Nanta

Transferimi i Sala, asnjë qindarkë dhe tani Nanta rrezikon dënimin

Sport Ekspres — Wed, 17 Apr 2019 08:52:37 +0000

Emiliano Sala nuk jeton më, por për të ka “luftë” mes klubit të Kardifit dhe Nantës. Sulmuesi, i cili u nda nga jeta pas një aksidenti ajror, u ble nga uellsianët për rreth 15 milionë sterlina. Që në fillim klubi që garon në Premier League e bëri të qartë se kërkonte kohë për dalë me një qëndrim në lidhje me pagesën që duhet të bënte.

Përfundimisht ata e kanë ndarë vëmendjen dhe nuk kanë ndërmend të paguajnë. Kjo sepse sipas tyre Nanta ka shkelur rregullat e FIFA-s dhe kontrata që ata kishin nënshkruar konsiderohet e pavlefshme për shkak se nuk ishte regjistruar nga liga.

Në artikullin e publikuar nga The Telegraph, thuhet se Nanta nuk kishte bërë me dije se përgjegjës për transferimin e Sala ishte menaxheri Mark MëkKei. Kjo bie në kundërshtim me nenin 3 të Statutit të Lojtarit dhe Transferimeve, që thotë se “klubi duhet të informojë në lidhje me emrin e ndërmjetësit dhe komisionit të tij”. Kështu, Nanta rrezikon edhe të dënohet nga FIFA.

Pagesa për Sala, Dalman: Kardifi, klub i ndershëm! Ju lutem prisni!

Sport Ekspres — Wed, 13 Feb 2019 11:25:19 +0000

Nanta dhe Kardifi duhet të zgjidhin çështjen e transferimit të Emiliano Sala, i cili fatkeqësisht u nda nga jeta për shkak të një aksidenti ajror që pësoi gjatë fluturimit të tij nga Franca drejt Anglisë. Klubi i Ligue 1 pret që të përfitojë 15 milionë sterlinat në bazë të marrëveshjes mes palëve dhe klubi uellsian nuk e kundërshton diçka të tillë, por kërkon kohë që të sqarohen disa çështje në lidhje me kontratën.

Kreu i klubit të Kardifit, Mehmet Dalman, ka qenë i qartë: “Sigurisht, nëse jemi të detyruar me kontratë t’i paguajmë ata, do ta bëjmë diçka të tillë. Ne jemi një klub i nderuar. Por nëse nuk jemi të detyruar – dhe ka disa paqartësi në këtë çështje – atëherë sigurisht do të prisni që unë si kryetar i këtij klubi dhe mbrojtës i interesave të tij, të mbaj pozicion e klubit. Kjo është ajo çfarë po bëjmë”.

Dalman kërkon kohë që gjithçka të sqarohet dhe beson se do ta gjejnë gjuhën e përbashkët me Nantën. “Jemi ende në procesin e grumbullimit të informacionit dhe ky proces do vazhdojë. Dhe kur të arrijmë të sigurojmë nivelin e mjaftueshëm të informacionit, jam i sigurt që do të ulemi me Nantën dhe do t’i japim drejtim kësaj çështjeje.

“Nanta ka kërkuar paratë që beson se i takojnë. Ekziston një proces dhe ata e kanë nisur këtë proces”, shtoi ai. “Ajo që ne po themi është se nuk jemi pjesë e këtij procesi dhe nuk jemi dakord, për shkak të ngjarjeve të jashtëzakonshme dhe rrethanave tragjike. Ne nuk po lëshojmë deklarata pozitive apo negative. Ne thjesht po themi, që ju lutemi të kuptoni se ka shumë pyetje të cilat kanë nevojë për përgjigje. Kjo është ajo që po përpiqemi të bëjmë”, ka përfunduar kreu i klubit të Kardifit.

Ultimatum Kardifit, ja çfarë i bën FIFA nëse s’paguan për Sala

Sport Ekspres — Fri, 08 Feb 2019 08:41:29 +0000

Emiliano Sala i ka pikëlluar të gjithë tifozët e futbollit. Sulmuesi argjentinas vdiq në një aksident ajror dhe tashmë ka një luftë mes dy klubeve për paratë e transferimit. Nanta e shiti Sala te Kardifi për shumën e 17 milionë eurove, shifër rekord për klubin e Premier League.

Francezët kanë marrë fillimisht një këst prej 6 milionë eurosh dhe tani ka një “betejë” për pjesën tjetër të pagesës. Momentalisht Kardifi refuzon të paguajë, por mund t;i presë një dënim i rëndë nëse e bëjnë diccka të tillë.

“The Times” raporton se FIFA është fati t’i bllokojë merkaton klubit uellsian. Afati për të shlyer pagesën prej 11 milionë është 10 ditë. Nëse shkelet afati, atëherë pritet që Kardifi të dënohet nga qeveria e futbollit botëror.