Barrela mbushi arkën, Kaljari shpenzon 30 milionë euro

Sport Ekspres — Wed, 31 Jul 2019 13:08:39 +0000

Kaljarit regjistroi shitjen rekord të historisë së klubit duke pranuar ofertën 40 milionë eurosh të Interit për mesfushori Nikolo Barrela. Paratë e arkëtuara nga shitja e talentit vendas do të shpenzohen për të sjellë në ishull dy përforcime të bujshme për skuadrën ishullore.

I pari është uruguaiani Nahitan Nandez. Mesfushori i Boka Zhuniors pritet të mbërrinjë në Sardenjë në ditët në vazhdim. Dy klubet kanë gjetur marrëveshjen për shitjen e kartoni të 23-vjeçarit për 15 milionë euro.

Lojtari i dytë është francezi Greguar Defrel, për të cilin është arritur një akord me klubin e Romës, që do të përfitojë 15 milionë euro nga shitja e sulmuesit.

Fiorentina në krizë, merkato e janarit e çon te ylli i Boka Zhuniors

Sport Ekspres — Wed, 12 Dec 2018 20:34:52 +0000

Fiorentina nuk gjen fitore në Serie A prej tetë ndeshjesh. Në rast se ecuria e keqe vazhdon në fundjavë ndaj Empolit, nuk do të jetë aspak çudi sikur të vijë shkarkimi i trajnerit Silvio Pioli. Gjithsesi, përveç trajnerit të ri, drejtuesve të klubit toskan u duhet të mendojnë për të siguruar disa përforcime në merkaton e janarit.

Një ndër emrat e përfolur nga mediet italiane është ai i mesfushorit të Boka Zhuniors, Nahitan Nandez. Futbollisti uruguaian ishte një ndër lojtarët më të mirë të Bokës në finalen e trofeut Libertadores, ku dha një asist fantastik për golin që zhbllokoi sfidën, ndërsa në verë pati një paraqitje të mirë dhe në Botëror, ku përfaqësuesja e tij u eliminua nga Franca në çerekfinale.

Agjenti i lojtarit, Oskar Bentakur, është vënë në lëvizje për t’i siguruar lojtarit të tij kalimin në një klub elitar europian dhe Fiorentina duke më e interesuara për momentin. Që Nandez të veshë fanellën ngjyrë vjollcë, ekipi toskan duhet të derdhë 15 milionë euro në arkat e Boka Zhuniors për të aktivizuar klauzolën e largimit të lojtartit.