Asnjë prej tyre nuk do të largohet këtë verë. Kreu i kampionëve të Francës nuk ka asnjë dyshim, ndërsa ka edhe një mesazh për të gjithë lojtarët e PSG-së.

“Është 200% e sigurt që Mbape do të qëndrojë. Dua që lojtarët të japin gjithçka dhe të mbrojnë nderin e fanellës dhe të luftojnë për të realizuar objektivat e klubit. Duhet të jemi të bashkuar për të vazhduar projektin që kemi nisur.

Nejmar? Askush nuk e ka detyruar të bashkohet me ne. I pëlqeu projekti jonë dhe erdhi me dëshirën e vet. Na mungon të gjithëve pak karakter dhe autoritet, mua të parit dhe të gjithëve me radhë. Kemi nevojë për elektroshok”, përfundon presidenti i PSG-së.

Presidenti është lodhur me mungesën e suksesit me PSG-në, madje humbja e fundit në finale kundër Renë e ka tërbuar fare.

Ky lajm i ka ndarë në dysh tifozët e Romës: ka nga ata që mezi presin që klubi t’i kalojë miliarderëve nga Katari dhe emra të mëdhenj të zbarkojnë në “Olimpico”, ndërsa të tjerë janë kundër kësaj ideje dhe pranojnë të mbajnë president Xhejms Palotën.

Ky i fundit ka reaguar kundër këtyre zërave. Italo-amerikani ka mohuar mundësinë e shitjes së Romës në prononcimin e dhënë për mediat italiane. “Nuk është aspak e vërtetë, është e gjitha një lajm fals”, shprehet shkurt dhe pastër presidenti i verdhekuqve.

Veronika Rabiot është nëna e lojtarit dhe mban rolin e agjentes së tij. Në një prononcim të fundit për mediat, ajo nuk është kursyer aspak kundrejt presidentit Naser Al-Khelaifi. Këtë të fundit e akuzon për faktin që nuk merr nga futbolli, ndërsa heshti gjatë kohës që djali i saj u keqtrajtua para të gjithëve.

“Kur dikush merr vendime në jetë ka gjithmonë pasoja me afat të shkurtër, mesëm apo gjatë. Nuk e kuptoj se si ka mundësi që presidenti ka treguar se nuk merr vesh fare nga futbolli. Ai nuk ia ka haberin për lojtarët e futbollit, aq më tepër për njerëzit. Nëse Adrien do të dënohej për diçka të saktë, do të ishte gjithçka ndryshe… Të gjithë e dinë se ai është keqtrajtuar dhe vuan pa thënë asgjë.

Nuk e di nëse presidenti është koshient për atë që po ndodh. Situata është bërë e paqëndrueshme. Al-Khelaifi ka ‘zhdukur’ qetësinë dhe është e pamundur të injorosh faktin që një nga futbollistët më të mirë keqtrajtohet kështu para të gjithëve. Problemi është që ai nuk flet fare për këtë situatë. Nëse do të kishte folur, gjërat do të kishin marrë një tjetër rrjedhë”, përfundon Veronika Rabiot.

Sipas raportimeve të mediave ishullore, Al Khelaifi po mendon investimin në një nga këto 3 klube: Aston Vila, QPR dhe Notingem Forest. Të tre klubet garojnë në Championship, divizioni i dytë i futbollit anglez.

Sfida e presidentit është gjetja e të ardhurave të reja pas shpenzimeve kolosale të bëra për PSG-në. QSI është gati të hapë thesin për blerjen e një prej këtyre klubeve angleze.

Investimet nuk mungojnë dhe rregullat e UEFA-s e lejojnë pasjen e më shumë se një klubi në pronësi. I vetmi problem mund të ndodhë në Champions. Nëse ekipi i ri anglez i Al Khelaifit do të kualifikohej në Champions, atëherë atij do i duhet të hiqte dorë nga PSG ose ekipi anglez, pasi i njëjti pronar nuk mund të ketë dy klube në një kompeticion europian.

Akordimi i penalltisë në minutat shtesë, që u shndërrua në gol nga Rashford, ka sjellë irritimin e madh të Nejmarit dhe presidentit Naser Al-Khelaifi.

Sulmuesi u pa të protestonte përpara kamerave gjatë momentit të penalltisë, ndërsa ai nuk është ndaluar me kaq. Sipas raportimeve të “RMC”, braziliani, edhe pse me paterica në duar, ka dashur të futet pas ndeshjes në dhomën e arbitrit Damir Skomina.

Vendimi i sllovenitt e ka tërbuar dhe është dashur ndërhyrja e stafit të PSG, të cilët nuk kanë lejuar Nejmarin të futej në dhomën e arbitrit. Edhe presidenti është shfaqur tepër i pezmatuar pas humbjes.

Al-Khelaifi ka humbur kontrollin duke goditur një derë në dhomat e zhveshjes. Më pas ai kaloi rreth një orë bashkë me ekipin, aty ku u diskutuan shumë gjëra në lidhje me ndeshjen dhe të ardhmen.