Ndeshjet java 26

Java e matematikës në mbijetesë, pesë skuadra në “ring” për vendin e tretë

Sport Ekspres — Thu, 16 May 2019 18:13:47 +0000

Kategoria e Parë ka pritur javën e fundit për të zbardhur të gjitha verdiktet e saj, kryesisht në zonën Play-out. Në Play-off gjithçka ka marrë formë që në mesin fazës së tretë dhe në vazhdimësi u luajt thjesht për publik, por edhe për “zëra të rinj” në fushë. Duke ju referuar formulës, që ka sezone që aplikohet në Kategorinë e Parë, ka vend për pro dhe kundër.

Në Grupin A, ndeshjet Play-off u “vranë” nga Vllaznia. Bylisi në Grupin B u tregua racional e këmbëngulës dhe pasi e mundi Besën brenda në Kavajë nënshkroi ngjitjen në Superiore. Skuadrat e tjera çelën një minikampionat për vendet e dyta në grupe, ndërkohë që të tjerat treguan sikur ishin në kampionatin e 19-vjeçarëve.

Ndryshe ndodh me mbijetesën në të dy grupet, pasi deri në 90 minutat e fundit ka enigma. Nëse këto situata ishin më prezente në Grupin B, ato u mbyllën në javën e parafundit, javë në të cilën u “koklavit” Play-off-i në Grupin A e në tërësi janë pesë skuadra në “ring”.

Shënkolli, Veleçiku dhe Iliria duan të shmangin ndeshjen Play-off me skuadrën e vendit të dytë në Grupin B të Kategorisë së Dytë, e po kështu Turbina me Elbasanin në Grupin B. Në këto situata, të shtunën Kategoria e Parë do mbyllet me javën e matematikës në mbijetesë!

AGRON KAJA

KATEGORIA E PARË-JAVA 26

Grupi A | Play-out
E shtunë, 18 maj 2019
Ora 16:00 | Shënkolli-Veleçiku
Ora 16:00 | Iliria-Vora
Burreli pushim
RENDITJA
Skuadrat        Nd       P
1.Burreli          26        25
2.Veleçiku       25        23
3.Iliria              25        21
4.Shënkolli      25 20
5.Vora             25        12

Grupi B | Play-out
E shtunë, 18 maj 2019
Ora 16:00 | Tomori-Pogradeci
Ora 16:00 | Elbasani-Turbina
Apolonia pushim
RENDITJA
Skuadrat        Nd       P
1.Apolonia      26 28
2.Pogradeci     25        22
3.Turbina         25        19
4.Elbasani        25        16
5.Tomori          25        11

Edhe një dilemë në të Dytën, e diela dita e së vërtetës

Sport Ekspres — Thu, 16 May 2019 10:21:45 +0000

Në javën e parafundit, Kategoria e Dytë nuk mundi të zbardhte të gjitha verdiktet e këtij sezoni, ku mbeti pa u përcaktuar vetëm skuadra kryesuese në Grupin B. Ka rreth pesë javë që rokada mes Shkumbinit e Devollit ka sjellë kureshtje dhe e ka bërë edhe më të fortë garën mes tyre. Të dielën zbardhen të gjitha dilemat.

Në Grupin A Tërbuni kryesues luan në transfertë në Librazhd, kurse Luzi 2008 i vendit të dytë pret Adën. Gramshi luan një 90 minutësh të lehtë me Kukësin B në Tiranë. Partizani B-Internacionali është “derbi’ i kryeqytetit, ndërsa Vllaznia B e mbyll në “Reshit Rusi” me Tiranën B.

Në Grupin B vetëm Përmeti-Butrintizhvillohet të shtunën. Devollit kryesues pret në fushën e vet Tepelenën, ndërsa Shkumbini merr tri pikë në tavolinë me Termin e tërhequr nga gara. Maliqi pret Skraparin, Delvina Albpetrolin si dhe luhen Naftëtari-Memaliaj e Këlcyra-Gramozi.

AGRON KAJA

KATEGORIA E DYTË-JAVA 26

Kategoria e Parë: Java e festës dhe dy pikëpyetjeve, ka një plan

Sport Ekspres — Mon, 13 May 2019 19:20:54 +0000

Kategoria e Parë mbyllet më 18 maj 2019. Të shtunën prej orës 16:00 zhvillohen përballjet e fundit dhe do të mësohen edhe skuadrat që do të shkojnë në “play-out”. Sikurse dihet, Tomori e Vora kanë rënë në Kategorinë e Dytë, kurse Vllaznia e Bylisi do të garojnë sezonin e ardhshëm në Superiore.

Shumica e ndeshjeve në fundjavë do të jenë për të respektuar kalendarin. Në Grupin A, Dinamo-Besëlidhja dhe Vllaznia-Erzeni janë përballjet në pesëshen e parë, kurse në “play-out” pritet me interes Shënkolli-Veleçiku. Lezhjanët mund të shpëtojnë direkt nëse mposhtin koplikasit. Iliria duket e shpëtuar, duke pasur parasysh që pret në shtëpi Vorën e rënë nga kategoria.

Në Grupin B Bylisi do kërkojë të festojë ngjitjen në Superiore me një fitore ndaj Besës, skuadrës me të cilën rivalizoi për kreun këtë sezon. Në Orikum vendasit presin Egnatian, kurse Lushnja e ka mbyllur kampionatin për këtë sezon. Tomori-Pogradeci në pesëshen e dytë është një shëtitje, kurse Elbasani-Turbina është vendimtare për skuadrën që do të luajë ndeshje shtesë për mbijetesën.

AGRON KAJA

KATEGORIA E PARË – JAVA 26
E shtunë, 18 maj 2019, ora 16:00

Grupi A | Play-off
Dinamo-Besëlidhja
Vllaznia-Erzeni
Korabi pushim

Grupi A | Play-out
Shënkolli-Veleçiku
Ora 16:00 | Iliria-Vora
Burreli pushim

Grupi B | Play-off
Oriku-Egnatia
Bylis-Besa
Lushnja pushim

Grupi B | Play-out
Tomori-Pogradeci
Elbasani-Turbina
Apolonia pushim

Kategoria e Parë: Sërish ndryshim orari, luhen vetëm finale mbijetese

Sport Ekspres — Wed, 08 May 2019 11:58:14 +0000

Kategoria e Parë luhet sërish në një ditë, ndërkohë që ka ndryshuar sërish orari. Një javë më parë të gjitha takimet nisën prej orës 17:00, kurse këtë herë luhet prej orës 16:00. Gara është e hapur vetëm në pesëshet e dyta, ku mbeten të përcaktohen ekipe që bien direkt dhe kush do të luajë ndeshje shtesë.

Në Grupin A Besëlidhja pret Korabin, kurse Erzeni Dinamon. Vllaznia kryesuese këtë javë është pushim. Në Play-out, Vora përballet me Shënkollin dhe do tentojë të mbajë gjallë shpresat për mbijetesë. Veleçiku kryesues pret Burrelin, me matjanët që synojnë të marrin të paktën një pikë. Iliria është pushim.

Në Grupin B, Besa-Oriku dhe Egnatia-Lushnja janë sfida që u shërbejnë skuadrave për të aktivizuar lojtarë të rinj. Në Play-out Turbina-Tomori është sfidë vendimtare. Fitorja synohet nga të dyja skuadrat, me beratasit që duan të ndezin shpresën për qëndrim në të Parën. Pogradeci-Apolonia është përballja tjetër në program. Elbasani është pushim.

AGRON KAJA

KATEGORIA E PARË – JAVA 26
E shtunë, më 11 maj 2019, ora 16:00

Grupi A | Play-off
Besëlidhja-Korabi
Erzeni-Dinamo
Vllaznia pushim

Grupi A | Play-out
Vora-Shënkolli
Veleçiku-Burreli
Iliria pushim

Grupi B | Play-off
Besa-Oriku
Egnatia-Lushnja
Bylis pushim

Grupi B | Play-out
Turbina-Tomori
Pogradeci-Apolonia
Elbasani pushim

Kategoria e Parë: Mbijetesa mban gjallë garën, sytë në Burrel e Berat

Sport Ekspres — Sat, 04 May 2019 07:32:26 +0000

Kategoria e Parë, ashtu si Superiorja zhvillohet sot e gjitha në një orar. Ndeshjet luhen prej orës 17:00. Gara tani është zhvendosur te pesëshet e dyta, pasi ende nuk janë përcaktuar skuadrat që do të garojnë sezonin e ardhshëm në Kategorinë e Dytë.

Në pesëshen e parë të Grupit A, veçohet “derbi” i Veriut: Besëlidhja-Vllaznia. Shkodranët e kanë siguruar kreun e grupit, ndërsa te Besëlidhja duan vendin e dytë. Në Kamzë do të luhet ndeshja Korabi-Dinamo, kurse Erzeni është pushim. Në zonën Play-out, Shënkolli-Iliria është një finale mbijetese, ndërsa Burreli me Vorën kërkon të largojë hijet e mbijetesës. Miqtë nga ana tjetër synojnë të mbeten në garë.

Egnatia-Bylis dhe Lushnja-Oriku janë sfida për statistika, ndërkohë që sytë janë nga skuadrat që synojnë qëndrimin në të Parën. Tomori pret Elbasanin dhe Apolonia skuadrën e Turbinës, dy ndeshje që pritet të jenë shumë të luftuara. Pogradeci këtë javë është pushim.

AGRON KAJA

KATEGORIA E PARË – JAVA 26

Grupi A | Play-off
E shtunë, 4 maj 2019
Ora 17:00 | Besëlidhja-Vllaznia (Në Lezhë)
Ora 17:00 | Korabi-Dinamo (Në Peshkopi)
Erzeni pushim

Grupi A | Play-out
E shtunë, 4 maj 2019
Ora 17:00 | Shënkolli-Iliria (Në Shënkoll)
Ora 17:00 | Burreli-Vora (Në Burrel)
Veleçiku pushim

Grupi B | Play-off
E shtunë, 4 maj 2019
Ora 17:00 | Egnatia-Bylis (Në Rrogozhinë)
Ora 17:00 | Lushnja-Oriku (Në Lushnje)
Besa pushim

Grupi B | Play-out
E shtunë, 4 maj 2019
Ora 17:00 | Tomori-Elbasani (Në Berat)
Ora 17:00 | Apolonia-Turbina (Në Fier)
Pogradeci pushim

E Para të shtunën, finale mbijetese në… orar ndryshe

Sport Ekspres — Wed, 01 May 2019 07:58:20 +0000

Javët e mbetura të Kategorisë së Parë luhen të gjitha në një ditë dhe në një orar. Kështu, java e 26-të zhvillohet të shtunën prej orës 17:00. Në Grupin A veçohet “derbi” Besëlidhja-Vllaznia. Lezhjanët janë në luftë për vendin e dytë, ndërsa shkodranët i kanë mbyllur llogaritë me kampionatin.

Korabi pret Dinamon në kërkim të pikëve të munguara, ndërsa Erzeni është pushim. Në zonën Play-out, takimi Shënkolli-Iliria merr statusin e kryendeshjen për mbijetesë, ndërsa Burreli pret Vorën dhe do kërkojë pikët e mbijetesës. Veleçiku është pushim.

Në Grupin B vëmendja më e madhe përqendrohet në zonën Play-off, ku Tomori pret Elbasanin dhe Apolonia Turbinën. Në lojë janë tre skuadra për mbijetesë, ndërsa Pogradeci është pushim. Në zonën në Play-off, ndeshjet Egnatia-Bylis dhe Lushnja-Oriku janë sfida revanshi për pikë nga skuadrat pritëse, ndërsa Besa është pushim.

AGRON KAJA

KATEGORIA E PARË – JAVA 26

Grupi A | Play-off
E shtunë, 4 maj 2019
Ora 17:00 | Besëlidhja-Vllaznia (Në Lezhë)
Ora 17:00 | Korabi-Dinamo (Në Peshkopi)
Erzeni pushim

Grupi A | Play-out
E shtunë, 4 maj 2019
Ora 17:00 | Shëkolli-Iliria (Në Shënkoll)
Ora 17:00 | Burreli-Vora (Në Burrel)
Veleçiku pushim

Grupi B | Play-off
E shtunë, 4 maj 2019
Ora 17:00 | Egnatia-Bylis (Në Rrogozhinë)
Ora 17:00 | Lushnja-Oriku (Në Lushnje)
Besa pushim

Grupi B | Play-out
E shtunë, 4 maj 2019
Ora 17:00 | Tomori-Elbasani (Në Berat)
Ora 17:00 | Apolonia-Turbina (Në Fier)
Pogradeci pushim