Aliji ishte një ndër lojtarët e shumtë që trajneri Redniç përzgjodhi gjatë merkatos së janarit. Krisja e marrëdhënieve midis trajnerit dhe pronarëve të Dinamos ka bërë që pjesa e dërrmuese e lojtarëve të afruar në klub nga Redniç të largohen.

Gjithsesi kalimi te Dinamo mbetet një përvojë e mirë për Alijin, i cili luajti 16 takime në gjashtë muaj duke qenë një titullar i padiskutueshëm në formacionin e klubit rumun. Me siguri ofertat për 25-vjeçarin nuk do të mungojnë.

Ndërkaq, shqetësime ka dhe për Naser Alijin dhe Egzon Binakun. Aliji ka kryer vrapime të lehta rreth fushës në stërvitjen e sotme për shkak të ngarkesës, ndërsa Binaku ka lënë përgjysmë stërvitjen e ditës së djeshme në Suedi me Norkopingut.

Klubi ka reaguar, duke sqaruar se lojtari ka pasur një dëmtim në kyçin e këmbës dhe do i duhet të kryejë stërvitje të diferencuar. Rregullorja kërkon që Binaku të kontrollohet nga mjekët e kombëtares për të përcaktuar shkallën e plotë të dëmtimit.

Krahu  i majtë do t’i vazhdojë t’i besohet Naser Alijit. Media rumune “Gazeta Sportiluror” ka zbuluar se Aliji është një nga të përzgjedhurit e Edi Rejës për takimet e muajit qershor.

Mbrojtësi nga Kumanova ishte titullar në fitoren 3 – 0 ndaj Andorrës, ku kreu një paraqitje të kënaqshme. Në tre muajt e fundit mëngjarashi ka qenë një titullar fiks në formacionin  e Dinamos së Bukureshtit. Mbetet ende enigmë cili do të jetë opsioni i dytë  i thirrur nga Reja për këtë pozicion. Lorenc Trashi është një ndër të grumbulluarit në parapërgatitjet që po zhvillohen në “Tropical Resort”, ndërsa Egzon Binaku ka qenë pjesë e përhershme e kombëtares prej më shumë se një viti pavarësisht fakti se minutazhi në Suedi nuk ka qenë mbresëlënës.

Mëngjarashi qëndroi disa muaj larg futbollit në mënyrë që të qëndronte pranë babait në muajt e fundit të jetës. Në një intervistë për “Gazeta Sportiluror”, Aliji rrëfen tragjedinë familjare.

“Gjëja më e vështirë ishte që të përshtatesha sërish me jetën pa babanë tim. E humba shtatorin e shkuar dhe akoma nuk e kam marrë veten, ishte goditja më e rëndë e jetës sime. Gjithmonë kam dhënë se jetën duhet ta fillosh nga e para e të pranosh realitetin, pavarësisht sa mizor që është. Por cili person mund ta pranojë në mendje vdekjen e parakohshme të një prindi”.

“Jeta ime vazhdon, por kurrë s’mund ta harroj babanë tim, gjithmonë do të ketë një vend në mendjen dhe zemrën time. Nuk ishte një vdekje që na erdhi si rrufe. Ai kishte kancer që s’mund të trajtohej. Edhe nëse e di që do të ndodhi, nuk mund të thuash se është më e lehtë. Thjesht isha i lumtur që isha pranë tij në ditët e fundit. Kjo më lehtësoi pak dhimbjet”

“Gjëja më e rëndësishme është që të respektosh prindërit e tu e të mësosh prej tyre. Dëgjojini sa më shumë të jetë e mundur që të mësoni diçka. Fëmijët e sotëm duhet t’i respektojnë më shumë prindërit dhe gjyshërit. Kur isha i vogël nuk kisha pajisje elektronike ose para, kisha vetëm një top dhe një ëndërr: Të bëhesha futbollist e të bëhesha dikush. Mendoj se në epokën e pajisjeve elektronike dhe rrjeteve sociale, respekti dhe ambicia për ndjekur ëndrrat e tua ka humbur”.

“Babai më ka mbështetur gjithmonë. Më mësoi diferencën midis të mirës e të keqes, e kam dëgjuar gjithmonë. Është e trishtueshme që disa fëmijë nuk mësojnë nga prindërit e tyre. Ndihem me fat që nuk kam pasur pajisje elektronike, celularë e të tjera kur isha fëmijë. Gjithë këto gjëra të shpërqendrojnë e s’të lënë të mësosh diçka shumë të vlefshme”.

Sipas Dalipit, kjo ishte ndeshje perfekte për t’i dhënë një shans në kombëtare Trashit, pasi sipas tij mëngjarashi i Partizanit është i vetmi lojtar mbrojtës që e kryen mirë fazën sulmuese. Në ndryshim nga Aliji dhe Hysaj.

“As Hysaj as Aliji nuk i kanë karakteristikat e një lojtari mbrojtës që kalon mirë në sulm dhe është superior ndaj kundërshtarit në situata një kundër një. Jam i mendimit që i vetmi lojtar që mund ta bënte mirë këtë rol është lojtari i Partizanit, Lorenc Trashi. Gjithsesi duhej besim, por atje vinim pas një ndeshje negative dhe duhej patjetër të merrnim rezultat kundër Andorrës.  Kjo ishte ndeshja perfekte, pasi Trashi mund të bënte diferencën në metrat e fundit dhe të dërgonte harkime te sakta te sulmuesit tanë” , tha Dalipi.

Shumë lojtarë shqiptarë janë rikthyer nga dëmtimet dhe po arrijnë në formën e tyre më të mirë, si dhe disa lojtarë të tjerë kanë gjetur skuadra dhe po luajnë rregullisht. Një nga pozicionet ku Panuçi e ka të vështirë të zgjedhë është roli i mbrojtësit të majtë.

Ermir Lenjani, Egzon Binaku dhe Naser Aliji po bëjnë mirë me skuadrat e tyre dhe janë alternativa të rëndësishme. Sipas mediave rumune, që e bëjnë dhe të kryer, Naser Aliji është ftuar nga Panuçi. Lojtari i Dinamo Bukureshtit është rikthyer të luajë dhe është një futbollist i rëndësishëm për skuadrën rumune dhe trajnerin Redniç, i cili i ka besuar fanellën e titullarit në shumë takime.

Aliji ka 11 ndeshje me kombëtaren tonë kuqezi, por ka më shumë se 1 vit që nuk grumbullohet. Megjithatë, forma e tij e mirë duket se i ka siguruar ftesën për të qenë pjesë e kombëtares për dy sfidat kualifikuese, atë kundër Turqisë dhe Andorras.

Sipas medieve rumune, mëngjarashi do të jetë titullar në  ndeshjen midis  Dinamos së Bukureshtit dhe Iashit . Mbrojtësi i kombëtares sonë ka bindur trajnerin Mirçea Redniç duke fituar balotazhin me mbrojtësin anglez Xhorn Mustou.

Ndeshja e parë e karrierës së 25-vjeçarit në Rumani do ta vërë përballë një tjetër shqiptari. Bëhet fjalë për Kamer Qakën, i cili aktivizohet me skuadrën e Iashit.

Përse e pranove ofertën e Dinamos së Bukureshtit? – “Për momentin ishte zgjedhja më e mirë. Fola me Azdren Llullakun dhe ai më tha gjëra të mira për Dinamon dhe për trajnerin Mirçea Redniç. Mendoj se kam marr vendimin e duhur”.

Çfarë dije më parë mbi Dinamon? – “E dija që është një klub me histori, por vetëm aq. Nuk kam qenë një njohës i kampionatit rumun”.

Çfarë ndodhi me dëmtimin tuaj në verë? – “U mërzita jashtëzakonisht shumë.  Tani ndihem mirë, nuk ndjej më dhimbje. Pata një inflamacion në gju dhe më duhej të kthehesha në Zvicër për trajtimin”.

Ëndrra më e madhe në futboll? – “Kam ndaluar ëndërruari. Tani dua vetëm ta shijoj futbollin. Kam pasur shumë probleme në dy vitet e fundit dhe kam kuptuar se e tashmja duhet shijuar. Në çdo ditë duhet të japësh maksimumin. Nuk e them këtë vetëm se im atë u nda nga jeta së fundmi. Kam parë të gjitha pjesët e këqija të futbollit gjatë dy viteve të fundit dhe kam kuptuar se të ardhmes nuk i dihet kurrë. Sot je këtu, nesër jo.

Si e kaloni kohën e lirë?

“Kaloj shumë kohë me familjen time. Pëlqej të luaj Fortnite me nipat dhe shokët e mi, është një lojë shumë zbavitëse. Jam një person shumi i lidhur pas familjes”.

A keni ndonjë lojtari që dëshironi t’i ngjani?

“Nuk përpiqem të kopjoj ndokënd, por sa herë shikoj një ndeshje futbolli, i kushtoj shumë rëndësi mbrojtësve të krahut. Që në fëmijëri më ka pëlqyer shumë Dani Alvesh. Ai është idhulli im. Do doja të isha si ai. Në futboll nuk i dihet kurrë, gjithçka është e mundur”.

Keni dalë kampion në Zvicër me Bazelin. A besoni se mund ta arrini këtë gjë me Dinamon?  – “Në futboll gjithçka është e mundur. Kurrë nuk i dihet. Shpresoj që një ditë të shpallem kampion me Dinamon”.

Çdo të thotë për një futbollist që të luajë në Champions League? – “Kam luajtur në vetëm një ndeshje. Çdo fëmijë e ëndërron diçka të tillë. Ishte një moment tepër i veçantë i karrierës sime”.

 E dini që Dinamo s’ka luajtur kurrë në Champions?  Kjo është një ëndërr për klubin  – “Po e di. Ndoshta mund ta arrijmë këtë. Është një ëndërr që të gjithë ne futbollistët e kemi që të vegjël. Kemi një skuadër të fortë, por do të na duhet kohë”.

OBJEKTIVAT E KLUBIT –  “Tani është e rëndësishme që të mbyllim mirë sezonin, pasi nuk ndodhemi në një situatë të mirë. Shpresoj që të fitojmë pjesën tjetër të ndeshjeve dhe më pas të shohim se çdo të ndodhë. Mund ta kapim zonën e “Play-Off”, por duhet të jemi realist. E kemi shumë të vështirë dhe nuk është në dorën tonë”.

Gjendja e Dinamos tani? – “Kanë ardhur shumë lojtarë të rinj. Tani na duhet të njohim njeri tjetrin më mirë dhe do të na duhet kojë për këtë, por më pas do të bëhemi një skuadër shumë  e fortë”.

Çfarë lojtari jeni në fushë? – “Ndryshoj shumë nga jashtë futbollit. Kur jam në një ndeshje dua të fitoj medoemos, e urrej të humbas”.

Ismajli u aktivizua si rezervë në miqësoren e zhvilluar ditën e sotme në Antalia ndaj Dinamos së Bukureshtit, skuadër ku ndodhet lojtari tjetër i kombëtares sonë, Naser Aliji. Ky i fundit u aktivizua në këtë takim gjatë pjesës së dytë.

Ismajli spikati duke asistuar në golin e dytë të kroatëve, ndërsa në përfundim të takimit, 22-vjeçari pati një mesazh interesant për disa persona

“Dikush ishte i gëzuar kur unë u operova dhe ata menduan se nuk do të rikthehesha, por jam përsëri më i fortë se më parë me ndihmën e zotit, vazhojmë përpara”, shkroi Ismajli në “Instagram”.

https://www.instagram.com/p/BslaUnont5E/?utm_source=ig_web_copy_link

Për shkak të disa probleme familjare, futbollisti nga Kumanova qëndroi për muaj të tërë pa luajtur dhe te Dinamo po presin që mëngjarashi të rikthehet në gjendje optimale. Ndërkaq, te klubi i Dinamos së Bukureshtit, ka pasur një sërë ndryshimesh interesante përsa i përket pozicionit të mbrojtësit të majtë.

Rumuni, Mihai Popesku, i cili ishte dhe titulluar i padiskutueshëm në gjysmën e parë të sezonit është huazuar në Skoci te St.Mirren. Në vend të lojtarit të lartpërmendur, ka ardhur një mëngjarash anglez, Xhorda Mustoi, futbollist i transferuar nga kampionati finlandez. Dinamo e Bukureshtit do të niset ditën e nesërme drejt Antalias për të zhvilluar fazën përgatitore dhe nëse Aliji do të jetë në avion me skuadrën, atëherë s’do mend që bashkëpunimi midis palëve do të vijojë.

“Dua të flas pak në lidhje me Naser Alijin. Mund ta ndërpresim kontratën me të. Nuk na kushtuar asgjë deri më tani, vetëm disa bileta avioni dhe disa shpenzime të vogla. Tani varet prej tij nëse do të zgjidhë problemet e tij të vogla. Nëse nuk është 100% deri më 9 janar, atëherë ne do ta ndërpresim kontratën”, është shprehur kreu i pankinës së Dinamos së Bukureshtit.

Aliji u prezantua në fillim të nëntorit te klubi rumun dhe do të përfitonte një pagë bazë prej 4 mijë eurosh. Aktivizimi i tij rregullisht me Dinamon ia dyfishonte pagën, por tanimë situata është e tillë që mbrojtësi 24-vjeçar as që nuk do të debutojë në skuadrën e drejtuar nga Redniç.

Për mbrojtësin 24-vjeçar, do të nisë një aventurë e re, me një prej klubeve më të suksesshme në historinë e futbollit rumun, teksa ka fituar 18 tituj kampionë dhe 13 Kupa. Pas aktivizimit me Virtus Entelan gjatë sezonit të kaluar, Aliji ishte pa skuadër prej qershorit të kaluar, pasi vendosi të qëndronte pranë familjes, në muajt e fundit të jetës së babait të tij.

Tashmë, pas momenteve të vështira në jetën personale, djaloshi nga Kumanova është prezantuar te  Dinamo e Bukureshtit, me synimin për t’u rikthyer si protagonist. Në të shkuarën në të njëjtin ekip kanë luajtur Elis Bakaj dhe Sulejman Demollari, madje ky i fundit ka fituar titullin kampion dhe “Kupën e Artë”.

Mbetet të vijë zyrtarizimi dhe Aliji të rikthehet në fushën e blertë. Për herë të fundit është aktivizuar me Virtus Entelën në Itali. Në të shkuarën ai ka qenë pjesë e Bazelit në Zvicër, ndërkohë që ka provuar një eksperiencë edhe në Gjermani me fanellën e Kaizerslautern.

Dinamo e Bukureshtit nuk po kalon një moment të mirë dhe e ka të nevojshme të ndërhyjë në merkato. Klubi rumun ndodhet dy vende larg vendit të fundit dhe ka vetëm pesë pikë më shumë se Voluntari.

Në të shkuarën pjesë e Dinamos së Bukureshtit ka qenë edhe Elis Bakaj, por sikurse dihet, ai që ka lënë gjurmë ka qenë Sulejman Demollari. Ky i fundit kujtohet me nostalgji në Rumani, pasi ka shkëlqyer atje në sezonin 1991-1992, duke fituar titullin dhe duke u shpallur golashënuesi më i mirë i kampionatit.

E ka zbuluar gjithçka vetë, përmes një prononcimi të dhënë për “Blick” në Zvicër. “Kisha disa oferta, por u ktheve te FC Baden për të qëndruar pranë familjes. Babai im u diagnostikua me kancer dhe vendosa që muajt e fundi të jetës së tij t’i qëndroja pranë”, thotë fillimisht Aliji.

Fatkeqësisht i ati i është ndarë nga jeta pak ditë më parë, të dielën. “Nuk isha i zhgënjyer gjatë verës vetëm se nuk kisha një klub. Papritur e kuptova që duhet të kaloja kohë me babanë tim. Ishte në muajt e fundit të jetës së tij”.

Tanimë mbrojtësi i majtë po stërvitet te FC Baden, klubi ku edhe ku ka hedhur hapat e para në futboll. Në pritje të një kontrate dhe më i fortë se kurrë për të përballuar sfida të tjera që do t’i paraqesë jeta.