Shkodrani bën gjithçka mirë në hyrje të zonës dhe lëshon një të majtë shumë të fortë, duke shtangur portierin Abibi. Goli i numrit 7 ishte shumë i bukur dhe Partizani në avantazh. Epërsia e “Demave” do të zgjaste vetëm 10 minuta, pasi Tirana barazoi.

Ngo është shumë i fortë për mbrojtjen e kuqe dhe pasi driblon dy futbollistë, shërben bukur te Greca, i cili i vetëm përballë Hoxhës, nuk e ka të vështirë të shënojë. Pjesa e parë mbyllet e barabartë.

Fraksioni i dytë i lojës, nisi më mirë për Tiranën, që kërkoi të përmbysë shifrat. Megjithatë, golin vendimtar do e shënonte Partizani, sërish me anë të Çinarit. Shkodrani merr një pasim perfekt nga Trashi dhe i vetëm përballë Abibit, shënon, duke i dhënë fitoren dhe titullin Partizanit.

KATEGORIA SUPERIORE – JAVA 33
E shtunë, më 12 maj, ora 16:30

PARTIZANI-TIRANA   2-1
Çinari 30′ 72′ / Greca 40′

Partizani (4-2-3-1): Hoxha – Ibrahimi, Belica, Rexhepi, Trashi – Hila, Atanda – Mala, Duka (Kalari 82′) Çinari (Kardozo 87′) – Bardhi. Trajner: Skënder Gega

Tirana (4-1-4-1): Abibi – Daja, Turtulli, Imami, Hoxhallari – Mauexhe (Cake 81′) – Doka, Kobina, Hasani (Sentamu 67′), Greca – Ngo. Trajner: Ardian Mema

Kartonë të verdhë: Turtulli 23’, Daja 45+2′

EPISODET – 

90’ – Mbyllet sfida në “Selman Stermasi”. Partizani është skuadra kampione e Shqipërisë, pasi mposhti Tiranën në derbi me rezultatin 2-1.

72’ – Gooool Partizani, shënon sërish Çinari. Shkodrani duket në një ditë të shkëlqyer dhe shënon golin e dytë personal. 2-1 për “Demat” dhe festa në “Selman Stermasi” është e çmendur

67’ – Hoxhallari kroson shumë mirë nga një goditje dënimi dhe gjen kokën e Turtullit. Mbrojtësi i Tiranës gjuan me kokë, por portieri Hoxha e ndal.

52’ – Tirana e nis në sulm pjesën e dytë. Kobina tenton me të majtën nga jashtë zone, por pa probleme për portierin Hoxha. Gjithçka e barabartë në “Selman Stermasi”

45’ – Mbyllet pjesa e parë në “Selman Stermasi”, derbi i kryeqytetit nuk ka fitues në 45 minutat e para

40’ – Goool Tirana, shënon Greca. Ngo shërben në mënyrë të shkëlqyer te mesfushori i bardhebluve, i cili tregohet i saktë para portierit Hoxha, duke e mposhtur me një parabolë. 1-1 sfida!

30’ – Goool Partizani, shënon Çinari. Numri 7 i “Demave” shënon një gol fantastik, duke mposhtur Abibin nga jashtë zone më një silurë. 1-0 për Partizanin dhe me këtë rezultat, janë ata kampionët e Shqipërisë

19’ – Vjen goditja e parë drejt portës. Mala shmang bukur Hoxhallarin dhe në hyrje të zonës, godet me të majtën. Gjithsesi, asnjë problem për Abibin

10’ – Luftë e ashpër në mesfushë, skuadrat mbrohen mirë. Ende asnjë rast për t’u shënuar

1′ – Fillon sfida ne “Selman Stermasi”

Sulmuesi nga Shkupi shënoi në minutën e 27’ të takimit, ku pas dy tentativave drejt portës, mposhti më në fund portierin Koliçi, që e ndali në gjuajtjen e parë. Gjithsesi, goditja e dytë nga numri 10 ishte e pakapshme dhe Partizani gjeti avantazhin. Në fillimin e pjesës së dytë, është sulmuesi Mensah që shënon një supergol, duke dyfishuar shifrat dhe duke siguruar fitoren për ekipin e tij. Ndeshja do të shkonte edhe më mirë për “Demat”, që shënuan sërish në sekondat e fundit, me anë të Çinarit.

Në takimin tjetër mes Teutës dhe Luftëtarit, i luajtur në Durrës, rezultati ka qenë i bardhë 0-0, me të dy skuadrat që ndanë pikët. Ky rezultat i shkon më shumë për shtat Luftëtarit, ndërsa Teuta lë kështu dy pikë të rëndësishme në shtëpi.

Kategoria Superiore – Java 32
E shtunë, më 4 maj 2019, ora 15:00

TEUTA-LUFTËTARI  0-0

Teuta: Hidi, Progni, Osmani, Arapi, Hakaj, Sidibe, Kallaku, Traore (Avdyli 38′), Vajushi, Latif, Bushiç. Trajner: Bledi Shkëmbi

Luftëtari: Ruçi, Demo, Kukaj, Koconis, Xhekson, Aleksi, Rapo, Hyseni, Ymeraj (Fili 4′), Neziri, Dunga. Trajner: Julian Ahmataj

FLAMURTARI-PARTIZANI  0-3
Asani 27′, Mensah 52′, Çinari 89′

Flamurtari: Koliçi, Deliaj, Pollozhani, Veliu, Kotobelli, Batha, Musta, Rrapaj (Kreshpa 79′), Ribaj, Kale (Haruni 84′), Sukaj (Mustafa 39′). Trajner: Ilir Daja.

Partizani: Hoxha, Ibrahimi, Atanda, Kalari, Trashi, Hila, Jaiteh (Kote 46′), Duka, Mala (Çinari 78′), Asani (Kardozo 78′), Mensah. Trajner: Dritan Mehmeti

Kartonë të verdhë: Kotobelli 45’, Musta 57′ / Mensah 21’, Asani 72′, Ibrahimi 84′

EPISODET –

90+’ – Mbyllen takimet në Vlorë dhe në Durrës. Fitore për Partizanin, nuk ka fitues mes Teutës dhe Luftëtarit

89’ – Goool Partizani, Çinari gjen rrjetën. Një kundërsulm model i “Demave” konkretizohet me gol nga mëngjarashi shkodran, i cili shënon dhe golin e tretë për kryesuesit.

52’ – Goool Partizani, shënon Mensah. Sulmuesi i “Demave” merr një pasim të shkëlqyer nga Dilaver Duka dhe në hyrje të zonës, godet fort me të djathtën, duke mposhtur portierin Koliçi dhe duke shënuar një supergol.

45’ Mbyllen pjesët e para në Vlorë dhe në Durrës. Partizani është në avantazh përballë Flamurtarit, ndërsa te Teuta-Luftëtari nuk ka gola

39’ – Xhevahir Sukaj dëmtohet dhe largohet me barelë nga fusha e lojës. Në vend të tij, aktivizohet Argjend Mustafa.

27′ –Goool Partizani. Jasir Asani në dy tentativa arrin të shënojë dhe të mposhtë portierin Koliçi, për t’i dhënë avantazhin “Demave të Kuq”. Numri 10 i të kuqve gjuan fillimisht me të majtën, por Koliçi e ndal. Gjithsesi, në tentativën e dytë, Asani gjen rrjetën me një gjuajtje me të djathtën

24’ – Flamurtari qarkullon topin, Partizani tenton kundërsulmet. Ende asnjë rast i pastër nga të dyja skuadrat

7’ – Ribaj bën shumë mirë nga krahu i djathtë, driblon Kalarin dhe kroson në qendër, aty ku Sukaj u shfaq rrezikshëm, por Atanda mbyll gjithçka. Këndore për skuadrën vlonjate

Ndeshja ishte shumë e luftuar, por Tirana ishte më e qartë. Në minutën e 42’, Kobina jep një pasim perfekt për Oduamadi, i cili mposht në duel shpejtësie Frashërin dhe shënon golin e parë.  Në pjesën e dytë, Hasani dyfishon shifrat. Është sërish Kobina protagonist, pasi tregohet altruist dhe shërben te Hasani, i cili nuk e ka të vështirë të shënojë.

Teuta mundohet të reagojë pas pësimit të dy golave dhe arrin të shënojë me anë të Kamara, por vetëm 60 sekonda më vonë, Karabeci shënon një supergol dhe vendos fatet e takimit.

Teuta falënderon kalendarin tashmë, pasi do të marrë tri pikë në tavolinë kundër Kamzës, ndërsa Tirana do të synojë të ruajë ecurinë pozitive në “Selman Stermasi” përballë Kukësit.

KATEGORIA SUPERIORE – JAVA 29
E diel, më 14 prill 2019, ora 18:45

TEUTA-TIRANA   1-3
Kamara 73′ / Oduamadi 42′, Hasani 65′, Karabeci 74′

Teuta: Çeleski, Frashëri (Beqja 58′), Bicaj, Osmani, Hakaj, Sidibe, Gashi, Kallaku, Traore, Progni (Vajushi 46′), Latif. Trajner: Bledi Shkëmbi

Tirana: Abibi, Doka, Imami (Muca 89′), Goxha, Hoxhallari, Karabeci, Mauexhe, Hasani, Oduamadi, Kobina, Muçi (Sentamu 70′). Trajner: Ardian Mema

Gjyqtarë: Eldorian Hamiti, Ridigert Çokaj, Rejdi Avdo, Ermal Barushi, Ardian Beqiri, Olsid Ferhati

Kartonë të verdhë: Progni 31’

EPISODET – 

90’ – Mbyllet takimi në “Niko Dovana”. Tirana merr një fitore mëse të merituar 1-3 përballë Teutës.

74’ – Gooool. Çfarë kundërpërgjigje nga Tirana. Vetëm 60 sekonda pas golit të Kamara, kapiteni Karabeci shënon një gol shumë të bukur, duke çuar shifrat në 1-3.

73’ – Goool. Zgjohet Teuta, që shkurton diferencat. Një goditje nga këndi e ekzekutuar nga Vajushi gjen këmbët e Kamara, që shënon me roveshatë. 1-2 sfida në “Niko Dovana”.

65’- GOOOOOOOOL – Hoxhallari kroson në zonë për Kobina, ky i fundit shërben për Hasanin dhe shkodrani nuk gabon pak metra pranë portës. Festë e bardhebluve. Kobina jep asistin e dytë për sot

58’ – Teuta nuk po funksionon, vjen dhe ndryshimi i dytë. Frashëri largohet nga fusha e lojës, aktivizohet Beqja. Ende në avantazh Tirana

46’ – Pas një pjesë të parë të dominuar nga Tirana, Shkëmbi e nis të dytën me ndryshime në formacion. Progni i bën vend Vajushit.

42’ GOOOOOL – Eldorian Hamiti lejon avantazhin për Tiranën dhe Oduamadi merr një pasim të saktë dhe përparon drejt zonës. Përballë Çeleskit, nigeriani tregohet i saktë. Tirana në epërsi.

25’ – Tirana më kërkuese, por mungon pasimi final. Paraqitje e mirë deri më tani e sulmuesit të ri, Muçi, i cili në dy raste u shfaq rrezikshëm në zonën e Teutës

9′ – Edon Hasani provon me një goditje dënimi, jashtë gjuajtja e shkodranit. Sinjali i parë nga Tirana

1′ – Nis takimi ne “Niko Dovana”

Pjesa e parë – Gjatë 45 minutave të para të takimit, rastet ishin me pikatore dhe të dyja skuadrat u mbrojtën shumë mirë. Edhe pse Kukësi dominoi në qarkullimin e topit, nuk arriti të gjejë hapësira. Ndërsa Laçi, me anë të kundërsulmeve, rrezikoi disa herë portën e Frashërit. Fillimisht Xhixha dhe Çokaj, por dhe Lushkja tentoi kuadratin. Asnjë sekondë shtesë në pjesën e parë dhe skuadrat shkuan në dhomat e zhveshjes me rezultatin 0-0.

Pjesa e dytë – Edhe në pjesën e dytë, skuadrat i dhanë më shumë prioritet mbrojtjes dhe nuk donin të pësonin. Sërish Kukësi pati qarkullimin e topit, por sulmi i verilindorëve nuk ishte në një ditë të mirë. Pati disa pretendime për penallti, si nga Kukësi, ashtu dhe nga Laçi, por ndeshja vijoi e qetë dhe me raste të munguara. Por në minutën e 88’, Vesel Limaj “çmendet” dhe lëshon një predhë nga një distancë shumë e largët, duke mposhtur portierin Selmani. Një supergol nga mesfushori i Kukësit, i cili i dha tri pikë shumë të rëndësishme verilindorëve.

Kategoria Superiore – Java 28
E mërkurë, më 10 prill 2019, ora 15:30

Stadiumi “Laçi”, Laç

LAÇI-KUKËSI  0-1
Limaj 88′

Laçi: Selmani, Mersinaj, Toro, Gjoni, Sefgjini (Domgjoni 89′), Eller, Lushkja, Çokaj, Okpotu (Deliu 79′), Mane (Jonuzi 71′), Xhixha. Trajner: Sulejman Starova

Kukësi: Frashëri, Maliki, Teqja, Cuculi, Rrumbullaku, Uilliam (Et’hemi 74′), Limaj, Rroca, Rama (Çyrbja 85′), Rexhinaldo, Shkurtaj (Musolli 67′). Trajner: Ernest Gjoka

Gjyqtarë: Andi Koçi, Fatmir Lamaj, Ilir Tartari, Ermal Llapra
Delegat: Marjus Sulejmani; Vazhgues: Mhill Shkëmbi

Kartonë të verdhë: Limaj 23’

EPISODET –

90′ – Mbyllet takimi në Laç, vendos supergoli i Vesel Limajt. Kukësi merr tri pikët, Laçi “qan” rastet e humbura

88’ – Gooool Kukësi! Një “perlë” nga Vesel Limaj, i cili ndëshkon portierin Selmani nga një distancë shumë e largët. Mesfushori i verilindorëve nuk mendohet dy herë dhe lëshon një predhë, duke i dhënë avantazhin Kukësit

70’ – Pas 70 minutave në hije, Valdet Rama shfaqet më në fund rrezikshëm te porta e Laçit. Pas kombinimeve të mira me Kordeiron, ish-sulmuesi i kombëtares godet me të majtën, por Selmani e ndal, duke mbajtur rezultatin në 0-0

67’ – Zëvendësimi i parë i takimit. Musolli rikthehet në fushë pas gati shtatë muajve dhe merr edhe shiritin e kapitenit. Largohet nga fusha Shkurtaj

60’ – Kundërsulm shumë i mirë i Laçit dhe gjen mbrojtjen e Kukësit të papërgatitur. Topi përfundon te Mane, me sulmuesin afrikan që gjuan nga jashtë zonë dhe topi i tij shkon shumë pranë shtyllës. Rrezikshëm Laçi

50’ – Pjesë e dytë e ngadaltë, të dyja skuadrat e ulin ritmin e lojës

45’ – Mbyllet pjesa e parë në barazim 0-0. Kukësi qarkulloi topin dhe dominoi në terren, por rastet më të pastra i pati Laçi. Lushkja ishte ai që iu afrua më shumë golit, por asgjë nuk i ndan dy skuadrat, që duhet të provojnë në pjesën e dytë për ta fituar takimin.

42’ – Një aksion i gjatë i Laçit konkretizohet me një gjuajtje të mesfushorit Lushkja, e djathta e të cilit shkon shumë pranë traut të portës së mbrojtur nga Frashëri. I pafat numri 22 i kurbinasve

30’ – Dy goditje të njëpasnjëshme të Laçit. Fillimisht Xhixha e më pas Çokaj, por mbrojtësit e Kukësit bllokojnë të dyja tentativat e kurbinasve. Vazhdon 0-0 në Laç

23’ – Ndërhyrje shumë e ashpër e Vesel Limaj. Mesfushori i Kukësit ndëshkohet me karton të verdhë dhe mungon javën e ardhshme

15’ – Minuta të qeta në Laç. Kukësi qarkullon topin dhe mundohet të gjejë hapësira me krosime, por kurbinasit mbrohen mirë

1’ – Fillon takimi në Laç

Shkurtaj në minutën e 33’ shënoi golin e tij të dytë me fanellën e Kukësit në kampionat dhe i dha avantazhin Kukësit, që bëri një lojë më të mirë në pjesën e parë. Por në 45 minutat e dyta, Kastrioti bëri gjithçka mirë dhe arriti ta përmbysë takimin.

Roxher në minutën e 63’ dhe Ndreca në të 89-ën i dhanë fitoren Kastriotit, që tani i ka sytë nga dy rivalët e tjerë për mbijetesë, Luftëtari dhe Tirana.

KATEGORIA SUPERIORE – JAVA 27
E shtunë, më 6 prill 2019, ora 15:45

Stadiumi “Redi Maloku”, Fushë-Krujë

Kastrioti – Kukësi   2-1
Roxher 63′, Ndreca 89′ / Shkurtaj 34′

Kastrioti: Çekrezi, Husein, Bojom, Çela, Ndreca, Shehu, Ymeraj, H, Marku, Bardhi, Kalaja, Roxher. Trajner: Bledar Devolli

Kukësi: Frashëri, Maliki (Et’hemi 69′), Krasniqi (Xhemaili 12′), Cuculi, Rrumbullaku, Çyrbja (Rama 77′), Limaj, Rroca, Uilliam, Rexhinaldo, Shkurtaj. Trajner: Ramadan Ndreu

Gjyqtarë: Eldorian Hamiti, Nuri Rrapaj, Arbër Zalla, Olsid Ferataj

Kartonë të verdhë: Cuculi 18’, Xhemaili 45′

EPISODET –

89’ – Goooool Ndreca, Kastrioti kompleton përmbysjen. Një gol shumë i bukur nga mëngjarashi i krutanëve, që ndan festën me tifozerinë vendase

73’ – Kundërsulm shumë i mirë i Kukësit. Çyrbja i lirë nga krahu i djathtë vrapon me shpejtësi, kroson në qendër por ndal Bojom. Topi i devijuar nga mbrojtësi përplaset në shtyllë. Me fat Kastrioti

63’ – Goool Kastrioti, shënon Roxher. Sulmuesi brazilian i krutanëve gjuan bukur me të djathtën, topi përplaset në shtyllë dhe në trupin e Frashërit, për të përfunduar më pas në rrjetë. 1-1!

45’ – Ndreca driblon dy lojtarë, por Xhemaili e ndal me faull pak metra larg zonës së rreptësisë. Mbrojtësi i Kukësit ndëshkohet me karton të verdhë.

34’ – Zhbllokohet sfida në “Redi Maloku”, shënon Kukësi. Vasil Shkurtaj gjen golin e dytë në kampionat me fanellën e verilindorëve dhe i jep avantazhin kundër Kastriotit

19’ – Kastrioti pretendon për penallti, por gjyqtari Hamitaj thotë që është faull jashtë zone. Roxher gjuan nga goditja e dënimit dhe tentativa e tij nuk është larg kuadratit

12’ – Krasniqi nuk ia del dhe largohet me barelë, Xhemaili në fushë

10’ – Ende asnjë rast i pastër. Krasniqi dëmtohet, Xhemaili del menjëherë në nxehje

1′ – Fillon takimi ne “Redi Maloku”

Ishin vendasit ata që shënuan të parët, me anë të sulmuesit Alaez, që ishte dhe kapiten i skuadrës. Në minutën e 19’, Shqipëria e sheh veten në disavantazh. Megjithatë, të besuarit e Bushit ia dolën që të reagonin, pas në minutën e 33’ barazojnë shifrat me anë të Imerit, por vetëm dy minuta më vonë, e pësojnë sërish nga kapiteni i vendasve. Kur 21-vjeçarët tanë dukeshin të humbur, Sula gjen golin e barazimit, vetëm në minutën e 88’ të takimit.

Kualifikuese U21, “Euro 2020”

Andorra – Shqipëri  2-2
Alaez 19’ 55′ / Imeri 53′, Sula 88′

Formacionet fillestare

Andorra: Iker, De Pablos, Alavedra, Garsia, Cervos, Martinez, Vales, Guilen, Rebelo, Rosas, Alaez Trajner: Husto Ruiz

Shqipëria: Dajsinani, Maloku, Kryeziu, Mersinaj, Bajrami, Selahi, Kallaku, Sahiti, Zeka, Muçolli, Vrioni Trajner: Alban Bushi

EPISODET

88’ Gooool Shqipëria, shënon Sula. Sulmuesi ndodhet në kohën e duhur dhe në vendin e duhur për të shtyrë topin në rrjetë, duke ndëshkuar portierin vendas poshtë shalëve dhe duke ndarë pikët e këtij takimi

55’ Gol Andorra. Barazimi zgjat vetëm 2 minuta dhe kuqezinjtë tanë ndshkohen sërish. 2-1 vendasit

52’ Gooool Shqipëria, shënon Imeri. Sulmuesi i Shkëndijës përfiton mjaft mirë brenda zonës dhe ndëshkon me kokë porterin vendas, pas një krosimi shumë të mirë nga Sahiti.

19’ Gol Andorra, shënon Alaez. Sulmuesi i Andorrës luajti dhe dje kundër kombëtares A kuqezi, ndërsa sot i shënon Shpresave. Shqipëria në disavantazh

NDESHJA – “Ne e dimë që kishim një kundërshtar shumë të fortë siç është Turqia, që është pretendente për grupin. Ishim munduar ta përgatisëm lojën ashtu siç ne luajtën, nuk u shpërbëmë si ekip. Në fund, po nuk i shfrytëzove rastet ndëshkohesh, pasi kanë lojtarë shumë të mirë, titullarë dhe me minuta në këmbë. Ne e dinim që do të lodheshim në 20 minutat e fundit, pasi lojtarët tanë luajnë në nivele shumë më të ulëta”.

RASTET E HUMBURA – “Ky është një problem. I krijuam 2-3 raste dhe nëse do të kishim shënuar, do të kishim fituar. Nuk duhet të ishin të tensionuar, pasi përballë kishin Turqinë. Ok, Turqia është ekip i mirë, por nuk është as Franca e as Spanja. Duhet të jemi realistë, kundërshtari është më i fortë se ne”.

PËSIMI I GOLAVE – “Goli i dytë është mëkat që të pësohet. Një lojtar nuk mund të driblojë 4-5 vetë në zonë. Ai është lojtar i mirë, kapiteni, por nuk duhet kurrsesi të driblohemi 4 veta në zonë”.

PANUÇI – “Unë e kam mendjen vetëm te U-21, jam i përqëndruar vetëm kundër Andorrës. Nuk e kam mëndjen fare të kombëtarja A, vetëm te skuadra ime. Shehi i Kastriotit bëri një lojë shumë të mirë, edhe Bajramaj bëri shumë mirë”.

DURMISHAJ – “Nuk besoj se të kombëtarja jonë do të ketë më rast si Durmishaj. Nuk e besoj”, përfundoi i prerë Bushi.

Edhe pse Skënderbeu u mposht, trajneri Orges Shehi studioi disa lojtarë të rinj dhe skema të reja. Bregu, i cili luajti shumë pak minuta kundër Kukësit, u aktivizua edhe në këtë sfidë nga stoli. Qoshku, Qeleshi dhe Mara kishin minutat e tyre, por formacioni titullar i Shehit ishte thuajse i plotë, me të gjithë “senatorët” që u aktivizuan.

Miqësore, 23 mars 2019
Stadiumi “Skënderbeu”, Korçë

Skënderbeu – Pogradeci  0-1
Shënues: Kaba Sambu (ag)

Skënderbeu: Teqja, Vangjeli, Kaba Sambu, Dita, Abazi, Sibo, Toskiç, Pervan, Muzaka, Gripshi, Krasniqi.

U aktivizuan: Oto John, Kosta Vangjeli, Qoshku, Qeleshi, Mara, Bregu.

Pogradeci: Mali, Hysenllari, Pere, Idri, Çela, Osmanllari, Berberi, Kasa, Shkullaku, Alillari, Topllari.

U aktivizuan: Ivani, Lame, Bajraktari.

Bardheblutë e drejtuar nga Ardian Mema arritën të triumfonin pastër 2-0, duke i mposhtur rivalët e qytetit që në pjesën e parë. Në minutën e 34’, Ngo shërben për Hasanin brenda zonës dhe mesfushori nuk e ka të vështirë të shënojë. Vetëm katër minuta më vonë, Sentamu shërbehet i lirë pas mbrojtjes së Dinamos, kalon portierin dhe shënon me portën e boshatisur.

Në pjesën e dytë, Mema dhe Allmuça bënë shumë zëvendësime, duke aktivizuar dhe futbollistë të rinj. Rastet ishin të pakta dhe të dyja skuadrat u pajtuan me rezultatin e takimit.

Miqësore, 23 mars 2019
Stadiumi “Selman Stermasi”

Tirana – Dinamo  2-0
Hasani 34’, Sentamu 38′

Formacionet fillestare

Tirana: Lika, Kërçiku, Imami, Turtulli, Hoxhallari, Cake, Hasani, Daja, Halili, Sentamu, Ngo Trajner: Ardian Mema

Dinamo: Laco, Nuri, Kaja, Muça, Topalli, Allmuça, A. Nuri, Vrapi, Sefa, Çema, Çiliku Trajner: Igli Allmuça

EPISODET

78’ Tirana shpërdoron disa kundërsulme, Dinamo qarkullon topin

65’ Kalojnë të qeta minutat, skuadrat duken të pajtuara me rezultatin

46’ Fillon pjesa e dytë, Mema i zëvendëson të gjithë

45’ Mbyllet pjesa e parë, Tirana në avantazh të dyfishtë

38’ Goool Tirana, shënojnë sërish bardheblutë. Sentamu bën gjithçka mirë, kalon portierin Laco dhe shënon golin e dytë të Tiranës, që në katër minuta krijoi 4 aksione të rrezikshme

34’ Gooool Tirana, shënon Hasani. Ngo bën gjithçka mirë në hyrje të zonës, e mbron topin dhe shërben të Hasani, i cili i vetëm përballë portierit nuk e ka të vështirë të shënojë

26’ Çfarë aksioni model nga Dinamo. Sefa dhe Çema bëjnë gjithçka mirë, duke kombinuar disa herë mes njëri-tjetrit. Sefa është i vetëm përballë portierit Abibi, por gjuajtja e tij shkon jashtë

1’ Fillon takimi në “Selman Stermasi”, interes i pakët nga tifozët

Gjatë gjithë pjesës së parë, nuk munguan vonesat e lojës dhe faullet e ashpra në mesfushë, si dhe kartonët e verdhë nuk munguan. Në pjesën e dytë, vazhdoi e njëjta mënyrë loje. Mema filloi të bëjë ndryshimet në formacion, por asnjë zëvendësim nuk arriti të lërë gjurmë. Rastet e pastra munguan për Tiranën, deri në minutën e 80’. Halili improvizon dhe godet me finte nga një distancë e afërt, por topi i tij përplaset në shtyllë. Më pas, topi përfundon në këmbët e Goxhajt, por dhe gjuajtja e këtij të fundit nuk gjen rrjetën.

Kastrioti merr kështu tri pikë të arta sa i takon objektivit të tyre për mbijetesë, ndërsa Tirana katranos gjithçka dhe i bashkohet Luftëtarit dhe Kastriotit në luftën për të mos rënë nga Kategoria.

KATEGORIA SUPERIORE – JAVA 25
E diel, më 17 mars 2019, ora 14:00

Kastrioti – Tirana  1-0
H. Marku 28′

Kastrioti: Çekrezi, Husein, Bojom, Çela, Ndreca, Ymeraj, Shehu, H. Marku (Okebuku 72′), Roxher, Kalaja, Vatnikaj (Bardhi 69′). Trajner: Bledar Devolli

Tirana: Abibi, Kërçiku, Atinga, Imami, Hoxhallari, Maveje (Goxhaj 79′), Karabeci, Hasani, Doka, Greca (Sentamu 56′), Ngo (Halili 12′). Trajner: Ardian Mema

Gjyqtarë: Olsi Sokoli, Rejdi Avdo, Renato Malaj, Olsid Ferataj
Delegat: Lysien Nurishmi; Vëzhgues: Arjan Mali

Kartonë të verdhë: Husein 39′, Çela 66′ / Maveje 3′, Ngo 6’, Karabeci 32′

EPISODET

90’ Mbyllet takimi në Fushë-Krujë, Kastrioti merr tri pikë me shumë vlera

89’ Trajneri Mema largohet nga stoli, gjyqtari Olsi Sokoli i tregon kartonin e kuq

86’ Mundësi ideale për Kastriotin për të mbyllur historitë e takimit, por vendasit shpërdorojnë dy raste të arta njëra pas tjetrës

80’ Shans i artë për Tiranën. Halili gjen shtyllën dhe topi i rikthehet të sapofuturin Goxhaj, por gjuatja e këtij të fundit shkon ngjitur me shtyllën dhe jashtë

65’ Shumë faulle në mesfushë! Tirana mundohet të ndërtojë diçka, por mbrojtja vendase duket e pakalueshme

46’ Fillon pjesa e dytë, nuk ka ndryshime as në formacione, as në mënyrën si po zhvillohet loja. Vazhdojnë ndërhyrje e ashpra në mesfushë

45’ Mbyllet pjesa e parë. Kastrioti në avantazh me anë të një penalltie, Ngo e mbylli vetëm pas 12 minutash lojë. Luftë shumë e fortë në mesfushë dhe kartonët nuk munguan.

35’ Përplasje mes tifozerive, policia rreshtohet në mes të tyre

28’ Goool Kastrioti. Herald Marku është i saktë nga pika e bardhë e penalltisë dhe mposht portierin e Tiranës. Numri 7 i Kastriotit tregohet i qetë para porte dhe i jep avantazhin skuadrës së tij.

20’ Ndërhyrje e ashpër në mesfushë nga Atinga, por nuk ka karton. Tifozët vendas acarohen dhe fillojnë sharjet dhe fishkëllimat

12’ Mema nuk duron më. Ngo po rrezikonte të ndëshkohej me karton të kuq dhe vetëm pas 12 minutash, tekniku kryeqytetas e largon nga fusha, për të aktivizuar Halilin.

6’ Tension në fushën e lojës. Ngo është problematik dhe konfrontohet me dy lojtarë të Kastriotit. Mema e thërret në stol dhe e kritikon! Ngo merr karton te verdhe

1′ Nis takimi

Megjithatë, Skënderbeu nuk u dorëzua dhe arriti të barazojë gjithçka. Fillimisht, ishte Muzaka ai që shënoi, ndërsa në fund të takimit, Gripshi ndëshkoi ish-skuadrën e tij dhe bëri që skuadrat të ndajnë nga një pikë.

Të dyja skuadrat vinin me objektiva të ndryshme në këtë sfidë dhe fitorja për Teutën ishte domosdoshmëri, por Skënderbeu i befasoi dhe në “Niko Dovana”, pikët u ndanë mes skuadrave.

Kategoria Superiore – Java 24

E shtunë, më 2 mars, ora 17:00
Stadiumi “Niko Dovana”, Durrës

TEUTA – SKËNDERBEU  2-2
Kallaku 45+1′, Traore 62′ / Muzaka 67′, Gripshi 90+2′

Teuta: Hidi, Frashëri, Osmani, Arapi, Hakaj, Avdyli (Shkalla 88′), Traore, Kallaku, Kamara (Gashi 46′), Progni (Bicaj 73′), Bushiç. Trajner: Bledi Shkëmbi

Skënderbeu:Dajsinani, Vangjeli, Radas, Sambou, Pëllumbi, Dita, Sibo, Muzaka, Gripshi, Pervan (Oto Xhon 68′), Krasniqi. Trajner: Orges Shehi

Gjyqtarë:Klajdi Kola, Ridiger Çokaj, Enea Pashaj, Hermal Llapra
Delegat: Petrit Brahja; Vëzhgues: Sazan Velçani

Kartonë të verdhë: Hidi 35’ / Vangjeli 36’, Radas 46’

EPISODET

90+’ Mbyllet sfida ne “Niko Dovana”

90+2’ Goooool Skënderbeu! Një krosim i Vangjelit nga e djathta gjen kokën e Krasniqit, i cili e shtyn topin në shtyllën e dytë. Aty ndodhet i lirë Gripshi, i cili shënon një gol shumë të bukur fluturimthi me të majtën

79’ Hidi fantastik! Oto Xhon del i vetëm përballë portierit me shumë eksperiencë dhe gjuan bukur, por reagimi i Hidit është i shkëlqyer. Teuta ruan avantazhin

67’ Goooool Skënderbeu! Një aksion i gjatë konkretizohet me një goditje të Sibo, topi përplaset në shtyll dhe përfundon në këmbët e Muzakës, që me portën e boshatisur nuk e ka të vështirë të shënojë

62’ Goooool Teuta! Një top i humbur në mesfushë nga lojtarët e Skënderbeut nis një kundësulm të rrëzikshëm të Teutës. Topi shkon në këmbët e Bushiç, i cili shërben menjëherë sulmuesin Traore. Ky i fundit, ndëshkon me të majtën Dajsinanin dhe i jep qetësinë të besuarve të Shkëmbit

56’ Progni bën gjithçka mirë nga krahu i djathtë, kroson në qendër dhe Bushiç i lirë brenda zonës, godet shumë keq. Rast i artë për Teutën

45+1’ Goooool Teuta! Radas prek topin me dorë brenda zonës dhe për gjyqtarin nuk ka dyshim: Penallti për Teutën dhe Kallaku merr përsipër ekzekutimin. Mesfushori i durrsakëve shënon dhe zhbllokon takimin.

35’ Faulle të njëpasnjëshme në mesfushë dhe lojtarët tensionohen. Osmani, Vangjeli, Radash dhe disa futbollistë të tjerë të përfshirë. Gjyqtari qetëson gjithçka dhe rifillon takimi

25’ Kamara dhe Traore mundohen të vënë në panik mbrojtjen e Skënderbeut, por miqtë mbrohen mirë

22’ Progni problematik nga krahu i djathtë, por krosimet e numrit 77 neutralizohen me lehtësi nga portieri Dajsinani.

7’ Osmani rikthehet në fushën e lojës

3’ Probleme për kapitenin Osmani, shqetësohet Shkëmbi

1′ Nis takimi

PRAG NDESHJA – “Tifozeritë janë të zjarrta, por besoj se midis futbollistëve gjithçka është “FairPlay”. Marrëdhëniet mes lojtarëve janë të mira. Personalisht, duke qenë se kam qenë pjesë edhe e Partizanit, nuk kam asnjë luftë jashtë asaj sportive”.

DERBI – “Ndeshja është diçka tjetër, kur futesh në fushë është diçka tjetër, ndryshe nga kafet dhe restorantet”.

TIFOZËT – “Në fakt, nuk isha aty në momentin e tifozëve, por jam i bindur që të gjithë janë në mbështetje të Tiranës. Paqja mes dy palëve do të vijë pas fitores”,- u shpreh Daja.

Megjithatë, Kamza arriti të reagojë dhe të barazojë brenda pjesës së parë. Me anë të një goditjeje dënimi, Fukui arrin të godasë i lirë brenda zonës. Edhe pse jo një goditje e fortë, Frashëri nuk arrin ta ndalë dhe e shtyn topin drejt rrjetës së tij. Topi kalon vijën fatale dhe Kamza në delir.

Pjesa e dytë foli më shumë për Kukësin. Valdet Rama aktivizohet në minutën e 46’ dhe vetëm 60 sekonda më pas, realizon një gol fantastik. Pasi i vjedh topin mbrojtësit Bonani, sulmuesi është shumë i shpejtë për mbrojtjen mike dhe në limitet e zonës, godet shumë bukur, duke mposhtu portierin Avdyli dhe duke rikthyer Kukësin në avantazh. Në minutën e 60’, Rama është sërish protagonist. Një shpërthim i tij nga krahu i majtë sjell dhe golin e tretë për verilindorët, i cili shënohet nga mesfushori Rroca. Ky gol u duk se i siguroi fitoren Kukësit, por Kamza arriti të shënojë sërish.

Në minutën e 77’, Martinena gjen golin e parë personal me fanellën e Kamzës. I sapo futur në lojë, argjentinasi ekzekuton një goditje dënimi në mënyrë të shkëlqyer, duke mposhtur për herë të dytë portierin Frashëri. Minutat e fundit ishin shumë të luftuara nga të dyja skuadrat, por Kukësi u mborjt mirë dhe arriti të marrë një fitore shumë të vështirë përballë të besuarve të Stojkut, që debuton me humbje në krye të Kamzës.

Kategoria Superiore – Java 23
E diel, më 24 shkurt, ora 14:00
“Elbasan Arena”, Elbasan

KUKËSI-KAMZA  3-2
Shënues: Shkurtaj 9′, Rama 46′, Rroca 60′ / Fukui 40′, Martinena 77′

Kukësi: Frashëri, Ethemi, Krasniqi, Teqja, Xhemaili (Rama 46′), Çyrbja, Dzaria, Limaj (Rroca 56′), Rrumbullaku, Rexhinaldo (Joti 90+3′), Shkurtaj. Trajner: Armando Cungu Në dispozicion: (Gomis, Maliki, Joti, Rroca, Rama)

Kamza: Avdyli, Shala, Qaqi, Bitri, Bonani (Mumajesi 52′), Rezi, Malaj (Peci 63′), Mehmeti, Fukui, Plaku, Zisi (Martinena 76′). Trajner: Gentian Stojku Në dispozicion: (Selaci, Arrabal, Beqiri, Martinena, Mumajesi, Orelesi, Peci)

Gjyqtarë: Kreshnik Barjamaj, Denis Rexha, Denis Agaraj, Eldorjan Hamiti
Kartonë të verdhë: Çyrbja 33’, Xhemaili 40′ / Bonani 40′, Fukui 79′
Delegat: Alban Tafaj; Vëzhgues: Fatmir Tare

EPISODET

90′ Mbyllet takimi në “Elbasan Arena”, Kukësi ia del mes drithërimash

77’ Gooool Kamza!! Martinena gjen golin e parë këtë sezon nga një goditje dënimi, duke mposhtur Frashërin. Një gol fantastik nga sulmuesi argjentinas, i cili shkurton diferencat

60’ Gooool Kukësi!! Shënon Rroca. Mesfushori realizon golin e tretë për verilindorët dhe afron më shumë të besuarit e Cungut te fitorja. Pas një shpërthimi nga Valdet Rama nga krahu i majtë, Rroca është në vendin e duhur për të shtyrë topin drejt rrjetës. 3-1!

46’ Gooool Kukësi!! Fantastik Valdet Rama, i cili me topin e parë që prek shënon. Pasi i rrëmben topin Bonanit, sulmuesi avancon i vetëm dhe godet nga jashtë zone, duke shënuar një supergol

46’ Rama në fushën e lojës, mbyllet sfida për Xhemailin

45′ Mbyllet pjesa e parë e barabartë

40’ Gooool Kamza!! Një goditje dënimi e ekzekutuar shumë mirë nga Mehmeti gjen Fukuin brenda zonës. Goditja e japonezit shkon e lehtë në duart e Frashërit, por portieri i verilindorëve nuk arrin ta ndalë. Goli i pestë për Fukuin këtë sezon dhe Kamza barazon gjithçka

32’ Aksion shumë i mirë i Kukësit. Et’hemi dhe Rexhinaldo kombinojnë mirë nga krahu i majtë. Topi në qendër gjen këmbët e Çyrbjas, i cili godet bukur, por fluturon Avdyli

22’ Pranë barazimit Kamza! Plaku lufton mirë me mbrojtjen e Kukësit dhe arrin të godasë, por e djathta e tij shkon pak centimetra sipër traversës

9’ Goooool Kukësi! Realizon Shkurtaj. Sulmuesi gjen golin e parë në kampionat me fanellën e Kukësit dhe i jep avantazhin verilindorëve, që e nisin ndeshjen praktikisht në avantazh

1’ Fillon takimi, topin e parë e luan Kamza

Sulmuesi i Flamurtarit dhe pjesa tjetër e skuadrës festuan golin në një nga cepat e fushës, por kjo gjë nuk ndaloi disa tifozë të futeshin në fushën e lojës dhe të konfrontoheshin me fotografin e skuadrës vlonjate, situatë që u përshkallëzua edhe me futbollistët e të dyja skuadrave. Ribaj u ndëshkua me karton të kuq, vendim ky që nuk është ende i qartë.

Pas ndeshjes, mesfushori i Flamurtarit, Emiljano Musta ka reaguar në rrjete sociale, ku tregon se po kurohet për një çarje në fytyrë, të cilën e ka mbyllur me dy penj. Për këtë ndërhyrje të Trashit ndaj tij dhe për kartonin e kuq të Ribajt, mesfushori shkroi: “Dy të qepura, s’ka karton. Feston golin, del me të kuq për lojë të ashpër ndaj arbitrit. Made in Superliga!”

Pas avantazhit, pritej që Partizani të kontrollonte lojën, por Flamurtari u zgjua dhe mori frenat e lojës. Skuadra vlonjate arriti edhe të barazojë, me anë të sulmuesit Ribaj. 29-vjeçari ndëshkoi Hoxhën në minutën e 40’ të takimit dhe gjatë festës së kuqezinjve, pati dhe shumë tension në fushë.

Tifozët e “Demave të kuq” zbritën nga shkallët e stadiumit dhe u konfrontuan me fotografin e skuadrës së Flamurtarit. Në këto momente kaosi, u përfshi dhe sulmuesi Ribaj, i cili u ndëshkua me karton të kuq nga gjyqtari kryesor në minutën e 41’.

Pjesa e dytë nisi me Partizanin shumë kërkues. Gega nuk u pajtua kurrsesi me rezultatin dhe hodhi dy sulmues në fushën e lojës, fillimisht Mensah dhe pastaj Hebajn. Ishte pikërish shkodrani ai që i dha fitoren kryesuesve. Brenda pesë minutash, numri 9 i të kuqve shënon dy herë, duke “likuiduar” Flamurtarin dhe duke i dhënë tri pikët skuadrës së tij, që vazhdon të kryesojë kampionatin me diferencë pikësh.

KATEGORIA SUPERIORE – JAVA 23
E shtunë, më 23 shkurt, ora 17:00
Stadiumi “Selman Stërmasi”, Tiranë

PARTIZANI-FLAMURTARI  3-1
Shënues: Bardhi 11′, Hebaj 67′ 72′ / Ribaj 40′

Partizani: Hoxha, Ibrahimi, Belica, Rexhepi (Mensah 54′), Trashi, Atanda, Telushi, Asani, Duka (Hebaj 65′), Mala (Kote 77′), Bardhi. Trajner: Skënder Gega

Flamurtari: Koliçi, Liçaj (Ymeraj 76′), Pollozhani, Veliu, Kotobelli, Batha, Mustafa (Sukaj 85′), Rrapaj (Beqaj 62′), Musta, Kale, Ribaj. Trajner: Ilir Daja

Gjyqtarë: Indrit Myrtja, Melis Dervishi, Fisnik Thorja, Kridens Meta
Kartonë të verdhë: Trashi 14′, Rexhepi 61′ / Liçaj 33′
Karton i kuq: Ribaj 41′
Delegat: Lysien Nurishmi; Vëzhgues: Albano Janku

EPISODET

90’ Mbyllet sfida në “Selman Stermasi”, Partizani mposht Flamurtarin dhe merr tri pikët

72’ Gooool Partizani!! Hebaj shënon sërish. Sulmuesi mposht portierin Koliçi me një goditje me kokë, duke i dhënë avantazhin e dyfishtë Partizanit dhe duke afruar “Demat” me fitoren

67’ Goooool Partizani!! Hebaj ndëshkon Flamurtarin me topin e parë që prek. Sulmuesi i ardhur nga stoli mposht Koliçin nga një top i kthyer dhe me portën e boshatisur, rikthen Partizanin në avantazh

63’ Rast ideal për Partizanin, Asani shpërdoron shansin e artë për të kaluar në avantazh

46′ Nis pjesa e dytë, Partizani hidhet në sulm

45+5′ Mbyllet pjesa e parë mes kaosit dhe tensionit

42′ Ndërpritet ndeshja, kaos total në “Selman Stermasi”. Ribaj me të kuq!

40’ Gooooool Flamurtari!! Miqtë morën kontrollin e lojës pas disavantazhit dhe arritën të barazonin. Sulmuesi Ribaj, në një formë shumë të mirë, realizon golin e dytë radhazi në kampionat.

14′ Karton i verdhë për Trashin, titullari i Partizanit humbet derbin

11′ – Goooool Partizani !! Bardhi zhbllokon sfidën. Sulmuesi i Partizanit u shmanget mbrojtësve të Flamurtarit dhe shtyn drejt rrjetës një top të shkëlqyer të shërbyer nga Asani.

1′ Starton sfida

SITUATA NË EKIP – “Duke nisur që nga fillimi i javës, përgatitjet kanë qenë shumë të mira. Edhe ana psikologjike e skuadrës ka qenë shumë e mirë pas asaj fitoreje me Kamzën. Stërvitja ka qenë maksimalisht e mirë dhe mendoj se edhe harmonia në grup ka ndikuar në rezultatet pozitive të skuadrës”.

LAÇI – “Një ndeshje shumë e vështirë përballë një kundërshtari me shumë cilësi. Çdo ndeshje për ne është si një finale dhe çdo kundërshtari i kemi dhënë vlerësimin maksimal. Përgatitjet i kemi zhvilluar mjaft mirë, duke futur brenda edhe forcën fizike dhe kemi studiuar dhe anën taktike.

TIFOZËT – “Deri më tani, na kanë mbështetur në stadiumin e Fushë-Krujës, por mendoj nga paraqitjet e ekipit në këto katër ndeshje, edhe në transfertë do të kemi mbështetje. Forca që po tregon ky grup do të bëjë që të mbijetojmë, së bashku me harmoninë në ekip, që mendoj se është shumë e rëndësishme”,- u shpreh Marku.

LIDER I TIRANËS – “Po, ndihem shumë mirë dhe jam i lumtur që fituam ndeshjen. Kishim shanse edhe më përpara dhe duhet të shënonim më herët. Shënuam një gol në rrëmujë dhe të gjitha gjërat që bëmë në stërvitje ranë poshtë. Gjithsesi, jam i lumtur për ndeshjen që bëmë dhe për rezultatin që morëm. Tri pikë shumë të rëndësishme”.

NDESHJA – “Nuk jam i kënaqur me ndeshjen. Në 25 minutat e para, luajtëm shumë mirë, pasi bëmë presing lart dhe gjetëm golin. Më pas, u kthyem pas dhe krijuam hapësira. Ishte e vështirë për ne, pasi kundërshtari ka shumë kualitet. Kur ne luajmë në sulm, jemi një rrezik konstant, por luajmë dhe mësojmë. Ne mësuam shumë gjëra sot dhe tani shikojmë nga ndeshja e radhës, një ndeshje shumë, shumë e vështirë për ne”.

RINOVIMI – “Nuk kam dëgjuar asgjë për rinovimin? Ku e paska dëgjuar gazetari? Duhet të jetë president i Tiranës (qesh). Nuk e di, por jam i lumtur nëse ka diçka të tillë. Nëse lajmi është i vërtetë, jam shumë i lumtur që më besohet.

MARRËDHËNIA ME MEMËN – “I propozova dhe më tha po (qesh). Jemi si burrë e grua. Njëherë diskutojmë dhe zihemi, njëherë jemi perfekt. Çdo marrëdhënie ka probleme, por ne për momentin jemi shumë mirë”,- përfundoi Ngo.

Që në sekondat e para të sfidës, Flamurtari ishte më dominues dhe bëri ligjin në fushë, duke qarkulluar topin dhe duke krijuar raste të pastra. Ishte Ribaj fillimisht që nuk arriti të mposhtë portierin Dajsinani me kokë, pasi goditja e tij u prit mjaft mirë nga portieri i ri.

Skuadra e Skënderbeut nuk arriti për asnjë moment të dalë në lojën e saj dhe Flamurtari rrezikoi sërish portën. Ishte Liçaj që nga një distancë e afërt nuk arriti të mposhtë Dajsinanin, i cili e priti sërish.

Në pjesën e dytë, Flamurtari vazhdoi të krijojë dhe loja e mirë e vlonjatëve u shpërblye. Në minutën e 64’, Ribaj i vjedh kohën portierit Dajsinani dhe arrin të ndëshkojë me kokë, duke zhbllokuar shifrat dhe duke i dhënë avantazhin kuqezinjve.

Shehi aktivizoi Oto Xhon në vend të mbrojtësi Sambu, duke rrezikuar gjithçka për gjithçka. Dhe ishte pikërisht sulmuesi ai që ishte protagonist. Krasniqi bën gjithçka mirë në minutën e 83’ dhe ishte shumë pranë golit, por Oto Xhon e prek atë top që po i drejtohej rrjetës, kur ishte në pozicion të parregullt. Flamurtari me fat dhe në minutat e fundit, Musta me një supergol siguroi tri pikët për djemtë e Dajës.

KATEGORIA SUPERIORE, JAVA 22

E diel, 17 shkurt ora 17:00
Stadiumi “Flamurtari”, Vlorë

FLAMURTARI – SKËNDERBEU   2-0
Shënues: Ribaj 64′, Musta 90+4′

Flamurtari: Koliçi, Ribaj (Beqaj 84′), Pollozhani, Veliu, Kotobelli, Liçaj, Rrapaj (Meraj 88′), Kale, Torasa (Ziaj 90′), Musta, Batha. Trajner: Ilir Daja

Skënderbeu: Dajsinani, Vangjeli, Sambu (Oto Xhon 78′), Pëllumbi, Abazi, Dita, Taipi, Sibo (Toskiç 46′), Muzaka (Gripshi 46′), Pervan, Krasniqi. Trajner: Orges Shehi

Gjyqtarë: Eldorjan Hamiti, Ridiger Cokaj, Ani Kociaj, Klodian Shahini
Kartonë të verdhë: Batha 13′ / Vangjeli 22’, Taipi 35′, Muzaka 37′

Delegat: Petrit Brahja; Vëzhgues: Plarent Kotherja

EPISODET

90′ Mbyllet sfida në Vlorë, triumfon Flamurtari

90+4′ Goooool Flamurtari! Supergol nga Musta
Kuqezinjtë shfrytëzojnë në mënyrën më të mirë të mundshme një kundërsulm në sekondat e fundit të sfidës dhe Musta bën gjithçka mirë. Sulmuesi spostohet drejt qendrës dhe godet me të majtën, duke mposhtur Dajsinanin për të dytën herë në këtë sfidë.

83’ Një gabim nga Koliçi shfrytëzohet shumë mirë nga Krasniqi, i cili godet dhe topi niset drejt portës së boshatisur. Oto Xhon, në pozicion të parregullt, shtyn topin dhe goli anulohet. Lojtarët e Skënderbeut nuk i besojnë syve…

64’ Goooool Flamurtari! Shënon RibajNjë krosim i shkëlqyer nga krahu i djathtë gjen të lirë në zonë sulmuesin Ribaj, i cili i vjedh kohën portierit Dajsinani dhe realizon me kokë, duke i dhënë avantazhin vendasve

46′ Nis e dyta, Shehi bën dy zëvendësime

45’ Mbyllet pjesa e parë pa gola, Flamurtari bëri lojën

40’ Dominim i vendasve, por mungon goli

23′ Rast i artë pë Flamurtarin. Krosimi i Bathës gjen të lirë Liçajn shumë pranë portës, por Dajsinani pret goditjen e mbrojtësit

11′ Ribaj godet bukur me kokë, por Dajsinani i mohon golin

1′ Fillon takimi në Vlorë

HUMBJA – “Sot ishte një ndeshje për t’u fituar. Nuk u fitua dhe të gjithë do të mbajmë përgjegjësitë tona. Do ta mendoj largimin nga Kamza. Do të flas me presidentin dhe do të rishikoj pozicionin tim”.

NDESHJA – “Ishin dy pjesë të ndryshme, por mos harroni që ishte një presion i madh., duhet të ishim më të kujdesshëm dhe të shtynim disi përpara, por nuk u realizua me sukses”.

PENALLTIA – “Sigurisht që do të ishte vendimtare. Këto janë ndeshje shumë të vështira dhe nëse do të shënonim një gol, ndeshja do të ishte shumë më ndryshe.

POZICIONI – “Kam vështirësi, pasi ne erdhëm që të bënim diçka ndryshe. Nuk po ia dalim dot dhe do të rishikoj pozicionin tim. Nuk po motivohemi dot dhe gjërat në futboll shkojnë të gjitha bashkë”,- u shpreh Gjoka.

Pjesa e dytë nisi pa asnjë ndryshim në formacion dhe si pasojë, edhe mbarëvajtja e ndeshjes ishte pothuajse e njëjtë. Gjoka iu kërkoi të tijve të shtyjnë më përpara në kërkim të fitores dhe Kamza filloi të marrë drenat e lojës në kontroll.

Megjithatë, sulmi i bluve la për të dëshiruar dhe rastet ishin me pikatore. Shansi më i pastër u paraqit në këmbët e kapitenit Sebino Plaku, por sulmuesi nuk arriti të shtyjë topin drejt rrjetës kundërshtare. Minutat kaluan të qeta, por në sekondat e fundit të sfidës, Kastrioti gjen golin.

Është një “ish” që ndëshkon Kamzën. Në minutën e tretë shtesë, Ymeraj realizon një gol shumë të bukur, duke “vjedhur” tri pikët dhe duke i dhënë një triumf shumë të rëndësishëm skuadrës së tij.

KATEGORIA SUPERIORE, JAVA 22

E diel, 17 shkurt ora 14:00
Stadiumi “Kamza”, Kamzë

KAMZA – KASTRIOTI   0-1
Shënues: Ymeraj 90+3′

Kamza: Avdyli, Shala, Qaqi, Beqiri, Bonani, Rezi (Mumajesi 82′), Arrabal (Mehmeti 70′), Malaj (Orelesi 75′), Fukui, Plaku, Martinena. (Në dispozicion: Selaci, Bitri, Orelesi, Zisi, Mehmeti, Mumajesi, Peçi) Trajner: Ernest Gjoka

Kastrioti: Çekrezi, Husein, Shehi (Selmani 77′), Çela, Ndreca, Shehu, Ymeraj, Kalaja, Roxher, Bardhi (Neziri 90′), Vatnikaj (Okebugu 65′). (Në dispozicion: Puja, Selmani, Bojom, Okebugu, Neziri, Fejzaj. T. Marku). Trajner: Bledar Devolli

Gjyqtarë: Andi Koçi, Fatmir Lamaj, Mateo Sadikaj, Emirion Sino
Kartonë të verdhë: Arabal 29′, Beqiri 70’ / Husein 52′

Delegat: Besnik Çela; Vëzhgues: Arjan Mali

EPISODET

90+’ Mbyllet takimi, Kamza mposhtet në limite

90+3’ Goooooool Kastrioti! Ymeraj ndëshkon Avdylin me një supergol, duke i dhënë pikët e plota krutanëve. Luhen sekondat e fundit.

80’ As zëvendësimet nuk ndryshojnë gjë, vazhdon ndeshje e qetë

60′ Kamza kërkon të gjejë avantazhin, por mbrohet mirë Kastrioti

46′ Starton pjesa e dytë, asnjë ndryshim nga dy trajnerët

45′ Mbyllet pjesa e parë pa gola

35′ Sfidë e qetë në Kamzë, të dyja skuadrat nuk duan të pësojnë

24′ Zgjohet disi Kamza, por ende asnjë rast për tu shënuar

2’ Kastrioti e nis vrullshëm, Kamza rrezikon autogolin. Avdyli shpëton portën

1′ Starton sfida, topin e parë e luan Kamza

Komente nga më të ndryshmet u bënë në postimin e fundit të ndeshjes të publikuar nga faqja zyrtare e Kukësit. Shumë tifozë kritikuan ashpër trajnerin Cungu, por kishte dhe nga ata që shkruanin se kjo ishte një ndeshje e shitur. Disa nga komentet e tifozëve të Kukësit:

Fillimisht, ishte skuadra e Kukësit që pretendoi për një penallti. Braziliani Kordeiro depërton nga e majta dhe ndalohet nga Frashëri, që sipas gjyqtarit, ishte një ndërhyrje e rregullt. Të gjithë lojtarët e Kukësit protestojnë, por ndeshja vazhdon.

Episodi i dytë i takon Teutës. Kamara bën gjithçka mirë dhe lë pas Maliqin. Mesfushori Dzaria ndërhyn për ta ndalur dhe sulmuesi i Teutës rrëzohet brenda zonës. Të gjithë sytë nga gjyqtari, i cili sërish e cilëson një ndërhyrje të rregullt.

Dy penallti të paakorduara dhe në momentin më kritik të ndeshjes, gjyqtari drejton gishtin nga pika e bardhë. Në minutën e 90+3’ të takimit, Osmani ndal me dorë një goditje të një prej lojtarëve të Kukësit. Për kryesorin Xhaja, penallti dhe karton i kuq për mbrojtësin e Teutës. Kukësi pati mundësinë të marrë një pikë nga kjo sfidë, por Hidi ndali brazilianin Kordeiro dhe Teuta triumfoi 2-1 në fund, duke marrë tri pikë shumë të rëndësishme.

Gjithsesi, djemtë e Cungut ishin shumë të rrezikshëm në kundërsulm. E pikërisht në minutën e 37’ të takimit, Rexhinaldo kalon në avantazh verilindorët. Sulmuesi mozambikas godet shumë bukur nga jashtë zone, duke mposhtur portierin Hidi dhe duke zhbllokuar shifrat. Kukësi e mbylli në avantazh pjesën e parë dhe gjithçka dukej në rrugën e duhur për ta.

Por në pjesën e dytë, gjithçka foli për Teutën. Edhe pse ishin të rrezikshëm me sulmet e tyre, goli për djemtë e Shkëmbit po mungonte. Megjithatë, në minutën e 69’, Progni barazon gjithçka. Një goditje dënimi e ekzekutuar me mjeshtëri nga mesfushori gjen trekëndëshin e portës së Frashërit dhe festë te Teuta. Kukësi duket i çoroditur në fushë dhe vetëm 2 minuta më pas, Teuta ndëshkon sërish, duke kompletuar përmbysjen spektakolare.

Është Arapi ai që shënon golin e fitores për Teutën, duke kompletuar kështu një ndeshje shumë të mirë të tij. Ky ishte goli i parë për mbrojtësin e ardhur në janar dhe një nga golat më të rëndësishëm të Teutës deri më tani këtë sezon.

Kukësi pati mundësinë të merrte të paktën një pikë nga kjo sfidë, por Kordeiro humbet penallti në sekondat e fundit. Hidi bën heroin dhe ndal brazilianin, duke i pritur penalltinë.

Statistikat e ndeshjes
Teuta – Kukësi
Goditjet nga këndi: 8-0
Goditje në kuadrat: 5-3
Zotërimi i topit: 50%-50%
Sulmet e rrezikshme: 77-54

KATEGORIA SUPERIORE – JAVA 22

E diel, më 15 shkurt, ora 18:00
Stadiumi “Niko Dovana”, Durrës

Teuta – Kukësi  2-1
Shënues: Progni 69′, Arapi 71′ / Rexhinaldo 37′

Teuta: Hidi, Frashëri, Osmani, Arapi, Hakaj, Sidibe, Progni (Bicaj 83′), Kallaku, Traore (Beqja 78′), Kamara, Bushiç Trajner: Bledi Shkëmbi Në dispozicion (Celeski, Latif, Avdyli, Beqja, Bicaj, Gashi, Vila)

Kukësi: Frashëri, Maliqi, Cuculi, Shameti, Rrumbullaku, Dzaria (Çyrbja 80′), Limaj, Rroca (Shkurtaj 75′), Et’hemi (Rama 74′), Kordeiro, Rexhinaldo Trajner: Armando Cungu Në dispozicion (Gomis, Çyrbja, Xhemaili, Shkurtaj, Krasniqi, Rama)

Gjyqtarë:  Juxhin Xhaja, Dojando Myftari, Nuri Rrapaj, Nertil Bregasi

Kartonë të verdhë: Traore 62′, Osmani 90′ / Shameti 22’, Dzaria 53′, Cuculi 68′, Limaj 71′, Et’hemi 75′

Karton i kuq: Osmani 90+3′

EPISODET

90′ Mbyllet sfida, Teuta triumfon në “Niko Dovana”

90+4’ Hidi pret penalltinë e Kordeiros!! Braziliani pati mundësinë t’i japë një pikë Kukësit, por u tregua i pasaktë nga pika e bardhë e penalltisë. Hidi bën heroin dhe Teuta merr tri pikët!

71’ Goooool Teuta! Durrsakët përmbysin shifrat në vetëm dy minuta dhe Arapi gjen golin e parë me fanellën e Teutës.

69′ Goooooool Teuta!  Progni realizon një gol fantastik, duke mposhtur portierin Frashëri nga një goditje dënimi. Loja e mirë e Teutës shpërblehet dhe durrsakët arrijnë barazimin. Goli gjashtë këtë sezon për Prognin.

63′ Rast i pastër për Rrocën. Mesfushori i vetëm përballë Hidit shpërdoron një shans të artë, duke goditur në mënyrë të gabuar

46′ Starton e vrullshme pjesa e dytë në “Niko Dovana”

45′ Mbyllet pjesa e parë

37’ Goooool Kukësi. Rexhinaldo dhe Kordeiro kombinojnë mirë dhe i afrohen rrezikshëm zonës. Gjuajtja e brazilianit bllokohet fillimisht, por topi i rikthehet Rexhinaldos, që godet menjëherë dhe shënon një supergol, duke i dhënë avantazhin Kukësit.

27’ Edhe Teuta pretendon për penallti. Kamara futet mirë në zonë dhe shmang Maliqin, por pengohet nga Dzaria. Për gjyqtarin, nuk ka penallti, pavarësisht protestave të shumta të vendasve

16’ Kukësi shfaqet rrezikshëm në zonë me anë të Kordeiros. Braziliani avancon mirë nga e majta e sulmit dhe pengohet në zonë, por sipas gjyqtarit kryesor, nuk ka penallti

13’ Tjetër mundësi ideale për Teutën. Progni kroson mirë dhe Arapi është i lirë në shtyllën e dytë, por heziton të godasë fort dhe topi përplaset në shtyllë dhe përfundon jashtë

5′ Progni përfiton mirë nga një pasim i kthyer keq i Kordeiros dhe shërben në qendër për Bushiç, por kroati nuk koordinohet mirë para porte, duke shpërdoruar një rast ideal për të shënuar

1′ Fillon sfida në “Niko Dovana”

HIDI – “Besoj se jemi mirë, thjesht duhet të jemi më agresivë para portës së kundërshtarëve. U ndëshkuam nga një gabim i joni, por janë dhe 45 minuta dhe shpresoj që të përmbysim rezultatin”,- u shpreh Hidi.

LIMAJ – “Kemi pak vështirësi, sepse nuk jemi shumë kompakt përpara dhe me këtë gol që shënuam, do të rikthehemi më të qetë. Në pjesën e dytë mund të luajmë me të njëjtën strategji, por nuk duhet të bëjmë kaq shumë gabime në pasime.”

DIFERENCA NË KRYE – “Kemi qenë dhe 12 pikë para dhe të gjithë mendonin se u mbyll kampionati, po u afruam me tri pikë. Edhe diferenca e tanishme nuk tregon asgjë. Ne thjesht duhet të bëjmë maksimumin dhe të marrim sa më shumë pikë”.

REXHINALDO – “Do e shohim nesër para ndeshjes, nuk dua të flas para kohe. Kemi dhe një ditë stërvitje dhe do të shohim. Nuk e kam vendosur ende kush do të luajë, por ndoshta Rexhinaldo do të luajë me Shkurtajn në sulm.

KUNDËRSHTARËT – “Llogaritë janë të thjeshta për ne, duhet të luftojmë shumë për të arritur atë që synojmë. Nuk na interesojnë kundërshtarët, por shohim vetëm kampionatin tonë. Duhet të bëjmë gjithmonë vetëm maksimumin”,- u shpreh Cungu.

Fillimisht, ishte Krasniqi që kaloi Skënderbeun në avantazh. Në minutën e 55’, Muzaka kroson bukur nga krahu i djathtë dhe sulmuesi i “Ujqërve” i vjedh kohën Toros për të shënuar me kokë. Në minutën e 76’, është sërish Krasniqi protagonist. Sulmuesi fiton një penallti, e cila shndërrohet në gol nga kroati Perivan.

Ky gol rezultoi shumë vendimtar, pasi edhe Laçi gjeti rrjetën. Në minutën e 90’, Gjoni fiton penallti dhe topin e mer… Selmani. Portieri i kurbinasve merr përsipër ekzekutimin e 11-metërshit dhe realizon, duke shënuar golin e parë për Laçin në tre ndeshjet e 2019-ës. Megjithatë, ky gol nuk i shmangu humbjen Laçit dhe Skënderbeu merr tri pikë të vyera, duke parakaluar kurbinasit edhe në renditje.

KATEGORIA SUPERIORE – JAVA 21

E hënë, më 11 shkurt, ora 18:00
Stadiumi “Skënderbeu”, Korçë

Skënderbeu – Laçi  2-1
Krasniqi 55′, Pervan 76′ (p) / Selmani 90′ (p)

Skënderbeu: Dajsinani, Vangjeli, Sambu, Pëllumbi, Abazi, Taipi, Sibo, Dita (Kurti 54′), Pervan (Oto Xhon 83′), Muzaka (Gripshi 71′), Krasniqi Në dispozicion (Teqja, Radash, Kurti, Gripshi, Asani, Toskiç, Oto Xhon) Trajner: Orges Shehi

Laçi: Selmani, Fangaj, Toro, Gjoni, Sefgjini, Eler, Jonuzi, Çokaj, Shtubina (Berisha 56′), Lushkja (Mane 74′), Xhixha (Okpotu 49′) Në dispozicion (Sali, Pjeshka, Mersinaj, Mane, Okpotu, Berisha, Domgjoni) Trajner: Besnik Prenga

Gjyqtarë:  Andi Koçi, Fatmir Lamaj, Nertil Bregasi, Olsi Sokoli

Kartonë të verdhë: Taipi 42’ / Gjoni 68′, Jonuzi 84′

EPISODET

90+’ Mbyllet takimi në Korçë, Skënderbeu triumfon përballë Laçit

90’ Goooool Laçi! Shkurtojnë kurbinasit
Gjoni fiton një penallti, pas një ndërhyrje nga pas e sulmuesit Krasniqi. Fillimisht, është Okpotu që merr topin për të goditur, por sinjalizohet nga Gjoni që do të gjuajë Selmani. Portieri i kurbinasve vrapon drejt zonës kundërshtare dhe godet penalltinë, duke shkurtuar diferencat.

76’ Gooooool Skënderbeu!! Pervan dyfishon shifrat
Blerim Krasniqi i vjedh kohën portierit Selmani, i cili shkakton penallti. Përgjegjësinë e merr kroati Pervan, i cili tregohet i saktë nga 11 metrat dhe shënon të dytin për Skënderbeun. Me këtë gol, Pervan kompletoi ndeshjen perfekte, pasi ka qenë ndër më të mirët në fushën e lojës.

62’ Laçi përgjigjet dhe gjen rrjetën, por goli i kurbinasve është në pozicion të parregullt

55′ Goooooool Skënderbeu. Shënon Krasniqi!!
Muzaka gjen mirë hapësira nga krahu i djathtë i sulmit dhe harkon në qendër drejt Krasniqit. Sulmuesi ka ende shumë punë për të bërë, por i vjedh kohën mbrojtjes kurbinase dhe shënon me kokë, një gol shumë i bukur

49′ Mbyllet sfida për Xhixhan, debuton Okpotu

46’ Starton pjesa e dytë, asnjë zëvendësim në fushën e lojës

45′ Mbyllet pjesa e parë, raste të shumta për të dyja skuadrat

30’ Rasti më i pastër i sfidës i takon Skënderbeut. Marko Pervan duket në një ditë shumë të mirë. Kroati gjen mirë hapësira në hyrje të zonës dhe provon të djathtën. Gjuajtja e tij ndalet nga shtylla dhe Selmani rrezikon autogolin

28’ Çfarë shansi për Skënderbeun. Një aksion model i skuadrës korçare konkretizohet me një gjuajtje me kokë nga mesfushori debutues Sibo, por Selmani ndal sërish

23’ Shans ideal për Laçin. Jonuzi ekzekuton me shpejtësi një goditje nga këndi. Topi i krosuar në zonë gjen këmbët e Gjonit, i cili godet fort, por ndalet nga Dajsinani

18’ Perman bën gjithçka mirë dhe është lojtari më i rrezikshëm i Skënderbeut. Anësori i majtë provon të ndëshkojë me të djathtën, por e ndal Selmani

5′ Perman rrëzohet brenda zonës dhe pretendon për penallti, gjithçka e rregullt sipas gjyqtarit

1′ Fillon takimi, Skënderbeu e nis në sulm

Pikërisht aksioni i golit është dhe një nga rastet e diskutuara, pasi gjuajtja e Karabecit fillimisht është përplasur në trupin e Ngo, i cili ndodhej në një pozicion të dyshimtë. Megjithatë, nuk pati flamur të ngritur lart dhe gol i rregullt për Tiranën.

Doka ishte sërish protagonist, kësaj radhe në minutat e para të sfidës. Një top i prekur nga mbrojtësi shkon rrezikshëm drejt portës së mbrojtur nga Abibi, i cili largon me duar në goditje këndi. Kukësi pretendon për faull, por gjyqtari nuk ndan të njëjtin mendim.

Verilindorët kanë dhe një pretendim për penallti, pas një topi të ndalur nga mbrojtësi i majtë, Erion Hoxhallari. Edhe njëherë tjetër, për gjyqtarin gjithçka është e rregullt. Klubi i Kukësit ka paraqitur këto raste me anë të një videoje, ku tregohen momentet e diskutueshme sipas tyre.

NDESHJA – “Qëllimi ishte që ne sot të dilnim me të paktën një pikë. Mendoj se pjesën e interpretimit të lojës e bëmë mirë. Duke pasur parasysh se Teuta ka lojtarë të shpejtë dhe fizik, pjesën e parë bëmë një lojë të mirë dhe e vumë në vështirësi kundërshtarin”.

FINANCAT – “E kam thënë në media që na është bërë një pagesë dhe pritet që shumë shpejt të bëhet një pagesë tjetër. Shpresoj që drejtuesit e klubit të gjejnë gjuhën e përbashkët dhe t’i sigurojmë pagat lojtarëve që t’i motivojmë akoma më shumë, pasi kemi të bëjmë me futbollistë profesionistë që paguhen për punën e tyre.”

MBROJTJA ME 3 – “Unë preferoj një skemë tjetër, që e kam përdorur gjatë të gjithë sezonit. Por mungesa e Bonanit na detyroi të bënim këtë vendosje.”

KAMZA LUAN PËR PARTIZANIN? – “Absolutisht që jo. Në ndeshjen e javës së kaluar ajo skuadër që luajti dha maksimumin. Ne nuk mund të luajmë për askënd tjetër, pasi jemi në greminë. Nëse luajmë për dikë tjetër atëherë jemi të rënë nga Kategoria”.

NDESHJA – “Për rezultatin nuk jam i kënaqur, vetëm fitorja të kënaq. Më kënaq loja, ishim në ekuilibër. U munduam t’i jepnin shanse vetes deri në fund. Patëm rastet tona dhe nuk shënuam. Kemi aktivizuar dy djem të rinj, pasi të ardhurit duan kohë”.

SKUADRA – “Kam një ide më të qartë për skuadrën, kemi një ekip me djem të mirë. Duan kohë, stërvitje dhe angazhim për të shkuar përpara. Nuk kemi luksin të bëjmë futboll brilant, por duhet t’i marrim maksimumin ekipit dhe çdo lojtari”.

DUNGA –  “E kuptoni që Flamurtari ka ekip të mirë, sidomos përpara. Kanë pesë lojtarë, duke futur edhe Rrapajn. Duhet ekuilibër. Nëse Aleksi shkonte lart, mund të na ndëshkonin. Menduam të ishim më të kujdesshëm. Rastet i patëm dhe mendoj se funksionoi”.

AGRESIVITETI – “Në fillim u munduam të ishim agresivë, por kishim një skuadër që i kishte marrë masat. Në futboll duhet dhënë mundësia që të shprehen. Nuk mund të dominosh tani, duhet ekuilibër dhe më pas të ngrihesh dhe të jesh agresiv. Pa ekuilibër nuk e bën dot. Filtron topi dhe bëhesh skuadër shumë e lehtë. Luftëtari është mundur në të shkuarën në shtëpi për shkak të mungesës së ekuilibrit. Duhet kohë për të arritur tek ajo që duhet”.

PENALLTIA – “Nuk jam marrë asnjëherë me arbitrat. Nuk e kam rastin, ta shoh përpara. Siç gabojmë ne, gabojnë edhe arbitrat”.

NDESHJA – “Ndodhi ajo që ndodhi në ndeshjet e para. Ekipi nuk po paraqet të njëjtin nivel. Pjesa e parë ishte e dobët, më pas ndryshuam vendosje. Në pjesën e dytë kishte diçka më ndryshe, patëm raste dhe shpërdoruam. Ndaj edhe erdhi ky rezultat. Pësuam një gol ndoshta disi karambolesk, por edhe për përgjegjësinë time. Dërgova Shametin lart për të shënuar dhe mbaj përgjegjësi”.

TITULLI – “Nuk do të thotë se nuk e duam titullin. Duhet të shohim shumë komponentë. Më shumë kemi folur në media, se në fushë, ndërsa ekipet  e tjera nuk i kam dëgjuar të dalin me flamur që të thonë ‘dalim kampionë’. Partizani, edhe pse i pari, nuk flet. Ka disa afrime që nuk kanë ritmin e duhur. Afrimet nuk janë ambientuar me ekipin, që e ndërtuam me mund e me djersë. Prishëm fizionominë e lojës për momentin. Duhet kohë, por kampionati dhe pikët nuk ta japin”.

PRESIONI – “Në futboll nuk fitohet me çdo kusht. Indirekt patëm presion. Do kishte qenë e udhës që ekipet që pretendojnë të luajnë në të njëjtën ditë dhe orar”.

RASTET E HUMBURA – “Deri dje jemi ankuar për raste të humbura. Rexhinaldo dhe Shkurtaj mendohet se janë më të mirët. Shpërdoruan ata, por edhe Rama, Ethemi dhe Kordiero. Këta janë lojtarët. Duhet kohë që këta djem të ingranohen me lojën. Po, kam vështirësi për modulin. Nuk jemi ai Kukësi që bënte lojëra të mira. Janë shumë prurje: Teqja, Rrumbullaku, Shkurtaj, por edhe Rrumbullaku, që është bashkuar më vonë me ne”.

BLERJET E REJA DHE TRONDITJA E PANKINËS – “Nuk kam asnjë presion, edhe nuk e kam problem edhe nëse krijohet presion. Pres çdo vendim të klubit. Kam dëshmuar se di të punoj. E kam bërë edhe në Kukës, ku nuk ndërtohej asnjë aksion. Bëmë një ekip që po luante më mirë se të tjerët. Jam i qetë dhe nuk kam asnjë problem. E thashë, duhet t’u japësh mundësinë afrimeve. Në të kundërt, do të marr vendimet e mia. Do shikoj kush do të luajë. Askush nuk më detyron të fus lojtarë, s’e ka bërë. Unë nuk lejoj asnjë të ndërhyjë, vendos vetë”.

NDESHJA – “Do të thosha se për atë që u prodhua në lojë barazimi ishte rezultati më i drejtë. Komplimente kolegut, kishte vendosur mirë skuadrën në fushë. Ata ishin shumë kërkues. Jemi të kënaqur, pasi loja prodhoi rezultatin e merituar.”

SUKAJ – “Xhevahiri ka një bagazh individual, por nuk është mirë fizikisht. Duhen katër javë për të marrë vlera të reja. I vonova ndërrimet, pasi flisja me stafin. Kishim disa pika të dyshimta për shkak të energjive që kishin. Në stol kishim shumë të rinj, janë nën 20 vjeç. Mendoja që e kisha të vështirë të ndërhyrja. Në fund ekipi kishte njëfarë ekuilibri në lojë.”

FRIKA PËR TË MOS HUMBUR – “Pothuajse është një kontogjent i limituar. Mungesa e Allës na e vështirësoi një vendosje tjetër. Kohët e fundit kemi luajtur shumë ndeshje, nuk kemi pasur mundësi të bënim rotacion. Ndikoi në gjendjen fizike dhe nuk patëm ritëm si ndaj Kukësit, ashtu edhe ndaj Tiranës.”

OBJEKTIVAT – “Kemi shpresë për Europën, me gjithë problemet që dihen. Nuk jemi shumë larg për ta arritur këtë qëllim. Nuk luftonim me Luftëtarin për t’i shpëtuar zonës së ftohtë, por donim tre pikët për t’iu afruar ekipeve lart.”

ZGJEDHJA – “Asnjëherë nuk kthehesh dot mbrapsht. Nuk jam nga ata që tërhiqem. Do vazhdoj deri në fund, por sigurisht duhet mbështetja e të gjithëve.”

NDESHJA – “Trajneri mendon të këqijat, para të mirave. Patëm probleme në pjesën e dytë Ne duam ekuilibër dhe të fitojmë. Vuajta pjesën e dytë, gjithsesi ekipi fitoi. Është rikthyer entuziazmi. Rezultatet na gëzojnë”.

SITUATA TE TIRANA – “Nuk jam tip që kënaqem kollaj, por gjërat kanë lëvizur pozitivisht. Më ka kënaqur Imami, ka qenë vendimtar në mbrojtje. Fitorja kthen entuziazmin, por na kthen me këmbë në tokë. Do analizojmë gjatë javës, pasi kemi bërë edhe sot gabime”.

PËRGATITJA E NDESHJES – “Kukësi e nis me 3-4-3. Në Vlorë luajtën ndryshe ata, ndryshe nga sa e kishim parashikuar. Prandaj e vendosa Dajën, që të mbante Rrocën. Patëm ekuilibër në mesfushë, bënë presion në kohën e duhur. E kapëm mesin e fushës, kur ata nisën të luanin nga mbrojtja në sulm”.

NDER PARTIZANIT – “Ndoshta në ditët në vazhdim mund t’i bëjmë nder edhe Kukësit, pasi luajmë edhe ne me Partizanin”.

KTHESA TE TIRANA –  “Është e vështirë të ta them. Mendoj se janë harmonizuar veprimet mes reparteve, ose në çifte. Ekipi kërkon gjithë kohën të fitojë. Ka një lloj urie për të fituar ndeshjet. Nuk them dot më tepër. Duhet të bëjmë detyrat tona dhe të punojmë. Ekipi duhet të ketë sërish këtë lloj entuziazmi”,- u shpreh Mema.

Pjesa e parë ishte më e shpejtë dhe pati disa ngacmime drejt portave. Rasti më i përfolur është padiskutim pretendimi për penallti i Luftëtarit. Në minutën e 40’, Fili pengohet në zonë nga Pollozhani, por për gjyqtarin nuk ka penallti.

Pjesa e dytë pati shumë gabime në pasime dhe shumë duele të forta në mesfushë. Luftëtari rrezikoi disa herë me goditje standarte, ndërsa Flamurtari nuk arriti për asnjë moment të dalë në lojën e saj. Gola nuk pati deri në fund të sfidës dhe të dyja skuadrat ndanë nga një pikë.

KATEGORIA SUPERIORE – JAVA 21

E diel, më 10 shkurt, ora 14:00
Stadiumi “Gjirokastra”, Gjirokastër

LUFTËTARI-FLAMURTARI 0-0

Luftëtari: Ruçi, Rapa, Hoxha, Koconis, Xhekson, Ramadani, Aleksi, Açka (Demo 67′), Oshafi (Çelaj 56′), Fili, Dunga (Uarden 86′). (Në dispozicion: Bakaj, Hanti, Demo,  Rapo, Neziri, Uarden). Trajner: Julian Ahmataj

Flamurtari: Koliçi, Liçaj, Pollozhani, Veliu, Kotobelli, Rapaj, Mustafa (Ymeraj 87′), Musta, Torasa, Kale (Ziaj 90+2′), Batha (Sukaj 80′). (Në dispozicion: Qirko, Qarri, Beqaj, Sukaj, Ribaj, Ymeraj, Ziaj). Trajner: Ilir Daja

Gjyqtarë: Klodian Shahini, Rejdi Avdo, Enea Pashaj, Olsid Ferataj
Karton i verdhë: Kale 44′

Delegat: Bujar Pregja; Vëzhgues: Besnik Kaimi

EPISODET

90′ Mbyllet takimi në Gjirokastër, skuadrat ndajnë nga një pikë në një ndeshje shumë të qetë

83’ Xhekson provon me të majtë nga goditja e dënimit. Provon të gjejë të papërgatitur Koliçin në krahun e këtij të fundit, por gjuajtja e brazilianit shkon jashtë.

80′ Minuta dhe për Sukajn, largohet Batha

75’ Shumë gabime nga të dyja skuadrat, mungojnë rastet e pastra

68’ Faull në një pozicion të favorshëm për Luftëtarin. Kroson Xhekson, por largon mbrojtja vlonjate. Topi në hyrje të zonës goditet fluturimthi nga kapiteni Ramadani, por gjuajtja e mesfushorit të Luftëtarit përfundon jashtë

60′ Luftëtari më i rrezikshëm. Një aksion i bukur nga krahu i majtë gjen të lirë në qendër Çelajn, i cili godet dhe pret Koliçi. Megjithatë, ka një flamur lart për pozicion të parregullt

50′ Pjesë e dytë e qetë në Gjirokastër, mungojnë rastet

45′ Mbyllet pjesa e parë

40′ – Fili pretendon për penallti, pasi rrëzohet në zonë. Gjyqtari Shahini e konsideron të rregullt ndërhyrjen e Pollozhanit

9′ – Flamurtari bën gjuajtjen e parë në portën e Luftëtarit. Musta provon nga distanca, por Ruçi pret pa shumë vështirësi.

2′ – Realdo Fili merr një top nga Oshafi dhe gjuan fluturimthi. Gjuajtja e fierakut shkoi jashtë kuadratit.

]]> https://sportekspres.com/video-ndeshje-e-pergjumur-ne-gjirokaster-skuadrat-ndajne-piket/feed/ 0 https://sportekspres.com/ahmataj-po-luftove-merr-rezultate-besojme-te-mbijetesa/ https://sportekspres.com/ahmataj-po-luftove-merr-rezultate-besojme-te-mbijetesa/#respond Sat, 09 Feb 2019 21:14:17 +0000 http://sportekspres.com/?p=237320 Trajneri i Luftëtarit, Julian Ahmataj ka folur për “RTSH Sport” para ndeshjes së nesërme kundër Flamurtarit, një sfidë shumë e vështirë për skuadrën e tij. Megjithatë, trajneri u shpreh optimist për një rezultat pozitiv, si dhe për mbijetesën. Mes të tjerash, tekniku u shpreh:

“Në një ndeshje futbolli, skuadra i ka marrë sinjalet që po luftove shumë, mund të bësh një llogari dhe mund të marrësh pikë. Ne jemi munduar të jemi me këmbë në tokë dhe të mos jemi euforikë.

Padiskutim që mungesa kemi, edhe ndeshjen e kaluar kemi pasur mungesa, madje më shumë seç kemi këtë javë. Mendoj se lojtarët që janë në dispozicion për të përballuar ndeshjen, do të marrin më të mirën nga kjo sfidë.

Siç e kam thënë dhe në ndeshjen e parë që ne nuk do të shkojmë në ndeshje për barazim ose për të humbur. Besojmë te mbijetesa. Ne shikojmë me pozitivitet dhe kërkojmë maksimumin në çdo takim”,- tha Ahmataj.

Pas një pjesë të parë jo shumë të mirë, “Demat” u zgjuan në të dytën dhe shënuan shumë shpejt. Në minutën e 52’, Telushi realizon një supergol. Mesfushori ndalon bukur një top të larguar nga mbrojtja krutane dhe godet fluturimthi me të majtën, duke realizuar një gol spektakolar.

Vetëm 9 minuta më vonë, Partizani shënoi sërish. Kësaj radhe ishte protagonist Mala, i cili shpërthen nga krahu i majtë, spostohet drejt qendrës dhe godet fort me të djathtën. Goditja e mesfushorit ndalet në shtyllë, por Bardhi është aty për të shtyrë topin e kthyer drejt rrjetës, duke shënuar të dytin për Partizanin. Ky gol vendosi dhe rezultatin final të takimit, që u mbyll 2-0 në favor të “Demave”.

Kategoria Superiore – Java 21

E shtunë, më 9 shkurt, ora 17:00
Stadiumi “Selman Stërmasi”, Tiranë

Partizani-Kastrioti   2-0
Telushi 52′, Bardhi 61′

Partizani: Hoxha, Ibrahimi, Belica, Rexhepi (Kote 27′), Trashi, Atanda, Telushi (Hebaj 65′), Mala, Asani, Mensah (Duka 58′), Bardhi. Trajner: Skënder Gega

Kastrioti: Çekrezi, H. Marku, Shehi (T. Marku 63′), Çela, Ndreca, Ymeraj (Becka 83′), Shehu, Kalaja, Roxher, Vatnikaj (Pepa 64′), P. Bardhi. Trajner: Bledar Devolli

Gjyqtarë: Kreshnik Cjapi; Ilir Tartari, Orgest Grabova, Kridens Meta

Kartonë të verdhë:  Ibrahimi 78′ / Marku 42’, Ndreca 51′, Cela 77′

Delegat: Lysien Nurishmi

EPISODET

90′ Mbyllet sfida, “Demat” marrin tri pikë të rëndësishme

75′ Ulet ritmi, Partizani ruan avantazhin

61′ Goooool Partizani! Të kuqtë duken të pandalshëm në pjesën e dytë, Bardhi dyfishon shifrat
Mala godet nga distanca në mënyrë të përkryer, por gjuajtja e tij ndalet në shtyllë. Bardhi është aty për të përfituar dhe për të shtyrë topin në rrjetë, duke i dhuruar golin e qetësisë “Demave”.

58’ Debuton Duka, mesfushori zë vendin e Mensah

52’ Gooooool Partizani! “Demat” kalojnë në avantazh, Telushi realizon supergol
Një top i larguar nga mbrojtja e Kastriotit përfundon te Telushi, i cili e ul bukur topin me gjoks dhe godet fluturimthi me të majtën. Goditja e mesfushorit shkon në trekëndëshin e portës, një gjuajtje e pandalshme e tij.

45′ Mbyllet fraksioni i parë

42′ Karton i parë i verdhë, ndëshkohet Marku

28′ Telushi provon nga distanca, por gjuajtja e mesfushorit shkon mbi tra

27′ Dëmtohet Rexhepi, Kote në fushën e lojës

26′ Zgjohen “Demat”, por ende asnjë rast i pastër

17′ Partizani merr qarkullimin e topit, por krutanët shumë të rrezikshëm

10′ Kastrioti më kërkues, Vatnikaj problematik për mbrojtjen e kuqe

1′ Starton sfida në “Selman Stermasi”

SFIDA KUNDËR KAMZËS – “Është një ndeshje që duhet vlerësuar maksimalisht ajo kundër Kamzës. Unë kam kaluar shumë mirë te ajo skuadër, por tani jam te Teuta dhe shpresoj të rikthehemi te fitorja, pasi kemi marrë vetëm barazime.

BARAZIMET – “Jemi shumë të zhgënjyer, pasi kemi bërë edhe lojë të mirë. Ndeshja me Flamurtarin na ka mbetur peng, pasi bëmë një lojë vërtetë të mirë dhe kërkonim fitoren, por edhe me Tiranën luajtëm mirë në pjesën e dytë.”

AMIENTIMI – “Që kur kam ardhur në fillim te Teuta, jam ndjerë shumë mirë. Në ndeshjen e parë nuk isha në maksimumin tim, por nga ndeshja me Tiranën dhe tani jam në formën time më të mirë dhe kështu mendon edhe trajneri Shkëmbi.”

TITULLI – “Objektivi ynë mbetet Europa, por pse jo dhe për titull, pasi me oreks vjen gjithçka. Shpresojmë të bëjmë një ndeshje të mirë dhe të marrim fitore me Kamzës, pastaj presim në ndonjë hap fals të kundërshtarëve, që të bëjmë një hap më lart në renditje”, u shpreh Frashëri.

Megjithatë, djemtë e Tomas Tuhel vuajtën dhe arritën të kualifikoheshin në raundin tjetër të “Coupe de France” vetëm në kohën shtesë. 90 minutat u mbyllën në barazim pa gola dhe skuadra modeste e Vilefransh po befasonte të gjithë.

Gjithsesi, PSG-ja bëri detyrën në 30 minutat shtesë, duke shënuar tre herë. Draksler, Diabi dhe Kavani i dhanë fitoren dhe kualifikimin kampionëve të Francës, të cilët vazhdojnë më tej ecurinë e tyre në Kupën e Francës.

Coupe de France

Vilefransh – PSG  0-3
Draksler 103’, diabi 113’, Kavani 119’

Autor i golit ishte Shkurtaj, i cili shkëputet mirë nga mbrojtja e Apolonisë, driblon në hyrje të zonës dhe shënon me të djathtën. Gjatë këtij aksioni, Rexhinaldo kishte mundësinë disa herë të merrte topin dhe të godiste vetë, por krijoi hapësira për shokun e tij të sulmit.

Gjatë gjithë takimit, dyshja e sulmit kombinoi mirë dhe me mbështetjen nga krahët të Çyrbjas, Et’hemit dhe Valdet Ramës në pjesën e dytë, krijuan disa raste të rrezikshme. Megjithatë, pas ndeshjes Cungu tha se nuk e mendon aspak të luajë me dy sulmues si titullarë, por vetëm kur të jetë e domosdoshme.

Pas barazimit me Leisterin, Liverpuli nuk mori dot më shumë se 1 pikë as në takimin e sapo mbyllur kundër Uest Hemit. Edhe pse Mane i dha avantazhin të kuqve në minutën e 22’, Antonio barazoi shumë shpejt (28’) dhe ky gol vendosi rezultatin final të sfidës.

Këto dy pikë të lëna mund të ndikojnë shumë në fatet e sezonit për të besuarit e Klop, që tashmë kanë filluar të ndjejnë presionin e Mancester Sitit. Të kuqtë e “Merseyside” ngjiten në kuotën e 62 pikëve, vetëm 3 më shumë se Siti i vendit të dytë (59).

Premier League, java 25

Uest Hem – Liverpul  1-1
Antonio 28’ / Mane 22’

Pjesa e parë ishte pa gola dhe pa shumë raste, përveç një pretendimi për penallti i Asanit. Pjesa e dytë ishte shumë ndryshe, pasi nisi e vrullshme dhe me gol. Ishte pikërisht Asani që në minutën e 56’ ndëshkon portierin Selaci.

Një top i mbetur në zonë shfrytëzohet mirë nga sulmuesi i “Demave”, që godet me të majtën dhe shënon. Ky ishte goli i pestë në kampionat për Asanin, i cili i dha fitoren kryesuesve të kampionatit. Partizani me këtë fitore i përgjigjet Kukësit, ndërsa Kamza zhytet në zonën e ftohtë të renditjes.

KATEGORIA SUPERIORE – JAVA 20
E shtunë, më 3 shkurt, ora 14:00, stadiumi i Kamzës

KAMZA – PARTIZANI 0-1
Shënues: Asani 56′

Kamza: Selaci, Shala, Bitri, Orelesi, Bonani, Mumajesi, Arrabal, Peçi (Bahilika 70′), Zisi (Rezi 65′), Mehmeti, Krasniqi (Martinena 73′). Trajner: Ernest Gjoka.

Partizani: Hoxha, Ibrahimi, Belica, Rexhepi, Idrizaj, Atanda, Telushi (Kardozo 60′), Mala, Bardhi (Çinari 75′), Asani, Hebaj (Mensah 46′). Trajner: Skënder Gega.

Gjyqtarë: Klajdi Kola, Rejdi Avdo, Mario Shazivari, Enea Jorgji

Kartonë të verdhë: Arrabal 52′, Peçi 55′ / Rexhepi 28’, Telushi 51′

Delegat: Marjus Sulejmani; Vëzhgues: Pajtim Aliko.

EPISODET

90′ Mbyllet takimi, Partizani merr një fitore të çmuar

88’ Çfarë shansi për Kamzën. Bonani kroson mirë nga e djathta, Martinena e ul saktë dhe i vetëm përballë Hoxhës, nuk u kuptua se çfarë kërkonte të bënte. Shpëtojnë “Demat”

74’ Provon dhe Mehmeti nga distanca, Kamza kërkon me forca të pakta barazimin

67’ Kamza rrezikon me një goditje standarte, por shoqërohet pa problem nga Hoxha

65′ Vijon e qetë sfida, Kamza e parrezikshme për “Demat”

56’ Gooool Partizani! Shënon Asani. Pas një rrëmuje në zonë, sulmuesi i “Demave” përfiton dhe godet me të majtën. Gjuajtja e tij devijohet dhe gjen rrjetën

49’ Pranë golit Partizani. Asani shkëputet mirë nga e djathta, shërben në qendër dhe një devijim i rrezikshëm vë në vështirësi portierin Selaci

46’ Nis me ndryshime pjesa e dytë, Hebaj i bën vend Mensah

45’ Mbyllet pjesa e parë në Kamzë, asnjë rast për tu shënuar

38’ Edhe Telushi provon të shënojë, por dhe gjuajtja e mesfushorit është e parrezikshme

35’ Provon Hebaj nga distanca, por e majta e tij shkon jashtë

25’ Hebaj ka mundësinë ideale për të shënuar. Një aksion shumë i bukur i Partizanit gjen të lirë Asanin nga e majta, i cili shërben në qendër për sulmuesin, por ky i fundit tregohet i pasaktë para porte

12’ Asani shkëputet mirë në zonë, kalon një kundërshtar dhe pengohet. Për gjyqtarin, gjithçka e rregullt

1′ Starton sfida në Kamzë