Shkumbini me “përforcime”, Isaji: Tifozë, ju presim në Fier!

Sport Ekspres — Thu, 30 May 2019 06:25:40 +0000

Shefi i klubit të futbollit të Shkumbinit, Astrit Isaji, në mbrëmje ka përdorur rrjetin social Fecebook për t’u bërë thirrje tifozëve që të jenë në Fier në ndeshjen Play-off që skuadra e tyre do të luajë me Luzi 2008. Ndeshja nis në orën 14:00 në stadiumin “Loni Papuçiu” dhe Isaji në postimin e tij jep detaje të organizimit të tifozerisë.

“Bashkia Peqin dhe Klub Futboll Shkumbini ka venë në dispozicion të tifozëve dy autobuzë për të ndjekur takimin Play-off për t’u ngjitur në Kategorinë e Parë. Nisja për në Fier do të bëhet në orën 12:00 para Bashkisë Peqin, pasi ndeshja fillon në orën 14:00”, kështu shkruan sekretari Isaji në këtë postim në Facebook.

Shkumbini nuk ia doli dot kundër Veleçikut, pasi u mund në shtesë. Tani peqinasit do tentojnë të shfrytëzojnë shansin e dytë për t’u rikthyer në Kategorinë e Parë. Nga ana tjetër Luzi 2008 u thye nga Elbasani.

Një vend bosh në të Parën, ka një plan për Luzi-Shkumbini

Sport Ekspres — Mon, 27 May 2019 14:10:44 +0000

Shkumbini dhe Luzi 2008 kanë një shans të dytë për t’u ngjitur në Kategorinë e Parë, kjo për shkak të vendit të lënë bosh nga Kamza e rrëzuar në të dytën. Peqinasit nuk ia dolën me Veleçikun, kurse kavajasit me Elbasanin. Tani luajnë mes tyre për t’u ngjitur në të Parën.

FSHF sot ka dalë me njoftim dhe ka bërë me dije se kur do të zhvillohet kjo përballje. Kështu, Shkumbini-Luzi 2008 është programuar të zhvillohet ditën e enjte (30 maj). Do të jetë stadiumi “Loni Papuçiu” arena ku këto dy ekipe do të përballen.

Kjo ndeshje do të nisë prej orës 14:00 dhe pritet që të dyja ekipet të kenë edhe mbështetjen e tifozëve. Qyteti i Fierit nuk është larg dhe tifozët do të kenë mundësinë të udhëtojnë dhe të mbështesin skuadrat respektive.

Ndeshja Play-off

Shkumbini me “përforcime”, Isaji: Tifozë, ju presim në Fier!

Një vend bosh në të Parën, ka një plan për Luzi-Shkumbini