Ndeshje miqesore

VIDEO | Siti i Guardiolës i pamërshishëm, shkatërron skuadrën aziatike

Sport Ekspres — Wed, 24 Jul 2019 16:15:54 +0000

Mançester Siti nuk e mendon aspak se cilën skuadër ka përpara, por thjesht jep maksimumin në çdo ndeshje. Ulvs arriti ti mundë djemtë e Guardiolës javën e kaluar dhe si duket gjithë inatin e asaj disfate e ka shfryrë ndaj ekipit të Kitchee SC.

Kampionët e Anglisë kanë arritur të fitojnë me rezultatin 6-1, duke i nadrë golat nga tre për çdo pjesë. Guardiola nuk i kishte kursyer aspak yjet që në fillim të ndeshjes, me David Silva, Sane e Stërling që e dërguan topin në rrjetë në pjesën e parë.

Në të dytë Sane plotësoi dopietën e më pas Nabil Touaizi dhe Iker Pozo e çuan në gjashtë numrin e golave të shënuar. Chun Law shënoi golin e flamurin për Kitchee në të 85-tën, kur rezultati ishte 0-5.

Miqësore

Kitchee SC-Mançester Siti 1-6

David Silva ’14, Leroi Sane ’40, ’55, Rahem Stërling ’43, Nabil Touaizi ’80, Iker Pozo ’88\Tsz-Chun Law ‘85

VIDEO | Valencia e ka të thjeshtë ndaj Sionit, Lenjani e ndjek nga stoli

Sport Ekspres — Tue, 23 Jul 2019 18:44:43 +0000

Pas humbjes me Monakon, Valencia ka arritur të gjejë fitoren e parë në miqësoret e fazës pregatitore. Viktima e spanjollëve ka qenë Sioni, klubi i legjinarëve tanë, Lenjani e Kabashi. Ndeshja ka përfunduar me rezultatin e pastër 3-0 për fituesit e Kupës së Spanjës.

Spanjollët kanë dominuar, duke e “vrarë” ndeshjen me dy gola në pjesën e parë dhe një tjetër pas minutës së 70-të për të vulosur ndeshjen. As Lenjani e as Kabashi nuk e nisën ndeshjen nga formacioni i parë për ekipin zviceran. Kosovari u aktivizua në fillim të pjesës së dytë, ndërsa Lenjani nuk zbriti fare në fushë. Pajtim Kasami, shqiptari me pasaportë zvicerane ishte titullar.

Miqësore
Sion-Valencia 0-3
Gomez ’13, Rodrigo ’40, Himenez ’71

Mbyllet miqësorja në Rrogozhinë, Egnatia tregon forcën me Albpetrolin

Sport Ekspres — Sat, 12 Jan 2019 12:20:03 +0000

Për skuadrën e Egnatias ka rezultuar pozitive miqësorja e parë për vitin 2019. Me rezultatin e thellë 4-0 ka fituar me Albpetrolin, 3-0 pjesa e parë, një ndeshje ku skuadra e drejtuar nga Bledar Sinella e ka dominuar tërësisht në të dyja pjesët. Përpos humbjes, trajneri Elidon Demiri i Albpetrolit deklaroi për SportEkspres.com, se skuadra e tij ende nuk e ka gjetur veten pas pushimeve dimërore.

“Miqësorja me Egnatian na shërbeu për të parë realisht gjendjen e skuadrës, por më shumë tregoi se pjesa më e madhe e lojtarëve ende nuk e ka gjetur formën pas pushimeve të fundvitit”. Ndërkohë që për trajnerin Bledar Sinella të Egnatias, kjo ishte një provë e mirë për të dhe skuadrën. “Një ndeshje e mirë në përgjithësi, edhe pse pati disa mangësi, por që i shoh pa problem për vazhdimësinë”, kështu theksoi Sinella pas ndeshjes për SportEkspres.com.

E shtuna ditë miqësoresh, Kategoria e Parë zbret e gjitha në fushë

Sport Ekspres — Sat, 12 Jan 2019 09:25:25 +0000

Përmirësimi i kushteve të motit në vendin tonë, sot i favorizon ndeshjet miqësore që do të luhen nga skuadrat e Kategorisë së Parë. Dhe në kalendar ato nuk janë pak, pasi duke patur parasysh se disa prej tyre kanë luajtur gjatë dy ditëve të kaluara, sot në fushë luhen miqësore interesante, të ndërthurura edhe në nivele kategorish.

Më e veçantë mbetet përballja që Bylis do të ketë me Skënderbeun, miqësore e cila do të luhet në mesditë në Resortin “Tropikal” në Durrës, dhe po kështu takimi Oriku-Luftëtari që do të luhet në Orikum. Të dyja këto sfida mbeten më të veçantat e ditës së sotme, ndërkohë që Elbasani ka ftuar në fushën stërvitore “Shefqet Lamçja” gjakovarët e Vllaznimit.

Apolonia-Dinamo është miqësorja më e veçantë mes dy skuadrave të Kategorisë së Parë, por që aktualisht janë në grupe të ndryshme në këtë kategori. Egnatia luan ndaj Albpetrolit të Kategorisë së Dytë, ndërsa Besa do të përballet me Kombëtaren U20 në Kavajë. Edhe Shënkolli sot luan miqësoren e parë këtë muaj, pikërisht me Vllazninë U19.

Të gjitha këto miqësore do të jenë në fokusin e SportEkspres.com, ndërkohë që dita e dielë duket pak e varfër në ndeshje të tilla, pasi asnjera nga skuadrat e Kategorisë së Parë nuk ka konfirmuar nëse i kanë në program.

Ndeshje miqësore
Sot, 12 janar 2019
Egnatia-Albpetroli 11:00
Shënkolli-VllazniaU19 13:30
Apolonia-Dinamo 13:30
Besa-KombëtarjaU20 13:30
Skënderbeu-Bylis 13:30
Orikumi-Luftëtari 13:30
Elbasani-Vllaznimi 13:30

Flamurtari ngec në Lushnje, kuqezinjtë “dështojnë” në miqësoren e parë

Sport Ekspres — Wed, 09 Jan 2019 13:02:37 +0000

Sot në mesditë në stadiumin “Roza Haxhiu” u luajt miqësorja Lushnja-Flamurtari, një ndeshje ku të dyja skuadrat e kishin “zgjimin” e tyre të parë për vitin 2019. Më shumë se sa testi që dy trajnerët: Gjyla te Lushnja dhe Daja te Flamurtari kërkonin te skuadrat e tyre, ajo që u evidentua më shumë në këtë sfidë miqësore ishte mungesa e kapitenit të Flamurtarit, Tomislav Bushiç.

Ditë më parë, Bushiç e ka paditur klubin vlonjat në FIFA për pagesa të pashlyera, duke kërcënuar me largim të tij nga skuadra, madje sot nuk ka qenë me skuadrën në Lushnje. Gjithsesi, pjesa e parë e kësaj miqësoreje u mbyll me rezultatin 1-0 për lushnjarët pas golit të Griseld Dervishit, ndërsa në të dytën ishin vlonjatet që barazuan me anë të Andi Ribaj. Një rezultat ky që e ngushëllon trajnerin Ilir Daja të Flamurtarit në këtë situatë, ndërsa për Lushnjen barazimi mbetet nje test i mirë në këtë periudhë.

Lushnja tregon se është një kockë e fortë, ndaj një Flamurtari që duket se është i shpërqendruar me problemet jashtë fushe. Pa Bushiç e Alvesh, fuqia sulmuese duket se nuk është e njëjtë. Gjithsesi, kur bëhet fjalë për miqësore, rezultati kalon në plan të dytë, pasi kryesore është që trajneri të marrë përgjijget e duhura nga lojtarët.

AGRON KAJA