Napoli në sulm për zëvendësuesin e Hysajt, e gjejnë në Angli

Sport Ekspres — Fri, 19 Apr 2019 19:40:00 +0000

Pozicioni i mbrojtësit të djathtë mbetet një çështje e nxehtë te Napoli. Elseid Hysaj dhe Kevin Malkyit nuk kanë arritur të bindin drejtuesit e klubit napolitan që tani po mendon për emra tër rinj.

Sipas “Sky Sports”, objektivi më i ri i ekipit italian është mbrojtësi i Totenhemit, Kieran Tripiër. Mbrojtësi 28-vjeçar ka pësuar një përmirësim të jashtëzakonshëm gjatë viteve të fundit dhe është kthyer në një titullar në formacionin e kombëtares së “Tri Luanëve”.

Transferimet e futbollistëve anglezë jashtë kampionatit vendas janë të rralla, por te Napoli besojnë se mund të bëjnë një ofertë që bindë njëkohësisht klubin dhe lojtarin.

PSG hap thesin për mesfushorin, Napoli ofertë talentit italian

Sport Ekspres — Sat, 29 Dec 2018 11:07:34 +0000

Adrien Rabiot është pothuajse një lojtar i Barcelonës, ndërsa PSG ka gjetur zëvendësuesin e tij. Kampionët e Francës po kërkojnë prej kohësh një emër të madh për mesfushën e Tuhel. Objektivi i tyre është Alan i Napolit dhe “Corriere dello Sport” raporton se PSG ka ofruar 80 milionë euro për kartonin e brazilianit.

Alan në një dyluftim për top me Nejmar

Napoli po reziston dhe nuk ka ndërmend të heqë dorë nga shërbimet e 27-vjeçarit, i cili është një nga pikat më të forta të ekipit të Ançelotit. Por, Napoli nuk dëshiron të jetë i papërgatitur dhe ka përgatitur ofertën për… Nikolo Barelën. 21-vjeçari i Kaljarit është një nga lojtarët më të talentuar italianë, por për të interesohet prej kohësh dhe Interi, por dhe klube të tjera.

Nikolo Barela

Zikaltrit kanë raporte të mira me drejtuesit e ekipit sard, menaxheri i Barelës është i njëjti që gëzon të drejtat e Naingolan, madje dhe vetë mesfushori dëshiron një kalim tek Interi. Megjithatë, De Laurentis, presidenti i Napolit, ka gati një ofertë tunduese për Kaljarin: 20 milionë euro dhe kartonët e Ounas dhe Rog.