Nasri

Befason Nasri, firmos për “gjigantin” belg

Sport Ekspres — Fri, 05 Jul 2019 15:39:32 +0000

Samir Nasri ka vendosur ta vazhdojë karrierën e tij në Belgjikë. Futbollisti francez është prezantuar te skuadra a Anderleht ku do të vihet nën urdhrat e ish-kolegut të tij te Mançester Siti, Vinsent Kompani, i cili mban njëkohësisht pozitën e trajnerit dhe lojtarit te “gjigantët” belg.

“Kam marrë shumë oferta, por në fund zgjodha Anderlehtin me bindje të plotë. Vinsent Kompani ka qenë kolegu im te Mançester Siti, e njoh mirë dhe e di se çfarë planesh ka për të ardhmen e Anderlehtit. Me Vinsentin dhe të gjithë skuadrën do bëjmë maksimumin për ta bërë këtë projekt të suksesshëm”, tha francezi në fjalët e para për faqen e klubit.

Firma me Nasrin është një lajm i bujshëm për të gjithë futbollin belg që nuk është mësuar që në kampionatin e tyre të ketë emra të mëdhenj si ish-lojtari i Mançester Sitit dhe Arsenalit.

He's in! Welcome Samir Nasri. Bienvenue au #RSCA. #WelcomeSamir #COYM pic.twitter.com/Na6f99joCQ

— RSC Anderlecht (@rscanderlecht) July 5, 2019

Shezni: Hleb i varur nga alkooli, Nasri mendonte se ishte gangster

Sport Ekspres — Fri, 22 Mar 2019 09:34:11 +0000

Portier i Juventusit, Vojçev Shezni, ka qenë pjesë e një emisioni në “YouTube”, ku ka folur në lidhje me disa nga ish-kolegët e tij te skuadra e Arsenalit.

Komentet më interesante ishin ato për bjellorusin Aleksandër Hleb dhe francezin Samir Nasri. I pari kishte probleme me varësinë nga alkooli, ndërsa i dyti kishte një karakter aspak të pëlqyeshëm.

HLEB – “Mund të kishte arritur shumë më shumë gjëra në futboll. Kishte përpara vetes një karrierë të madhe, por i pëlqente të konsumonte shumë alkool”.

Hleb

VAN PERSI – “Ishte një lojtar jashtëzakonisht shumë arrogant. Zgjodhi të shkonte te Mançester Junajtid ku fitoi një titull, por vetëm aq. Më pas përfundoi në Turqi dhe karriera e tij e madhe mori fund. Jam i sigurt se do të kishte arritur më shumë gjëra tek Arsenali”.

NASRI – “Ai ishte ndër ata tipat që mendonte sikur ishte ndonjë gangster. Çdokush ka njohur tipa të tillë në shkollë, tipa që kishin disa shokë të mëdhenj dhe kjo nuk është gjë e bukur”, përfundoi Shezni.

UEFA korrigjon vendimin, Nasri dënohet sërish

Sport Ekspres — Thu, 02 Aug 2018 14:45:44 +0000

Samir Nasri duhej të ishte “Zidan i ri” pas fillimit fantastik të karrierës, por tashmë ka vite që karriera e tij është në rënie të lirë dhe për sjelljen e tij mund të përfshihet në formacionin e lojtarëve rebelë që e kanë shkatërruar vetë karrierën.

Francezi është dënuar sërish, pasi pezullimi i tij për doping është rritur nga 6 në 18 muaj, si pasojë e apelit të suksesshëm të inspektorit të Etikës dhe Disiplinës në UEFA.

Në shkurt 31-vjeçari u dënua me 6 muaj pezullim, pasi kishte shkelur rregullat e Agjencisë Botërore Anti-Doping, duke iu nënshtruar një trajtimi shëndetësor me injeksione të ndaluara.

Sipas inspektorit, dënimi nuk ishte i mjaftueshëm dhe të mërkurën UEFA e zgjeroi pezullimin në 18 muaj.

Dënimi ka hyrë në fuqi në 1 korrik 2017, ndërsa Nasri nuk ka luajtur futboll prej nëntorit 2017. UEFA ka njoftuar se Nasri lejohet të kthehet në stërvitje me çdo klub prej 1 nëntorit 2018.

Guardiola vazhdon spastrimin, Nasri përfundon në Turqi

Sport Ekspres — Mon, 21 Aug 2017 12:23:06 +0000

Samir Nasri transferohet zyrtarisht nga Mançester Siti tek Antaljaspori në kampionatin turk.

Mesfushori francez ishte transferuar te Siti në vitin 2011, nga Arsenali për 25 milionë sterlina, por karriera e tij te Siti, edhe pse nisi shumë mirë (176 ndeshje e 27 gola në total), pati shumë luhatje e pafundësi dëmtimesh, përveçse problemesh disiplinore.

Sezonin e shkuar Nasri shkoi në huazim te Sevilja, ku nuk mahniti, ndërsa këtë verë u stërvit me Sitin, por Guardiola nuk e donte në skuadër. Tani Nasri, në moshën 30-vjeçare, zgjedh Turqinë, duke u bashkuar në një ekip me Samuel Eto’o dhe francezin Zheremi Menez.