27-vjeçari, i cili firmosi në verë për Kukësin, tashmë ka firmosur për Hapoel Akren, duke u kthyer në shtëpi, sepse në Divizionin e parë izraelit ka luajtur gjithë karrierën, me përjashtim të periudhës së shkurtër te Kukësi. U bë një ndër më të paguarit te Kukësi, luajti vetëm ndeshjet kundër Sherifit, duke goditur edhe traversën në Moldavi, por klubi nuk ishte i kënaqur me rendimentin e tij dhe u pendua që i ofroi atë superpagë prej rreth 9000 eurosh në muaj. Kështu, u arrit marrëveshja për divorc, nuk dihet me çfarë kostoje për kampionët në fuqi të Shqipërisë, ndërsa tani Naser nis aventurën e re dhe zor se do të mendojë më për Shqipërinë.

Mesfushori Siraj Naser ka ndërprerë bashkëpunimin me skuadrën e Kukësit. Izraeliti ka rënë dakord bashkërisht me klubin për të mbyllur aventurën e tij me kampionët e Shqipërisë. Lojtari largohet me një shtrëngim duarsh nga skuadra verilindore.

26-vjeçari u afrua në skuadër para ndeshjeve të Champions League ku dha edhe kontributin e tij për pak minuta. Ai po zhvillonte fazën përgatitore me skuadrën në Ohër, por tashmë aventura e tij me Kukësin është mbyllur. Kukësi e falënderon për kontributin e tij me skuadrën verilindore dhe i uron suksese të mëtejshme në karrierën futbollistike.

Naser erdhi me bujë në verë dhe për ta bindur, klubi i ofroi kontratë shumë të lartë. Më pas, rendimenti i tij nuk e bindi klubin, që ditët e fundit kërkoi t’i ndryshonte kushtet e kontratës, por tashmë është arritur marrëveshja për zgjidhjen e kontratës, ndërkohë që nuk dihet ende nëse mesfushori ka marrë ndonjë dëmshpërblim. Paga e tij ishte mbi 8000 euro, por pas spanjollit Serran, edhe atij i tregohet dera, aq më shumë që Kukësi ka shumë futbollistë në mesfushë.

“Më pëlqen ambienti që kam gjetur te Kukësi, më pëlqen skuadra. Shokët e ekipit më kanë ndihmuar të përshtatem sa më shpejt me klubin tim të ri si dhe të njoh Tiranën si qytet. Mendoj se do të zhvillojmë një sezon pozitiv. Është e vërtetë që nga skuadra janë larguar disa futbollistë cilësorë, por lojtarë të tjerë shumë të rëndësishëm janë bërë pjesë e Kukësit. Me mua por edhe me futbollistët e tjerë që i janë bashkuar ekipit besoj se Kukësi do të luftojë për të fituar trofe edhe në sezonin e ri”, shprehet Naser, duke folur në Supersport.

Mesfushori nuk shqetësohet nga konkurrenca e madhe në repartin e tij: “Konkurrenca është diçka shumë e rëndësishme në futboll. Në cdo skuadër duhet të vuash konkurrencën. Unë jam një futbollist profesionist dhe duhet të jem i përgatitur për të përballuar me sukses konkurrencën në ekip. Mendoj se jam gati për të luftuar për një vend në formacion dhe nëse do ta meritoj mendoj se do të jem një titullar fiks te Kukësi. Edhe pse ka vetëm pak që e njoh, Milinkoviç është një trajner i mirë. Ai punon fort dhe me të, të gjitha seancat stërvitore janë shumë intensive. Me trajnerin e ri besoj se do të përmirësohemi dhe kam bindjen që ai do të bëjë një punë të mirë te Kukësi”.

Nasser kërkon trofe në Shqipëri dhe nuk i druhet askujt: “Objektivi kryesor i Kukësit ,jo vetëm këtë vit, por në çdo sezon, është të luftojë për të gjithë trofetë e mundshëm. Unë kam ardhur pikërisht për të fituar sa më shumë tituj me Kukësin. Nuk e njoh mirë kampionatin shqiptar dhe nuk e di sesi në cfarë gjëndjeje janë rivalët tanë, por e sigur  është që kundërshtarët nuk janë më të fortë se ne dhe për mendimin tim Kukësi është gati për të konkurruar për çdo trofe”.

Krahasimi mes futbollit shqiptar e atij izraelit: “Unë kam luajtur në Izrael gjatë gjithë karrierës time, atje luhet një futboll i shpejtë dhe i fortë. Por, me aq sa kam kuptuar edhe në Shqipëri luhet një futboll i fortë dhe i ashpër dhe duhet të jesh i qëndrueshëm gjatë gjithë sezonit dhe të ruash të njëjtën performancë”.