Kalabrezi ka marrë 48 orë kohë për t’u menduar dhe ju ka kthyer përgjigje negative drejtuesve francezë. Gatuzo e ka parë të arsyeshme për të refuzuar këtë ofertë.

Nantes nuk ka humbur kohë dhe ka nisur tratativat me një tjetër trajner italian. I përzgjedhuri i radhës është Valter Zenga, i cili mund të provojë emocionet e kampionatit francez.

Sulmuesi po kalonte kulmin e karrierës së tij, pasi po zhvillonte sezonin më të mirë me Nantën, të cilët vendosën ta shisnin te Kardifi në Premier League. Plot 17 milionë euro, një shifër rekord për klubin francez, ndërkohë që edhe Sala do të përfitonte shumë më shumë në Kardif.

Gjithsesi, argjentinasi me sa duket nuk e ka dashur një transferim të tillë. Këtë gjë e zbulon “L’Equipe”, që ka nxjerrë një mesazh zanor që vetë Sala i dërgonte një miku të tij në “Whats App”.

Sulmuesi dëgjohet të thotë që nuk e do kalimin te Kardifi, pasi nuk përputhet me pritshmëritë e tij, duke nënkuptuar që kërkon kalimin në një klub më të madh. Gjithashtu, ai shton se po detyrohet të kalojë atje dhe se kjo gjë nuk po i pëlqen.

Le documentaire « Emiliano Sala, les secrets d’un destin brisé » a révélé un message vocal de l’attaquant argentin à ses proches le 6 janvier. Il y exprime sa rancoeur envers Waldemar Kita, le président du FC Nantes #lequipeENQUETE pic.twitter.com/RCqIMcwOLv

— L’ÉQUIPE (@lequipe) May 22, 2019

“Mbrëmë fola me agjentin tim Meisa, më tha që Frank Kita, i biri i presidentit Valdemar Kita, i kishte thënë se duan të më shesin.

Kanë marrë një ofertë nga Kardif. Për vete kanë vendosur një çmim të lartë dhe Kardif ka pranuar, ndaj duan që unë të shkoj patjetër atje.

Është e vërtetë që është kontratë e mirë, por në aspektin sportiv nuk është interesante për mua. Gjithsesi, ata duan që unë të shkoj me çdo kusht.

Personalisht, nuk kam frikë të shkoj atje, jam mësuar me beteja gjithë jetën time. Megjithatë, shpresoj që Meisa të më gjejë diçka më të mirë deri në mbyllje të merkatos së janarit.

Edhe Meisa nuk do që unë të shkoj në Kardif dhe mendon se jemi në një pozicion superior, mund të vendosim vetë ku duam të shkojmë. Nuk më plas shumë për këtë gjë, por do doja që të gjeja një klub të mirë dhe një kontratë të mirë. Në futboll rrallë bëhen bashkë të dyja këto.

Nuk dua të flas, as ta shoh Kitan, sepse acarohem. Ai do që unë të shkoj në Kardif, do paratë e tij, ndërkohë që as më ka pyetur fare çfarë dua unë. Është e vështirë, shumë, sepse më duhet çdo ditë të shoh surratin e atij personi, por askush nuk më sheh mua, çfarë kam unë në zemër”.

Fati ndonjëherë tregohet brutal. Argjentinasi sot mund të ishte gjallë, duke luajtur futboll në… Serie A! Siç raporton “L’Equipe”, Lacio, Udineze dhe Sampdoria kërkonin shërbimet e tij verën e kaluar.

Tentoi edhe Gallatasaraj, por turqit ndryshuan skemë në fund dhe kërkuan huazim me të drejtë blerje. Raporti i lojtarit me presidentin francez, Valdemar Kita nuk ishte aspak pozitiv. Ky i fundit ishte i qartë me klubet italiane: dëshironte 12 milionë euro dhe 20% të kartonit në rast të një shitje në të ardhmen.

Tare me shokë nuk pranuan, ndërsa Kita nuk toleronte aspak nga kërkesat e tij. Vera kaloi dhe Sala mbeti sërish në Ligue 1. Ai kërkoi edhe një rritje rroge, e cila nuk ndodhi kurrë. Raportet me presidentin u krisën.

Kita e kishte ndarë mendjen. Do e shiste Salanë në ofertën më të mirë që do i vinte në janar. Kardifi u fut në lojë dhe ofroi 17 milionë euro Nantesit dhe një rrogë shumë të mirë sulmuesit.

28-vjeçari pranoi, ndërsa miqve ju tregoi shkakun e vërtetë. “Nuk është maksimumi, por nuk mund ta duroja më presidentin”. Më pas e dimë të gjithë se çfarë ndodhi. I pari i klubit francez nuk mori pjesë as në ceremoninë mortore të zhvilluar në vendin latin, pasi familjarët e Sala ia bënë të qartë se nuk i garantonin dot siguri maksimale…

Futbollisti nuk arriti të debutonte me ekipin e ri dhe Kardifi nuk ka pranuar të paguajë deri më tani shumën e kërkuar nga francezët. Çështja ka përfunduar në FIFA, por është tepër delikate dhe disi e komplikuar për t’u zgjidhur, nëse klubet nuk arrijnë të bien dakord.

Kardifi e ka përsëritur qëndrimin e tij, duke insistuar se nuk ka ndërmend të paguajë asnjë qindarkë. Vendimin e tyre e lidhin me faktin që nuk kanë depozituar asnjë dokument zyrtar që dëshmon blerjen zyrtare të Sala.

Eserik dhe Kulibali i dhanë avantazhin e dyfishtë Nantës brenda 2 minutas dhe pa kaluar një orë lojë, dukej se Nantë e kishte fituar takimin. Por miqtë e Lilës nuk e kishin thënë fjalën e fundit dhe në vetëm 6 minuta, shënojnë tri herë, duke përmbysur rezultatin.

Leao, Pepe dhe Bamba ishin autorët e golave, që kaluan për herë të parë në avantazh skuadrën e Lilës. Këto pesë gola, u shënuan në harkun kohor të 14 minutave (55’ – 69’), një ndeshje e çmendur. E për të mos mjaftuar, Nantë kishte mundësinë të barazonte në minutën e 82’, por Eserik humbet një penallti.

Ligue 1, java 30

Nantë – Lilë  2-3
Eserik 55′, Kulibali 57′ / Leao 63′, Pepe 67′, Bamba 69′

ndërmend të paguajë. Nanta e ka çuar në FIFA këtë çështje, por te Kardifi janë të qetë, pasi marrëveshja nuk ishte mbyllur ligjërisht.

Sipas klubit anglez, duhej që lojtari të prezantohej dhe të firmoste një kontratë të dytë, ku do të flitej për bonuset dhe për rregullat që ka klubi.

Kjo kontratë nuk u nënshkrua asnjëherë, për shkak të tragjedisë së sulmuesit argjentinas. Nanta duket se ka mbetur pa asnjë qindarkë, por kjo çështje vazhdon të zvarritet në zyrat e FIFA-s.

28-vjeçari u transferua nga Nanta te Kardifi dhe ishte gati për të shënuar në Premier. Një gjë e tillë do e ndihmonte të realizonte ëndrrën e madhe për të luajtur me Argjentinën e tij. Avioni që po e transportonte drejt Uellsit u rrëzua dhe të gjithë vajtuan humbjen e tij, madje edhe ata që nuk e kishin parë kurrë të luante.

Dhimbja e madhe për të gjithë, sidomos për familjarët. Mercedes është e ëma e Emilianos. Zemra e saj e di çfarë ka kaluar, por ajo kërkon drejtësi. Siç thotë edhe vetë, pikëllimi, dhimbja dhe zemërimi do e shoqërojnë deri në frymën e fundit, por ajo kërkon të dijë të vërtetën e ngjarjes tragjike. Në një prononcim për “L’Equipe”, Mercedes flet për bisedën e fundit të bërë me djalin e saj dhe dhimbjen e madhe që nuk do zbutet kurrë…

“Unë kisha biseduar me Emilianon përpara se të ngjitej në atë avion dhe i thashë se do ta telefonoja pasi të mbërrinte në hotel në Kardif. Ca orë më vonë tentova të lidhesha me të, por nuk përgjigjej. Provova përsëri pas gjysmë ore, por asgjë. Pastaj mora në telefon agjentin, i cili më tha se avioni ishte zhdukur. Nuk janë kujdesur për të, ashtu siç duhet bërë me një lojtar 17 milionë eurosh.

Shumë gjëra janë të paqarta. Po presim që të kuptojmë pse dhe si vdiq Emiliano. Nëse është faji i neglizhencës së aeroportit, pilotit, apo ndërmjetësit. Ndjej trishtim dhe dhimbje të madhe, por edhe zemërim. Ky pikëllim dhe zemërim do të zgjasë gjithë jetën”, përfundon e ëma e Emilianos së pafat.

Uilli MekKej organizoi fluturimin që i mori jetën sulmuesit 28-vjeçar, me avionin e drejtuar nga David Ibbotson që u rrëzua në Kanalin Anglez, pranë brigjeve të Britanisë së Madhe.

Kardifi ka mohuar prerë pretendimet se ka neglizhuar dhe nuk e ka ndihmuar Salën që të organizonte udhëtimin për në Uells: “Ne ishim në provesin e organizimit të një udhëtimi me avion për zotin Sala, derisa kjo ofertë u refuzua, pasi na u tha që futbollisti kishte planifikuar më parë udhëtimin, për të cilin Kardifi nuk kishte detaje. Jemi shumë të shqetësuar nga shkeljet që janë bërë në këtë udhëtim dhe duam përgjgje për detajet e kësaj tragjedie”.

“Ai ishte braktisur në një hotel, pak a shumë iu desh të organizonte vetë gjithçka”, tha Uelli MekKej në një intervistë për BBC.

“Askush në Kardif nuk dukej se e dinte çfarë duhej të bënte, ishte e sikletshme për një klub të Premier Ligës. Ata blejnë një futbollist për 17 milionë euro dhe e lënë vetëm, para një kompjuteri, për të gjetur linjë ajrore për të udhëtuar drejt Uellsit. Mendoj se Kardifi ka dështuar. Nga mënyra si kanë vepruar, ata janë një fatkeqësi. Është e turpshme të hidhet baltë edhe mbi pilotin, sepse ishte profesionist dhe i zoti, nuk mund të fajësohet ai për tragjedinë”.

Uilli MekKej sqaron se Nanta i detyrohet 1.5 milionë sterlina djalit të tij: “Megjithatë, nuk do të merremi me gjyqe. Nuk është çështje parash, dy njerëz kanë humbur jetën. Nuk vijnë paratë para njerëzve. Unë kam familje, nuk do grindem për ato para, nuk më interesojnë fare, të jem i sinqertë, sepse kam përjetuar ferrin këto javë”.

Sulmuesi argjentinas u shit për shumën e 17 milionë eurove, ndërsa klubi uellsian duhet të paguante këstin e parë prej 6 milionë eurosh.

Të mërkurën e kaluar Kardifit iu dha një afat prej 7 ditësh që të paguante këstin e parë, por kjo nuk ka ndodhur akoma. Nanta ka pritur kalimin e javës dhe ka vendosur të ankohet përsëri në FIFA.

Kardifi ka deklaruar se do të respektojë akordin me klubin francez, por dëshiron të presë mbylljen e hetimeve dhe zbulimin e shkakut të vdekjes së 28-vjeçarit.

Tifozët e ekipit francez vendosën t’i dhuronin një koreografi fantastike argjentinasit në ndeshjen shtëpiake të 30 janarit kundër Seint Etienit. Emocione të mëdha në stadium, aty ku i madh e i vogël lotonte për zhdukjen e ish-bomberit të tyre.

Megjithatë, rregullorja është një “fe” në Francë dhe klubi i Nantës është gjobitur për sjelljen e tifozëve të saj. Komisioni i Disiplinës ka gjobitur me 16.500 euro klubin francez për përdorimin e materialëve piroteknike dhe hedhjen e objekteve në fushën e blertë nga ana e ultrasve.

Kardifi duhet t’i paguajë Nantës 15 milionë sterlina, sipas marrëveshjes, por për momentin gjithçka ka mbetur pezull.

Klubi uellsian duhej të depozitonte këstin e parë të pagesës, prej 6 milionë eurosh, deri sot, por klubet kanë rënë dakord që të ketë një javë shtyrje të transaksioneve bankare.

Avokatët e Nantës i kërkuan Kardifit që të fillonte shlyerjen e pagesës për sulmuesin e pafat, i cili humbi jetën në aksident ajror, në një kohë që transferimi i tij ishte kompletuar në aspektin juridik.

Megjithatë, Kardifi e ka bërë të qartë që kërkon të presë përfundimin e hetimeve për rënien e avionit dhe gjithashtu po studion për “anomali” në detajet e kontratës.

Situata është e ndërlikuar, edhe për faktin se gjysma e pagesës për sulmuesin e takon Bordosë, për shkak të një klauzole kur Sala kaloi te Nanta në vitin 2015.

Nëse edhe pas një jave nuk ka marrëveshje, gjithçka do të kalojë në zyrat e FIFA-s, ose do të shkojë direkt në Gjykatën e Arbitrazhit Sportiv (CAS).

“Shpresoj që ta zhdukin merkaton e janarit. Është skandaloza. Është kriminale. Po kalonim një ecuri të shkëlqyer, ndërsa tani gjithçka ka marrë fund. Me zhdukjen e Emiliano Salës, lojtarët e kanë pasur të pamundur të përqendrohen”, tha trajneri i Nantës.

Së fundmi mediet franceze kanë zbuluar se zbuluar se në transferimin e Emiliano Salës janë ka pasur shumë detaje të cilat nuk i ka ditur dhe vetë lojtari. Halilhodziç me siguri që ka më shumë informacion mbi çka ndodhur dhe ndoshta ky shpërthim i tij mund të jetë i justifikuar.

Lajmi bëhet i ditur nga autoritet angleze, që kryen analizat e nevojshme mbi kufomën në morgun e qytetit të Bornmuthit.

Ndërkohë, kërkimet për trupin e pilotit anglez Dejvid Ibotson vazhdojnë. Familja e Emiliano Salës është lajmëruar dhe në ditët në vazhdim do të kryhet ceremonia mortore në Argjentinë.

#Update The body brought to Portland Port today has been formally identified by HM Coroner for Dorset as that of professional footballer Emiliano Sala.

The families of Mr Sala and pilot David Ibbotson have been updated. Our thoughts remain with them all

https://t.co/YpVTvaEt7P

— Dorset Police (@dorsetpolice) February 7, 2019

15 milionë paundë pagoi Kardif Siti për kartonin e sulmuesit argjentinas, para që do të kalonin në arkat e skuadrës franceze të Nantës. Megjithatë, kjo shumë ende nuk është transferuar në llogaritë e klubit francez, që sipas “BBC Wales”, janë gati të hedhin në gjyq Kardifin.

Edhe pse shumë vazhdojnë të jenë të tronditur nga ngjarja e ndodhur, bordi drejtues i Nantes e ka mendjen te paratë dhe në rast se 15 milionë paundët nuk paguhen brenda kësaj jave, do t’i drejtohen dyerve të gjyqit.

Për momentin nuk bëhet e ditur se trupi i cilës prej viktimave është gjendur. Gjetja e avionit të zhdukur prej dy javësh u bë e mundur prej kërkuesve privat, të cilët u kontraktuan, pasi një fushatë e nisur në internet grumbulloi mbi 300 mijë euro nga donacionet e më shumë se 200 personave nga anembanë botës.

DEKLARATA E LËSHUAR NGA DEGA E HETIMIT TË  AKSIDENTEVE AJRORE

“Pajisja kërkuese e komanduar nga ne kërkoi të gjithë zonën përreth rrënojave të avionit,  por nuk u bë e mundur gjetja e pjesëve të tjera. Tragjikisht në pamjet video që na u përcollën nga pajisja, dallohet një trup. Ne së bashku me konsultimin e  policisë dhe familjarëve, po mendojmë për hapat e radhës që duhen ndërmarrë”.

Autoritetet shtetërore të dy vendeve u dorëzuan pasi disa ditë kërkimesh, ndërsa në internet nisi një fushatë për mbledhjen e fondeve për të rinisur kërkimet. Të gjithë dhuruan diçka, mes tyre dhe shumë futbollistë dhe kërkuesit privatë nisën punën.

Gjatë ditës së djeshme u gjet dhe avioni Piper Malibu u gjet afër ishullit Alderney, falë përdorimit të një pajisjeje sonate të përparuar. Dy trupat nuk janë gjetur akoma, ndërsa familjarët ishin të parët që morën vesh lajmin e kobshëm. Horacio Sala, babai i Emilianos, shpreh gjithë dhimbjen e tij në një prononcim për “Cronica TV” dhe akoma nuk arrin ta besojë atë që ka ndodhur.

“Nuk arrij ta besoj, kjo është një ëndërr, një ëndërr e keqe. Jam shumë i dëshpëruar. Kam qenë çdo ditë në kontakt me ekipet e kërkimit, por meqë nuk kam Whatsapp, është e vështirë t’i telefonosh ose të më telefonojnë. Ditët kalonin dhe nuk po merrja vesh asnjë lajm për Emilianon dhe avionin e zhdukur”, flet babai i sulmuesit fatkeq.

Ai quhet Uilli Mek Kej dhe është personi që organizoi dhe fluturimin fatal. Konkret dhe shumë cinik, agjenti i prezantohej argjentinasit në këtë mënyrë. Ai i shpjegon lojtarit mënyrën se si funksionon bota e merkatos dhe fjalët e shumta që qarkullonin rreth transferimit të tij në Premier Ligë.

“Emiliano, emri im është Uilli Mek Kej. Ne nuk na interesojnë çështjet e tua personale: llogaritë bankare, pushimet apo babysitter. Ky nuk është biznesi ynë, sepse ne bëjmë vetëm transferime lojtarësh. Deri tani kemi kaluar shifrën 600, duke përfshirë ato të Drogba, Anelka, Pajet, Seri dhe Anguisa. Ne nuk themi që ‘jemi si baballarë për lojtarët tanë’. Jo, nëse ti nuk do të ishe një futbollist, nuk do të ishim interesuar kurrë për ty. Në fund të fundit, jemi të gjithë të interesuar vetëm për para dhe natyrisht që duam të fitojmë sa më shumë. Aspak ndjenja, ne bëjmë vetëm biznes.”

“Eksperienca ime më thotë që nëse nuk do të zgjedhësh në këtë moment Premier Ligën, atëherë do të pendohesh më vonë. Dikush ka thënë që ty nuk të intereson Kardifi, por ndoshta është faji ynë. Kemi zbuluar se ka dhe klube të tjera që duan të blejnë kartonin tënd si: Evertoni dhe Uest Hemi. Një mënyrë për të simuluar interesin. Ne punojmë në këtë mënyrë, pavarësisht se mund të keqinterpretohet nga futbollisti. Por pa këto zëra, askush nuk do të njihte, sepse, sinqerisht, askush nuk e ndjek kampionatin francez.”

Marrëveshja u arrit, madje Mek Kej sponsorizoi dhe udhëtimin e fundit tw sulmuesit 28-vjeçar. Madje edhe agjenti cinik e ka kuptuar fatin e tij mizor: “Nëse nuk do ia kisha kërkuar kurrë mandatin Nantës për të negociuar për transferimin e Salës, ai do ishte ende mes nesh“. Ndonjëherë, nuk është thjesht biznes…

Në nxehje lojtarët e të dyja skuadrave mbajtën veshur bluza në kujtim të Salës, ndërsa fanellat e lojtarëve të Nantës mbani të gjithë mbiemrin e kolegut që s’do ta harrojnë kurrë. Tifozët përgatitën koreografi speciale, ndërsa në stadium kishte dhe tifozë të Kardifit, skuadra ku Sala sapo ishte transferuar.

Tous ensemble, pour Emi' ?#PlayForSala | #FCNASSE pic.twitter.com/77JqhKiWMh

— FC Nantes (@FCNantes) January 30, 2019

Momenti më prekës i mbrëmjes ishte në minutën e 9-të. Gjyqtari i takimit ndali ndeshjen në nder të numrit që mbante lojtari dhe i gjithë stadiumi filloi të duartrokiste. Trajneri Vahid Halilhodziç nuk e përballoi dot këtë moment dhe nga trishtimi i madh shpërtheu në lot.

Në fund të takimit tekniku boshnjak deklaroi: Ishte ndeshje më e vështirë e karrierës sime si trajner. Nuk do ta harrojmë kurrë Emiliano Salën. Ishte një djalë i shkëlqyer. Jeta vazhdon shpresoj që djemtë të rikthehen të buzëqeshin.

Ndërkohë, klubi i Nantës ka hedhur në treg një bluzë të personalizuar, ku shfaqet Sala me nënshkrimin “Ushtar Sala”, të gjithë të ardhurat nga shitja e këtij produkti do t’i shkojnë familjes së futbollistit të ndjerë.

C'est notre soldat, c'est votre soldat ??

Le Club édite dès aujourd'hui un tee-shirt à l'effigie d'@EmilianoSala1. L’intégralité des bénéfices liés aux ventes sera reversée à sa famille.

Commandez-le dès maintenant :
? https://t.co/g8dQ5q4zve pic.twitter.com/TKeU7JqnGs

— FC Nantes (@FCNantes) January 30, 2019

Autoritetet e Guernseyt prej tre ditësh kanë bërë kërkime, të cilat kanë nisur çdo mëngjes dhe janë mbyllur deri kur është errësuar, por deri në këto momente, ende nuk ka pasur asnjë shenjë. Ditën e sotme, më saktë para pak momentesh, policia e Guernseyt ka postuar në “Twitter”, vendimin që ndoshta mbyll gjithçka.

3.15pm Update.

Please read the attached statement.

Unless there is a significant development, there will be no further updates pic.twitter.com/jbEIFMB3zi

— Guernsey Police (@GuernseyPolice) January 24, 2019

Sipas autoriteteve dhe kapitenit David Barker, kërkimet janë mbyllur përfundimisht. Prej tre ditësh kërkime intensive me tre avionë, 5 helikoptera si dhe dy varka shpëtimi, tashmë është vendosur që kërkimet të ndalojnë. Në një letër të hapur, kapiteni Barker ka sqaruar të gjithë opinionin si dhe i ka shprehur ngushëllimet e tij familjeve. Ndoshta dhe shpresat e fundit u shuan…

Kërkimet ishin pezulluar si pasojë e stuhive dhe shikueshmërisë së vogël, por policia ka nisur kërkimet në zonat bregdetare, siç lajmëron në rrjetet sociale. Pesimizmi është i madh dhe shanset e shpëtimit të pilotit dhe Salës janë të vogla, duke llogaritur dhe temperaturat e ulta të ujit. Orë ankthi për tifozët e Nantës dhe Kardifit, por jo vetëm.

Ngjarja e ndodhur me 28-vjeçarin ka trishtuar gjithë tifozët e futbollit, ndërsa më të vështirë se të gjithë e ka familja e tij… Ata dhe të gjithë luten, besojnë akoma me shpresën që Emiliano do të jetë gjallë dhe duke pritur ndihmë…

Por diçka befasuese ka dalë nga hetimet e kryera, pasi piloti i dytë nuk është nisur me avionin e zhdukur. David Henderson kishte kaluar kontrollet e fundit së bashku me pilotin e parë Ibotson dhe futbollistin, por ai ka vendosur të kos e ndërmarrë këtë fluturim.

Lajmi raportohet nga “Ouest France”, që tregon dhe postimin pilotit të dytë në rrjetet sociale. “Në kundërshtim nga çfarë po flitet nëpër media, unë nuk kam vdekur. Nuk isha në atë avion…”, shkruan Henderson. Tashmë atij do i duhet t’u japë shpjegime autoriteteve për arsyet e mungesës së tij.

Misteri rritet dhe më shumë nga fakti që Ibotson i kishte shkruar një mikut të tij pak ditë përpara ngjarjes tragjike. “Jam konsumuar pak me sistemin e uljes…”, shkruante publikisht piloti i parë për avionin ku u ngjitën për herë të fundit ai dhe Emiliano Sala.

24th January
7.50am update.

We are commencing a coastal search using be Channel Islands Air Search plane of Burhou, the Casquets, Alderney, the north coast of the Cherbourg Peninsula, north coast of Jersey and then back over Sark.

Further information released when available

— Guernsey Police (@GuernseyPolice) January 24, 2019

Edhe sot, “Guernsey Police” ka kryer kërkimet rutinë për nëntë orë, por asnjë gjurmë të avionit të zhdukur nuk është gjetur. Disa çaste më parë, erdhi dhe njoftimi nga policia, për ndërprerjen e kërkimeve për ditën e sotme.

Po ashtu, më poshtë u njoftua se gjasat për gjetjen e sulmuesit janë ulur ndjeshëm, por kërkimet do të vazhdojnë intensivisht. Gjithashtu, gjatë ditës së sotme, u publikua një lajm në mediat franceze, që sipas tyre kishte një dëshmitar okular në momentin që sipas tij, avioni ka shpërthyer.

Gjithsesi, ky lajm është përgënjeshtruar menjëherë nga “Guernsey Police” dhe sipas tyre, në vendin ku dëshmitari tha se është rrëzuar avioni, nuk është gjetur asnjë gjurmë.

Mbrëmjen e 21 janarit, në orën 20:30, avioni Peper Malibu në të cilin udhëtonte Emiliano Sala, lojtar i ekipit të Nantës në Ligën parë franceze, pati kontaktin e fundit me qendrën e kontrollit. Italo-argjentinasi ishte nisur nga Nanta në drejtim të Kardifit, ekipit të tij më të ri në Premier Ligë.

Momentalisht, kur kanë kaluar më shumë se 36 orë nga zhdukja e mistershme, pavarësisht kërkimeve, ende nuk ka asnjë shenjë të lojtarit apo të pilotit që ishte në bordin e avionit. Lumturia e 28-vjeçarit, i cili para pak ditësh firmosi kontratën e jetës duket se nuk zgjati shumë.

Zakonisht, kur një njeri humbet jetën, atëherë nis dhe vlerësohet, por rasti i Emiliano Salës nuk është i tillë. Gjithnjë, në Francë sidomos, është cilësuar si një nga sulmuesit më luftarakë që kanë luajtur në Ligën e parë.

E nisi rrugëtimin e tij në Evropë duke kaluar menjëherë nga Argjentina në Ligën e parë franceze, ku e priste Bordoja. Në atë kohë vetëm 20 vjeç, nuk arriti të “çante” në ekipin e parë dhe luajti me rezervat. Djaloshi 20-vjeçar shënon 11 herë në 29 ndeshje si titullar në sezonin e tij të parë. Jo keq për një të sapoardhur nga Argjentina.

Tre sezonet e ardhshme i kalon në huazime, fillimisht në “National” (liga e tretë franceze), me ekipin e Orleans. 19 golat e ndihmojnë që sezonin e ardhshëm të hauazohet te Niorti në “Ligue 2”. Përsëri sezon pozitiv, teksa tund rrjetën 18 herë në 37 takime, duke qenë pikë referimi për ekipin e tij.

Në verën e 2014, pritej rutina e përhershme. Kthim te Bordoja dhe huazim diku tjetër. Por këtë herë nuk ndodhi kështu, pasi zhirondinët vendosën t’i besonin. Gjysmë sezoni me Bordon, asgjë për t’u përmendur, vetëm katër takime si titullar dhe një gol i shënuar. Në janar kthehet te rutina…

Kaeni i beson dhe e merr në huazim. Gjysmë sezoni i mjaftoi për të luajtur, shtatë takime si titullar dhe gjashtë si zëvendësues. 5 gola të shënuar, me një mesatare, gol çdo dy ndeshje. Aq i mjaftoi, Emiliano Salës që të bindte Nantën të paguante 1 milionë euro për ta marrë në radhët e tyre.

Sezoni i parë ishte si nxehmje për italo-argjentinasin, i cili shënoi vetëm 6 gola në 22 ndeshje si titullar. Pavarësisht se nuk dha më të mirën në vitin e parë në Nantë, sezoni 2016/2017 do të ishte një ndër më të suksesshmit për Emiliano Salën, teksa me 12 gola ndihmoi ekipin e tij të renditej në vendin e shtatë në Ligën e parë.

I njëjti rendiment vijoi dhe në sezonin pasardhës ku shënoi 12 herë dhe Nanta e tij u rendit e nënta. Për të ardhur në sezonin aktual. Padyshim, më i miri në gjithë karrierën e tij. Një fazë e luajtur, 12 gola të shënuara me “kanarinat”. Ato që kishte bërë sezonin e shkuar dhe dy sezone më parë, i bëri në vetëm një fazë këtë vit.

U përfol pafund, teksa në një periudhë rivalizonte dhe yjet e PSG-së për golashënuesin më të mirë, si dhe ishte një ndër sulmuesit argjentinas më me shumë gola të shënuar këtë sezon. Gjysmë sezoni perfekt, u kurorëzua me interesimin dhe kalimin në Premier Ligë. Padyshim, një ëndërr për çdo lojtar. 17 milionë euro në tavolinë për Nantën dhe një kontratë me shifra të majme për sulmuesin.

“Ka ardhur Sala i ri në qytet. Shumë i lumtur që nënshkruaj këtu. E di që sfida është e madhe, por së bashku do t’ia arrijmë. Pres me padurim të zbuloj Premier Ligën dhe skuadrën”, ishin këto fjalët e sulmuesit pas nënshkrimit të kontratës me Kardifi Sitin.

Pas këtij postimi, është dhe një postim i fundit. Ai me ish-ekipin e tij, të cilët kërkoi vetë t’i takonte dhe mori leje në klubin e Kardifit. Shkrimi në foto “La ultima ciao”, nuk ka nevojë për shumë koment. Ndoshta ka qenë me të vërtetë lamtumira e fundit…

“E imagjinoj që tani që Emiliano ka zbritur në një plazh në Guernesey dhe me pilotin në shpatulla po thotë: e kam hundën e thyer, por do të luaj të shtunën”.

Të gjithë jemi me sytë nga qielli dhe lutemi që këto fjalë të bëhen realitet dhe “luftëtari” Sala të shfaqet për të tundur rrjetën dhe për të çuar peshë tifozët përsëri…

Ndërkohë, gjatë orëve të fundit ka ardhur një rrëfim tronditës nga Uruguai. Futbollisti Diego Rolan, lojtari i përfaqësueses uruguaine dhe koleg i Salës, kur luanin të dy së bashku vite më parë te Bordoja, ishte i ftuar në një emision radioje, ku tha se kishte marrë vesh se Sala kishte shkëmbyer mesazhe me një mik të ngushtë gjatë fluturimit.

“E di që Emiliano i ka dërguar një mesazh një miku ndërsa ishte në avion dhe para se të zhdukej sinjali, duke i thënë që kishte frikë dhe se nëse nuk do e gjenin, do e kishte ditur atë që kishte ndodhur”, tha Rolan.

28-vjeçari ka qenë në bordin e avionit të zhdukur, por akoma nuk ka informacion të qartë për ngjarjen e ndodhur pranë farit “Casquets”, në Kanalin e La Manshit.

Dy helikopterë, dy avionë dhe një barkë shpëtimi po kërkojnë avionin PA 46 Malibu, siç raporton policia e ishullit Guernsey. “Kontaktet me avionin janë humbur rreth orës 8:30 të mëngjesit.” Babai i lojtarit, Horacio Sala, ka folur për “Radio Continental”, duke treguar momentin e fundit që ka biseduar me djalin e tij.

“Ndodhem në Argjentinë dhe nuk kam asnjë informacion, përveç faktit që po udhëtonte me një avion të vogël. Një shok më tregoi për ngjarjen e ndodhur. Jam në Rosario dhe po vdes nga dëshpërimi. Për herë të fundit kam folur të dielën me Emilianon dhe shpresoj që gjithçka të shkojë mirë dhe ai të gjendet.”

“Di që avioni ishte i presidentit të Kardifit, ata na informuan se avioni ishte zhdukur dhe se po vazhdojnë kërkimet për të”, shprehet Mercedez, nëna e sulmuesit.

Rojet bregdetare angleze kanë lajmëruar se incidenti ka ndodhur jashtë zonës territoriale të Anglisë, ndërsa kërkimet për të vazhdojnë. Pretendohet se avioni ka patur probleme në motor dhe ka fluturuar rreth 5-6 milje në një situatë të tillë.

Klubi i Nantës i ka kërkuar federatës franceze shtyrjen e ndeshjes së kupës kundër Entente SSG, që ishte programuar të zhvillohej nesër. Presidenti i klubit francez, Valdemar Kita, ka folur për “CNEWS”, duke deklaruar se shpreson që ai të jetë gjallë.

“Emiliano ishte një djalë i mrekullueshëm dhe gëzonte respektin e të gjithëve. Mendimet e mia shkojnë për familjen dhe miqtë e tij. Nuk dimë akoma asgjë se çfarë ka ndodhur, por shpresoj që ai të jetë diku. Nuk e dija as që ai kishte ardhur të takohej me shokët e ekipit para se të largohej. Shpresoj që ta gjejmë.”

Gjithsesi, ajo që mori më shumë vëmendje ishte koreografia e tifozëve vendas, të cilët njihen për rivalitetin e ashpër me tifozët e Renës. Në mesazhin e tyre përpara fillimit të ndeshjes ishte shkruar: “Mirë se vini në realitetin e trishtë.” Gjithashtu, mesazhi ishte ilustruar dhe në foto.

Posti i lënë bosh nga uruguaino Gus Poje, fillimisht iu besua ish-lojtarit të përfaqësueses franceze Tieri Henri, por ky i fundit u tërhoq nga marrëveshja vetëm pak para momentit të hedhjes së firmës.

Objektivi i Ranierit te Bordoja do të jetë shmangia e rënies nga kategoria. Klubi nga Bretanja ka shitur disa lojtarë të rëndësishëm si Malkom dhe Labord dhe blerjet kanë qenë shumë të pakta.

Sulmuesi, i cili është formuar në akademinë e PSG-së, duket se do t’ia hedhë pa u lagur, pasi gruaja e tij ka tërhequr mbrapsht akuzat dhe ai ka lënë qelinë e paraburgimit.

Por, çështja ende nuk ka mbaruar. Prokurori lokal mund të vendosë ta hetojë rastin në fjalë dhe nëse ndaj Kulibalisë gjenden prova që provojnë se sulmi ka ndodhur, sulmuesi rrezikon deri në pesë vite heqje lirie.

Vendasit e filluan ndeshjen mjaft mirë, por nuk arritën të mbanin të njëjtin ritëm për 90 minuta. Pjesa e dytë foli vetëm për skuadrën nga Principata që gjeti golin e avantazhit në minutën e 68’ me anë të portugezit Roni Lopez.

Lojtarët e Nantës u hodhën të gjithë në sulm, në përpjekje për të barazuar rezultatin, por kjo u kushtoi rëndë, pasi Monako arriti t’i ndëshkonte dhe dy herë të tjera me dy kundërsulme “vrastare” që u finalizuan nga Jovetiç dhe Falkao. Në minutat e fundit të takimit, vendasit gjetën golin e nderit me anë të sulmuesit argjentinas Emiliano Sala.

Ranieri hyri në historinë e futbollit, duke udhëhequr Lesterin drejt titullit kampion vitin e shkuar, kundër të gjitha parashikimeve, aq sa triumfi i “Dhelprave” kuotohej 5000 në baste.

Megjithatë, në shkurt të këtij viti italiani u pushua nga puna, pasi Lesteri rrezikonte rënien nga Premier Ligë.

Tani Ranieri pason portugezin Serzhio Konseisao, pasi ish-mesfushori luzitan ka lënë Nantën për të marrë drejtimin e Portos, pas 6 muajsh të suksesshëm, duke e ngjitur Nantën në vendin e shtatë.

Ranieri ka drejtuar edhe Monakon në Francë, duke e ngjitur këtë skuadër në Ligën 1 në sezonin 2012-13 dhe duke e ngjitur në vendin e dytë në Ligën 1 në sezonin pasardhës.

Për Ranierin Nanta është ekipi i 17-të që drejton dhe në Itali nga klubet e mëdhenj i mungon në CV vetëm Milani.

Nanta e ka fituar 8 herë titullin në Francë, për herë të fundit në vitin 2001.