NBA

Gjiganti Janis, kush është basketbollisti që mahniti NBA?

Sport Ekspres — Tue, 25 Jun 2019 17:28:40 +0000

Janis Antetokounpo u shpall lojtari më i mirë në NBA këtë sezon, me basketbollistin grek që i mahniti të gjithë me paraqtijet e tij. 24-vjeçari u vlerësua me çmimin më të lartë individual në basketbollin amerikan dhe për momentin, është në majë.

Janis është 2.11m i gjatë dhe plot 110 kg, një atlet i përkryer për të luajtur lojën më të ndjekur në Amerikë. Janis ka lindur në Greqi, me 6 dhjetor 1994. Familja e tij, nigeriane, ishte refugjate në tokën helene. Janis qëndroi 18 vite në Greqi, për t’u transferuar më pas në Amerikë dhe për të ndjekur ëndrrën e tij. Shtypi amerikan e cilëson prej disa vitesh si një pasues të denjë të Lebron James, është vetëm 24 vjeç dhe e ardhmja duket se do të flasë vetëm për të.

Në sezonin 2013/14, basketbollisti i talentuar iu bashkua skuadrës amerikane, Milwaukee Bucks dhe që nga ai sezon, ka qenë një ndër lojtarët më të mirë në NBA. Shumë tifozë i kanë vënë nofkën “Vrasësi i Heshtur”, pasi Janis asnjëherë nuk është ekspozuar para mediave. Por vitet e fundit, nuk ka mundur t’i shpëtojë vëmendjes së madhe, pasi loja e tij në parket ka qenë për t’u admiruar.

Këtë sezon, “Greek Freak” luajti 72 ndeshje, një mesatare pikësh 27.7 për ndeshje, 12.5 topa në tabelë dhe 5.9 asiste. Këto statistika bënë që të vlerësohet me çmimin MVP (lojtari më i vlefshëm) dhe shumë skuadra të njohura te NBA janë vënë pas tij.

VIDEO | Historike: Raptors në Olimp, bien Warriors

Sport Ekspres — Fri, 14 Jun 2019 07:15:33 +0000

Toronto Raptors ia del dhe për herë të parë në hiStori fiton titullin kampion në NBA. Një mision që askush nuk e shite të lehtë, duke pasur parasysh se përballë në finale kishte Golden State warriors, që kërkonin titullin e tretë radhazi dhe të katërtin në pesë vitet e fundit. Gjithsesi kanadezët ia kanë dalë në fund.

Me rezultatin 110-114 ata triumfuan në një ndeshje që ishte shumë e balancuar. Raptors në dy periodat e para shënuan tre pikë më shumë se Warriors, ndërkohë që më pas kampionët në morën avantazhin pas periodës së tretë. Gjithsesi diferenca prej dy pikësh është asgjë në NBA dhe Raptors ia dolën të triumfojnë në periodën e katërt.

Kanadezët bënë një ndeshje shumë të mirë në grup, teksa spikatin të gjithë: Pascal Siakam (26 pikë, 3 asiste, 10 rikuperime), Kyle Lowry (26 pikë, 10 asiste, 7 rikuperime), Kawhi Leonard (22 pikë, 3 asiste, 6 rikuperime) dhe Fred VanVleet (22 pikë, 2 rikuperime). 30 pikët e Klay Thompson shkuan dëm, ashtu si paraqitjet e Stephen Curry (21 pikë, 7 asiste, 3 rikuperime), Andre Iguodala (22 pikë, 2 asiste, 2 rikuperime) dhe Draymond Green (11 pikë, 13 asiste, 19 rikuperime).

NBA FINALJA – GAME 6
Golden State Warriors- Toronto Raptors 110-114 (2-4)
(32-33; 25-27; 31-26; 22-28)

VIDEO | “Fatura e kripur” e triumfit, Durant paguan shtrenjtë sakrificën

Sport Ekspres — Tue, 11 Jun 2019 08:19:38 +0000

Golden State Warriors mposhti Toronto Raptors në ndeshjen e pestë të serisë së finaleve në NBA, por kampionët në fuqi kanë paguar një çmim të lartë për këtë triumf. Kevin Durant, i cili mungonte prej disa ndeshjesh, është dëmtuar sërish dhe këtë herë situata e tij është më e rëndë. Tifozët e Raptors kanë festuar në momentin e dëmtimit të Durant.

Basketbollisti i Warriors la parketin në fillimin e periodës së tretë, pasi dëmtoi thembrën e Akilit. Ai u pa të dilte më pas me paterica, çka tregon edhe gjendjen jo të mirë të “yllit” të NBA. Tashmë pritet që Durant të kryejë vizitat mjekësore dhe të mësojë më tepër mbi dëmtimin e pësuar.

Warriors nuk do ta kenë sërish Durant në takimin e radhës me Raptors dhe normalisht është një humbje e madhe. Kampionët në fuqi duhet të fitojnë me çdo kushte në shtëpi kundër kanadezëve, në mënyrë që të shpresojnë në mbrojtjen e titullit kampion në ndeshjen e fundit.

https://twitter.com/MaxMaillots___/status/1138338018937507840

VIDEO | Warriors futen në histori, hapet finalja me Raptors

Sport Ekspres — Tue, 11 Jun 2019 07:00:43 +0000

Spektakël në finalet e NBA, teksa ndeshja e pestë është mbyllur me një pikë diferencë. Golden State Warriors kanë triumfuar me rezultatin 105-106 ndaj Toronto Raptors, duke i hequr mundësinë kanadezëve të fitonin titullin kampion për herë të parë në histori. Takimi i radhës luhet në fushën e Warriors dhe me shumë mundësi gjithçka do të vendoset në ndeshjen e fundit në Toronto.

Kevin Durant ishte në parket këtë herë, por luajti vetëm 12 minuta. 11 pikë të realizuara prej tij, ndërkohë që Warriors i janë falur diferencës së krijuar në periodën e parë. Ata shënuan gjashtë pikë më shumë, ndërkohë që perioda e dytë dhe e tretë u mbyllën në barazim. Në të fundit Raptors shënuan pesë pikë më shumë, të pamjaftueshme për ta përmbysur ndeshjen. Warriors regjistruan një rekord, duke shënuar 20 herë për tre pikë, gjë që nuk ka ndodhur kurrë më parë në një finale.

The @warriors set a record for 3PM in a #NBAFinals road game with 20 triples made in the Game 5 W! #StrengthInNumbers

Game 6: Thursday (6/13), 9pm/et, ABC & TSN pic.twitter.com/tIqjM4VlIa

— NBA (@NBA) June 11, 2019

Stephen Curry (31 pikë, 7 asiste, 8 rikuperime) dhe Klay Thompson (26 pikë, 4 asiste, 6 rikuperime) ishin ata që udhëhoqën Warriors drejt triumfit. Draymond Green gjithashtu u paraqit mirë, teksa regjistroi këto shifra: 10 pikë, 8 asiste, 10 rikuperime. Kawhi Leonard për Raptors ishte më i miri, me 26 pikë, 6 asiste dhe 12 topa të rikuperuar në tabelë.

NBA FINALJA – GAME 5
Toronto Raptors- Golden State Warriors 105-106 (3-2)
(28-34; 28-28; 22-22; 27-22)

VIDEO | “Miti” Warriors drejt rënies, Raptors pranë historisë

Sport Ekspres — Sat, 08 Jun 2019 07:48:51 +0000

Toronto Raptors pranë historisë, pasi ka fituar ndeshjen e katërt me Golden State Warriors dhe është vetëm një fitore larg titullit në NBA. Kanadezët triumfuan në “Game 4” me rezultatin 92-105. Kampionët në fuqi e nisën mirë, duke shënuar 6 pikë më shumë në periodën e dytë. Raptors reaguan, duke e ngushtuar diferencën në katër pikë.

Perioda e tretë ishte vendimtare, pasi Leonard&Co. arritën të shënonin 16 pikë më shumë dhe në periodën e katërt ishte e pamundur që Warriors të bënin mrekullinë. Raptors janë favoritë tashmë për titullin, pasi 2 nga tre ndeshjet e programuara të zhvillohen luhen në fushën e tyre.

Kawhi Leonard bëri sërish një super ndeshje, teksa shënoi 36 pikë, asistoi dy herë dhe rikuperoi 12 topa në tabelë. Serge Ibaka me 20 pikë, si dhe Pascal Siakam me 19, arritën të jepnin një kontribut të vyer në këtë triumf. Stephen Curry (27 pikë, 6 asiste, 4 rikuperime) dhe Klay Thompson (28 pikë, 2 asiste, 3 rikuperime) u munduan të bënin diçka për Warriors, por pa sukses.

NBA FINALJA – GAME 4
Golden State Warriors-Toronto Raptors 92-105 (1-3)
(23-17; 23-25; 21-37; 25-26)

VIDEO | Raptors super me Leonard, Curry në histori

Sport Ekspres — Thu, 06 Jun 2019 07:45:39 +0000

Toronto Raptors ka rimarrë kryesimin në serinë e finaleve, teksa mposhtur në ndeshjet e tretë Golden State Warriors me rezultatin 109-123. Një ndeshje e kontrolluar nga kanadezët, që shfrytëzuan mungesat e kampionëve në fuqi. Kevin Durant dhe Klay Thompson nuk ishin dhe Stephen Curry i vetëm nuk mjaftoi për ta.

Ylli i Warriors arriti të shënonte 47 pikë, ndërkohë që asistoi 7 herë dhe rikuperoi 8 topa në tabelë. Curry bëhet i pari basketbollist në finalet e NBA, që arrin të regjistrojë shifra të tilla: 45+ pikë, 5+ rebound, 5+ asiste dhe 5+ trepikësha.

Stephen Curry (47 PTS, 8 REB, 7 AST, 6 3PM) is the only player in #NBAFinals history to record a stat line of 45+ PTS, 5+ REB, 5+ AST, and 5+ 3PM. pic.twitter.com/Z1jMWGSGEN

— NBA.com/Stats (@nbastats) June 6, 2019

Gjithsesi në krahun tjetër Kawhi Leonard (30 pikë, 6 asiste, 7 rebound), Kyle Lowry (23 pikë, 9 asiste, 4 rebound), Pascal Siakam (18 pikë, 6 asiste, 9 rebound) bashkuan forcat dhe i dhanë fitoren Raptors. Përballja e radhës luhet sërish në shtëpinë e kampionëve në fuqi, të shtunën.

NBA FINALJA – GAME 3
Golden State Warriors-Toronto Raptors 109-123
(29-36; 23-24; 31-36; 26-27)

VIDEO | Magjitë e Leonard nuk mjaftojnë, triumfojnë Warriors

Sport Ekspres — Mon, 03 Jun 2019 07:00:50 +0000

Golden State Warriors i është kundërpërgjigjur Toronto Raptors, duke e fituar ndeshjen e dytë të serisë së finaleve në NBA. Kampionët në fuqi triumfuan me rezultatin 104-109 dhe gjithçka e vendosën në periodën e tretë. Dy periodat e para kishin qenë thuaje të barabarta, por kanadezët kishin shënuar pesë pikë më shumë.

Në periodën e tretë Warriors realizuan 13 pikë më shumë. Raptors u përpoqën të barazojnë por pa sukses. Në fund miqtë iu gëzuan fitores dhe pas dy ndeshjeve të para gjithçka është në ekuilibër të plotë. Sa duket titulli kampion në NBA me shumë mundësi do të zgjidhet pas shtatë përballjesh.

Ylli i mbrëmjes ishte Kaly Thompson, autor i 25 pikë, 5 asisteve dhe 5 topave të rikuperuar në tabelë. Së bashku me Stephen Curry (23 pikë, 4 asiste, 3 rebound) dhe Draymond Green (17 pikë, 9 asiste, 10 rebound) çuan dëm paraqitjen super të Kawhi Leonard. Basketbollisti i Raptors ishte shënuesi më i mirë, me 34 pikë. Veç pikëve të shumta, ai asistoi 3 herë dhe rikuperoi 14 topa në tabelë.

NBA FINALJA – GAME 2
Toronto Raptors-Golden State Warriors 104-109
(27-26; 32-28; 21-34; 24-21)

VIDEO | Raptors “pickojnë” kampionët, Siakam-Leonard super

Sport Ekspres — Fri, 31 May 2019 08:18:34 +0000

Toronto Raptors ka fituar ndeshjen e parë të serisë së finaleve në NBA. Kanadezët triumfuan ndaj kampionëve në fuqi të Golden State Warriors me rezultatin 118-109. Një ndeshje e nisur nga Raptors, që realizuan 10 pikë më shumë në dy periodat e para

Reagimi i Warriors në periodën e tretë nuk ishte në nivelin e duhur, pasi shënuan vetëm tre pikë më shumë. Raptors për asnjë moment nuk lëshuan dhe në periodën e fundit shënuan dy pikë më shumë dhe iu gëzuan fitores. Mungesa e Kevin Durant u ndje te Warriors.

? GAME 1 FINAL SCORE ?

Pascal Siakam goes off for 32 PTS on 14-17 shooting as the @Raptors win Game 1 of the #NBAFinals at home!#WeTheNorth 118#StrengthInNumbers 109

Kawhi Leonard: 23 PTS, 8 REB
Marc Gasol: 20 PTS, 7 REB
Fred VanVleet: 15 PTS
Kyle Lowry: 7 PTS, 9 AST pic.twitter.com/fWEWTdfo73

— NBA (@NBA) May 31, 2019

Pascal Siakam ishte më i miri, teksa shënoi 32 pikë, asistoi pesë herë dhe rikuperoi 7 topa në tabelë. Sigurisht Kawhi Leonard ishte krahu i tij i djathtë. Numri “2” i Raptors shënoi 23 pikë dhe asistoi e rikuperoi po aq sa Siakam.

Stephen Curry (34 pikë, 5 asiste, 5 rebound) u mundua të nxirrte fitues Warriors, por pa sukses. Klay Thompson shënoi 21 pikë, kurse Draymond Green regjistroi “triple-double”: 10 pikë, 10 asiste, 10 rebound.

VIDEO | Raptors në histori, Kawhi Leonard përbindësh

Sport Ekspres — Sun, 26 May 2019 07:15:33 +0000

Toronto Raptors futet në histori, duke u bërë ekipi i parë kanadez që shkon në një finale të NBA. Ata kanë mposhtur Milwaukee Bucks në ndeshjen e 6-të të serive të finaleve të Konferencës së Lindjes. Raptors, edhe pse nuk e nisën mirë, ia dolën të përmbysnin gjithçka në periodën e katërt dhe të siguronin kalimin në finale, aty ku i gjejnë kampionët në fuqi të Golden State Warriors.

Kawhi Leonard recorded 27 PTS, 17 REB, 7 AST in the @Raptors Game 6 win. The last player with that many points, rebounds, and assists in a #NBAPlayoffs series-clinching win was Michael Jordan (38 PTS, 19 REB, 7 AST) in 1991. pic.twitter.com/IVXpZI9UAZ

— NBA.com/Stats (@nbastats) May 26, 2019

Kawhi Leonard ishte i papërmbajtshëm. Shënoi 27 pikë, asistoi 7 herë dhe mbi të gjitha arriti të rikuperojë 17 topa në tabelë. Kyle Lowry (17 pikë, 8 asiste, 5 rebound) gjithashtu bëri një paraqitje shumë të mirë. Pascal Siakam dhe Fred VanVleet, autorë të 18 dhe 14 pikëve, plotësojnë listën e protagonistëve të Raptors.

Giannis Antetokounmpo e dëshironte shumë finalen, por nuk ia ka dalë të thyejë dot Raptors. Ylli i Bucks shënoi 21 pikë, asistoi 4 herë dhe rikuperoi 11 topa në tabelë. Brook Lopez, shënues i 18 pikëve, u mundua t’i jepte një dorë greko nigerianit, por pa sukses.

NBA PLAY-OFF | FINALJA E KONFERENCËS SË LINDJES
Toronto Raptors-Milwaukee Bucks 100-94 (4-2)
(18-31, 25-19; 28-26; 29-18)

VIDEO | Kawhi Leonard tmerri i Bucks, përmbysje e Raptors

Sport Ekspres — Fri, 24 May 2019 07:16:37 +0000

Toronto Raptors ka përmbysur MilwaukeE Bucks pas serisë së pestë të finaleve të Konferencës së Lindjes. Kanadezët triumfuan me rezultatin 99-105, në një ndeshje që nisi mirë për Bucks, të cilët shënuan 10 pikë më shumë në periodën e parë. Në pasardhësen Raptors reaguan dhe e ngushtuan diferencën në tre pikë. Perioda e tretë ishte totalisht e barabartë dhe miqtë diferencën e bënë në fund, kur shënuan nëntë pikë më shumë dhe fituan. Tanimë kanë mundësinë që të dielën në shtëpi të tentojnë kalimin në finalen e madhe kundër Golden State warriors.

Kawhi Leonard (35 pikë, 9 asiste, 7 rebound) ishte lideri i Raptors, por sigurisht pati një mbështetje edhe prej shokëve të skuadrës. Fred VanVleet realizoi 21 pikë, Kyle Lowry 17, por ai regjistroi edhe 6 asiste e 7 rebound. Kontribut të rëndësishëm dha edhe Pascal Siakam (14 pikë, 2 asiste, 13 rebound). Për Bucks nuk mjaftuan Giannis Antetokounmpo (24 pikë, 6 asiste, 6 rebound), Eric Bledsoe (20 pikë) dhe Malcolm Brogdon (18 pikë, 6 asiste, 11 rebound).

NBA PLAY-OFF | FINALJA E KONFERENCËS SË LINDJES
Milwaukee Bucks- Toronto Raptors 99-105 (2-3)
(32-22, 17-24; 26-26; 24-33)

?? @kawhileonard (35 PTS, 9 AST, 7 REB) scores 15 in the 4th, lifting the @Raptors to a 3-2 series lead with the Game 5 road W! #WeTheNorth #NBAPlayoffs

Game 6: Saturday (5/25), 8:30pm/et, TNT pic.twitter.com/NxkxSZ73Dv

— NBA (@NBA) May 24, 2019

VIDEO | Raptors perfekt ndaj Bucks, Kyle Lowry bën liderin

Sport Ekspres — Wed, 22 May 2019 07:59:58 +0000

Toronto Raptors ka vendosur baraspeshën me Milwaukee Bucks, pasi ka fituar ndeshjen e katërt të serive të finaleve së Konferencës së Lindjes. Kanadezët triumfuan me rezultatin 120-102. Epërsia ishte e lehtë, por konstante. Raptors diferencën e bënë në periodën e dytë, kur shënuan 9 pikë më shumë se Bucks dhe tashmë serie e finaleve është 2-2.

Kyle Lowry ishte ai që mori skenën, duke shënuar 25 pikë. Kawhi Leonard u ndal në kuotën e 19 pikëve, dy më shumë se Marc Gasol dhe Serge Ibaka. Norman Powell gjithashtu ishte në një ditë të mirë, pasi shënoi 18 pikë. Pascal Siakam habiti me vetëm 7 pikë, por luajti vetëm 23 minuta në takimin e luajtur mbrëmë.

Giannis Antetokounmpo (25 pikë, 5 asiste, 10 rebound) u kthye të bënte një ndeshje të mirë, së bashki me Khris Middleton (30 pikë, 7 asiste, 6 rebound). Gjithsesi dyshja e Bucks nuk kishin mbështetjen e duhur nga skuadra e tyre dhe duhet të tentojnë të rikthejnë epërsinë ndeshjen e radhës.

NBA PLAY-OFF | FINALJA E KONFERENCËS SË LINDJES
Toronto Raptors-Milwaukee Bucks 120-102 (2-2)
(32-31, 33-24; 29-26; 26-21)

VIDEO | Warriors të abonuar me finalen, Curry-Green në histori!

Sport Ekspres — Tue, 21 May 2019 07:32:15 +0000

Golden State Warriors kanë siguruar finalen e madhe, pasi mposhtën edhe në ndeshjen e katërt në serinë e finaleve të Perëndimit Portland Trail Blazers. Një takim që përfundoi me rezultatin 117-119, me Blazers që në fund të tre periodave kishin tetë pikë më shumë. Kampionët në fuqi ia dolën të barazojnë në periodën e katërt, që përfundoi 111-111. Në shtesën e parë Warriors ia dolën të shënonin dy pikë më shumë dhe tashmë janë në finale për të pestin vit radhazi.

Stephen Curry (37 pikë, 11 asiste, 13 rebound) dhe Draymond Green (18 pikë, 11 asiste, 14 rebound) janë futur në historinë e NBA, pasi bëhen të parët shokë skuadre që arrijnë të realizojë “triple-double” në një ndeshje të vetme në fazën “play-off”. Historike! Edhe pa Kevin Durant, Warriors ia dolën me sukses dhe presin kundërshtarin në finale, një mes Toronto Raptors dhe Milwaukee Bucks.

Portland Trail Blazers duhen përgëzuar për sezonin e mirë që kanë zhvilluar, por ndaj kampionëve në fuqi ishte e pamundur të bënin përpara. Damian Lillard (28 pikë, 12 asiste, 4 rebound), Meyers Leonard (30 pikë, 3 asiste, 12 rebound) dhe CJ McCollum (26 pikë, 7 asiste, 2 rebound) bënë gjithçka të rihapnin garën, por nuk ia dolën dot.

NBA PLAY-OFF | FINALJA E KONFERENCËS SË PERËNDIMIT
Portland Trail Blazers- Golden State Warriors 117-119 (0-4)
(35-36, 34-29; 26-22; 16-24; 6-8)

VIDEO | Super Kawhi Leonard, Raptors triumf në frymën e fundit

Sport Ekspres — Mon, 20 May 2019 07:48:36 +0000

Toronto Raptors, mes shumë vështirësive, ia ka dalë të triumfojë ndaj Milwaukee Bucks dhe të ngushtojë diferencën në 1-2 në serinë e finaleve të Konferencës së Lindjes. Kanadezët arritën të shënojnë nëntë pikë më shumë në periodën e parë dhe më pas Bucks gradualisht i barazuan shifrat. Koha e rregullt përfundoi 96-96. Shtesa e parë nuk nxori fitues, ndërkohë që në të dytën Raptors ishin më lart dhe triumfuan me rezultatin 118-112.

Kawhi Leonard ishte lideri i skuadrës vendase, teksa veç 36 pikëve ai asistoi 5 herë dhe rikuperoi 9 topa në tabelë. Ai pati mbështetje edhe nga shokët e skuadrës. Pascal Siakam (25 pikë), Norman Powell (19 pikë) dhe Marc Gasol (16 pikë, 7 asiste, 12 rebound) ishin vendimtarë në fitoren e Raptors.

Giannis Antetokounmpo, edhe pse rikuperoi 23 topa në tabelën, shënoi vetëm 12 pikë. 24 pikët e George Hill, apo edhe 20 pikët e Malcolm Brogdon, nuk ishin të mjaftueshme për Bucks që të triumfonte në ndeshjen e tretë finale me Raptors. Gjithsesi ata mbeten në epërsi pas tre ndeshjeve të para dhe janë optimistë se do të shkojnë në finale.

NBA PLAY-OFF | FINALJA E KONFERENCËS SË LINDJES
Toronto Raptors-Milwaukee Bucks 118-112 (1-2)
(30-21, 28-30; 19-24; 19-21, 7-7; 15-9)

VIDEO | “Bac u krye”, Curry-Green magjistarët e Warriors

Sport Ekspres — Sun, 19 May 2019 06:50:05 +0000

Golden State Warriors janë një hap larg finales së madhe, pasi kanë fituar edhe ndeshjen e tretë të serisë së finaleve të Konferencës së Perëndimit. Kampionët në fuqi mposhtën sërish me përmbysje Portland Trail Blazers me shifrat 99-110. Vendasit e nisën më mirë, teksa në gjysmën e parë të takimit shënuan 13 pikë më shumë. Warriors ishin shumë lart në periodën e tretë dhe e kthyen ndeshjen në favor, për ta përmbyllur të gjithë sfidën me sukses.

Stephen Curry është lideri në mungesë të Kevin Durant. Plot 36 pikë të shënuar nga ylli i kampionëve, i cili duhet thënë se ka pasur një mbështetje të madhe nga Klay Thompson (19 pikë, 5 asiste, 5 rebound) dhe Draymond Green. Ky i fundit regjistroi “triple-double” me këto shifra: 20 pikë, 12 asiste, 13 topa të rikuperuar në tabelë.

NBA PLAY-OFF | FINALJA E KONFERENCËS SË PERËNDIMIT
Portland Trail Blazers- Golden State Warriors 99-110 (0-3)
(29-27, 37-26; 13-29; 20-28)

#DubNation @StephenCurry30 (36 PTS, 6 3PM) scores 30+ for the 4th straight game as the @warriors come back from 18 down to win Game 3! #StrengthInNumbers #NBAPlayoffs

Game 4: Monday (5/20), 9pm/et, ESPN pic.twitter.com/nxUiYBCl6t

— NBA (@NBA) May 19, 2019

VIDEO | Raptors nuk rezistojnë dot, Giannis i papërmbajtshëm

Sport Ekspres — Sat, 18 May 2019 07:16:51 +0000

Milwaukee Bucks kërkon të mbyllë llogaritë sa më shpejt, teksa ka fituar edhe ndeshjen e dytë ndaj Toronto Raptors me shifrat 125-103. Kanadezët bënë më mirë vetëm në periodën e tretë, që ishte e pamjaftueshme për të shmangur humbjen. Bucks treguan forcën që në fillim, teksa në dy periodat e para arritën të shënonin 25 pikë më shumë se Raptors.

Nuk ka diskutim se kush ishte njeriu i ndeshjes. Giannis Antetokounmpo ishte i papërmbajtshëm. 30 pikë, 5 asiste dhe 17 topa të rikuperuar në tabelë: këto shifra flasin vetë për paraqitjen e greko-nigerianit.

Sigurisht ai pati mbështetje edhe nga shokët e skuadrës dhe ishin 5 basketbollistë që realizuan më shumë se 10 pikë. Kawhi Leonard në krahun tjetër ishte i pafuqishëm të bënte diçka i vetëm, edhe pse shënoi 31 pikë, më shumë se kushdo në përballjen Bucks-Raptors.

NBA PLAY-OFF | FINALJA E KONFERENCËS SË LINDJES
Milwaukee Bucks-Toronto Raptors 125-103 (2-0)
(35-21, 29-18; 31-39; 30-25)

VIDEO | Stephen Curry makineri, përmbys i vetëm Blazers

Sport Ekspres — Fri, 17 May 2019 07:15:26 +0000

Golden State Warriors janë në rrugë të mbarë drejt finales së madhe, teksa kanë mposhtur edhe në ndeshjen e dytë Portland Trail Blazers. Një ndeshje mjaft e luftuar, që përfundoi me rezultatin e ngushtë 114-111. Miqtë e nisën më mirë dhe në gjysmën e parë të ndeshjes regjistruan 15 pikë më shumë se kampionët në fuqi. Në periodën e tretë Warriors i barazuan shifrat dhe në fund shënuan tre pikë më shumë, mjaftueshëm për të triumfuar.

Stephen Curry ishte i papërmbajtshëm, duke shënuar 37 pikë për kampionët në fuqi. Ylli i Warriors gjithashtu regjistroi edhe 8 asiste dhe po aq topa të rikuperuar në tabelë. Një derbi i fituar edhe me vëllanë e tij, Seth Curry, autori i 16 pikëve. Të dy së bashku realizuan 53 pikë dhe në fazën play-off më shumë kanë shënuar vetëm Bernard dhe Albert King në vitin 1983, konkretisht 57 pikë.

? @StephenCurry30 (37 PTS) and @sdotcurry (16 PTS) combined for 53 PTS, the 2nd-most ever by brothers in the #NBAPlayoffs (Bernard/Albert King, 57 in 1983). pic.twitter.com/yYBwT01KMp

— NBA.com/Stats (@nbastats) May 17, 2019

Klay Thompson (24 pikë) gjithashtu bëri një ndeshje të mirë, ashtu sikurse Draymond Green (16 pikë, 7 asiste, 10 rebound). Damian Lillard (23 pikë, 10 asiste, 5 rebound) dhe CJ McCollum (22 pikë, 5 asiste, 3 rebound) nuk ia dolën dot të mposhtin Warriors, por do tentojnë të hapin garën në sfidën e tretë.

NBA PLAY-OFF | FINALJA E KONFERENCËS SË PERËNDIMIT
Golden State Warriors-Portland Trail Blazers 114-111 (2-0)
(29-31, 21-34; 39-24; 25-22)

? @Money23Green stuffs the stat sheet with 16 PTS, 10 REB, 7 AST, 5 BLK as the @warriors edge Portland 114-111 to take a 2-0 series advantage! #StrengthInNumbers

Game 3: Saturday (5/18), 9pm/et, ESPN pic.twitter.com/IK0FgrjEZc

— NBA (@NBA) May 17, 2019

VIDEO | Përbindëshi Giannis nuk pyet as për Raptors

Sport Ekspres — Thu, 16 May 2019 08:03:33 +0000

Milwaukee Bucks ka fituar finalen e parë të Konferencës së Lindjes kundër Toronto Raptors dhe e ka bërë diçka të tillë në mënyrë dramatike, pasi përmbysi gjithçka në periodën e katërt. Një ndeshje që përfundoi me rezultatin 108-100, me kanadezët që e nisën mirë dhe shënuan 11 pikë më shumë në periodën e parë.

Bucks reaguan, por në dy periodat e tjera shënuan vetëm 4 pikë më shumë se Raptors dhe para periodës së katërt kishte një diferencë prej 7 pikësh. Aty nisi kthesa, me vendasit që arritën të shënonin 32 pikë kundrejt 17 të kanadezëve. Kawhi Leonard (31 pikë) dhe Kyle Lowry (30 pikë) nuk u besuan syve, por në fund ishin Bucks ata që triumfuan.

Giannis Antetokounmpo nuk fal në shtëpinë e tij, duke bërë një ndeshje mjaft të mirë. Greku shënoi 24 pikë, asistoi 6 herë dhe rikuperoi 14 topa në tabelë. Veç tij, super paraqitje bëri edhe Brook Lopez (29 pikë, 2 asiste, 11 rebound). Malcolm Brogdon shënoi 15 pikë, Nikola Mirotiç 13, kurse Khris Middleton 11. Ky i fundit arriti të rikuperonte edhe 11 topa në tabelë, sikurse edhe dha 4 asiste.

NBA PLAY-OFF | FINALJA E KONFERENCËS SË LINDJES
Milwaukee Bucks-Toronto Raptors 108-100 (1-0)
(23-34, 28-25; 25-24; 32-17)

VIDEO | Super Curry merr për dore Warriors, Blazers nuk rezistojnë

Sport Ekspres — Wed, 15 May 2019 09:50:56 +0000

Golden State Warriors, edhe pse nuk kishte Kevin Durant, e ka nisur mbarë serinë e finaleve në Konferencën e Perëndimit. Kampionët në fuqi mposhtën në ndeshjen e parë Portland Trail Blazers. Shifrat e takimit ishin 116-96 dhe Warriors patën epërsi të lehtë në dy periodat e para dhe krijuan një diferencë prej 9 pikësh. Blazers reaguan në periodën e tretë dhe i ngushtuan shifrar, por më pas vendasit shpërthyen dhe realizuan 16 pikë më shumë në periodën e katërt.

Stephen Curry ishte fenomenal (36 pikë, 7 asiste, 6 rebound), duke arritur të realizojë me sukses nëntë realizime për trepikësh. Hera e dytë që e bën diçka të tillë në play-off. Në të shkuarën e kanë bërë Klay Thompson dhe Ray Allen.

Thompson ndërkohë ishte protagonist me paraqitjen e tij edhe në fitoren ndaj Blazerz, pasi arriti të shënonte 26 pikë. Draymond Green u ndal në 10 pikë, por në tabelë ishte “mbreti” i skuadrës së tij me 10 topa të rikuperuar. Damian Lillard në krahun tjetër shënoi 19 pikë, ndërkohë që spikati Enes Kanter me 16 topat e rikuperuar në tabelë dhe 10 pikët e realizuara.

NBA PLAY-OFF | FINALJA E KONFERENCËS SË PERËNDIMIT
Golden State Warriors-Portland Trail Blazers 116-94 (1-0)
(27-23, 27-22; 23-26; 39-23)

Lillard-CJ McCollum udhëheqin Blazers, 76ers shkërmoqin Raptors

Sport Ekspres — Fri, 10 May 2019 08:01:06 +0000

Philadelphia 76ers ka fituar me Toronto Raptors 112-101 dhe ka vendosur baraspeshën në ndeshjen e 6 gjysmëfinale. Të njëjtën gjë ka bërë edhe Portland Trail Blazers, që mposhti Denver Nuggets me shifrat 119-108. Dy finalistet e konferencave tashmë do të përcaktohen në ndeshjet e radhës.

Jimmy Butler (25 pikë, 8 asiste, 6 rebound), Ben Simmons (21 pikë, 6 asiste, 8 rebound), Joel Embiid (17 pikë, 1 asist, 12 rebound) dhe Tobias Harris (16 pikë, 5 asiste, 9 rebound) bashkuan forcat për t’i dhuruar fitoren 76ers, në një ndeshje që ata e dominuan dhe vetëm në periodën e katërt Raptors shënuan nëntë pikë më shumë. Gjithsesi gjithçka ishte vendosur më parë. Kawhi Leonard (29 pikë, 5 asiste, 12 rebound) dhe Pascal Siakam (21 pikë, 3 asiste, 6 rebound) ishin të pafuqishëm të çonin Raptors në finale pas ndeshjes së gjashtë.

Denver Nuggets e nisi mirë ndeshjen ndaj Portland Trail Blazers, por pas periodës së parë gjithçka foli për vendasit. Damian Lillard dhe CJ McCollum ishin në super formë, teksa shënuan respektivisht 32 dhe 30 pikë. Një dorë ua dha edhe Rodney Hood, i cili ishte autor i 24 pikëve. Në krahun tjetër paraqitje të mira bënë Nikola Jokiç (29 pikë, 8 asiste, 12 rebound) dhe Jamal Murray (24 pikë, 5 asiste, 10 rebound), por në fund dolën kokulur.

NBA | PLAY-OFF (GJYSMËFINALET E KONFERENCAVE)
Philadelphia 76ers-Toronto Raptors 112-101 (3-3)
(29-21; 29-22; 29-24; 25-34)

Portland Trail Blazers-Denver Nuggets 119-108 (3-3)
(26-34; 32-20; 29-26; 32-28)

VIDEO | Bucks prekin finalen, 3 mosketierët nderojnë Warriors

Sport Ekspres — Thu, 09 May 2019 07:47:01 +0000

Milwauke Bucks ka siguruar finalen në Konferencën e Lindjes, pasi në ndeshjen e pestë i ka mbyllur llogaritë dhe me fitoren 116-91 kundër Boston Celtics është kualifikuar. Një ndeshje e dominuar nga fillimi në fund nga Bucks. Giannis Antetokounmpo (20, 8, 8) ishte si zakonisht lideri i skuadrës së tij, por ishin edhe 6 shokë të ekipit të tij që realizuan mbi 10 pikë dhe i dhanë goditjen përfundimtare Celtics. Tani Bucks pret skuadrën tjetër finaliste, që vendoset në përballjen Raptors-76ers.

Golden State Warriors është skuadra tjetër që buzëqesh, por ende nuk mund të festojë pasi vetëm ka rikthyer epërsinë në 3-2. Kampionët në fuqi mposhtën Houston Rockets me rezultatin e ngushtë 104-99 dhe diferenca u bë vetëm në periodën e fundit të ndeshjes.

Klay Thompson (27 pikë), Stephen Curry (25 pikë, 5 asiste, 6 rebound) dhe Kevin Durant (22 pikë, 4 asiste, 5 rebound) mblodhën forcat për të mposhtur këtë herë Rockets. Për kampionët në fuqi bëri mirë edhe Draymond Green, i cili shënoi vetëm 8 pikë, por asistoi 11 herë dhe rikuperoi 12 pikë. James Harden në krahun tjetër realizoi 31 pikë, të pamjaftueshme për Rockets të fitonin.

NBA | PLAY-OFF (GJYSMËFINALET E KONFERENCAVE)
Milwaukee Bucks-Boston Celtics 116-91 (4-1)
(22-19; 30-20; 28-23; 36-29)

Golden State Warriors-Houston Rockets 104-99 (3-2)
(31-17; 26-26; 15-29; 32-27)

VIDEO | Raptors “dajak” 76ers, Jokiç-Millsap thyejnë Blazers

Sport Ekspres — Wed, 08 May 2019 07:37:10 +0000

Toronto Raptors dhe Denver Nuggets kanë triumfuar, duke marrë kryesimin pas ndeshjeve të pesta të gjysmëfinaleve të konferencave. Kanadezët mposhtën Philadelhpia 76ers 125-189, në një ndeshje ku diferenca u bë në periodën e dytë dhe të katërt. Pascal Siakam (25 pikë, 3 asiste, 8 rebound) dhe Kawhi Leonard (21 pikë, 4 asiste, 13 rebound) morën për dore Raptors, që janë një fitore larg finales.

Kyle Lowry (19 pikë) dhe Danny Green (17 pikë) dhanë një ndihmë të madhe gjithashtu në arritjen e këtij triumfi. Jimmy Butler për 76ers arriti të shënojë 22 pikë, kurse Joel Embiid u ndal në kuotën e 13 të tillave. Tashmë u mbetet të tentojnë të reagojnë në ndeshjen e gjashtë.

Denver Nuggets-Portland Trail Blazers vazhdon të dhurojë emocione, por këtë vendasit kanë dominuar totalisht. Plot 28 pikë diferencë pas tre periodave të para, rezultat që flet vetë. Nikola Jokiç u tregua sërish një përbindësh, teksa shënoi 25 pikë, asistoi 6 herë dhe rikuperoi 19 topa në tabelë.

Paul Millsap ishte gjithashtu në lartësinë e duhur, duke realizuar 24 pikë, sikurse edhe Jamal Murray. Ky i fundit, veç 18 pikëve regjistroi edhe 9 asiste e 5 topa të rikuperuar në tabelë. Damian Lillard për Blazers shënoi 22 pikë dhe nuk pati mbështetjen e pjesës tjetër të skuadrës për t’i rezistuar Nuggets.

NBA | PLAY-OFF (GJYSMËFINALET E KONFERENCAVE)
Toronto Raptors-Philadelphia76ers 125-89 (3-2)
(27-26; 37-17; 28-27; 33-19)

Denver Nuggets-Portland Trail Blazers 124-98 (3-2)
(31-25; 34-22; 28-18; 31-33)

VIDEO | Harden thyen kampionët në fuqi, Giannis “makineri” për Bucks

Sport Ekspres — Tue, 07 May 2019 07:32:43 +0000

Milwaukee Bucks është në rrugë të mbarë dhe është një fitore larg finales së Konferencës së Lindjes, pasi ka mundur në ndeshjen e katërt me rezultatin 101-113 Boston Celtics. Ndërkohë Houston Rockets vijojnë të rezistojnë, pasi dje mposhtën me sukses kampionët në fuqi. Golden State Warriors nuk rezistuan dot dhe ndeshja u mbyll 112-108.

James Harden ka bërë një super ndeshje, teksa ka shënuar 38 pikë, si dhe ka regjistruar 5 asiste dhe 10 topa të rikuperuar në tabelë. Eric Gordon më 20 pikët e realizuara, si dhe P. J. Tucker (17 pikë, 3 asiste, 10 rebound) dhanë një ndihmë të madhe që Rockets të arrinin triumfin. Nga ana tjetër te Warriors spikatën Kevin Durant (34 pikë) dhe Stephen Curry (30 pikë), por edhe Draymond Green (15 pikë, 5 asiste, 10 rebound) u paraqit mirë.

Për t’u rikthyer te fitorja e Milwauke Bucks. Giannis Antetokounmpo ishte ylli i mbrëmjes në fitoren ndaj Celtics. Plot 39 pikë të shënuara nga greko-nigeriani. Ai regjistroi edhe 5 asiste, ndërkohë që ishte “mbret” në tabelë, duke rikuperuar 16 topa. Kyrie Irving (23 pikë), Al Horford (20 pikë), Marcus Morris Sr. (18 pikë,2 asiste, 14 rebound) dhe Jayson Tatum (17 pikë, 4 asiste, 10 rebound) nuk ia dolën dot të ndalnin hovin e Bucks, që pas periodës së parë ishte më lart se Celtics.

NBA | PLAY-OFF (GJYSMËFINALET E KONFERENCAVE)
Boston Celtics-Milwaukee Bucks 101-113 (1-3)
(30-22; 19-25; 23-33; 29-33)
Houston Rockets-Golden State Warriors 112-108 (2-2)
(25-28; 36-26; 32-30; 19-24)

VIDEO | Leonard nderon Raptors, Nuggets rikthen baraspeshën

Sport Ekspres — Mon, 06 May 2019 07:47:51 +0000

Toronto Raptors dhe Denver Nuggets kanë triumfuar në ndeshjet e katërta dhe kanë vendosur balancën. Kanadezët ia dolën të mposhtnin Philadelphia 76ers me rezultatin 96-101, kurse Nuggets thyen Portland Trail Blazers 112-116. Kështu do të ketë minimalisht edhe nga dy përballje mes këtyre ekipeve për të siguruar kalimin në finalet e Konferencave.

Kawhi Leonard mori situatën në dorë për Raptors, duke ia dalë të shënojë plot 39 pikë. Ai gjithashtu asistoi pesë herë, si dhe rikuperoi 15 topa në tabelë. Leonard pati edhe mbështetjen e shokëve, pasi 4 prej basketbollistëve të Raptors realizuan mbi 10 pikë. Jimmy Butler (29 pikë, 4 asiste, 11 rebound) ishte ai që spikati për 76ers.

CJ McCollum (29 pikë) dhe Damian Lillard (28 pikë) nuk i mjaftuan Portland Trail Blazers, që arritën të kishin një epërsi të lehtë në tre perioda. Nuggets e bënë diferencën në periodën e tretë, kur shënuan 13 pikë më shumë dhe morën epërsinë. Periodën e fundit Blazers nuk ia doli ta përmbyste rezultatin.

Nikola Jokiç (21 pikë, 11 asiste, 12 rebound) vijon të regjistrojë “triple-double”, i katërti në fazën play-off. Shënuesi më i mirë ishte Jamal Murray, me 34 pikë të realizuara. Ndeshje të mirë bëri edhe Paul Millsap, autor i 21 pikëve dhe 10 topave të rikuperuar në tabelë.

NBA | PLAY-OFF (GJYSMËFINALET E KONFERENCAVE)
Philadelphia 76ers-Toronto Raptors 96-101 (2-2)
Portland Trail Blazers-Denver Nuggets 112-116 (2-2)

VIDEO | Super Durant del kokulur, Harden e Gordon thyejnë Warriors

Sport Ekspres — Sun, 05 May 2019 06:48:18 +0000

Houston Rockets ka reaguar pas dy humbjeve me Golden State Warriors dhe në ndeshjen e tretë ka dalë kryelartë. Ata kanë thyer kampionët në fuqi me rezultatin 126-121. Epërsia e krijuar në periodën e dytë (33-23) u rikuperua nga Warriors, që e dërguan ndeshjen në shtesë. Aty Rockets bënë diferencën dhe triumfuan.

Sigurisht që lideri ishte James Harden, autor i 41 pikëve, 6 asisteve dhe 9 topave të rikuperuar në tabelë. Eric Gordon ishte gjithashtu në një formë shumë të mirë, teksa realizoi 30 pikë. Ndihmë të rëndësishme dhanë edhe Clint Capela (13 pikë, 1 asist, 11 rebound) e Chris Paul (14 pikë, 7 asiste, 8 rebound).

Kështu, me një lojë të mirë në grup bënë që mos të kenë vlerë 46 pikët e realizuara nga Kevin Durant. Ky i fundit ia ka dalë të shënojë më shumë se 45 pikë tre herë brenda një sezoni në fazën playoff, gjë që më parë e kishin bërë vetëm LeBron James, Allen Iverson, Michael Jordan, Jerry West dhe Elgin Baylor.

Për të mbetur te ndeshja, Draymond Green regjistroi “triple-double” (19 pikë, 10 asiste, 11 rebound) për Warriors, kurse Stephen Curry dhe Klay Thompson realizuan respektivisht 17 dhe 16 pikë. Kështu, Warriors dhe Rockets duhet të mendojnë për përballjen e katërt mes tyre.

NBA | PLAY-OFF (GJYSMËFINALET E KONFERENCAVE)
Houston Rockets-Golden State Warriors 126-121 (1-2)

VIDEO | Giannis përmbys Celtics, CJ McCollum përbindësh

Sport Ekspres — Sat, 04 May 2019 07:16:00 +0000

Milwaukee Bucks dhe Portland Trail Blazers kanë marrë kryesimin në serinë e gjysmëfinaleve të Konferencave në NBA. Giannis Antetokounmpo ishte i papërmbajtshëm në ndeshjen e tretë, teksa regjistroi 32 pikë, 8 asiste dhe 13 topa të rikuperuar në tabelë. Një ndeshje e balancuar në gjysmën e parë, ndërkohë që Bucks e bënë diferencën në periodën e tretë dhe fituan.

George Hill dhe Khris Middleton dhanë një kontribut të rëndësishëm në këtë fitore të skuadrës së tyre, pasi realizuan respektivisht 21 dhe 20 pikë. Për Celtics spikati Kyrie Irving, autor i 29 pikëve. Jayson Tatum shënoi vetëm 20 pikë, por regjistroi edhe 11 topa të rikuperuar në tabelë.

? @Giannis_An34 records 32 PTS, 13 REB, 8 AST, 3 BLK, leading the @Bucks (2-1) Game 3 win in Boston! #FearTheDeer #NBAPlayoffs

Game 4: Monday (5/6), 7pm/et, TNT pic.twitter.com/EeF0wQlrS0

— NBA (@NBA) May 4, 2019

Triumf i Portland Trail Blazers me rezultatin 140-137. CJ McCollum (41 pikë, 4 asiste, 8 rebound) dhe Damian Lillard (28 pikë, 8 asiste, 6 rebound) bashkuan forcat për të thyer Denver Nuggets, që kishin një Nikola Jokiç në një formë mjaft të mirë.

Serbi regjistroi “triple-double” (hera e tretë në fazën play-off) me 33 pikë, 14 asiste dhe 18 topa të rikuperuar në tabelë. Jamal Murray ishte gjithashtu i jashtëzakonshëm, me 34 pikë, 5 asiste dhe 9 topa të rikuperuar në tabelë. Në fund fituan Blazers, në një ndeshje që u vendos pas katër shtesave.

NBA | PLAY-OFF (GJYSMËFINALET E KONFERENCAVE)
Boston Celtics-Milwaukee Bucks 116-123 (1-2)
Portland Trail Blazers-Denver Nuggets 140-137 (2-1)

FAKE, FIRE, FOR THE LEAD… RODNEY HOOD! ?#RipCity 138#MileHighBasketball 137

5.6 left in 4OT on @ESPNNBA. POR ball. pic.twitter.com/qG44y4gvUC

— NBA (@NBA) May 4, 2019

VIDEO | Blazers i kundërpërgjigjet Nuggets, McCollum heroi

Sport Ekspres — Thu, 02 May 2019 07:00:43 +0000

Portland Trail Blazers ka vendosur baraspeshën me Denver Nuggets, pasi ka fituar me rezultatin 90-97. Miqtë e nisën mirë takimin e dytë, duke arritur të krijojnë një diferencë prej 15 pikësh pas dy periodave të para. Reagimi i Nuggets në periodën e tretë hasi në rezistencën e Blazers, që shënuan një pikë më pak se kundërshtari. Vendasit në periodën e fundit e ngushtuan rezultatin në 7 pikë, por pa mundur ta përmbysnin.

C.J. McCollum ishte lideri i Blazers në këtë ndeshje. Ai shënoi 20 pikë, ndërkohë që asistoi 6 asiste dhe rebound. Enes Kanter dhe Rodney Hood shënuan nga 15 pikë, kurse Damian Lillard 14. Nga ana tjetër Nikola Jokiç u ndal në kuotën e 16 pikëve. Serbi asistoi 6 herë si dhe rikuperoi 14 topa na tabelë.

NBA | PLAY-OFF (GJYSMËFINALET E KONFERENCAVE)
Denver Nuggets-Portland Trail Blazers 90-97 (1-1)

VIDEO | Warriors “shuplakë” Rockets, Bucks vendosin baraspeshën

Sport Ekspres — Wed, 01 May 2019 07:31:19 +0000

Golden State Warriors i kanë dhënë një tjetër “shuplakë” Houston Rockets dhe kanë thelluar epërsinë në 2-0. Kampionët në fuqi triumfuan me rezultatin 115-109 në gjysmëfinalen e dytë të Konferencës së Perëndimit. Ëarriors shënuan 9 pikë më shumë në periodën e parë dhe e ruajtën epërsinë deri në fund.

Kevin Durant ishte shënuesi më i mirë sërish, këtë herë me 29 pikë. Klay Thompson dhe Stephen Curry realizuan 21 dhe 20 pikë, ndërkohë që edhe Draymond Green (15 pikë, 7 asiste, 12 rebound) bëri një paraqitje fantastike. Nga ana tjetër 29 pikët e James Harden ishin të pamjaftueshme për të thyer Warriors.

Giannis Antetokounmpo (29 pikë, 4 asiste, 10 rebound) dhe Khris Middleton (28 pikë, 1 asist, 7 rebound) vendosën baraspeshën për Milwaukee Bucks, që mundën Boston Celtics me rezultatin 123-102. Miqtë e nisën më mirë, por në periodën e dytë dhe të tretë Bucks siguruan një epërsi prej 15 pikësh që vulosi gjithçka.

NBA | PLAY-OFF (GJYSMËFINALET E KONFERENCAVE)
Milwaukee Bucks-Boston Celtics 123-102 (1-1)
Golden State Warriors-Houston Rockets 115-109 (2-0)

VIDEO | Super Jokiç thyen edhe Blazers, hakmerren 76ers

Sport Ekspres — Tue, 30 Apr 2019 07:47:24 +0000

Toronto Raptors është thyer në takimin e dytë me Philadelphia 76ers. Rezultati i përgjithshëm i takimit ishte 89-94. Miqtë e nisën më mirë ndeshjen dhe në dy periodat e para realizuan 13 pikë më shumë. Kanadezët u munduan ta përmbysnin ndeshjen, por pa sukses.

Kawhi Leonard (35 pikë, 6 asiste, 7 rebound) vazhdon me paraqitjet e mira, por 76ers ia prishi festën atij dhe Pascal Siakam (21 pikë, 3 asiste, 7 rebound). Jimmy Butler (30 pikë, 5 asiste, 11 rebound) u kundërpërgjigj nga miqtë dhe pati mbështetjen e pjesës tjetër të titullarëve, që realizuan mbi 10 pikë.

Denver Nuggets i ka nisur mbarë serinë e gjysmëfinaleve, pasi mundi Portland Trail Blazers me shifrat 121-113. Nikola Jokiç vazhdon me paraqitjet fantastike. Në llogarinë e tij u shënuan 37 pikë, 6 asiste dhe 9 rebound.

Nikola Jokic joins LeBron James (3x) and Julius Erving as the only players in #NBAPlayoffs history to record a stat line of 37 PTS, 9 REB, 6 AST, 3 STL, 2 BLK! #MileHighBasketball pic.twitter.com/vN1v8a9sWR

— NBA.com/Stats (@nbastats) April 30, 2019

Jamal Murray (19 pikë, 3 asiste, 6 rebound) dhe Paul Millsap (23 pikë, 8 asiste) gjithashtu dhanë një kontribut të vyer për këtë triumf, duke hedhur poshtë një super Damian Lillard (39 pikë, 6 asiste, 3 rebound). 26 pikë të realizuara edhe nga Enes Kanter, por Nuggets ishin më lart dhe triumfuan.

Toronto Raptors-Philadelphia 76ers 89-94 (1-1)

Denver Nuggets-Portland Trail Blazers 121-113 (1-0)

VIDEO | Durant fiton betejën me Harden, Celtics të fortë për Bucks

Sport Ekspres — Mon, 29 Apr 2019 07:32:17 +0000

Kevin Durant dhe James Harden kanë shënuar nga 35 pikë dhe në fund ka festuar Golden State Warriors me rezultatin 104-100 ndaj Houston Rockets. Kampionët në fuqi bënë më mirë në periodën e parë dhe të tretë, ndërkohë që në këtë fitore dhanë një ndihmë të madhe edhe Stephen Curry (18 pikë, 4 asiste, 7 rebound) dhe Draymond Green (14 pikë, 9 asiste, 9 rebound). Nga ana tjetër edhe Chris Paul (17 pikë, 4 asiste, 3 rebound) dhe Eric Gordon (27 pikë, 4 rebound) u munduan të ndihmojnë James Harden, por pa sukses.

Milwaukee Bucks-Boston Celtics është një sfidë mjaft interesante, që ka nisur me fitoren e miqve me rezultatin 90-112. Celtics dominuan pjesën më të madhe të ndeshjes dhe kështu e kaluan me sukses gjysmëfinalen e parë të Konferencës së Lindjes. Kyrie Irving ishte njeriu i ndeshjes, teksa shënoi 26 pikë, dha 11 asiste si dhe rikuperoi 7 topa në tabelë.

Al Horford dhe Jaylen Brown, autorë të 20 dhe 19 pikëve dhanë një kontribut të rëndësishëm në fitoren e Celtics. Pritej shumë nga Giannis Antetokounmpo i Bucks. Ai u ndal në 22 pikë, 2 asiste dhe 8 topa të rikuperuar në tabelë. Khris Middleton (16 pikë, 6 asiste, 10 rebound) ishte krahu i djathtë i grekut. Gjithsesi Bucks i kanë nisur gjysmëfinalet me humbje.

NBA | Play-off (Gjysmëfinalet e Konferencave)
Milwaukee Bucks-Boston Celtics 90-112 (0-1)
Golden State Warriors-Houston Rockets 104-100 (1-0)

VIDEO | “Bisha” Jokiç kualifikon Nuggets, Leonard udhëheq Raptors

Sport Ekspres — Sun, 28 Apr 2019 08:03:00 +0000

Denver Nuggets është skuadra e fundit që siguron kalimin në gjysmëfinale të Konferencës së Perëndimit dhe në këtë fazë do të përballet me Portland Trail Blazer. Nuggets mposhtën në ndeshjen e shtatë të serie play-off San Antonio Spurs me rezultatin e ngushtë 90-86. Ndeshja nisi mirë për ta, teksa në dy periodat e para realizuan 13 pikë më shumë. Spurs u munduan të reagojnë dhe e bënë diçka të tillë, por pa mundur të përmbysin rezultatin.

Nikola Jokiç ishte njeriu i ndeshjes, teksa regjistroi “triple-double”: 21 pikë, 10 asiste, 15 rebound. Serbi ia del për të dytën herë në play-off dhe i bashkohet LeBron James dhe Magic Johnson, të cilët ishin të vetmit basketbollistë që kishin regjistruar triple-double më shumë se një herë në sezonin e tyre të parë në këtë fazë. Jokiç pati një ndihmë të madhe edhe nga Jamal Murray, autor i 23 pikëve.

#MileHighBasketball @BeMore27 scores 23 PTS and comes up clutch in the @nuggets Game 7 victory! #NBAPlayoffs

POR/DEN Game 1: Monday (4/29), 10:30pm/et, TNT pic.twitter.com/GOABvCgPIO

— NBA (@NBA) April 28, 2019

Ndërkohë është zhvilluar edhe ndeshja e parë e gjysmëfinales së Lindjes dhe Toronto Raptors ka mposhtur Philadelphia 76ers me shifrat 108-95. Kanadezët ishin më lart në të gjitha periodat dhe normalisht që edhe fitorja nuk u diskutua. Mbrëmja ishte e gjitha për Kawhi Leonard: 45 pikë, 2 asiste dhe 11 rebounde. Ylli i Raptors bëhet i gjashti lojtar në NBA, i cili shënon 45 pikë, 10+ rebounde dhe realizon tre trepikësha në fazën play-off. Më parë e kanë bërë diçka të tillë vetëm Charles Barkley, LeBron James, Paul Millsap, Russell Westbrook dhe Dirk Nowitzki.

NBA | Play-off
Denver Nuggets-San Antonio Spurs 90-86 (4-3)
Toronto Raptors-Philadelphia 76ers 108-95 (1-0)

?? @kawhileonard propels the @Raptors in Game 1 with a #NBAPlayoffs career-high 45 PTS! #WeTheNorth

Game 2: Monday (4/29), 8pm/et, TNT pic.twitter.com/C2Vn2cATmJ

— NBA (@NBA) April 28, 2019

“Oh Zot, ia doli!”, kjo video po çmend rrjetin në SHBA!

Sport Ekspres — Sun, 28 Apr 2019 07:00:38 +0000

Amerikanët duan sportet me përplasje, apo ato që emocionet i kanë më të shpeshta. Futbolli nuk hyn tek më të preferuarit për ta. Pas basketbollit janë të dashuruar. Nuk kanë arsye të mos jenë nëse sheh spektaklin që ofrohet në NBA.

Ndeshjet e vendosura në limite janë ato që ngjallin më së shumti emocione dhe Portland Trail Blazers ia ka dalë të eliminojë Oklahoma City Thunder me një gjuajtje në limite për tre pikët. Ndodh shpesh kështu, por ka diçka tjetër që po bën xhiron e internetit.

Është një video e publikuar nga Portland Trail Blazers në faqen e vet në “Facebook” dhe aty paraqitet një përmbledhje e reagimeve të tifozëve pas trepikëshit të realizuar nga Damian Lillard kur ndeshja ishte 115-115. Emocionuese!

VIDEO | “Përbindëshi” Durant barazon rekorde, Warriors në gjysmëfinale

Sport Ekspres — Sat, 27 Apr 2019 07:16:46 +0000

Golden State Warriors ka zgjidhur çështjen e kualifikimit, pasi ka triumfuar në ndeshjen e gjashtë të serie play-off. Kampionët në fuqi mposhtën me rezultatin 110-129 Los Angeles Clippers dhe kalojnë në gjysmëfinalet e Konferencës së Lindjes. Kundërshtari për ta do të jetë Houston Rockets.

Kevin Durant u tregua një përbindësh në parket, teksa arriti të shënojë plot 50 pikë (rekord personal). Ai bëhet i gjashti basketbollist që arrin të shënojë 45+ pikë në dy ndeshje radhazi në fazën play-off. Më parë e kanë bërë diçka të tillë Kobe Bryant, Michael Jordan (tre herë), Jerry West, Bernard King dhe Russell Westbrook.

Durant, veç 50 pikëve, shërbeu pesë herë për shokët e skuadrës si dhe regjistroi 6 rebound. Një tjetër rekord për Durant ishte numri i pikëve në dy periodat e para. Basketbollisti i kampionëve në fuqi arriti të shënonte 38 pikë dhe bëhet i dyti që ia del ta bëjë diçka të tillë, pas Charles Barkley në vitin 1994.

#DubNation @KDTrey5 ERUPTS for a #NBAPlayoffs career-high 50 PTS (15-26 FGM, 6 3PM) as the @warriors win Game 6 on the road and advance! #StrengthInNumbers

HOU/GSW Game 1: Sunday (4/28), 3:30pm/et, ABC pic.twitter.com/uDqOS6CR4y

— NBA (@NBA) April 27, 2019

Stephen Curry (26 pikë, 6 asiste, 6 rebound) ishte gjithashtu në lartësinë e duhur, ndërkohë që një paraqitje të mirë bëri edhe Draymond Green. Ky i fundit regjistroi “triple-double”: 16 pikë, 10 asiste, 14 rebound. Draymond Green dhe Shai Gilgeous-Alexander shënuan respektivisht 29 dhe 22 pikë për Clippers, që e mbyllin këtu sezonin në NBA.

NBA | Serie Play-Off (Raundi i parë)
Los Angeles Clippers-Golden State Wariors 110-129 (2-4)

VIDEO | Rekordmeni Jokiç nuk mjafton, Spurs vendosin baraspeshën

Sport Ekspres — Fri, 26 Apr 2019 07:00:27 +0000

San Antonio Spurs-Denver Nuggets ishte një nga çiftet më interesante në serie Play-off në NBA dhe përballjet mes tyre po prodhojnë goxha emocione. Skuadra që kalon në gjysmëfinale të Konferencës së Perëndimit do të përcaktohet pas ndeshjes së shtatë, pasi teksanët kanë fituar përballjen e sotme dhe gjithçka është barazuar 3-3.

Nikola Jokic scores a @nuggets #NBAPlayoffs franchise-record 43 PTS, to go along with 12 REB, 9 AST in Game 6! #MileHighBasketball

Game 7: Saturday (4/27), 10pm/et, TNT pic.twitter.com/Y9eOhlBEvD

— NBA (@NBA) April 26, 2019

Spurs triumfuan 120-103. Nisja ishte e mirë, pasi shënuan 10 pikë më shumë (34-24). Nuggets reaguan dhe e ngushtuan diferencën në periodën e dytë. Dy periodat e tjera folën për Spurs, që shënuan më shumë pikë dhe në fund fituan. Tashmë të dyja skuadrat do japin gjithçka në ndeshjen e fundit.

LaMarcus Aldridge (26 pikë, 5 asiste, 10 rebounde) dhe DeMar DeRozan (25 pikë, 7 asiste, 7 rebounde) ishin ata që udhëhoqën skuadrën e tyre drejt triumfit. Një dorë e dhanë edhe shokët e tjerë të skuadrës, ku mes tyre spikati Rudy Gay (19 pikë, 2 asiste, 4 rebounde). Nikola Jokiç ishte ai që shkëlqeu dhe shifrat flasin vetë: 43 pikë, 9 asiste, 12 rebounde. Pavarësisht ndeshjes së mirë të serbit, Nuggets u mposhtën.

Nikola Jokic becomes the 4th player in #NBAPlayoffs history to record a stat line of 43+ PTS, 12+ REB, 9+ AST, joining Charles Barkley, Magic Johnson, and Oscar Robertson. pic.twitter.com/4uNvTgassb

— NBA.com/Stats (@nbastats) April 26, 2019

Nikola Jokiç bëhet lojtari i katërt në historinë e NBA, që regjistron në Play-off një linjë të tillë statistikash: 43+ pikë, 12+ rebounde dhe 9+ asiste. Serbi i bashkohet Charles Barkley, Magic Johnson dhe Oscar Robertson. Gjithashtu bëhet edhe lojtari me më shumë pikë në historinë e Denver Nuggets në fazën Play-off.

NBA | Serie Play-Off (Raundi i parë)
San Antonio Spurs-Denver Nuggets 120-103 (3-3)

VIDEO | Clippers nuk pyesin as për Durant, Rockets në gjysmëfinale

Sport Ekspres — Thu, 25 Apr 2019 07:16:40 +0000

Houston Rockets bëhet skuadra e dytë që kalon në gjysmëfinalet e Konferencës së Perëndimit. Ata kanë mundur Utah Jazz 100-93 dhe pas pesë ndeshjes janë kualifikuar dhe presin të mësojnë nëse do përballen me Golden State Warriors apo Los Angeles Clippers. Kampionët në fuqi u mposhtën mbrëmjen e djeshme 121-129, por kryesojnë 3-2.

Jazz u mundua t’ia bëjë të vështirë Rockets, por këta të fundit me një diferencë të lehtë arritën të triumfonin. Lideri si zakonisht ishte James Harden (26 pikë, 6 asiste, 6 rikuperime), por një kontribut të vyer dhanë edhe Clint Capela (16 pikë, 2 asiste, 10 rikuperime), Chris Paul (15 pikë, 5 asiste, 8 rikuperime) dhe Eric Gordon (15 pikë, 3 asiste, 3 rikuperime).

Kampionët në fuqi, edhe pse Kevin Durant shënoi 45 pikë (gjithashtu dha 6 asiste e rikuperoi 6 topa), nuk ia dolën të mbyllnin çështjen e kualifikimit me Los Angeles Clippers. Stephen Curry (24 pikë) dhe Klay Thompson (22 pikë) gjithashtu bënë mirë, por ishte e pamjaftueshme. Lou Williams (33, 10, 4) ishte në një ditë të mirë dhe së bashku me Danilo Gallinari (26 pikë, 2 asiste, 7 rikuperime) dhe Montrezl Harrell (24 pikë, 2 asiste, 5 rikuperime).

NBA | Serie Play-Off (Raundi i parë)
Houston Rockets-Utah Jazz 100-93 (4-1)
Golden State Warriors-Los Angeles Clippers 121-129 (3-2)

VIDEO | Lillard mes legjendave, 76ers-Raptors gjysmëfinalja tjetër

Sport Ekspres — Wed, 24 Apr 2019 07:16:03 +0000

Toronto Raptors dhe Philadelphia 76ers kanë siguruar kalimin në gjysmëfinalet e Konferencës së Lindjes, ku do të përballen mes tyre. Kanadezët mposhtën Orlando Magic me shifrat 115-96 dhe pas pesë ndeshjeve mbyllen çështjen e kualifikimit. 76ers, që përballën kishin Brooklyn Nets, triumfuan 122-100 në takimin e pestë.

Kawhi Leonard (27 pikë, 2 asiste, 7 rikuperime) dhe Pascal Siakam (24 pikë, 4 asiste, 6 rikuperime) nuk i lanë asnjë shans Orlando Magic dhe kanadezët do kërkojnë të shkojnë në finale. Philadelphia 76ers kaloi Brooklyn Nets pa u sforcuar shumë. Një ndeshje e dominuar, që u mbyll 122-100. Joel Embiid (23 pikë, 2 asiste, 13 rikuperim) ishte më i miri, por pati edhe mbështetjen e gjithë ekipit të tij.

Portland Trail Blazers është skuadra tjetër që kualifikohet në gjysmëfinale (Konferenca e Perëndimit), pasi mposhti Oklahoma City Thunder me shifrat 118-115 në përballjen e pestë të fazës “play-off”. Në gjysmëfinale përballet me Denver Nuggets ose San Antonio Spurs, që mbrëmë u përballen mes tyre në një ndeshje që u mbyll me fitoren e vendasve me rezultatin 108-90. Nuggets kanë marrë kryesimin, 3-2.

Mbetemi te Blazers dhe më konkretisht te Damian Lillard, që shënoi plot 50 pikë dhe zhvlerësoi paraqitjet e mira të Russell Westbrook (29 pikë, 14 asiste, 11 rikuperime) dhe Paul George (36 pikë, 3 asiste, 9 rikuperime). Ata që kanë shënuar 50 pikë në një fitore të ekipit të tyre në fazën “play-off” janë të paktë. Bob Cousy, Bob Pettit, Wilt Chamberlain, Sam Jones, Michael Jordan dhe Charles Barkley janë të vetmit që ia kanë dalë në të shkuarën dhe në këtë listë tashmë futet edhe Damian Lillard.

Denver Nuggets e ka dominuar këtë herë San Antonio Spurs, që nuk kishin në formë dyshen LaMarcus Aldridge- DeMar DeRozan, autorë të 17 pikëve secili. Jamal Murray për vendasit shënoi 23 pikë, ndërkohë që edhe Nikola Jokiç (16 pikë, 8 asiste, 11 rikuperime) bëri një ndeshje shumë të mirë.

NBA | Serie Play-Off (Raundi i parë)
Toronto Raptors-Orlando Magic 115-96 (4-1)
Philadelphia 76ers-Brooklyn Nets 122-100 (4-1)
Denver Nuggets-San Antonio Spurs 108-90 (3-2)
Portland Trail Blazers-Oklahoma City Thunder 118-115 (4-1)

VIDEO | Magjiku Giannis kualifikon Bucks, Jazz i prish festën Rockets

Sport Ekspres — Tue, 23 Apr 2019 07:15:23 +0000

Milwauke Bucks është skuadra e dytë që kalon në gjysmëfinalet e Konferencës së Lindjes, pasi ka fituar edhe ndeshjen e katërt kundër Detroit Pistons. Këtë herë triumfuan me rezultatin 104-127 dhe në gjysmëfinalet e Konferencës së Lindjes gjejnë Boston Celtics, që kaluan me sukses Indiana Pacers.

Giannis Antetokounmpo ishte magjik në ndeshjen e fituar ndaj skuadrës nga Michigani. Greko-nigeriani shënoi 41 pikë, dha 3 asiste dhe rikuperoi 9 topa. Një shifër rekord pikësh: Giannis bëhet basketbollisti i parë që në play-off shënon më shumë se 40 pikë në më pak se 32 minuta. Khris Middleton dhe Eric Bledsoe shënuan respektivisht 18 dhe 16 pikë, çka i siguroi Bukcs fitoren ndaj Pistons. Te këta të fundit spikatën Reggie Jackson (26 pikë) dhe Blake Griffin (22 pikë).

Houston Rockets është skuadra tjetër që ka zbritur në parket, pa mundur të mbyllë llogaritë me Utah Jazz. Këta të fundit kanë fituar ndeshjen e parë me shifrat 107-91, duke çuar dëm 30 pikët e James Harden dhe 23 pikë e Chris Paul. Donovan Mitchell (31 pikë, 4 asiste, 7 rikuperime) , Jae Crowder (23 pikë, 1 asist, 4 rikuperime) dhe Ricky Rubio (18 pikë, 11 asiste, 3 rikuperime) bashkuan forcat dhe çështja e kualifikimit shtyhet për ndeshjen e radhës.

NBA | Serie Play-Off
Detroit Pistons-Milwaukee Bucks 104-127 (0-4)
Utah Jazz-Houston Rockets 107-91 (1-3)

VIDEO | Durant e Leonard “makineri”, Warriors e Raptors marshojnë

Sport Ekspres — Mon, 22 Apr 2019 07:00:05 +0000

Golden State Warriors, Toronto Raptors dhe Portland Trail Blazers janë një fitore larg kualifikimit në raundin tjetër të ndeshjeve “play-off”. Ato kanë marrë fitoret e radhës dhe kryesojnë 3-1 respektivisht ndaj Los Angeles Clippers, Orlando Magic dhe Oklahoma City Thunder.

Në orët e vona të mbrëmjes së djeshme ishin kampionët në fuqi që mposhtën 105-113 LA Clippers. Warriors bënë diferencën në periodën e parë dhe të katërt, çka mjaftoi për të triumfuar. Kevin Durant (33 pikë, 6 asiste, 7 rikuperime) dhe Klay Thompson (32 pikë) bënë pjesën më të madhe të pikëve dhe Warriors janë në rrugë të mbarë. Stephen Curry realizoi vetëm 12 pikë, por shërbeu 7 herë për shokët e skuadrës dhe rikuperoi 10 topa.

Aaron Gordon shënoi 25 pikë për Orlando Magic, por nuk mjaftuan për të thyer Toronto Raptors. Kanadezët fituan 85-107 dhe kualifikimi në turin tjetër të fazës “play-off” është një formalitet. Kawhi Leonard ishte ylli i mbrëmjes, me 34 pikë të realizuara. Pascal Siakam dhe Norman Powell shënuan nga 16 pikë.

Oklahoma City Thunder, pas fitores së parë, nuk ia doli të barazonte ndaj Portland Trail Blazers. Këta të fundit ia dolën me sukses, duke triumfuar 98-111. Damian Lillard (24 pikë, 8 asiste, 3 rikuperime) dhe C. J. McCoollum (27 pikë, 3 asiste, 4 rikuperime) triumfuan përballë Paul George (32 pikë, 6 asiste, 10 rikuperime) e Russell Westbrook (14 pikë, 7 asiste, 9 rikuperime). Për t’ia dalë mbanë ndihmuan shumë edhe Al-Farouq Aminu (19 pikë, 9 rikuperime) dhe Maurice Harkless (15 pikë, 10 rikuperime).

Los Angeles Clippers-Golden State Warriors 105-113 (1-3)
Orlando Magic-Toronto Raptors 85-107 (1-3)
Oklahoma City Thunder-Portland Trail Blazers 98-111 (1-3)

NBA | Celtics mbyllin llogaritë, kualifikohen në gjysmëfinale (VIDEO)

Sport Ekspres — Sun, 21 Apr 2019 20:21:52 +0000

Boston Celtics kanë kaluar në raundin tjetër të fazës play-off në NBA. Ata kanë mposhtur edhe në ndeshjen e katërt Indiana Pacers, në një ndeshje që ishte e ekuilibruar dhe vetëm në fund u vendos fituese. Rezultati i përgjithshëm i kësaj përballje ishte 106-110. Cëltics kështu kalojnë në gjysmëfinalen e Konferencës së Lindjes dhe pret të mësojë emrin e kundërshtarit. Me gjasa do të jenë Philadelphia 76ers, që kryesojnë 3-1 ndaj Brooklyn Net.

Për të mbetur te ndeshja në parket, Celtics bënë një sfidë të mirë në grup, teksa ishin shtatë basketbollistë që realizuan më shumë se 10 pikë. Gordon Hayward ishte ai që realizoi më së shumti, 20. Al Horford (14 pikë, 5 asiste, 12 rikuperime) dhe Jayson Tatum (18 pikë, 2 asiste, 8 rikuperime) gjithashtu spikatën në fitoren e Celtics.

Indiana Pacers-Boston Celtics 106-110 (0-4)

Tatum slams it home following the ridiculous steal by Kyrie in today's Play of the Game! ? https://t.co/7fDSD0NBTD

— Boston Celtics (@celtics) April 21, 2019

VIDEO | Bucks dhe Rockets një hap larg kualifikimit, Jokiç nderon Nuggets

Sport Ekspres — Sun, 21 Apr 2019 07:02:31 +0000

Milwaukee Bucks dhe Philadelphia 76ers janë pranë kalimit në raundin tjetër të fazës play-off në NBA, pas kanë fituar ndeshjet e fundit dhe kryesojnë 3-0 dhe 3-1 ndaj Detroit Pistons dhe Brooklyn Nets. E njëjta situatë edhe për Houston Rockets, që udhëheq 3-0 ndaj Utah Jazz. San Antonio Spurs-Denver Nuggets është një përballje e balancuar dhe skuadrat kanë fituar nga dy ndeshje.

Bucks triumfuan ndaj Pistons me rezultatin 103-119 dhe e dominuan takimin, duke mbyllur gjithçka brenda tre periodave të para. Giannis Antetokounmpo (14 pikë, 3 asiste, 10 rikuperime) dhe Khris Middleton (20 pikë, 4 asiste, 8 rikuperime) ishin në lartësinë e duhur si zakonisht, ndërkohë që edhe Brook Lopez e Eric Bledsoe shënuan nga 19 pikë. Shënuesi më i mirë ishte Blake Griffin i Pistons, me 27 pikë të realizuara.

Brook Lopez (19 PTS, 5 BLK) and @EBled2 (19 PTS, 5 AST) fuel the @Bucks (3-0) Game 3 victory on the road! #FearTheDeer #NBAPlayoffs

Game 4: Monday (4/22), 8pm/et, TNT pic.twitter.com/aTP3AKQ61D

— NBA (@NBA) April 21, 2019

Houston Rockets ka fituar me vështirësi kundër Utah Jazz. Këta të fundit bënë më mirë në dy periodat e para, të udhëhequr nga Donovan Mitchell (34 pikë, 5 asiste, 6 rikuperime) që ishte në formë shumë të mirë. Gjithsesi Rockets reaguan dhe në fund fituan me rezultatin 101-104. James Harden (22 pikë, 10 asiste, 4 rikuperime) ishte si zakonisht më i miri për ekipin e tij. Chris Paul realizoi 18 pikë, kurse Clint Capela spikati me 11 pikë dhe 14 topa të rikuperuar.

? @CP3 tallies 18 PTS, 4 AST, 3 STL, helping the @HoustonRockets take a 3-0 series lead! #RunAsOne #NBAPlayoffs

Game 4: Monday (4/22), 10:30pm/et, TNT pic.twitter.com/tjxrpTsGwk

— NBA (@NBA) April 21, 2019

Joel Embiid (31, 7, 16) ka marrë për dore Philadelphia 76ers, që mundi 108-112 skuadrën e Brooklyn Nets. Tobias Harris me 22 pikë dha gjithashtu një kontribut të vyer në këtë fitore. Ben Simmons shënoi 15 pikë, ndërkohë që asistoi 8 herë e po aq herë rikuperoi. Caris LeVert, autor i 25 pikë, doli sërish kokulur, ashti sikurse D’Angelo Russell dhe Jarrett Allen që shënuan nga 21 pikë.

Denver Nuggets vendosi baraspeshën me një fitore 103-117 ndaj San Antonio Spurs. Nikola Jokiç (29 pikë, 8 asiste, 12 rikuperime) dhe Jamal Murray (24 pikë, 6 asiste, 2 rikuperime) udhëhoqën skuadrën e tyre në këtë fitore mjaft të vlefshme. Jokiç, në katër ndeshjet e para që luan në fazën play-off, ka realizuar 82 pikë dhe 47 rikuperime. Më mirë ka bërë vetëm Shaquille O’Neal, me 85 pikë e 51 rikuperime. LaMarcus Aldridge (24 pikë) dhe DeMar DeRozan (19 pikë) këtë herë janë dorëzuar dhe do kërkojnë të hakmerren në ndeshjen e pestë ndaj Nuggets.

Brooklyn Nets-Philadelphia 76ers 108-112 (1-3)
San Antonio Spurs-Denver Nuggets 103-117 (2-2)
Detroit Pistons -Milwaukee Bucks 103-119 (0-3)
Utah Jazz-Houston Rockets 101-104 (0-3)

VIDEO | Westbrook magjik! Celtics të pandalshëm, Raptors marrin kryesimin

Sport Ekspres — Sat, 20 Apr 2019 07:49:57 +0000

Pascal Siakam (30 pikë, 4 asiste, 11 rikuperime) dhe Kawhi Leonard (16 pikë, 4 asiste, 10 rikuperime) i kanë dhënë kryesimin Toronto Raptors ndaj Orlando Magic, pasi kanadezët triumfuan në ndeshjen e tretë të serisë së fazës “play-off” me shifrat 93-98. Një ndeshje e mirë edhe për Kyle Lowry, i cili shënoi 12 pikë, shërbeu 10 herë për shokët e skuadrës dhe rikuperoi 5 topa.

Indiana Pacers nuk i ka rezistuar dot Boston Celtics, teksa ka humbur edhe ndeshjen e tretë në serinë “play-off” dhe ndeshja e radhës është vendimtare. Pacers bënë më mirë vetëm në periodën e dytë, kur shënuan 15 pikë më shumë, dhe në fund gjithçka u mbyll me rezultat8in 96-104. Celtics bënë një ndeshje të shëmtuar, ndërkohë që Kyrie Irving ishte ai që spikati me 19 pikë, 10 asiste e 5 rikuperime. Jaylen Brown realizoi 23 pikë, kurse Jayson Tatum dhe Al Horford respektivisht 18 dhe 16.

Russell Westbrook (33 pikë, 11 asiste, 5 rikuperim) ka fituar betejën me Damian Lillard (32 pikë, 6 asiste, 4 rikuperime) dhe Oklahoma City Thunder ka mërrë kështu fitoren e parë kundër Portland Trail Blazers me rezultatin 120-108. Russell pati mbështetje të madhe edhe nga shokët e skuadrës. Paul George shënoi 22 pikë, Jerami Grant 18 dhe Dennis Schroder 17.

Orlando Magic-Toronto Raptors 93-98 (1-2)
Indiana Pacers-Boston Celtics 96-104 (0-3)
Oklahoma City Thunder-Portland Trail Blazers 120-108 (1-2)