientojnë skuadrat vendase drejt pesë të parave në këtë grup. Të dielën janë dy sfida shumë përcaktuese: Tomori-Apolonia është shanci për të dyja skuadrat që të ngjiten në renditje drejt pesë skuadrave të para, ndërsa në Pogradec, Bylisi do të kërkojë konfirmimin në kreun e këtij grupi. Të gjitha ndeshjet do të nisin në orën 14:00.

AGRON KAJA

KATEGORIA E PARË – Java 16